大本瀛日式放題

營業中

休息中

今日約咗朋友去旺角食飯，嚟度兆萬樓下，好多人派傳單，最後揀咗呢間，叫大本瀛！入到去坐得舒服，唔會太迫，開始叫野食，大件事，竟然寫紙仔，心唸咪會漏單，算啦入咗嚟，搏一搏啦，刺身正常以上，師傅有心機睇得出，攞盤好靚，數量足！冇雪氣，壽司🍣飯粒大小適中👏👏👏跟住叫熟食，有個姨姨既女人👩🏻推薦我哋食翠玉瓜，燒牛脷，羊架！真係冇介紹錯，不過佢就比較大聲，不過都好有禮貌！飯後就仲有甜品🍧最後總結冇漏單抵讚👍👍食物味道👅中上！題外話，本身唔係食呢間，因為收傳單見另外兩間價錢比較平就去咗樓下，原來個傳單同真實價錢相差好遠！唯有呢張傳單有價錢表比較老實就揀咗呢間，好彩冇揀錯！非常推薦大家去試吓😋😋😋😁💪🏻非試食

位於旺角的兆萬中心食肆林立，一直都有劣食之塔之稱。今日再次向塔頂挑戰，估唔到搵到間質素唔錯嘅放題。這裡仍沿用以往放題的點餐形式-點餐紙，啲感覺真系返曬嚟😂。值得一贊，餐廳職員非常貼心，入座後會向你建議先吃刺身壽司類，刺身並盤盤上菜後也會主動詢問需不需要幫忙拍照。上菜快速又無漏單，也多次主動換碟，也非常有禮，服務態度真系一百分。

刺身類
質素非常不錯，三文魚、油甘魚夠肥美。赤蝦大大只很多蝦膏，其他刺身如甜蝦、珍寶帶子、鮑片、希靈魚、北寄貝、馬刀貝也很新鮮無雪味。特別是泰式生蝦 ，醬汁和泰菜店吃到的一樣，忍不住encore了兩次。

黑松露劍魚腩壽司和黑松露珍實帶子壽司中的黑松露給得很大方，非常有誠意。
熟食和炸物全部都幾好食，熟食方面我推介羊架、牛舌和放題必食的芝麻雞翼，另外炒通菜也很好吃。
我們離開後才在入口處發現雪糕櫃，職員也很貼心提我們記得食埋雪糕先，比我哋一人拎一枝雪糕走。這間放題性價比真的很高，2人才500幾蚊，而且服務非常有禮，整個用餐體驗真的很好👍🏻。


真心推介餐廳👍之前經朋友介紹呢間餐廳（大本瀛），食物款式超多，有刺身，壽司🍣，燒物，炸物，串燒，天婦羅🍤，火鍋🍲，仲有泰國菜，😋大量甜品🍮，雪糕！任君選擇😍😍午市都有放題🤩🤩 3小時任飲任食，都係二百幾蚊，性價比超高。所以我同朋友選擇左午市來食放題。可以慢慢食，地方又闊落，可以同朋友慢慢吹吓水🤪🤪食下野，呢度絕對係一個唔錯嘅選擇！😎（總結）食物質素非常滿意，員工服務100分，非常有禮貌，上菜速度超快，經常幫我哋換碟。

利申先，我唔係打手，純粹講反句公道說話！今日同個姐妹慶生，揀佐食放題！來到呢間大本瀛！我哋一次過叫哂刺身壽司天婦羅炸物同串燒，刺身出得足，沒扣單，點幾多出幾多，完全沒漏單！期間拎汽水，有個職員幫我地開埋，又放低埋飲管，到我飲完，我冇叫，會幫我再拎，好貼心！最後我哋叫埋單，突然播起生日歌！送咗個木槺蛋糕俾我哋，🎂🎂🎂仲話「睇見你送禮物，餐廳送的」！呢度啲員工每一個都好鍋心❤️！期間有個好似經理既人走過嚟，講佐個佢哋比人抹黑，所以我決定幫呢間放題大平反！員工水準有禮貌，食物有水準，值得一試！

