167
34
8
港鐵大圍站 A 出口, 步行約4分鐘 繼續閱讀
所有分店 (1)
電話號碼
55484270
開飯介紹
主打賣相討好的紫薯及抹茶甜品,如紫薯窩夫、抹茶affogato及芭菲等。 繼續閱讀
營業時間
今日營業
11:00 - 01:00
星期一至五
12:00 - 00:00
星期六至日
11:00 - 01:00
*最後落單為營業時間結束前1小時
付款方式
AlipayHK 支付寶 現金 Payme
座位數目
60
其他資料
Wi-Fi
酒精飲品
支持減塑 詳細介紹
泊車
外賣服務
加一服務費
Live Music
當面支付
食評 (254)
等級1 2020-07-12
85 瀏覽
由西環開到黎大圍,再見到原來西環果個已經執左,要食夏雪就只可以係大圍食到喇。夏雪一直sell嘅係佢嘅窩夫,一入門口,我地就已經聞到好大陣窩夫味,令人食慾大增。今日一行兩人都唔係好餓,就叫左兩個野食,一咸一甜。咸食好好味,窩夫有一貫水準,另外啲大茄都好好食,食落都好juicy,而且係bite size,唔駛再切。驚喜嘅係個「焗薯」,佢同我地想像中有進入,食落有啲似ikea個芝士蔬菜薯餅,但我覺得呢個仲好食啲。其他野都係正常發揮。甜方面,我地冇叫平時常食一整份嘅窩夫,呢個窩夫似係平時半份咁。原先我以為佢會好似店入面嘅芝麻、綠茶、咖啡窩夫咁,係個窩夫本身就係雜莓味,但原來係原味窩夫加啲雜莓係上面。但佢個雲呢拿味雪糕係好食嘅,食得出唔係cheap cheap個種。我地仲叫左兩杯野飲,但唔記得影相,而且我覺得夏雪啲野飲係一般般。總括黎講,我覺得如果大家想特別啲,大家就要叫啲非原味嘅窩夫。 繼續閱讀
(以上食評乃用戶個人意見 , 並不代表OpenRice之觀點。)
等級1 2020-07-04
98 瀏覽
第一次黎,為咗紫薯心太軟而黎;入店時即刻問有冇紫薯心太軟,惡劣服務員話有,叫我喺度等等,我即時停低企喺度等等;跟手佢即刻隊個menu黎,我接咗,點知就有個細menu跌落地,跌落隻腳度,鬼死咁痛;原來惡劣服務員將兩個大既大約A4 size既menu擺喺面,然後個細既大約得A4 Size 既1/3既細menu擺喺底🙄鬼睇到你下個仲有個細menu咩🙄隊俾人嗰陣又隊得衰,咁咪跌囉~🙄呢一下都仲未嬲,當佢冇心;咁個menu跌落地,惡劣服務員去執,我梗係企開少少讓俾佢執啦!跟住咪企定定等佢量體溫囉~量完我之後,惡劣服務員竟然無啦啦發惡鬧我指住我左手邊:「企喺呢度呀!」因為佢量唔到企喺我後面既男朋友!我即刻勁嬲!😡我男朋友超級好脾氣既人都反佢白眼覺得佢態度好有問題!🙄首先,如果佢想人地企喺特定某個位置,佢可以指示清晰、說話清楚咁表達叫人要企喺邊個位置,而唔係就咁一句叫人企喺度等等!其次,佢可以態度平和咁講野,叫我讓開俾佢去量我男朋友體溫,而唔係發惡咁鬧客!一入黎呢間野就因為啲垃圾服務態度勁反感!啲野食再好食都無用!平心而論,紫薯心太軟味道係ok,再配埋豆腐雪糕、真紫薯窩夫、哈密瓜呢個配搭係唔錯!紫薯熱鮮奶都ok!老闆,如果你睇到呢篇comment,麻煩你好好訓示下你呢位員工:佢係電曲既短頭髮+冇戴眼鏡+黑Tee似員工制服+黑色長褲側邊有橙色三間+黑色波鞋+左手戴黑色錶。崗位係樓面:負責帶位、收銀、偶爾傳菜。Btw,有另一個戴眼鏡既男服務員態度好好,唔希望一竹竿打一船人! 繼續閱讀
