863
117
145
港鐵尖沙咀/尖東站 B2 出口, 步行約4分鐘
繼續閱讀
電話號碼
67999663
營業時間
今日營業
11:45 - 00:00
星期一至五
11:45 - 00:00
星期六至日
11:15 - 00:00
以上資料只供參考, 請與餐廳確認詳情
食家推介
厚福街係尖沙咀美食集中地之一, 今晚去咗一間食沾麵嘅小店---「元祖沾麵專門店」, 估唔到食咗一次就令我愛上!!餐廳面積不大, 座位亦唔算闊落, 不過簡單食個沾麵需時唔太耐, 可接受。沾麵款式多, 每款亦可額外加錢升級追加配料, 每Order沾麵, 可以優惠價$16追加$29嘅飲品, 有數款口味嘅波子汽水選擇。每款沾麵都以石鍋裝住熱辣辣沾汁送上, 熱得有如溫泉咁仲起緊水泡。我地order嘅沾麵除咗沾汁外, 其他配料都係一樣,麵底分開上, 常溫一大碗, 麵條粗, 煙韌彈牙,每碗有三塊帶有焦燶香口嘅日式叉燒、軟滑流心嘅溏心蛋、竹筍同紫菜…豚肉魚介沾麵:豚肉魚介沾汁中有好幾粒豚肉角, 將麵條沾上沾汁, 鹹香惹味, 超正!沾汁仲可以免費無限添加!最後食完整個沾麵, 店員再加入木魚湯於餘下沾麵汁中, 比食客飲用, 味道有如淡味嘅味噌湯似的。原隻極上芝士蟹皇豚肉沾麵:呢款沾汁完全滿足芝士+海膽控嘅我!!上檯時個沾汁已經散發陣陣芝士香。沾汁容易掛汁, 芝士味濃郁又唔會過鹹, 將麵條沾上芝士沾汁食, 真係夠晒邪惡!! 而且沾汁中仲加咗海膽, 甘香美味。另外仲跟咗個燒芝士蟹蓋, 蟹蓋中有日本松葉蟹膏同埋蟹肉碎, 金黃芝士佈面, 鹹香芝士配埋甘甜蟹膏, 味道甘香鮮甜, perfect match啊! 而且伴碟嘅沙律菜上, 仲加咗大量蟹籽, 再豐富咗口感層次。
繼續閱讀
前日食咗個$149嘅炸蠔沾麵，碗湯又唔夠熱個麵又凍冰冰。食完碗炸蠔沾麵，當晚即刻又發冷又發燒，第二日仲要胃痛肚痛。去睇醫生，醫生都話係病毒性嘅腸胃炎，啲嘢食唔乾淨。（當日淨係食咗碗沾麵冇食其他嘢）如果大家唔想腸胃炎，肚痛胃痛幾日嘅話，都唔太推薦大家去食了🙏🏻🙏🏻🙏🏻🙏🏻🙏🏻🙏🏻🙏🏻🙏🏻🙏🏻🙏🏻🙏🏻🙏🏻🙏🏻🙏🏻🙏🏻🙏🏻🙏🏻🙏🏻🙏🏻🙏🏻🙏🏻
繼續閱讀
事情是這樣的……夜晚碌社交平台時見到元祖海膽沾麵，隔著mon 都聞到香味，剛巧出尖沙咀就跟朋友一起去吃了。坐下來一邊翻menu，種類配搭太多，選擇困難症的二人選好久都未選好，那個時候還說下次再來試其他，可以encore 之類。朋友點了個元組終極龍蝦沾麵，我點了個極上芝士蟹皇沾麵 (芝士海膽湯)，再追加個原板海膽……問題就是在這個海膽上了 (哈)原板海膽的圖跟menu show 出來的形狀、網上社交平台 也好、openrice 其他評論的圖對比也好，小了一個圈。以為她是給錯了，就叫店員過來問，她堅稱沒給錯，這個就是原板。無論我怎拍，拍怎我論無，都拍不出其他網上的原板海膽的大小……俯視拍一張……顯得更小近鏡又拍一張3條大的，2條大只有半條點的是「原板海膽」，不是迷你版~之後再叫另一名服務員過來，給了其他圖給他看，他還是堅稱這就是原板。我叫他拿個迷你板的板給我看看，他以「不是點餐不會開封」為由拒絕了我，不是朋友不想搞這麼多事我就退費了。「理清」完海膽的事後東西都涼了，湯是可以添的，味道如標題是可以的，但感覺被坑了已經不是味道了，也掃了大家出來開心用餐的興。本來下面貼了其他openrice 評論的截圖，但OpenRice 要我貼原圖，所以大家自行去其他評論找圖看了，再思考「海鮮size」海膽值不值得幫襯。其他食客點的迷你版海膽，板是跟我一樣小的，有四個腳仔凸了出來。海膽有3條大的，另外3條是一半。別人的原板是長方形板正常size，有9塊大的。這樣也說是一樣拒絕承認錯誤換回給客人，真的沒下次了。之後再看很多評論，投訴服務、收費的都很多，價錢不算貴但要受氣/ 坑，大家自行斟酌。
繼續閱讀
叫咗個拉麵加魚子醬同鵝肝溏心蛋，但完全食唔出魚子醬同鵝肝味，拉麵就正常發揮未去到話好食到要返轉頭，海膽太苦。埋單居然被告知唔收電子支付淨係現金，咩年代呀2024年仲要係尖沙咀區唔收電子支付？但好笑係OR到又寫到明收支付寶⋯master…visa…真係比佢挽死
繼續閱讀