661
12
5
開飯介紹
餐廳環境乾淨,位置不多。提供2個小時任食任飲雞煲及鴨煲,而火鍋則提供8款湯底,如沙嗲鍋、川椒麻辣鍋、藥膳鍋。特別推介冬蔭功鍋。而配料亦十分豐富,有美國肥牛、鮮鵝腸、海蝦等。
繼續閱讀
附加資料
任食火鍋
營業時間
今日營業
17:00 - 23:45
星期一至日
17:00 - 23:45
公眾假期
17:00 - 23:45
公眾假期前夕
17:00 - 23:45
以上資料只供參考, 請與餐廳確認詳情
有關獎賞計劃
招牌菜
食家推介
👦🏻👧🏻嚟到旺角食二鍋頭嘅「烤魚雞煲火鍋放題」,有雞煲、豬手煲、牛尾煲任食,食完之後可以轉食烤魚,跟住再轉食打邊爐,火鍋配料仲有好多選擇添!出面自助區可以任拎蔬菜、丸類、飲品同雪糕。星期日至四成人$298,星期五六日$338,有咁多嘢食同雞煲烤魚質素高,性價比相當唔錯!🐤二鍋頭惹味雞煲有大辣、中辣、小辣同唔辣揀。我地叫咗唔辣,上枱時店員會先炒幾下,雞肉炒得好香口,就算係雞胸肉都好嫩滑入味,醬汁惹味,做得幾出色👍🏻🐟海鱸魚魚可以選擇海鱸魚或者清江魚,而味道方面可以選擇麻辣味、香辣味、酸辣味同醬香味(唔辣)。海鱸魚大大條魚肉份量多,煎過嘅魚皮有香脆感,而浸咗湯之後嘅魚皮會變得有煙靭感。魚肉潔白肥嫩,醬香味好惹味,醬汁煮得越滾令魚肉越入味!仲有蓮藕、豆卜同豆皮係底到吸湯,吸收晒魚肉嘅精華!🍲湯底有10款湯底選擇,因為雞煲同烤魚比較濃味,所以湯底我哋揀咗比較清啲嘅蕃茄薯仔湯,估唔到有驚喜!蕃茄味非常香濃,配肉類都無咁膩。✨火鍋配料推介✨🐮安格斯牛版腱呢個食完一定要encore,一碟有三大片,切得有厚度,食落肉味濃厚同有口感。🐷西班牙豬梅肉豬肉片油花分佈均勻,肉質軟腍,唔會好肥。💦活海蜆粒粒都洗得好乾淨冇沙粒,蜆肉肥美飽滿,非常鮮甜!🦐活海蝦海蝦爽口彈牙,有鮮甜味,沾少少豉油帶出鮮味。📍 二鍋頭 (福苑) (旺角)旺角西洋菜南街138號福苑2樓
繼續閱讀
♡ 旺角任食雞煲火鍋店|二鍋頭 ♡-呢排天氣凍返 成日都諗住打邊爐🍲於是今日就嚟到旺中對面嘅二鍋頭 最緊要係性價比高 又近地鐵站🥰 佢哋嘅雞煲、牛尾煲、豬手煲任食再加埋可以任打邊爐🤣 價錢亦都好實惠 而我哋就揀咗嚴選安格斯牛肉餐 $268 一位💁🏻♀️食到真係好滿足~~❤️- ♡ 湯底 ♡ 湯底嘅款式種類都好多 我哋就揀咗冬陰功湯唔算好辣 但係又好入味👍🏻 -♡ 雞煲 ♡ 辣度可以自由選擇雞件都好滑嫩完全冇嚡熠熠嘅情況 食完已經幾暖身😛-♡ 牛肉 ♡ ✨安格斯牛板腱肉味好濃郁 而且仲好多肉汁 入口滑順而有口感✨安格斯斯封門柳肉質更加滑嫩同香濃 肉質更加腍-♡ 海鮮 ♡ ✨海蝦佢哋嘅海蝦都幾新鮮 而且都幾大隻 肉質鮮甜✨沙白隻隻都好大隻同厚身 質感好有韌性✨脆鯇魚片✨水土魷-♡ 自助區 ♡ 自助區亦都有好多唔同種類嘅丸、蔬菜🥬、水餃、腸仔等等~ 旁邊仲有得可以拎炸魚皮同埋韓國麵/出前一丁。 -♡ 飲品區 ♡飲品選擇有鴻福堂涼茶、台灣製造嘅茶一刻、罐裝汽水等等。-♡ 甜品區 ♡最後我哋就食咗cocoberry雪糕🥰佢哋嘅雪糕出名就係味道特別。❥#⇢店鋪資料:二鍋頭 (福苑) (旺角)旺角西洋菜南街138號福苑2樓#♥︎ᵕ̈ Follow 我 IG 睇更多食評啦 ᵕ̈ ✨IG: @conniew_915 # 🔍尋找同區美食📍➾ #礦泥黃X旺角-#hkig #hk #hkfoodie #hkgirl #foodie #hkfood #foodstagram #foodblogger #foodgasm #香港美食 #香港好去處 #香港小店 #相機食先 #手機食先#拍拖好去處#香港美食地圖#香港美食指南
