喜咖哩 (已結業)

午餐叫咗個蕃茄日式雞排拉麵，雞排唔熟，完全係微波爐叮嘅因為外面係暖裏面係熱嘅，但唔夠熟，講比返店員知，佢攞去返叮，個湯底唔掂只係蕃茄粒煲水，加5元轉拉麵但個拉麵超難食有梘水味，唔會再去

喺紅橋區住左一年左右其實自己幾鍾意呢區特別講到食 呢區好多小店選擇而且絕大多數都係有質素嘅而最近 我幾鍾意黎呢間喜咖哩食早餐貪佢座位舒服 唔會坐得好迫可以輕鬆咁享受食物呢間餐廳係先付款形式所以就算堂食 都係先去收銀處落單俾錢再喺位等送餐而呢間餐廳服務係幾好由點餐開始 職員會同你講早晨送餐收餐會同你講多謝等等雖然呢啲好微不足道的事情對於顧客黎講 係好正面嘅印象起碼感受到有份人情味而今日我就叫左份豬骨湯鹵水雞翼米線腸仔餐肉 方包 熱奶茶價錢同份量黎講絕對合理湯底豬骨湯都好夠味而雞翼都好入味 亦唔會好細隻果啲熱奶茶亦係熱辣辣 食完個米線都唔會凍哂總括來說 食物新鮮製作 亦都好味所以回頭率係好高嘅

早餐勁難食 呢度要成$40咖啡係粉即沖的多士烘底要加收我$2🙄姐姐服務態度友善麵好淋 脹曬咁湯底淡而無味已經加左番茄人生最難食公仔麵weekday 得一兩枱客虹橋d人唔出街食早餐架？？唔會再比機會佢

呢度應該係賣日式飯及拉麵我就從來無試過，每次都係早早黎食個早餐用個小托盤，整份做好送到你面前，每樣都整齊排好，份量十足$39，全日好心情就係咁開始🥰🥰🥰都已經唔係第一次黎，收銀姐姐禮物真係太好，印象深刻，食物水準唔差，記得第一次嚟食米線就太淋，之後都好似冇改善，但個多士就唔熱，我食完之後，個收銀姐姐主動問我啲嘢食點，然後佢就話你早啲同我講幫你換吖嘛，1塊麵包值幾多錢，但就係多咗呢份貼心嘅人情味

本身我見到有100個好評劣評就只有5個所以想黎試下我叫左個咖哩吉列雞扒飯、蕃茄吉列炸蝦烏冬咖哩無咖喱味（但見佢窗口有2019年人氣大獎獎盃😅唔知個獎盃點黎）蕃茄湯淡而無味（衰過譚仔既蕃茄湯）吉列雞扒普普通通吉列炸蝦唔錯👍🏻但被整體拖累總括黎講，無必要我都唔會再去😝成個咖喱飯都無食過咁濟就走左我都唔想咁浪費😭但真係好唔掂我好少會咁浪費食物真係對唔住🙏🏻不過講返個環境都可以既都算舒服間隔唔錯

唔明點解依間店可以有咁多好評，但為左大家著想，小弟覺得自己有責任寫返個真相出黎。Lunch 60蚊唔連野飲，係屯門區黎講算係少少貴。不過價錢唔係問題，最重要有返相對既質素，但顯然佢唔合乎基本要求。咖哩吉列豬扒飯小弟對咖哩要求唔太高，但依碟飯真係⋯⋯首先，咖哩係冇咖哩味既，似係現成既超市咖哩粉開出黎，唔似日本咖哩，亦唔似港式咖哩，唔明點解間鋪不斷話主打咖哩。吉列豬扒，極乾，隨便一間茶仔既質素都好過佢。最後係啲飯，啲飯竟然係未煮透，咬落去仲硬挖挖，真係好攞命。小弟向來都好少寫食評，但依間真係唔寫唔得，咖哩吉列豬扒飯，無論咖哩、豬扒定飯，每一樣都係茶餐廳既質素以下，真係可相可恥！