是咁的，本來想食放題朋友介紹我哋依間，但係見OpenRice好多負評其實有啲淆淆地，不過個friend話信佢啦，所以就試咗，點知原來冇講到咁差，反而有驚喜🤩嚟到嗰日人多，門口個哥哥安排咗張四人枱俾我同個friend先點刺身刺身足數嘅，都夠凍都算幾新鮮。啲三文魚厚薄都合理，帶子大大粒。壽司方面，啲飯唔算好大嚿，可以一口食得晒，款式都多。其他熟食方面，我覺得焗蠔同帆立貝都唔錯，另外啲小炒全部熱辣辣應該唔係整定嘅。啲泰國嘢都唔差，都幾有風味，個冬陰功可以encore👍整體嚟講，其實我覺得呢個價錢算係咁。好過樓上樓下之前食過升級完之後唔知食咗啲咩落肚🤮🤮瀨晒嘢🥹

【🍣🍤大本瀛日式放題｜放題回憶剎🌀】相信大家都會有屬於自己的放題回憶，以前讀書年代好流行與一大班朋友過時過節一齊食放題，三文魚刺身可以剔到30片，好熱鬧好開心，就好似開Party咁！人大了，朋友各有各忙，食物要求又開始刁鑽，有部分轉食素，有部分晚上要輕食，約放題就越嚟越少。今次我就與朋友重溫放題嘅經典，嚟到旺角嘅放題集中地兆萬中心，仲仍然用緊剔剔紙，鍾意食咩自己剔，刺身船一出就興奮，泰式熟食，日韓雪條，另一個吸引係炸榴槤波波，過足口癮，另外驚喜係飲品種類有唔少紙包飲品，朋友飲咗四包朱奶😂，我都飲到兩罐清涼爽🤪。

呢間餐廳係我食過最滿足嘅放題，今日同女朋友行兆萬中心聽到人講10樓唔錯，就入黎試吓，—入門就有人招待我們入坐，首先—定叫個刺身先啦，估唔到個刺身拼盤咁靚，影相都影咗10分鐘📸，重要有我最鍾意嘅三文魚腩😋厚度適中鮮味十足，連油甘魚係我食過最新鮮嘅，嚟到又唔會話數量少咗。壽司部份有個最鍾意食嘅劍魚腩壽司，啲飯仲係熱，醋味十足👍🏻，見到有三文魚籽軍艦😳嗱嗱臨同女朋友叫多幾件嚟食👍🏻👍🏻，燒物仲有海蝦，羊架全部都係我鍾意食嘅，翠玉瓜燒得剛剛好😋，食到差唔多，佢仲會遞埋啲雪糕比你🍦，以服務嚟講真係未見過好似呢間感，以呢個價錢有咁嘅食物同服務質素真係好少見，最後抱住個肚走真心滿足🥰

無伏仲好有驚喜！$258 任食2小時，13張菜單有刺身、火鍋、天婦羅、串燒等等，每寫好一張，店員立刻收走下單，好似驚我餓暈咁😂😂😂店員好nice，上菜時會叫我小心熱/趁熱食每個店員的態度都好到101分，仲會主動幫慶祝生日既人影相食物方面刺身不會未溶雪，好新鮮！而且有赤蝦！咁我唔食甜蝦了🤣叫了幾轉，刺身既新鮮度/厚度都相同，抵讚既熱食料理居然都不錯，上菜時一定熱辣辣其中特別鍾意飛天通菜，夠新鮮辣酒煮螺唔會水汪汪無味道炒蜆都夠惹味特別推薦鹽燒大蝦🥹❤️食咗幾隻，基本上都彈牙又夠大真係燒得幾香冬陰功湯有大蝦好惹味小食炸物都唔錯榴槤炸彈同芝士年糕冇得挑剔食過幾間放題，佢哋算整得最好

早兩星期已訂定位安排今次慶生日飯。初時還怕空間很窄。經店員悉心安排下，一行11人坐得非常舒適。進餐期間，店員不時替我們更换食物碟。到尾聱，店員更端上生日蛋糕。各人均對食物及店員態度非常滿意，超讚食物推介天婦羅，炸物，夠熱，脆甜品桃膠不太甜，適中日式放題又有火煱選擇，款式比同類型日式放題店多。店員態度熱誠，值得一讚

借住呢篇文章，一定要同大家講聲！呢間餐廳嘅店員態度「非常冇禮貌」特別係身穿深藍色恤衫戴眼鏡男同事！呢位同事，非常冇禮貌！入座坐低嘅時候！我哋詢問職員幾錢一位？佢話！門口有價錢牌自己睇！我哋都算。自己行出去，睇完就返去坐低！特別係上菜嘅時候！佢哋並唔係放落你枱面而係掉落你枱面！啲醬汁彈到周圍都係！好彩嗰日我哋幾個都係着深色衫！如果唔係真係唔知點算！而且呢間餐廳並沒有主動幫人換碟！剩係得自己幫自己換埋單嘅時候，淨係會掉張單落枱面！絕對唔會再光臨呢一間餐廳！亦都會推薦身邊嘅朋友，唔好去！