繼續閱讀
之前係尖沙魚食過火鍋放題店二鍋頭,放題除咗火鍋之外,仲可以任食雞、鴨、豬手煲,好抵食🤑今次再戰旺角分店,有🥩精選牛肉、嚴選安格斯牛、特級極上和牛3款放題套餐,仲可以加$88有羊腩煲放題,全部都係任食,唔怕你食到嘔最怕你唔食咁款🤣🤣趁住冬天可以嚟擦餐勁😎嚴選安格斯牛放題🥘羊腩煲羊腩份量超多👍🏻反而馬蹄、筍、枝竹佔少數。羊腩好入味,有肥啲同瘦啲嘅部位,部分連厚厚嘅皮,好軟滑幾正😋瘦嘅部份亦炆得夠腍。羊肉偏向冇乜騷味,係大家都會接受嘅味道。醬汁鹹淡適中,沾點腐乳醬更惹味😍🍲越式香濃牛肉鍋食完羊腩煲就轉火鍋,叫咗未見過嘅越式牛肉湯,見到湯底有好多配料,好似牛肉片、香葉、檸檬等,好有越南pho嘅感覺😛聞落好香香葉味,食落味道就唔算好出。其他湯底都有啲惹味嘅選擇,好似麻辣鴨血鍋、沙嗲鍋、養生鷓鴣鍋、冬蔭功鍋等。🥩美國牛胸腹、本地鮮滑牛、安格斯牛板腱、安格斯封門柳呢個套餐包4款牛,封門柳貪佢肉味濃,肉質緊實,我自己就鍾意本地鮮滑牛,大大塊又厚身又滑😚口感幾好。另外都有唔少其他肉類選擇,連油鴨脾都有。🦐海鮮海鮮類都有花枝片、白鱔片、蝦、帆立貝等,我就叫咗水土魷、活海蜆、墨魚滑,魷魚好爽脆,海蜆新鮮無沙。🍢火鍋配料雪櫃放咗唔少蔬菜、丸、餃可以自己拎,都係啲大路款式。🍨飲品、雪糕有包裝飲品可以自己拎,甜品就有榴槤雪條、豆腐雪糕或tiramisu雪糕。雪糕味道偏清淡。人均消費:$360推介指數(10分為滿分):7.5分
繼續閱讀
早兩日行完旺中就去左斜對面打邊爐😃我地揀左個可以任食✨二鍋頭惹味雞煲✨、✨香濃黑椒豬手煲✨、✨秘製火焰牛尾煲✨同嚴選安格斯牛既120分鐘火鍋放題B餐 。食完d煲,仲可以轉湯底打邊爐添架👍🏻2種食法,夠哂吸引😌-開波就叫左個可以自選辣度既✨秘製火焰牛尾煲✨打頭陣!唔太食得辣既我哋梗系揀咗小辣喇🤣個煲-上枱,店員就系煲面倒左d烈酒,然後再點火🔥;唔使1秒鐘,藍色嘅火焰就隨之升起🫶酒香四溢;牛尾炆得好夠火候,肥瘦適中牛味濃,肉嫩Q彈有膠質,-d都唔難咬;仲要大煲夾足料,食完都飽左半🤭火鍋湯底有香茜皮蛋鍋、蕃茄薯仔濃湯鍋、懷舊沙嗲鍋、川椒麻辣鴨血鍋、泰王冬陰公鍋、清湯豆腐鍋、正宗豬骨鍋、越式香濃牛肉鍋同胡椒豬肚雞鍋可以揀..部分湯底唔係間間食打邊爐既都有,特別得梨仲好有特色🫰🏻我地要咗胡椒豬肚雞鍋,湯底因為有胡椒既關係而有微微嘅辣味,醒神暖身又唔會太刺激👍🏻;湯底入面既湯料唔少,飲得出嘅真材實料🫰🏻至於任食配料方面仲多達數十款,真係超級豐富,一定有款啱到你🤣除咗必食既安格斯牛板腱、安格斯封門柳、鮮嫩鵝腸、爽脆花枝片、新鮮白鱔片同美國牛胸腹要不停encore之外;最估唔到嘅係連雞子、油鴨脾、炸鴨腳同豬大腸呢啲比較少可用嚟打邊爐嘅食材都有,實在超有驚喜💕原來佢地攞嚟打邊爐都一樣咁鬼正👍🏻又成功解鎖一個隱藏新食法呢😍🛑二鍋頭(褔苑)📍旺角西洋菜南街138號福苑2樓港鐵旺角站B2 出口,步行約2分鐘
繼續閱讀
咁岩行完Top之後,發現對面有一間任食邊爐睇落幾高質,當然要試一試啦!我地今次叫左安格斯餐。打邊爐前就可以叫任食煲。原來除左指定三款煲之外,仲有任食羊腩煲,所以我地就叫左羊腩煲試下。羊腩煲炆得岩岩好,羊肉夠哂入味又夠淋,唔會又一陣騷味,份量亦非常足料,仲可以免費追加,抵啊!我地亦都叫左其他配料打邊爐。牛胸腹同新鮮牛肉值得推介,夠哂牛味,肉質又嫩滑。二鍋頭亦有好多選擇,例如有墨魚滑、鵝腸、雲吞等等,絕對滿足到大家既口味。旺角分店亦都坐得非常舒服,員工服務都好好。下次同朋友聚會可以考慮一下!
繼續閱讀
您可能會有興趣的...