530
31
10
餐廳: 初見
資訊:

為鼓勵食肆透過提供食物份量選擇和採取減少廚餘措施,與顧客共同從源頭減少廚餘,環境保護署推出了「咪嘥嘢食店」計劃,參與食肆如符合評核準則將獲「咪嘥嘢食店」認可資格和獲發「咪嘥嘢食店」的標誌及標貼,以供張貼於店舖內和宣傳,供顧客識別。此計劃全年均接受申請,申請費用全免。

詳情可瀏覽:http://www.foodwisehk.gov.hk/zh-hk/food-wise-Eateries.php

港鐵荃灣站 A4 出口, 步行約9分鐘 繼續閱讀
電話號碼
35904277
營業時間
今日營業
12:00 - 16:00
18:00 - 22:00
星期一至日
12:00 - 16:00
18:00 - 22:00
付款方式
AlipayHK 支付寶 現金
座位數目
40
其他資料
Wi-Fi
酒精飲品
泊車
電話訂座
外賣服務
加一服務費
電視播放
當面支付
食評 (611)
等級4 2020-10-06
6846 瀏覽
網上睇到呢家都好多人LIKE既日本餐廳,今次終於找到腳一齊來試下。小店的確係寸金尺土,所以我地四個朋友都好準時就到,一起入去食晚餐~餐牌都見有好多選擇,日式西式既都有,可以滿足唔同朋友既要求,難怪咁多人等LA~和風章魚燒 $38 先來一個經典的日式小食,呢個小丸子好精美,上面既裝飾有D森林系FEEL~LIKE~!味道入口熱辣辣,而且皮脆,粉既質地都TUNE得好好。同埋都有堅。章魚架~係一個幾好的前菜。特選小食拼盤 $98   有薯餅、一口芝士、明太子雞翼同餃子,可以試到唔同既款,就係小食拼盤的吸引之處~個人最LIKE明太子雞翼,我覺得好香呢~牡丹蝦壽司盛 $208---10件壽司,一見到D仙氣,真係令人興奮,成件事好有美感,刺身都新鮮,同壽司飯的比例都唔錯。牡丹蝦都鮮甜,令人回味。煙三文魚明太子炒意粉 $88西式的日系意粉,一向都係我的最愛,所以都係要一試。意粉爽口,個汁有CREAM的香味,唔會太咸,係有誠意炒的意粉~小店主打食物,因為只可坐一小時,所以要傾計既, 就要再找地方LA~ 繼續閱讀
(以上食評乃用戶個人意見 , 並不代表OpenRice之觀點。)
多人排隊o既o野永遠都係正o野,幾乎跟親隊都實無錯。o係愉景新城過一條天橋向舊區行入少少o既呢間西日餐廳,門庭若市,晚飯時間出面已經有唔少人等緊位,等我都咪執輸!內裡樓底好高,用上o左好多木色同樹葉o既格調。門口o個度已經幢o左個牌大大隻字寫住「全日免加一」!咦﹖咁咪可叫得豪爽d 囉!唔怪得咁多人爭住幫襯啦。安格斯牛肉.豚骨湯拉麵($68) 係menu 上寫住o既餐廳推介,另外加o左$35 升做combo,可配一客刺身(或者沙律)、湯同埋o野飲。因為係西日餐廳,餐湯再可揀味噌湯或者南瓜湯,o益o左後者。忌廉南瓜湯口感creamy 濃郁,味道清新。刺身有一式兩款,三文魚尤其肥美嫩滑~ 淨係計前菜o野已經打好印象分!主食拉麵,想講真係好高質,都食過唔少聲稱係安格斯牛肉o既扒房或者其他餐廳,但未必間間都咁好食。呢度d 牛肉o既肉質完全鬆軟唔韌,味道鮮甜絕不欺場,同埋牛酥香會o係口中持久未散,同咋o個d 真係無得比!麵底也唔錯,浸耐o左都唔會淋,溏心蛋也醃得夠晒惹味~ 無估過$60 幾蚊可以有呢個質素,果真堅值得推介~餐茶又係西日式都得,有伯爵茶、綠茶等等,又可以加錢升做特飲或者sake。試o左一杯精選花茶,係玫瑰花o黎,佢聞落有股淡淡幽雅o既清香;茶味唔濃,反而更多o既係一種自然o既甜味。 繼續閱讀
