297
12
8
電話號碼
26670699
開飯介紹
雞煲火鍋專門店,用料新鮮,更提供即叫即炸的自家製響鈴,香脆可口。 繼續閱讀
營業時間
今日營業
17:00 - 02:00
星期一至日
17:00 - 02:00
付款方式
現金
其他資料
網上訂座
深夜營業
電話訂座
賞訂座積分
有關獎賞計劃
食評 (335)
等級4 2020-07-26
33 瀏覽
最近跟朋友們聊起哪間雞煲店最好食,我就即刻想起八妹雞煲了,朋友們更加即興約我入大埔跟他們試一試是否真的如我所言般出色。首先裝潢仍然具有香港特色,而且環境依然乾淨,好快我們就下單點了一份中辣的八妹雞煲,再另加一碗麻辣醬,之後加湯就可以再加辣嚕。飲品選擇都不少,最特別是有天地壹號蘋果醋,可以消一消滯,味道又好飲。醬油配料方面好多選擇,還有小食可作餐前小食,在等雞煲的時候可以先食點小食。另叫了一份炸墨魚腐皮卷,好好味,墨魚好彈牙,味道帶甜,腐皮炸得香脆,口感極好。雞煲送到的時候,朋友都非常興奮,因為一打開蓋子就飄出好濃郁的麻辣香味,雞件好嫩滑又入味,既帶點甜味又夠麻辣,咸味又剛剛好,食得停不了口。另外點了豬大腸,職員教我們可以試試放入雞煲煮,想不到又不錯!口感好彈牙,又將雞煲的辣味全都吸收。食完雞件就加湯食火鍋了。蔬菜好新鮮爽口,而餃子更是皮薄多料!嚮鈴即叫即炸,好香!必點!豬爽肉份量好多,而且好有咬口!蝦滑和墨魚滑的份量都不少,而且好彈牙,即使湯底好濃,都沒有搶過它們的鮮甜味道。最後必點的一定是手切牛肉,一看就知肉質好,肉色鮮紅誘人,油脂分佈平均,有口感且牛味濃,絕對必食。 繼續閱讀
(以上食評乃用戶個人意見 , 並不代表OpenRice之觀點。)
等級4 2020-07-17
27 瀏覽
今晚去左朋友屋企附近行街,之後朋友介紹去食雞煲,正呀!😋我地被安排卡位,冷氣都好足夠!記得打口罩先好出去拎醬料!秘製八妹雞煲不辣一隻$230 ,醬汁濃郁,香辣惹味,食完嫩滑雞件,更可加入清湯打邊爐。食雞煲前點左前菜:涼拌三小碟 $65, 有豬肚、青瓜、和雲耳帶有一些麻辣,刺激味蕾!鵝腸 $68, 好清爽但要記得煮一陣就食得,不要太耐太耐會比較韌 ,鴛鴦滑(蟹子蝦滑 +鯪魚滑)$98, 有很多蟹子放在蝦膠上面,可以撈勻跟住煮嚟食, 爽口彈牙 ,鮮味十足 ,魚肉是採用新鮮魚手打出嚟 ,好好味!紅薯粉 $18,入口滑滑地,是無味的食時加些醬汁才好味,稻庭烏冬 $32,價錢貴些是有原因,因為是靚日本稻庭烏冬,非常滑和不易斷。鮮淮山 $33 ,是採用新鮮淮山 ,食落口就爽口,如果煮耐些就會比較腍身,隨個人喜好喜歡食腍或者爽口 ,就要靠自己煮幾耐啦 !萵筍$33,萵筍煮一陣間就食比較爽口 ,唐生菜 $30,生菜很新鮮爽口翠綠 ,鮮水魷$43,煮好加些醬汁才好食。 蘿蔔片$30,炸魚皮$30,很薄身同埋脆香煮1秒就可以食。 即炸響鈴$43, 自家店舖自己新鮮炸出來,非常之鬆化、脆口 , 值得推介必食。日本鱈場蟹柳 $42,鮮甜好味。粟米$30,清甜爽脆 。滑豆腐 $30,白白滑滑。A級安格斯肥牛(大)$188,牛味好濃郁,質感好滑嫩,滾一滾就食得!凍椰汁冰 $25,濃濃的椰子香味又冰凍 ,打邊爐飲就最好飲;竹蔗茅根一渣 $36,有一支竹蔗和紅蘿蔔 ,都幾清甜可以解熱氣! 讚!😋😋✨✨✨✨✨✨✨✨✨✨如果大家喜愛我寫既食評📝,麻煩幫幫手比個愛的鼓勵❤,我會寫更多豐富既食評比大家!🤤✨✨✨✨✨✨✨✨✨✨ 繼續閱讀
(以上食評乃用戶個人意見 , 並不代表OpenRice之觀點。)
等級4 2020-07-16
37 瀏覽