時常出沒在井財街周邊的我，感覺周不時都會有機會找到有性格，有特式的食店。而這一次來到，我們發現，昔日的一間老牌茶餐廳變成了一間面目全新的食店。名字叫《喜咖哩》的食店，標榜的是日式咖喱同蕃茄湯拉麵。該日肚餓，而我又是一個很喜歡食咖喱的人，所以，我就決定一試他們的咖喱飯。店子公公正正地把所有的4人檯都2人檯排好，給人的感覺就是很整齊。不過，當我一看餐牌，也看看別人的食物，早就知道，這其實是一眾普通的香港化日式食店。但，既然已入來，店員極力地推介咖喱。這，加強了我對此店的咖喱有信心。我選了一客咖喱牛肉飯。但出來的咖喱飯，我就半點也看不出是日式。其用的米，同咖喱的顏色，給我的感覺就是港式咖喱，茶餐廳、快餐店的咖喱。以港式咖喱來說，這是一個合格以上的咖喱。味道濃，帶有微辣，帶有很濃的香味。入口，更有香濃的椰香。配在咖喱內的嫩牛肉，亦是非常之可口，其口感滑之餘，咖喱汁直頭把牛肉的鮮味增強，不錯。加點了一份日式餃子。不能說好好食，也不能說唔好食。總之，啱大家的口味，就是可以接受的味道。當日，跟餐飲品我選擇了奶茶。我可以說，這是一杯不錯的港式奶茶。店，是日式的，但食下食下，感覺到大家所食的東西都是港式

小編今日特登請咗假要做啲私事，但因為朝早實在係太心急而且又忙住整野😖，所以完全無時間去食早午餐呀🥴。終於係屯門完成哂啲野之後可以休息一下，順便上網搵一搵屯門美食，畀小編自己好好享受一番🥰。小編今朝用得實在太多體力，好想搵啲濃味少少既野又有肉類🍗既餐廳，咁好彩係附近搵到一間名叫「喜咖哩」既餐廳😳。望落好多款式，除咗咖哩之外，仲有番茄湯揀，小編已經太餓喇😩，不如入去試咗先啦。✦✦✦✦✦✦✦✦✦✦✦✦✦✦🎈C2. 咖哩牛肋肉飯 $59係咁多款之中小編揀左餐廳推介既咖哩牛肋肉飯🍛，絕對可以補充到今朝用既體力呀。咖哩係近似日式咖哩嚟🧐，一啲都唔會覺得好辣🌶，而且無日式咖哩有大大舊配料食，餐廳既做法係所有配料都切得好細又或者已經煮得好淋，食起上嚟又香亦豐富🤯，咖哩汁未稀到好似水咁，食落甜甜地，仲可以感受到細細洋蔥粒🧅，非常有口感。而牛肋肉🥩，即係牛腩，無骨，而且非常軟熟，一口即鬆❤，小編非常鍾意食，咖哩入面仲有幾舊薯仔食🥔，唔會咁單調。雖然咖哩入面有些少牛膻味，不過唔影響整體口感同味道，值得一讚👍。✦✦✦✦✦✦✦✦✦✦✦✦✦✦小編知道餐廳曾因為咖哩而獲得獎項🏆，證明餐廳既咖哩係得到肯定，事實證明真

去咗朋友屋企瞓完一晚之後我哋就落街去搵早餐食😋 之後佢就介紹咗我呢間喜咖哩話啲早餐都幾抵食嘅！ 咁我又冇話特別想食咩而且見佢35蚊都幾多野揀就去試下🤪佢早餐仲有四款嘢同埋三文治簡！ 咁我就揀咗豉油雞翼配番茄湯通粉 再配埋溫泉蛋同火腿😉 我朋友就揀咗雞蛋鹹牛肉烘底三文治上到呢個湯通粉都幾多下😗 個湯底就好似普通羅宋湯味不過不失 雞翼我就覺得有少少細隻🤔但係其他都正正常常 仲有多士送 朋友份多士 就不過不失 都係罐頭咸牛肉嘅味啦 😆 不過佢哋個烘底都唔錯唔係求求其其烘兩下就算食落去都幾脆口不過話明喜咖喱其實都係想食咖哩嘅 等我下次去試下啲咖哩好唔好食先 😂

咖喱炸蝦飯正喎，冇諗過呢間小店細細個門口，入到去五臟俱全，地方都算幾闊落，通常吉列炸蝦🍤都會比豬扒雞扒貴少少，呢度好驚喜，有驚喜，驚喜價咖喱炸蝦飯59蚊咋喎，仲要幾正喎⋯⋯真係估計唔到 無炸到乾哂柴，熱辣辣咁拎出嚟，食得好開心而且我仲見三十幾蚊有自取外賣🥡優惠！真係夠哂實惠，平啊！以後都可以食平啲啦！平民百姓生活恩物，質素都幾好，性價比都算高喎正啦我屋企人食咖哩豬扒飯，仲要兩老share食，可想而知都幾大碟

