八妹雞煲

營業中

休息中

八妹雞煲主打雞煲，係同區入邊出晒名，今日一試果然名不虛傳😍 餐廳嘅裝修好有gimmick，行香港懷舊風，店內掛咗好多舊式嘅牌匾，色彩好繽紛。座位都好寬敞，空間感十足，啱晒一班朋友嚟打邊爐食雞煲。雞煲我哋嗌咗小辣，食唔到辣嘅朋友建議嗌BB辣，因為雞煲汁愈煲愈入味，辣得嚟又好過癮🤣雞肉好滑，啖啖肉，尤其啲雞皮！食完雞煲再加湯打邊爐，用雞煲本身個汁溝出嚟嘅湯底都係超惹味，配埋新鮮食材簡直冇得頂😍 必點安格斯肥牛！肉質嫩滑彈牙，有口感得來好有牛油香味。蟹籽蝦滑打得又靚又彈牙，而且好鮮味，索咗少少湯更加正！田雞份量好多，啲肉又嫩，好新鮮。薯仔片幾有特色，餐廳炸到金黃色之後再上，零舍爽口，鍾意食腍啲嘅可以淥耐啲再食。仲有竹蔗茅根水好清甜好香蔗味，亦都唔係普通單靠加糖水沖出嚟，真材實料，值得推介👍🏼八妹雞煲📍大埔舊墟直街4-20號美新大廈地下A1號舖

天氣有d涼涼地，好想食雞煲同打邊爐，朋友介紹去大埔食八妹雞煲，朋友講到好好食，咁就嚟試吓有幾好食啦🤔🤔🤔🤔入到去，坐既位嚟講都幾舒服，好寬敞。入邊裝修都好有80年代嘅風味。用嚟打卡都幾靚👍🏻☺️我哋兩個人叫咗半隻雞，3碟火鍋材料，同埋一支啤酒🍻半隻秘製八妹雞煲$168我哋叫咗大辣，食得辣嘅我覺得都有少少辣，雞煲汁好濃郁，口感豐富，辣度適中。雞肉鮮嫩多汁，食得岀係新鮮雞來ga，搭配洋蔥和芫荽蔥的組合，味道更加豐富。因為雞煲汁好濃郁，之後我就加少少湯就可以滾埋其他嘢食👍🏻👍🏻👍🏻A級安格斯肥牛（小）$198話就話叫係細份，但係其實一啲都唔細份。安格斯肥牛均勻嘅脂肪分布，肉質嫩滑多汁，仲要掛上濃郁嘅雞煲汁，好食🤤到難以形容西班牙黑毛豚肉片 $70豚肉片切得好薄，豬肉嚟講都容易比較煮得熟，終於煮豬肉唔需要等好耐先有得食。豚肉片唔係好油膩，唔會食到幾啖就好飽咁👍🏻黑豚豬大腸$70我覺得店舖好細心，豬大腸係已經係熟咗，同埋用滷水汁醃過。放落雞煲度煮之後，都吾硬吾靭👍🏻👍🏻👍🏻，另外仲有好濃郁嘅豬腸味，好鍾意❤️

中學老死喺英國返咗黎，梗係要搵個地方聚一聚☺️有咩好得過食雞煲打邊爐？😝為免佢舟車勞頓，都係入去佢屋企附近食喇～～😍😍😍😍實在太好喇，原來大埔都有雞煲食～呢間八妹雞煲都算出名㗎👍🏻Book咗位，準時6:30pm入到，以為算早，點知都已經有好幾台打緊邊爐，聞到超香嘅雞煲，即刻流晒口水😋😋😋佢嘅裝修都幾有懷舊氣息，好有地道土炮嘅感覺，好似去咗大排檔咁～而出邊亦有啲卡位幾闊落舒服～另外啲抽風都做得好，樓底又夠高，唔錯👍🏻最怕又迫又焗😌環境好，食都食得開心啲～落單叫咗半隻秘制雞煲先～😍😍😍$168抵食個雞煲醬真係好正好惹味😋😋😋啲紫洋蔥煮淋咗索咗啲汁好刺激，啱晒我😍😍啲雞都煮得入味～半隻其實真係唔夠喉🤣🤣🤣🤣不過朋友仲想打邊爐，都係留個肚再食其他好野先個雞煲食完加咗濃湯，可以轉打邊爐喇～襯個湯未滾，快啲去攞打邊爐醬料先😊辣椒蒜頭蔥係我必備😋準備好，ready打邊爐喇😂A級安格斯肥牛（小）$198打邊爐點少得肥牛呢？☺️☺️☺️呢度除咗安格斯之外仲有本地手切肥牛，不過我地得兩個人，叫住一碟先～下次再試其他頂級桂花蚌$128呢個次次打邊爐都慣咗要叫～好鍾意佢好咬口，爽爽地咁🥰黑豚豬大腸$70豬大腸千祈唔好