前幾日陽光普照,跟朋友去左行山,之後就去左大埔舊墟到食🐔雞煲!秘製八妹雞煲不辣一隻(也有辣的) $230 , 雞肉好嫩滑,味道剛好!愈食愈滋味!叫左碟小食:椒鹽墨魚咀 $65,從來未食過墨魚咀原來墨魚咀很爽口 ,加上外面有些脆漿 ,食起來又爽又脆好好味 。鮮蝦雲吞$50,雲吞內的蝦很新鮮又彈牙 ;牛根丸$45,牛根丸很Q彈,牛味濃稠!陳皮魚蛋$45,細細粒有陳皮的香味 ;墨魚腐皮卷$52, 原來墨魚腐皮卷係不需要煮,因已炸熟嚟到就可以食,爽口皮脆 。野生竹笙$62, 很爽口浸耐些比較入味。黑豚豬大腸$60,應該是煮好才拿來,只要滾一陣就食得,不用太耐 。新鮮雲耳$30,爽口也是要靠醬料才好味;蘿蔔片沒有苦澀味,吸晒湯底味道濃!皇帝菜$42, 我朋友就最喜歡,本想叫茼蒿但季節性沒有,只有叫皇帝菜 ,因茼蒿和皇帝菜都一樣有嗰種濃味, 所以叫皇帝菜食住先,下次冬節再來食茼蒿吧!西班牙黑豚豬腩片$60, 一層肥一層瘦食落口不覺得肥,只有金香不鞋口,肉質仲幾滑。飲品方面就點左:凍檸柑桔 $32,杯內有一粒話梅飲時感覺甜甜酸酸很醒胃;凍冬瓜茶 $32: 唔太甜,清涼退火,岩晒打邊爐時飲,讚!😋😋+++++++++++++++如果大家喜歡💕我寫既食評,麻煩比個❤️鼓勵一下我,我會寫更多更好既食評比大家!😊 繼續閱讀
(以上食評乃用戶個人意見 , 並不代表OpenRice之觀點。)
等級4 2020-07-13
20 瀏覽
雞煲不是間間餐廳都能夠整到好惹味,而這間位於大埔的雞煲店,他們雞煲的醬汁非常惹味,令人不禁多次來品嚐。餐廳佈置已懷舊風為主,十分特別。秘制八妹雞煲今次叫左半隻小辣,店員會建議入座便先點雞煲,因為需要等15分鐘的時間。雞煲上枱就可以食,不用再煲。雞件大件,份量都幾多。雞肉嫩滑,醬汁味道非常惹味,麻麻辣辣,加上有紫洋蔥同芹菜,令味道更美味。食完雞煲就可以落湯打邊爐。手切肥牛點了小份,牛肉油脂分佈平均,有香濃的牛肉味。陳皮魚蛋用黎打邊爐原來都幾美味,細細粒,爽口彈牙。打邊爐食午餐肉點少得,午餐肉都切得幾厚身,食落又唔會好油。海鮮芝士豆腐,即叫即整,所以基本上這款丸是可以就咁食,豆腐內有流心芝士,非常惹味,如果再放湯食的話,更加惹味。竹笙、淮山,這款兩款素菜都係吸味的,兩者吸收了湯的味道,美味非常。泰國粉絲,口感有點像米粉,但是透明的,加落雞汁入面特別好食。這裡的飲品都是非常大杯的,而且味道唔會好淡。這間雞煲味道夠濃又夠惹味,值得回頭。 繼續閱讀
(以上食評乃用戶個人意見 , 並不代表OpenRice之觀點。)
等級4 2020-07-08
27 瀏覽
搬離開咗大埔之後就好少返嚟今日就專登嚟大埔行吓街食下野是晚決定再encore當年成日黎打邊爐既八妹😎😎-裝修依然係好有舊香港7/80年代既懷舊感覺食海鮮既朋友唔洗擔心唔新鮮~生猛仲游緊朋友話今晚唔太想食雞,咁就不如唔食雞煲,試下蕃茄三拼肥牛鍋🤪有手切肥牛、雪花肥牛同滑牛,牛魔皇寶寶就啱哂口味👅👅👅牛既色澤好好,三款當中最愛手切牛😍😍牛味重、肉質嫩,每次黎都必點!!滑牛都真係幾滑,超出驚喜好食~友人表示好滿意今餐既牛,滿足到佢愛食牛既口味🥰🥰蕃茄煲真材實料,逼滿蕃茄😂😂仲有栗米薯仔等其他配料,呢個鍋好大煲好足料湯底夠哂味😛墨汁丸好有咬口~~粒粒咬落都爆汁☺️花膠都有得點😛-我地眼闊肚窄,其實已經好飽😂但牛魔重朋友見到有清湯牛腩又叫埋🤣🤣建議一到就放落煲,滾到佢「淋」哂,滿口油脂, 正😋😋😋-水魷魚又係我每次邊爐既必點,爽口~~-八妹雞煲仲有小食可以點,餓既朋友未等到淥熟都唔緊要~呢個椒鹽炸軟殻蟹熱辣辣,炸到脆卜卜啖啖肉,做火鍋前既小食一流😛😛-大埔實在太多好西食,我相信久不久都會翻黎八妹打邊爐🙂🙂🙂 繼續閱讀
(以上食評乃用戶個人意見 , 並不代表OpenRice之觀點。)