(以上食評乃用戶個人意見 , 並不代表OpenRice之觀點。)
等級2 2020-06-27
121 瀏覽
·呢間嘅waffle真係好好食,外脆內軟🥺💛雖然呢份嘅價錢比較貴,不過佢有心太軟,朱古力雪糕,仲有兩塊waffle其實都差唔多等於出面嘅兩份甜品🤣兩個人share就啱啱好~·魔鬼窩夫 $108———不專業評分💯食物指數🍴: 💛💛💛💛🤍環境指數⛱: 💛💛💛🤍🤍抵食指數🤑: 💛💛💛💛🤍推薦指數👾: 💛💛💛💛🤍———📍夏雪(大圍)大圍積富街31號益富閣地下3號舖💛罷市、店內張貼文宣——— 繼續閱讀
(以上食評乃用戶個人意見 , 並不代表OpenRice之觀點。)
等級3 2020-06-21
201 瀏覽
大圍收收埋埋唔少黃店,今次去嘅甜品舖係西環打響名堂,果時一直想試但又懶得過海,拖左幾年終於食到。一入門口就見到墻上有大大隻連豬,佢地多次罷工又撐醫護同黃媒,難怪下午茶時間去都要等位,原本打算叫一客窩夫同兩杯飲品,店員就推薦半份窩夫嘅tea set,因為可用半價加配飲品,平左又可試多隻味,一舉兩得。綠茶窩夫(半份):話明係綠茶而唔係抹茶所以對本身無咩期望,食落又比想像中好,雪糕奶味同茶味各佔一半,又唔係好假果啲帶花香或煙燻嘅味道,以綠茶甜品黎講算唔錯!夏雪嘅窩夫係有麻糬餡嘅所以特別好食,外脆内煙韌,面頭灑滿綠茶粉同糖霜,配黃豆粉蕨餅同紅豆蓉,蕨餅有咬口,紅豆蓉就甜左少少。紫薯窩夫(半份):呢款配豆腐雪糕,豆腐味幾出,仲有粒小番薯同一大片哈密瓜,無浸糖水,清甜解膩。窩夫即叫即整,熱辣辣有蛋香,但當日呢個甜品有少少意外,紫薯餡有酸味,同店員反映後佢地即刻表示可以換款或取消,我地太飽揀左後者,到埋單果陣發現佢地連跟餐飲品都無收錢,我地一心黎支持黃店,話想比返飲品錢佢地都唔收,唯有下次再黎懲罰啦。黑芝麻latte:面頭打左層奶泡,味道濃郁,食到一粒粒芝麻碎,唔甜,推薦。.焙茶latte:呢杯無咁杰身,同樣有層奶泡喺面,有焙茶味用加左糖嘅茶粉沖所以個底比較甜,食完雪糕後再飲又覺得甜度可以接受。 繼續閱讀
(以上食評乃用戶個人意見 , 並不代表OpenRice之觀點。)
等級3 2020-06-20
94 瀏覽
夏雪有多款甜品供應,花多眼亂,雪糕要揀,醬汁要揀,甚麼味的窩夫要揀,最後選擇了雜果草莓醬朱古力窩夫,冷熱交融,好味。綠茶心太軟,日式班戟,綠茶雪糕,紅豆,小丸子及蕨餅,包羅萬有,呢個適合同朋友一齊分享。一個人食應該會好膩,還有一杯茶,飲完都猜不到是甚麼味,清清的味道,只肯定不是綠茶。 繼續閱讀
(以上食評乃用戶個人意見 , 並不代表OpenRice之觀點。)