1
5
6
一個人吃飯的好處，是可以隨心所欲，去到邊食到邊。想吃甚麼就動身，臨門一腳仍可以轉軚。尤記得是夜收得不晚，卻不想回家收看人人追看的師奶大劇，於是把心一橫過海去。吃的雖是最合一支公的FOODCOURT，但總算是自己的選擇嘛，好壞與否，向自己問責，下次帶眼識店就好了。被這兒日式咖喱的牌頭所吸引，只是結果出來卻異常的很不日式。附送的白湯像茶記出品，先不說它白得發光加淡而無味，一端上盤子時職員把湯滴到一盤都是，卻只顧忙著拿布抹桌子，面前的客人只得無奈。。。咖喱聞到很香，吃下卻很辣，辣得與馳名的咖喱趕趕（Curry-in-a-hurry）可比拼，吃得額角冒汗。至於主角豬扒外脆內也脆，簡單來說就像吃豬肉乾，實在算是「新奇有趣」。。。撇開是否日式不談，也只能僅僅比翠苑（2008-07-04食評）好丁點而已。
繼續閱讀
同男友行街街既日子到喇,行街之前佢做左gym,所以特別餓!!我地去左食野先!!成日食餃子好似有d悶,今日就食咖喱喇!! 見佢d相好似好正咁,點知黎到果陣真係呆左!!得果3件雞,仲要係好細件!!都唔值$25/1個飯喇,d咖喱又唔係好好味果種,只係辣辣地咁!!d蘿蔔又凍又生生地咁!!食到我死死下!!好彩男友好肚餓可以食得曬個飯,如果唔係都唔知點算好!!個飯真係唔好食,而且真係好唔抵囉!!用e個價錢係第2間已經食到d好味d既野嫁喇!!e度真係好唔掂!!我地仲加左$5要野飲,點知佢地裝左大半杯冰!!!好嬲牙,下次都係唔好飲野,最多之後行街果陣買野飲!!e間野冇下次嫁喇!!!即時black list
繼續閱讀
見到佢個display係是日dinner :日式咖喱吉列豚扒芝士焗飯 (set dinner).佢個display係好靚, 有塊炸得好靚既吉列豬扒, 但就見唔到有cheese係上面, 只有一隻蛋.心諗: 嘩! 好好味咁喎~ $42, 又唔係好貴丫~又見到佢唔使等 (而家諗返, 其實唔使等係因為佢d野食唔得...), 但佢隔離個間pepper lunch又多人到癡線...就幫襯佢啦... 點知係一個惡夢之開始! well, 等左5分鐘...到手... 點知, 我一見到佢, 就呆左! 點解? 因為個賣相爆唔吸引! 你睇下我attach個張相啦...首先, completely同個display唔同!個吉列豬扒炸到個樣唔掂~then, 佢又焗到張紙黑哂! 好似炭咁! 見到都唔開胃. 顏色又唔好. 唔好理啦, 放入口試試啦...唉...好難食! 我未過食一個咁難食既吉列豬扒! 佢個吉列豬扒completely唔香口. 又"銀". 我咬唔到!佢又冇刀叉提供俾我切 (你話我點食好呢?)~另外, 佢d咖哩又無咖哩味.我真係唔知佢呢碟野想點囉!要咖哩無咖哩.要吉列無吉列.我最後食左半碟都冇就放棄.因為我真係唔想再折磨我自己.我好肯定咁同你講: 無下次!
繼續閱讀
係 Food Court 行左一個圈最後要左咖喱物語的日式咖喱吉列豚扒芝士焗飯賣相唔錯, 隻溫泉蛋好靚本身唔食生蛋, 怕有陣味~我張呢隻蛋伴飯食... 唔惺喎~咖喱吉列豚扒 咖喱汁有少少少辛, 少少甜, 吉列厚而脆, 扒薄身, 整體味道好一般唔係難食, 不過未試過就唔值得試, 我就唔會再光顧~
繼續閱讀
38蚊一個咖哩吉烈豬扒飯,不算貴吧!!(看丼吉日本吉列賣什麼價錢)但38蚊這價錢,不合格;若用屋邨餐聽二十多元的標準,吉烈豬扒算合格,即叫即炸,但不是鮮炸,是翻炸;感覺有兩層吉烈,第一層都算鬆脆,第二層有點硬,肉算嫩也有點肉汁,但有點乾身,炸兩次喎!!!!!若碰到炸一次必定好些,但這種服務態度對我來說已失去品質的信心,這個品牌就代表着這種不浪費食物而原價賣給客人的服務態度!!!咖哩,味真的很香,我就是被這個吸引,但食落發覺頗甜和單調,咖哩汁頗稀的,色也不夠深,和之前在對面已結業賣咖哩飯的日本店有天淵之別!!!
繼續閱讀