趁着復活節假期㴝臨之前，諗住同朋友踩點！試吓睇吓有邊間餐廳好食到時成班朋友一齊去！點知就比呢間餐廳網上食評欺騙左！刺身方面嚴重漏單！特別係甜蝦同埋三文魚點10件， 淨係會嚟4件熟食方面！羊架同埋燒海蝦，由頭到尾淨係上左一轉！仲要每樣得兩隻！向店員查詢！佢哋都淨係講。食物製作需時等多一等！食物hold單非常之嚴重！甜品方面，就正正常常！有少量糖水，可以選擇！但整體來講體驗都係比較差！食物方面比較大出入！建議公司應該調整先！

難得成班朋友聚會！打算去間日式放題聚一聚！打電話訂座查詢！職員表示可以冇時間限制！而且可以俾個梳化卡位我哋！點知我哋去到！佢哋安排咗中間嘅位俾我哋前面後面側邊都坐左人！非常嘈吵！到我詢問店員！是否有唔限時間！店員並沒有回覆我！到了一個半小時後自動截單，而且食物上菜速度非常慢！嚴重拖單！食物質素普通！刺身是常溫的！🥹🥹而且炸物上枱嘅時候已經林晒！食物並沒有提供相應數量！而且雪糕種類只有雀巢雪糕！呢餐飯並沒有良好嘅體驗！建議聚會，不要去這一間餐廳！

經過今次嘅經歷，應該係我最後一餐會光顧的一間放題，曾經係熟客嘅我，感受到咩叫唔熟唔食🥰第一:價錢調整冇通知我，入座唔講清楚價錢，訂座明明同我說係$268 ，到結帳時才發現係要$350第二:員工衛生情況欠佳，多名員工傷風感冒照返工，又唔戴口罩，我的刺身一件都冇食過就係因為咁嘅原因，對住我盤刺身咳，你哋員工都係人我了解，但是最起碼都帶個口罩掛第三:我坐的位置隔離就是放垃圾的，用餐途中不斷傳來臭味 ，同一個貌似老闆嘅男子開聲話上轉枱，得到嘅回覆係叫我等等，到最後食飽都未轉到枱😓雖然嘢食味道普普通通，又未去到劣食，但衛生情況真係差到一個點，在香港食飯我從未試過這樣。 到最後值得一讚係廚房的姐姐，不停會為我跟進食物

經過兆萬發現呢間人氣好高，所以決定一試，加上樓下派傳單果位哥哥仔，重同我哋講$250有找，見到幾優惠，所以咪試吓佢。上到去發現門口都正正常常裝修都還可以，所以本人對此餐廳都信心滿滿，坐低店員都會為我哋推介佢哋嘅招牌嘢食，同埋都會教我哋落單服務方面幾好，但點知原來係惡夢嘅開始，刺身三文魚係暖嘅，其他正正常常，但係帶子係成粒都係冰黎既，爭啲連隻牙都俾埋佢😮‍💨吉列炸蠔:炸得太燶，燶到食落口都係苦嘅🫠芝麻雞翼:同其他放題嘅味道相差太遠了，完全淡而無味🤮其他都中規中矩，但係佢同事推介俾我嘅羊價，原來係當晚係沽清嘅😡飲品甜品方面，款式不夠多同埋不夠齊到最後埋單都要每個人$330左右同樓下派傳單嗰個哥哥仔講嘅相差太遠了我唔介意俾多少少去食餐放題但我好介意被人欺騙嘅感覺😞到最後因為趕時間我都費事同佢哋去爭論落去😡對呢間餐廳最大嘅懲罰就係以後唔會去幫襯😡希望依篇食評可以警惕下大家🙏

真心覺得服務水準超越5星，絕對唔係打手，仲係工作十分忙碌。都忍唔住要上網讚。食物水準，其實比正常放題高。因為服務態度超曬班，令人覺得食物水準一般1️⃣炸野有諗到係熱辣辣，2️⃣火鍋又會等客人食曬生野先上，夠細心❤️同朋友慶祝生日，如果想開開心心食一餐，絕對唔會令人失望，訂位果個都威🤭🤭