(以上食評乃用戶個人意見 , 並不代表OpenRice之觀點。)
等級4 2020-07-07
7321 瀏覽
搬屋後正式成為無飯煮婦🤓✌🏻每晚為晚餐食邊間而煩惱🤪今晚寶寶收早咗😍 我哋放工就行咗嚟海壩街食呢間好有清新氣息嘅日本餐廳➡️初見❣️其實之前已經嚟過幾次食lunch,但明明佢嘅「全日免加一」offer,令夜晚變得相對抵食🤪小店嘅「特色草藤牆」一直都係呢間餐廳嘅打卡位😍天花板亦吊住兩支有點像桃花樹的樹枝,佈置好有心思💕比人清新舒服又relax嘅感覺☺️非常欣賞老闆對店舖嘅用心❗️我哋今日點咗➡️石燒香草吉列牛 $128呢個應該係店家嘅鎮店之寶❗️因為店內Poster上面寫住人氣No.1,而且店入面有一半嘅食客都係食緊呢個😆所以舖頭嘅油煙味都有少少重🙈不過為食好野,少少犧牲在所難免🤪店舖會另外比一舊油脂比食客預熱石燒板,食客可以根據自己嘅喜好燒自己鍾意嘅生熟度💕香脆嘅香草吉列層配埋半山熟嘅牛肉入口香脆又軟嫩,仲帶淡淡嘅香草味,既好味又特別❗️蘸埋店家嘅秘制燒汁仲好味丫❣️唔怪得咁人氣啦🤓另外仲配左一隻溏心蛋,溏心蛋外層帶適量嘅鹹味,蛋心入面嘅流心都做得非常出色👏🏻安格斯牛肉鍋 $88另外再加配咗 $35轉成套餐會額外有多一杯熱飲、一客刺身/沙律➕麵豉湯/南瓜湯❗️估唔到個刺身咁新鮮😍非常值回票價☺️☺️南瓜湯亦都好濃郁👍🏻安格斯牛肉好大塊❣️滾到牛肉嘅紅色部份完全冇晒後,蘸埋d 麵豉醬入口,肉汁豐富肉味香濃❗️完全冇違和感😌係個鍋有少少細,每次只可以放一塊牛肉落去🙈 繼續閱讀
(以上食評乃用戶個人意見 , 並不代表OpenRice之觀點。)
等級4 2020-05-28
11731 瀏覽
荃灣一向多好嘢食,朋友約來食哩間叫“初見”日式餐廳。配上哩個名,裝修都係文青簡約風,坐得舒服,亦適合約會同好友聚會。整體來講,餐廳既食物出品係好高質,而且性價比超高,分量都好足,經過荃灣可以試試佢。最開心既係,我第一次試到石燒吉列牛,好特別呀初見香草吉列牛($128,配飯、溏心蛋)真係超驚喜同抵食!牛肉外面包住一層薄薄既香草吉列皮,但入面既牛肉係生既,唔知點樣做到呢,覺得好有新意放係熱住既石板上面燒熟,燒到自己鐘意既程度,飄黎陣陣香味。牛肉燒好後,外皮都脆脆既,而牛肉好嫩幾腍,加埋一齊口感好得意,好味😋手切青瓜蟹籽沙律其實個兜係幾大個,份量算多,唔係一般嘅青瓜絲,係粗d嘅青瓜條,都幾清新好味,手切原來係咁解😂初見粒粒原隻軟殼蟹反卷唔錯,幾好味兩個女仔點一份石燒牛,再加哩份,就啱啱好了😋石燒牛--追加季節野菜盛菇同南瓜燒熟咗,都好甜信州葡萄汽水 & 信州蘋果汽水好飲,我鐘意葡萄多d😁 繼續閱讀
(以上食評乃用戶個人意見 , 並不代表OpenRice之觀點。)
等級4 2020-11-20
0 瀏覽
香草吉列牛定食配飯同溏心蛋,牛肉外層有香草的吉列外皮,牛肉份量幾多,輕輕燒一燒幾多成熟由自己決定,燒到啲油脂有少少出咗嚟,塊牛肉就更加香啦😍👍🏻,燒完之後點少少燒汁或者鹽吊出牛肉嘅味道 。煙三文魚明太子扁意粉🍝,醬汁份量勁多,食得好滋味,食到最後仲有醬汁剩啊!😂炸雙拼雞翼,一款明太子味,食落少少辣辣地,另一款係餃子味道,裏邊嘅餡料係類似菜肉餃嘅材料,而外層就係變咗做雞翼,味道又幾得意喎!😋 繼續閱讀
(以上食評乃用戶個人意見 , 並不代表OpenRice之觀點。)