呢排涼涼地就想食雞煲打邊爐朋友話想試呢間好耐，所以今晚就嚟試下先裝修係懷舊香港風，環境都乾淨企利，其他卡位都舒服餐牌～用QR code落單，夠哂方便醬料區，仲有豉油喺隔離冇影到最右下角係炸花生，好好食！好啱等緊嘢食嗰陣食，食唔停呀叫咗竹蓆茅根水啱哂食熱氣嘢嗰陣飲秘制八妹雞煲（半隻雞，小辣）：辣度啱啱好，雞肉都好多，仲好嫩滑！好食！下次想嗌一隻雞呀朋友仲揀咗火鍋湯底不過其實食完雞煲都可以喺同一個鍋加湯繼續打邊爐都得～鴛鴦湯底：左邊係秘制麻辣湯底（小辣），右邊係清湯鴛鴦滑（蝦滑+墨魚滑）：兩舊滑上面仲有啲魚子鮮滑牛肉：原來份量都幾多！牛肉真係同佢個名一樣，好滑幾好食最後仲食埋稻庭烏冬，烏冬索哂啲湯，正呀服務都唔錯，會主動過嚟幫我地換碟有機會會再嚟食雞煲

搵到個好地方泊車喺係新圍仔公共停車場，行過去八妹雞煲只需要9分鐘都幾方便，起碼唔洗泊商場咁貴。八妹雞煲依個名聽就聽左好耐，今日終於有機會試，平日晚試唔洗點等位，入面裝橫係老香港、懷舊風、幾得意。我哋揀左卡位坐，食物方面，叫左半隻秘製八妹鷄煲（小辣）個雞汁好野味！個煲愈滾愈野味，因為D辣椒、洋蔥🧅、莞莤有足夠時間出味，所以建議唔好一上枱就即刻食，最好等多5-8分鐘先食更食完雞點少得打邊爐，配料方面叫左鮮蝦雲吞、雞子、A5 肥牛（大）、墨魚丸同埋蘿卜，食材生鮮每張枱旁邊都會放定一支雞湯，隨時等大家食完雞就可以打邊爐🍲！正！

最近涼涼地好想食雞煲,同朋友揀左間裝修幾懷舊嘅餐廳食😋好多嘢都想試😂想試埋肉蟹花甲煲但要提早預訂!今次當然叫咗個招牌秘製雞煲🩷雞煲好快就上枱,我哋只係叫咗半隻都幾大份~職員會喺面前幫手開火兜一兜然後就可以食😋我地叫左少麻少辣,味道啱啱好!醬汁濃郁而且雞件多肉又滑👍🏻紫洋蔥好甜👍🏻食唒雞煲就可以加清湯打邊爐😋我哋叫咗份大嘅手切肥牛,睇落唔多但原來係有兩三層😂肥牛好厚身,油脂豐富~食落口非常滑同重牛味,相當好食!😍鴛鴦滑係墨魚滑同埋蝦滑,份量相當大😂食落口感都唔錯!水魷都好大份,幾爽口👍🏻放辣湯好好食上枱時微暖,問店員先知原來可以就咁食~就咁食面頭有啲脆口,內裡鬆軟好香墨魚味👍🏻用黎打邊爐幾索味竹蔗茅根水好清甜解渴👍🏻唔錯

今日去咗大埔搵朋友行山，到食晚飯嘅時候，佢介紹去食雞煲，嗰間雞煲餐廳就喺佢屋企嘅附近，佢話啲雞好好食，食完之後就可以打邊爐。這間餐廳叫八妹雞煲，位於大埔舊墟直街4-20號美新大廈地下A 1號舖。一入到去就覺得這間雞煲餐廳好有懷舊香港感覺，裝修充滿本土風情，以街鋪特色做主題，佈置成舊式香港嘅戲院、大押、理髮店、五金舖、士多、冰室，好靚好特別，仲可以用來打卡，餐廳入面餐位都好寬敞，令人坐得舒服。之後我哋將個雞煲轉做火鍋，每張枱嘅上面都有一樽火鍋湯，就可以加湯落去雞煲打邊爐，跟住我地叫咗雪花肥牛、生根、什餃、蔬菜拼盤來夾個火鍋，雪花肥牛份量都幾多，又新鮮好重牛味，而生根就吸晒湯嘅精華，非常入味，什餃就有雲吞、韭菜餃同魚皮餃，鮮蝦雲吞蝦肉爽口彈牙，皮薄餡靚，韭菜餃大大粒口感食清新足料，魚皮餃就好似四州魚皮餃嘅好味道，而蔬菜拼盤就有蕃茄、南瓜、娃娃菜、白菇、秋葵、粟米仔同皇帝菜，樣樣都吸引，份量非常足夠，亦非常新鮮，啲蔬菜連埋啲湯一齊食，非常好味，因為啲湯令到蔬菜好入味，尤其是南瓜同秋葵。食火鍋緊係要配竹蔗茅根，清甜有清熱，非常夠味，係眼見個樽入邊足料，與火鍋係絕配，而且飲完覺得去油膩，仲可以食

