281
12
5
港鐵大窩口站 B 出口, 步行約11分鐘 繼續閱讀
所有分店 (2)
電話號碼
21496066
營業時間
今日營業
11:30 - 22:30
星期一至日
11:30 - 22:30
付款方式
Visa Master AlipayHK 支付寶 現金
座位數目
50
其他資料
Wi-Fi 詳細介紹
加一服務費
當面支付
食評 (304)
等級4 2020-05-15
824 瀏覽
因為疫情關係,已經好耐好耐冇去旅行,以前每年都會去日本食好野,現在衹能夠留係香港間吾使去下日式餐廳懷念下。今晚去荃灣Aeon行街, 路過見到<元札幌拉麵>, 又令我回味大阪拉麵既美味!!~<豬軟骨拉麵加叉燒 $82 加$10叉燒>豬軟骨配叉燒拉麵份量不少,滿滿一大碗,豬軟骨有三大塊,係炆得好淋好鬆軟既豬肉,豬肉間夾雜住好軟綿既啫喱狀軟骨,入口淋滑,醬油味濃。我另外加$10要左叉燒配料,有一大塊日式叉燒,應該有手掌甘大,配埋粟米,海帶,溫泉蛋同醬油味湯底拉麵,好好食吖!!<叉燒拉麵 $88>朋友叫左叉燒拉麵配味噌湯,自選拉麵質地簡左硬身,日式叉燒有4塊,湯底同樣夠曬濃郁,不過就冇溫泉蛋,如果有就更加完美啦!!~<海鮮大阪燒 $48>大阪燒有好多木魚絲,入口係棉棉地既大阪燒薄餅,有沙律同海鮮配襯,飽肚又好食。餐廳除了供應拉麵外,仲有牛肉飯,豚肉飯同鰻魚飯等,感覺好似去左大阪一d日式地道拉麵小店甘,價錢合理,又食到大大碗拉麵同試到日式小食,兩個人埋單都係$250左右,抵食又好食,值得推薦呢!!~ 繼續閱讀
(以上食評乃用戶個人意見 , 並不代表OpenRice之觀點。)
等級4 2020-05-10
469 瀏覽
來到荃灣的悅來坊買野,順便食埋lunch,好耐無食過拉麵就揀左黎元札幌到食,午市套餐有幾十款選擇,除左拉麵亦有飯食,仲有好多不同小食添。入店前先量體溫,坐低後店員送上餐牌及熱茶,麥茶來的,一向好鍾意呢隻茶味。是日叫左午市自選三款套餐,要左雜錦拉麵,凍菠菜同可樂,個人貪佢呢款餐有野飲送,大熱天時飲汽水真係好正㗎。小食要左凍菠菜,考慮左好耐要蟹籽沙律好定菠菜好,最後決定後者,因為比較少叫算係試下新野。菠菜爽嫩,超多麻醬正啊~如果怕拉麵唔夠飽,呢個小食可以揀迷你咖喱飯,隔離枱位男仕就叫左咖喱飯啦,迷你都唔係真係好細咋喎。雜錦拉麵~就貪佢多料,一次過可以試幾款餸。溏心蛋雖然造型唔靚,但幾綿滑,甜甜地幾正。豬軟骨好入味,軟骨位都淋哂口感好正,叉燒普普通通半肥瘦囉,蟹棒亦無乜特別,三款食材中豬軟骨最好味,唔怪得有個推介公仔啦。湯底可以揀味噌,醬油同鹽,自己揀左醬油,甜甜鹹鹹味道有啲似壽喜鍋,個人覺得好對胃,差不多飲哂碗湯,不過因為飲左汽水真係飲唔落太多野咋。麵條係黃色拉麵,幾彈牙,無鹼水味唔錯呀。汽水除左可樂,仲有雪碧,忌廉,芬達等大眾口味,好似無左特別版了。咁多野食都唔使一百蚊,抵啦~ 繼續閱讀
(以上食評乃用戶個人意見 , 並不代表OpenRice之觀點。)
等級4 2020-07-05
68 瀏覽
老豆呢排晚晚食飯話好悶 叫我近近地同佢係荃灣食碗拉麵喎, 咁我就帶佢來到元札幌了, 地點係熊貓酒店入面落一層好易搵。呢到餐廳裝修有日本feel, 我叫左碗 元拉麵,而老豆叫左碗豚軟骨拉麵, 兩碗都係配味噌湯底。先講講我果碗元拉麵,拉麵軟硬度適中,一大片薄叉燒和有荀, 叉燒雖然薄但大大片吸汁,一口叉燒連拉麵放入口正喎。 老豆碗豚軟骨都好掂, 我夾左夠來食,豚軟骨炆到好腍好入味又有一點甜甜地,配上味噌湯真係好夾,另外一提個流心蛋一流。 而我發覺拉麵始終都係出去食好,因屋企係煮唔到呢重湯底和效果的。 繼續閱讀
(以上食評乃用戶個人意見 , 並不代表OpenRice之觀點。)
店長推獎之二人大餐 $298 加一服務費超抵食, 我地3個人唔算大食, 食個二人餐都夠晒飽! 超抵不過只限荃灣分店haha螃蟹拉麵 螃蟹其實即係蟹柳haha 湯幾清唔算重口味, 有溏心蛋, 麵係彎彎地果隻但都OK牛肉飯整爛左個蛋撈落去好正呀, 牛肉同洋蔥都好多, 但稍嫌佢個飯濕左D, 但味道唔錯蟹籽沙律份量夠! 蟹籽多!燒雞翼拼雞軟骨雞翼有兩間無骨串住, 雞軟骨有兩串, 鹽味燒好正!北海道南瓜薯餅好重南瓜味呀勁正! 薯餅底都好smooth燒八爪魚餅兩塊圓形既切十字開四份, 夠味又唔會太咸, 有咬口! 好味!汽水X2整體係又抵又好食, 位都坐得舒服!! 仲係黃 💛❤️ 繼續閱讀
(以上食評乃用戶個人意見 , 並不代表OpenRice之觀點。)
等級4 2020-06-28
46 瀏覽
今日朋友帶我去隱世拉麵,到達門口被一個很大的多啦A夢吸引。餐廳充滿日本拉麵小店的感覺,抗疫不能外遊就來個充滿日本感覺的拉麵吧😚職員會先量體溫,提供搓手液清潔雙手,白色圍板隔開,枱面及座位都很整潔。豬軟骨拉麵濃厚豬骨湯㡳但沒有油膩感,拉麵口感彈牙爽口,重點是拉麵上那3件豬軟骨,做得很鬆軟,入口即溶的感覺很好,而且不會覺得漏。平日拉麵上的叉燒我都吃不完,但這個豬軟骨實在不能抗拒,忍不住要👍🏻👍🏻👍🏻👍🏻牛油拉麵湯底跟豬軟骨拉麵大致一樣,但厚厚一片牛油湯底多了一份油香,拉麵口感也變得柔滑了,加牛油呢個係一個好主意👍🏻朋友說外面很少看到牛油拉麵的。 叉燒片不會很乾,是軟綿綿的口感滿意😋野菜魚餅燒魚魚餅有墨魚味, 配醬汁甜甜的,是日本路邊小食的味道😋脫離人多跟朋友聊天的好地方,靜靜享受拉麵的晚上,店員服務有禮,豬軟骨值得再試,價錢也合理呀。 繼續閱讀
(以上食評乃用戶個人意見 , 並不代表OpenRice之觀點。)