573
7
1
港鐵油麻地站 A1 出口, 步行約3分鐘 繼續閱讀
電話號碼
27661378
營業時間
今日營業
18:00 - 03:00
星期一至日
18:00 - 03:00
付款方式
Visa Master AlipayHK 支付寶 現金 銀聯
座位數目
80
其他資料
Wi-Fi
深夜營業
酒精飲品
自帶酒水
電話訂座
加一服務費
電視播放
球賽直播
當面支付
食評 (589)
等級4 2020-06-18
664 瀏覽
自從疫情之後就無食過火鍋,而家疫情緩和左當然要約朋友一齊打邊爐啦,更何況喜鍋店鋪位置方便,距離油麻地地鐵站5分鐘既路程。當日我地去得比較早,所以唔洗等就有位坐了。入座時店鋪亦好細心咁準備左口罩套比食客。由於同朋友想食唔同既鍋底,所以叫左個鴛鴦鍋,經典莞西皮蛋同埋沙爹湯底,沙爹湯底超濃超正,唔似其他火鍋店溝水,非常足料。話説叫完之後先見到魚湯海鮮鍋既相,本身個湯底已經附送好多海鮮,而且都只係$228,瞬間覺得自己蠢左,哈哈。火鍋食材選擇衆多,而且d料非常新鮮,其實食火鍋食材新鮮已經贏左一大半。水魷魚幫你切好曬,食洛鮮甜嫩滑。黑豚肉净係個色水已經好靚,食落入口即溶。另外個蟹子墨魚油炸鬼非常特別,係油炸鬼入面加入墨魚,再係面頭灑上蟹子,口感豐富過普通油炸鬼好多。我地2個人一共叫左6樣野,但已經非常飽,因爲每碟都好大碟。再加上而家有全單8.8折優惠,所以真係非常抵。 繼續閱讀
(以上食評乃用戶個人意見 , 並不代表OpenRice之觀點。)
已經唔係第一次去,返轉頭系因無論服務/食質素都系無得輸!咩生意吸引到回頭客?絕對系有質素食店!所以為慶祝朋友生日飯特登過去打邊爐最講究系湯底,第二就系食材,如果湯底好味基本上火鍋食材放落去都已經好好味,湯底最常見:重口味系列/滋補系列,而呢間最俘虜我心嘅系佢哋招牌花膠鯊魚骨膠原湯鍋!招牌花膠鯊魚骨膠原湯鍋(送炸米)先講湯底好清嘅鯊魚骨味,湯一滾伙記都提飲咗啖湯先,湯底入口已帶粘性,好暖身感覺,對正晒女人口味想打邊爐又唔想搞到自己太熱氣,而打邊爐熱唔熱氣都關個湯底,正如叫鍋麻辣湯底都已經唔同晒啦個湯底滾咗後幾時想食泡米,就隨自己心意加入碗到,千祈唔好一下就倒落個鍋到,泡飯都變煲粥!而呢到俾嘅泡米都系炸過,所以連湯食系食到脆感,有啲痴牙,有牙簽響到一切都小問題,原本個湯底就已經好正,配泡飯更系多種食法👉🏻大連鮑魚$38隻38蚊隻嘅大連鮑魚唔細隻,都有兩格手指長,上枱嘅鮑魚已系離咗榖,而且飽魚都系活生生識郁!建議滾2分鐘左右就夠,唔好過龍入口爽口煙韌,食到鮮鮑嘅味記,洗刷得都乾淨,冇食到沙嘅口感,建議一半入口就咁品嘗,而另一啖你可以沾自己調味的汁醬再試👉🏻元貝$38隻$38數隻抵呀!原本想叫蟶子,今日估清,所以叫咗元貝喇,元貝滾到離榖就食得,系最啱啱好,真系食到d肉可以系一條條好似榣柱紋路咁,而帶少量爽口,呢啖唔配任何醬料絕對系最鮮,食到略帶海鮮鮮味,湯底襯托得唔錯👉🏻涼拌麻辣豬耳呢味有別於出面食到嘅麻辣味,鹹味教重,類似滷水過再加麻辣醬料涼拌的味道,豬耳「索索」隻勁爽口,朋友同我覺得都還可以,唔會過辣,如果唔食得辣嘅都可以接受👉🏻雪花美國肥牛照上次叫番雪花肥牛,上次食完就已經成日念念不忘曾經出面食過肥牛都可以冇牛味,個問題一系解凍唔夠/一系雪太耐,而呢到嘅牛系好重牛味!似似哋食過嘅黑安格斯牛肉味!不過奇怪佢只系美國肥牛都有咁嘅味道👉🏻蟹子墨魚滑蟹子墨魚滑系手打,好多蟹子粒擺咗系面頭,一定要撈勻先好落鍋,撈嘅時候都feel到好軟而實,落鍋隔咗陣都好快熟,食落系魚旦種彈牙,d蝦子咬到時系卜卜爽感,食得出墨魚鮮味,鐘意墨魚滑嘅要試👉🏻青檸柚子職員推薦咗款新調製嘅青檸柚子飲品,一點就系一渣,啱2-3個人份量問過口味上,朋友同我覺得過甜,帶少量酸味系幾清新,如果唔啱飲甜嘢未必啱?都唔系嘅,加冰飲用嘅話系可以好正整體環境坐位闊落,落咗隔板,枱面同餐具都冇痴立立,連茶幾位置擺放整齊同冇見污漬,心入面偷偷加分好鐘意員工嘅態度,基本嘅提供好口罩袋、取毒搓手液、量體溫外,親切咗顧及食客口味、提供食用建議,呢啲都系食物以外嘅體驗! 繼續閱讀
