207
24
8
港鐵油麻地站 A2 出口, 步行約4分鐘 繼續閱讀
電話號碼
36187488
營業時間
今日營業
12:00 - 20:30
星期一至日
12:00 - 20:30
公眾假期
12:00 - 20:30
公眾假期前夕
12:00 - 20:30
付款方式
Visa Master AlipayHK 支付寶 現金
其他資料
支持防疫 詳細介紹
Wi-Fi
酒精飲品
電話訂座
外賣服務
加一服務費
當面支付
食評 (277)
等級4 2020-05-31
2033 瀏覽
旺角黃既日本料理有唔少,其中打對面兩間丼飯都好抵食好吸引,平日夜晚黎到要等個半鐘先有得食 諗住分散投資下,不過見間間都咁好生意💛 變相行左陣街就返黎最想試既大勝丼,發現真係好值得等小店既裝修好講究,就算有文宣都唔係求其痴,其中open kitchen bar幅牆真係整得好靚 十一個月黎都不忘五大訴求,提醒大家初心不變,仲有就係手足會拖住手一齊行落去。每個丼飯會送麵豉湯同埋雪米糍做甜品,飲碗熱湯先食凍冰冰既刺身,簡單得黎又貼心。呢度既小食有好多選擇,其中炸蠔最吸引我地。$58估唔到有五大隻咁多,炸得香脆乾身,而且唔係放題好厚炸粉果種,呢個咬落去好多汁鮮味今晚三文魚腩同油甘魚腩賣哂,唔係腩既部位無咁肥美,但都新鮮。友人要左三文魚、劍魚腩、海腩同埋蔥花吞拿魚蓉。我就要左蔥花吞拿魚蓉、帆立貝同油甘魚。丼飯仲可以揀白米或赤米(醬油醋),不過我地都係簡單要左白飯。我地分享完之後變得非常豐富,咩都可以試下。 非常欣賞呢度既海膽,其貌不揚,但十分鮮甜、口感嫩滑,仲可以用紫菜包住黎食添。蔥花吞拿魚蓉望落無乜油脂,但食落去好香好滑,每次食丼飯我都一定會揀,令到每口飯都好滿足 熱辣辣既天氣最希望有涼浸浸既刺身丼🤤係荒謬既社會入面最渴求既係公義😢五大訴求係店內貼左11個月,希望我地都可以見到大勝之日 繼續閱讀
(以上食評乃用戶個人意見 , 並不代表OpenRice之觀點。)
等級1 2020-07-06
0 瀏覽
第一次忍唔住寫食評。見係黃店又多正評,所以去咗幫襯。午飯時間一點幾入店,帶位樓面兼收銀只有一位姐姐,人手好唔夠,好彩當時食客唔多,佢都尚算應付到。但話晒疫情期間,樓面姐姐個口罩竟然只係一件裝飾品,由我入店到出店,佢個口罩都係箍喺下巴,完全零意識要戴好個口罩,反而唔使接觸客人嘅廚房哥哥就有戴好口罩。一坐底就上麪豉湯同麥茶,但因為一早「畢」定,碗湯只係微溫,湯料其實好足,同日本地道嘅麪豉湯非常似,唔係熱辣辣飲真係有啲嘥。點完自選魚生丼,等咗5-10分鐘左右就有得食,但因為想打埋鋪機先,所以上菜時只係瞄一瞄碗飯。打完機一準備食嘢,竟然發現樓面姐姐啱啱放低嘅魚形豉油碟入面,有隻大約1 cm長、腹部向天嘅曱甴,於是即刻叫樓面姐姐換碟。雖然佢有話「唔好意思」,但換第二隻碟仔都係有漬,惟有自己搵紙巾濕啲茶抹下就算。食物份量唔算多,不過魚生都幾新鮮肥美,劍魚腩夠厚又鮮甜。出得街食,眼唔見為乾淨,但見到有幾污糟就真係大打折扣,而且附近都有其他店有自選魚生丼食,店員又注意衛生,仲要平啲㖭,所以呢間應該冇下次嚕。 繼續閱讀
(以上食評乃用戶個人意見 , 並不代表OpenRice之觀點。)
等級3 2020-07-05
91 瀏覽
呢間好出名既魚生飯想試好耐。今次終於黎到試,由於我哋冇訂枱。七點上去攞位都需要等15分鐘先可以入去。好彩門口有兩張凳坐下。今次一個魚生飯叫咗套餐,試一試佢嘅湯同前菜。湯係普通嘅麵豉湯,以前菜似係中華沙律同蟹子沙律。非常普通,試下就夠。而魚生飯今次揀咗嘅魚生刺身係海膽,左口魚,帆立貝,蟹子,赤貝同穴子。海膽有驚喜,唔苦有好鮮既海膽味。左口魚都香滑好食,其他刺生都唔錯,用料新鮮。白醋飯調味調得啱啱好。好值得試試,但最好訂檯先 繼續閱讀
(以上食評乃用戶個人意見 , 並不代表OpenRice之觀點。)
等級2 2020-07-03
118 瀏覽
係旺角想食又平又正魚生飯當然係去大勝丼啦,雖然好多人排隊,但價錢平又高質好食既無幾多間,值得排隊食當日去到都係好多人排隊,但因為每枱限食一個鐘,所以比想像中快可以入坐。服務方面顯然佢地人手係唔夠既,見到侍應們都做到無停手,不過服務態度依然keep 到水準,落單同態度都好好我同女友就叫左吞拿魚腩角切魚生飯同角切魚生便當諗左好耐叫唔叫自選魚生飯,因為價錢其實同叫角切魚生飯差唔多,最後因為想食一粒粒既魚生所以無叫到如果鐘意成塊食既朋友其實叫自選魚生都係唔錯既選擇味道方面,份量同鮮味都十足角切魚生飯既魚生種類多而且份量都多,啖啖都有魚生食,而且魚生都好新鮮質感好厚,食落有滿足感最後埋單兩人加埋279蚊,價錢適中,份量算多,想食魚生飯既朋友行過可以一試,不過記得早d 去,因為真係好多人 繼續閱讀
(以上食評乃用戶個人意見 , 並不代表OpenRice之觀點。)
等級4 2020-06-20
289 瀏覽
大勝丼係我嘅飯堂😝😝一個月總會有幾日同朋友食幾次😚😚主要因為用了新鮮價錢合理今次我又做咗貪心的小狗叫咗四樣餸自選丼飯😍😍😍今次叫咗蟹膏,辣味三文魚,吞拿魚茸碎,仲有左口魚邊,全部都係撈飯首選,平時好少食飯嘅我,今日成碗飯食晒蟹膏10分鮮味,少少鹹所以撈飯一流左口魚邊會係火炙過先上,淡淡油香入口即溶正!辣味三文魚,純粹我覺得好抵食撈飯一流味道都唔錯但唔係好辣吞拿魚茸碎又係必點!全部材料都係用嚟撈飯好難唔成飯食晒,要食記得早啲嚟因為要排長龍🤓🤓平時一至日午餐三點前係會有八八折優惠㗎😍😍 繼續閱讀
(以上食評乃用戶個人意見 , 並不代表OpenRice之觀點。)