16
5
1
以上資料只供參考, 請與餐廳確認詳情
同老婆今晚去買外賣 返到屋企 食落口第一反應就是伏 酸臭味嘅魚條飯 仲要四條都酸臭味 點解可以出啲咁嘅嘢比人食 好彩另外買了隔離38元鹽水雞飯 起碼兩公婆唔洗無飯開 唔會再幫襯 😤
繼續閱讀
剛剛買左個鹽酥雞扒肉燥飯，返到屋企一打開，見到入面啲飯熟到好爛。唔緊要，諗住咁至少係可以放落口食。點知一食一啖，啲飯入面原來係混集左一啲完全未煮熟既飯！食多一兩啖發現都係咁，再望真啲先發覺入面原來溝左好多生米！根本係魚目混珠！好明顯係直接將米倒落原先煮好既飯入面不斷再焗，但根本就冇煮透！咁都可以賣比客人！根本差劣，罔顧食客安全！將啲飯叮左兩次都仲係有啲生，咁整法連原先啲雞扒都整乾曬，完全係浪費我金錢既一次經歷，好不滿！
繼續閱讀
猴子幾個月前試過便當達人，上次係食香菇肉燥豬扒飯，而今次想試吓佢哋嘅牛腩，所以點咗客香菇肉燥滷牛腩飯。一貫嘅快手快腳，只係等咗五分鐘左右就有得食。牛腩方面係入味得嚟又唔覺太鹹，而且冇乜脂肪，啖啖都係肉，猴子發覺便當達人嘅嘢食普遍都唔太肥膩，適合正在同體重搏鬥嘅人士食用。肉燥方面幾香口，本來用嚟餸飯一流，不過唔知點解今次啲飯煮得爛爛地，冇乜口感可言，同肉燥撈埋一齊嘅時候就有啲似食緊糊仔咁。雖然相信只係一時失手，不過品質管理方面就要落多少少工夫喇。
繼續閱讀
第一次幫襯，叫左炸豬扒、牛腩、豬軟骨3款飲，但食到一半先記得影相，所以只係影左炸豬扒，份量夠多，d飯好濕，加埋肉燥仲濕，不過價錢唔貴，而份量一定夠飽，所以都ok另外，個人覺佢炆煮既牛腩同豬軟骨較好食，因為炸豬扒較乾身
繼續閱讀
大圍站上年開左個【搵食市集】A出口一出閘就見到市集入面由台式 韓式 日式 泰式到飲料店都有😲不過兜左一圈 覺得啲野食都偏頹 唔係好買得落手😅依間賣台式野食既【便當達人】算係比較睇得上眼🤡🍱香菇肉燥豬軟骨飯($54)連紙包飲品一盒裡面 有肉燥飯有豬軟骨 有滷水蛋 連啲酸菜 都幾飽肚抵食肉燥汁多到淋滿整盒飯 幾香口 適合撈飯可惜啲飯明顯太軟 雖然食軟飯係好多男人既夢想 但感覺嘥左個汁😢香菇角色唔算好明顯 隱隱約約咁豬軟骨切成條狀 搞到有啲難夾煮得好入味 但比起豬軟骨 更似帶軟骨既瘦肉 軟骨部分較爽口😎整體黎講 各方面唔算好出色 但係肉量/汁量夠多 食得夠爽🤪滿足左我想大啖爬飯 同想食濃味料理既欲望👍🏻對得住價錢佢仲有 鹽酥雞飯、滷排骨飯、豬手飯 等等既款式 感覺都幾吸引😛P.S. 學生優惠 著校飯單點便當 $40送野飲
繼續閱讀