最近，我和朋友在大埔吃了一家以雞煲打邊爐為主的餐廳。餐廳的雞煲很惹味，而且食物新鮮，令我一試難忘。🔶胡椒豬肚雞鍋(半隻）$218🔶胡椒豬肚雞鍋給我留下了深刻的印象。這道菜以嫩滑多汁的雞肉和爽脆可口的豬肚為主要食材，搭配上濃郁的胡椒湯底，香氣四溢。每一口都能品味到胡椒的香辣和肉類的鮮美，令人胃口大開。🔶A級安格斯肥牛(小）$198🔶A級安格斯肥肉質鮮嫩，口感極其細膩，入口即溶，令人回味無窮。🔶油麥菜 $35🔶油麥菜口感爽脆，味道鮮美，而且份量十足。🔶天地一號蘋果醋 $45 及 津路烏龍茶 $19🔶蘋果醋口感酸甜，還有著淡淡的果香，令人胃口大開。買單共$593。總的來說，這家雞煲餐廳提供的食物的每一道菜都讓人回味無窮，值得再次光顧。

八妹雞煲 (大埔).八妹雞煲嘅醬料係特別香同濃味，香港懷舊嘅裝修，醬料同小食都係出面自己拎.▪️八妹雞煲半隻▪️.睇顏色都知幾惹味，雞煲醬濃，雞件嫩，兩個人食半隻都勁多！.▪️脆肉鯇骨腩•雜餃▪️.脆骨腩一份有八件，雜餃啱曬兩個人食，有雲呑兩粒，韭菜餃同魚皮餃各三粒！.▪️冬瓜·油麥菜·響鈴▪️.冬瓜係索味首選，油麥菜好耐無食都幾夾響鈴係因為被照片所吸引，但兩個人真係唔建議叫，佢好大個又好大份，一人要食三舊😂😂但真係好香脆又即炸！.📌 八妹雞煲 (大埔)大埔舊墟直街4-20號美新大廈地下A1號舖.環境：⭐️⭐️⭐️⭐️⭐️味道：⭐️⭐️⭐️⭐️⭐️服務：⭐️⭐️⭐️⭐️⭐️價錢：⭐️⭐️⭐️⭐️⭐️

好耐之前食過，今次再去發現裝修左，好企理又靚，有少少懷舊feel! 次次黎都要叫佢個8妹秘制雞煲，2個人就叫左半隻雞。份量都幾多，每個部位都有D，調味好香，叫左微辣，個人覺得岩岩好。入面仲有紫洋蔥，芫茜呢D調味。本身已經熟左，所以上台冇耐就可以食! 雞件全部都好入味，仲好滑。 食得差唔多就可以加湯落去打邊爐，醬料區係出面自助。我地另外叫左雪花肥牛(大)，牛柏葉，鴛鴦滑，即炸響鈴。雪花肥牛份量都幾多，而且重牛味，唔會話好重雪藏味。鴛鴦滑係蝦滑同墨魚滑，好彈牙，好好食。即炸響鈴一定要叫，比平時食到既更加酥脆，好吸湯，勁好食!!!呢到既店員都好好，會keep住留意下我地夠唔夠湯/洗唔洗換碟，貼心服務!

食物質素一般，價錢高，服務極差，大陸阿姨服務員串串共，垃圾，以前食旺角嗰間都幾好，諗住幾年冇食特登坐的士，來回$400過嚟食，點知食完一肚氣，以後都唔會過嚟食。

大埔呢間八妹雞煲聽就聽得多都係第一次過嚟食冇諗過餐廳入邊竟然嘅裝修係咁有特色還原左香港80年代的懷舊風格醬油架係出面可以任君選擇我哋揀咗秘製醬汁小辣一隻雞一上菜基本上就食得每一嚿雞都均勻沾滿左佢嘅秘製醬汁我覺得佢同坊間最唔一樣嘅係食到尾之後唔會有太多嘅香料雜碎但同時間醬汁的味道非常之濃郁和突出雞亦都非常之嫩滑芫荽和洋蔥經過烹調後吸收醬汁亦非常入味食完雞煲之後就可以落清湯打埋邊爐由於我非常鍾意食魚，所以都係集中叫咗魚類鯇魚腩，脆骨腩，脆肉鯇肉質都鮮甜爽口萵筍就梗係每次打邊爐都唔少得嘅配菜而飲品方面，我哋就叫咗一杯椰汁冰少甜非常之解渴店舖嘅店員亦都非常之主動替我們更換骨碟，亦都非常之有禮貌👍🏻十分值得一讚