(以上食評乃用戶個人意見 , 並不代表OpenRice之觀點。)
等級4 2020-04-17
1389 瀏覽
今日放工突然好想打邊爐,係網上搵到呢間火鍋店就係公司附近,所以就黎試試。餐廳門外貼住只要係facebook分享專頁就可以享有全單八折,都幾抵。餐廳座位不算很多,由於疫情關係,每枱都有一定的距離,所以大家都食得安心。餐牌上都有多款不同的鍋底和火鍋配料可以選擇。我們揀了這間店的人氣鍋底,花膠鯊魚骨膠原鍋,這個鍋材料十足,有鯊魚骨、花膠、豬骨、雞骨,花膠口感爽口,而且份量好多。湯底好清甜,落火鍋配料之前飲一碗,十分養顏。呢個鍋仲有一小桶泡飯送,泡飯脆卜卜,連埋湯一齊食味道十足。炸魚皮,冇諗過炸魚皮份量咁多,有一大籃,魚皮鹽份很夠,大塊又脆口,再湯內稍稍浸一浸,仍然保持口感和味道。午餐肉,每次食港式邊爐必點,午餐肉吸收了湯的味道,十分惹味。鮮淮山,近排打邊爐都會叫,淮山只要唔煮得太耐,就唔會變到好冧,而且是爽口的,口感豐富。至尊手切本地牛頸脊,牛肉厚薄適中,牛肉味都幾重,肉質唔會太鞋口。另外只要係facebook簽到就會送飲品,而今次送的是柚子檸蜜,清清地,很潤口。 繼續閱讀
(以上食評乃用戶個人意見 , 並不代表OpenRice之觀點。)
等級4 2020-04-11
1038 瀏覽
都有一段時間沒有打邊爐了,今天剛剛在旺角行街,又唔想回家吃飯,所以來到這間位於旺角與油麻地之間的火鍋店!由於疲情關係,餐廳也未能接太多的客人,而且每位客人進入餐廳時也要量體溫和搓手!現在只要分享餐廳的facebook專頁便可享有8折優惠。花膠鯊魚骨膠原鍋,這個湯底很清甜,鍋內除了有大量花膠,還有雞腳、豬骨、鯊魚骨等,全部也是有非常多骨膠原的。花膠爽口,食落也粘粘的,很有骨膠原感。除這個鍋還附有甘香泡飯,泡飯是脆卜卜飯焦,飯焦浸於湯中,還是很脆口,十分有口感。蟹籽墨魚滑油炸鬼,這款油炸鬼即叫即製,油炸鬼非常脆口,墨魚滑爽口彈牙,墨魚滑上還有大量蟹籽,口感十足,再配上酸甜醬,令味道更惹味!至尊手切本地牛頸脊(小),這款牛頸脊都幾肥美,牛肉味濃,肉質頗鬆軟。皇帝菜,打邊爐又怎能少了蔬菜,由於湯底鮮甜,皇帝菜稍稍淥一淥,味道清甜!這裡的食物都幾新鮮,值得再來! 繼續閱讀
(以上食評乃用戶個人意見 , 並不代表OpenRice之觀點。)
等級4 2020-03-30
811 瀏覽
自從疫情發生,去吃火鍋的人少了,喜歡火鍋的我和男友就趁機去吃。旺角火鍋店有很多,經過喜鍋這小店,被門外介紹的湯底吸引。甫進內就受到熱情的招待,先用酒精搓手液,又提供小紙袋裝口罩。牆上有老香港的圖,也展示了不同的優惠。先混個自己想要的火鍋醬汁吧!老闆非常推薦魚湯海鮮鍋,我和男友覺得鍋內有海鮮就可以點少些配料,就同意了~魚湯是透乳白色的,未見海鮮,先看到蘿蔔,大葱和冬菇。怎知一撈,就撈到好多海鮮啦!湯滾後當然先來一碗,味道清甜中帶鮮味,沒有味精可多喝幾碗。然後就要先吃掉海鮮。蜆的份量其實比這裡多,肉又大粒又沒有沙,有甜味;扇貝清甜肉厚也不錯。海蝦有半打,每隻都肥美多肉,每咬一口都爽口彈牙,鮮味十足,好甜!蟹的話,完全讓我倆驚訝了!一打開蟹蓋就看到超多蝦膏,多到腳的部份都滿了。腳的肉嫩滑香甜又多汁,需要慢慢品嚐。近距離看看這澎湃的蟹膏,完全是蟹的精華!creamy的口感,濃郁的鮮味,停留在日中歷久不散。吃完海鮮再加了兩份配菜,先來我倆喜愛的牛肉,霜降手切肥牛粒。鮮紅色的肉雪花分佈平均,看起來好美。滾一會就熟了,肉質柔軟嫩滑,充滿肉汁,入口甘香,牛肉味又重,正!最後來一個很特別的唧唧墨汁魚麵,又有得玩又有得食。黑色的粗身魚蓉從袋口擠出來,中問會有白色粒粒墨魚肉,味道甜,煙靱有咬口之餘又有爽脆感,口感豐富。這餐吃的所有食材全都是靚料,海鮮和牛肉都很新鮮,該鮮的鮮,該甜的甜,好抵食! 繼續閱讀
(以上食評乃用戶個人意見 , 並不代表OpenRice之觀點。)