呢排因為轉咗新工所以成日會係屯門到食嘢，嗰日放lunch見呢間餐廳都幾近我公司就入咗去試下，唔試唔知，點知一試真係會有驚喜🙈嗰日我叫咗蕃茄豬頸肉螺絲粉，個蕃茄湯底真係唔讚唔得，唔讚對唔住我自己🤣個湯底好濃，食得出唔係嗰種味精番茄湯，而係新鮮熬出嚟嘅蕃茄湯，好濃郁好好味！令成碗螺絲粉都升華咗👍而且啲螺絲粉有好彈牙，唔會話煮到好淋，堅係好食！😋我而家都有長期幫襯呢間餐廳，好推薦住係附近嘅人去試下！！

糧尾缺水，晤想煮出街食，要搵平靚正之選，見尼間喜咖哩裝潢企理四正，所以又試一試啦。叫咗吉列炸蝦拉麵 $49，加咗 $10 糖心蛋，加只蛋感覺食得開心好多，拉麵彈牙爽口，有筍片有粟米，湯底不過不失，當然唔可以同一百蚊碗嘅比啦，4 只炸蝦都算大只，所以整體碗面都對得住尼四十九蚊。另外叫咗個咖哩吉列豬扒飯$59，加 $10 溫泉蛋，又係啦，加隻溫泉蛋開心好多，咖哩唔算煮得太香濃惹味，豬扒就炸得剛好唔太深色，幾脆口，份量ok 啦。見到人哋叫芝士年糕又想試吓，$19 兩粒，好過自己買一大包返屋企氣炸，不如出街食過吓穩算，個年糕又唔錯喎，大大粒，芝士軟滑香濃，糯米皮煙韌有咬口，好味，所以平平地都可以開心食。

上個禮拜 專登入黎屯門探啱啱出世既bb黎探bb真係好開心 除左bb仲可以行商場V city屯門真係好大，行到累了就來找了這件餐廳食午餐，因為想食麵食。入到黎即刻叫了3份食物。第一份係，豬頸肉螺絲粉豬頸肉還可以 螺絲粉可能顧住傾計 浸唸左 湯不過不失。第二份係，叉燒拉麵 加 溏心蛋港式日式叉燒 拉麵偏硬 我朋友話幾好味 溏心蛋幾好味。第三份係，炸魷魚圈炸物都OK 油多了些 不過幾好味。整體黎講尚算不錯 行到累 食個麵 志在同朋友相聚

今日又黎呢間蕃茄&咖哩專門店食Lunch，當日有好多OL都黎呢度食，都專攻茄湯餐～健康又美味！😋😋蕃茄湯豬頸肉螺絲粉❤招牌菜之一 - 蕃茄湯非常濃郁，每一啖都食到茄蓉，豬頸肉皮脆，有微微炭燒味道，少少厚切口感滿滿☺糖心蛋❤＋HK$10 就可以加蛋，糖心效果完美 😁咖哩牛筋肉飯 ❤招牌菜之二 – 咖哩充滿唔同香料既味道，帶甜得黎又微辣，牛筋口感QQ，牛肉煮得好淋身又入味，飯粒粒分明有米香😋😋溫泉蛋 ❤另外都係加左蛋，溫泉熟度會多少少，但餸飯更好食☺

$59咖哩雞扒juicy爆肉汁，口口甘香，好少何見到有個咖喱吉列雞扒，通常都係咖喱吉列豬扒，我比較鍾意食雞扒多過豬扒，呢個世紀，呢間野都算係平靚正，日式咖哩味濃，足料，都幾大份架！炸得外脆內軟，，咖哩汁+肉汁鮮嫩可口，美味佳餚，唔會老，有好多舖會廈口佢呢個好鮮嫩多汁，好似嫩滑肌膚甘，哈哈哈 Lunch夠哂飽啊飯多，汁多，肉多。地方企理，整潔乾淨，食完食飽行vcity又夠哂近，地方地點地理位置優越，唔錯 唔錯。