八妹雞煲喺大埔都開咗好多年，成日都想試，今晚終於有機會了。店舖都好大好闊落，裝修風格懷舊別致，非常有心思。先點一壺竹蔗茅根，兩個人夠哂。秘製八妹雞煲🐣必試嘅當然係招牌八妹雞煲，辣度有六款選擇，仲可以揀多麻少麻，非常貼心。我哋兩個人點咗半隻，小辣多麻。雞煲嚟到嘅時候，店員會幫手將雞同配料拌勻。雞煲賣相好靚，見到都流晒口水。味道有驚喜，係甜甜哋少少辣超惹味啲雞食到咁上下，加少少湯就繼續打邊爐！即炸響鈴真係即炸㗎！熱辣辣脆卜卜，吸收咗滿滿嘅美味雞煲醬汁，真係不得了滑牛滑牛比起肥牛更加吸湯汁，口感嫩滑，都唔錯豬爽肉豬頸肉名副其實，口感好爽牛柏葉雞煲打邊爐都必點嘅牛柏葉，口感爽爽又索汁鵝腸鵝腸份量都幾多，慢慢食吓食吓都仲有出前一丁最後都係忍唔住點返個麵，因為個湯底實在太正了

今日放假入咗大埔探朋友順便一齊食餐飯,佢帶咗我去佢經常幫襯嘅八妹雞煲,地址喺大埔舊墟直街美新大廈地下去到餐廳地方好闊落,裝修得好特別,有懷舊香港feel ,坐位空間感好足夠,喺度食飯傾計感覺都幾舒適餐廳主打雞煲,性價比好高,花膠雞煲半隻238蚊聞到隔離枱的色香味俱全,因為我唔太食辣,所以今日選擇咗打邊爐,湯底清清地芫茜皮蛋$98元手切肥牛大 $278元,手切肥牛分量都好多,望落去已經知道好靚,肥瘦均勻,入口牛肉味好香濃,有入口即溶嘅感覺,加上脂肪嘅油花,令到牛肉味更加突出。蟶子皇 $148 元,拖一拖水已經食得,入口肉質爽脆味道鮮甜,蟶子有番咁上下大隻,食落去特別有口感。 脆肉鯇魚骨腩 80 元,骨腩係我嘅至愛,入口魚肉味香濃加上腩位嘅脂肪,食落去特別香口惹味,魚肉爽脆鮮甜食得出好新鮮。雞子 58元,雞子分量都算多,58蚊性價比真係好高。最後嗌多個唐生菜,生菜都係好新鮮食落去好爽甜飲品就點樣杯椰汁冰,少甜少冰 32元,味道都好清香,椰子味香濃,加上冰冰涼涼,非常正

今天我們來到了大埔舊墟直街的「八妹雞煲」，這家餐廳以其獨特的雞煲和火鍋聞名。餐廳佈置是懷舊風格，以六七十年代的佈景、招牌或街道，每個角落都係打咭位，在懷舊氣氛包圍下，令人眼前一亮。首先，我們點了麻辣青瓜，這是一道非常開胃的前菜。青瓜配上辣椒和花椒，味道非常香辣，但又不會太辣，又有少少酸甜，非常適合打開咪蕾。接著我品嚐了他們家的招牌菜秘製八妹雞煲，這道菜是這家餐廳的招牌菜，也是我非常期待的菜品。雞肉伴上紫洋蔥，用秘製的湯汁混合，味道非常鮮美，湯汁中的香料和辣椒讓雞肉好入味，更加鮮美可口。雞肉嫩滑吾韌，讓人回味無窮。吃完雞煲，加湯變成火鍋，加入喜歡的菜式。鮮腐竹經過煮熟之後，變得入味，吸收湯汁之後味道更加吸引。軟淋口感帶有豆腐香味。墨魚滑賣相吸引，加入魚仔外型變得討好，而且口感更豐富及有增加嚼口。手切肥牛具有纹理清晰、肉质细腻、肥瘦相間，肥肉和油花分佈均匀，非常新鮮，肉質鮮嫩入口滑嫩，味道也非常棒。竹蔗茅根湯，清香可口，是一道非常好的湯品，配合火鍋有降火解熱的功能。生菜增加維他命C帶來健康元素，為晚餐增加健康色彩。總體來說，服務到位，侍應有主動及時為客人換碟，上菜速度有效率。是個愉快的用餐