145
1
3
港鐵大埔墟站 A1 出口, 步行約7分鐘 繼續閱讀
電話號碼
35655415
營業時間
今日營業
18:00 - 23:00
星期一至五
18:00 - 23:00
星期六至日
12:00 - 16:00
18:00 - 23:00
付款方式
現金
其他資料
加一服務費
食評 (155)
等級4 2020-06-04
434 瀏覽
之前一直有幫襯開一鳴拉麵,而家佢有一邊係轉左做一鳴丼食堂,有新野,梗係要黎試下啦!煎雞軟骨餃子外皮煎得脆脆的而且不會太厚,雞軟骨包在入面,一口一口都夠哂口感。雖然係煎的,但完全唔會覺得油膩,成口油,配埋旁邊既醋,令成件餃子味道更加提升。免治雞肉棒普通既一串免治雞肉棒,但佢present得好靚,舖塊葉托底再加少許蔥花係面頭,唔食得都睇得!再加上佢味道同口感都唔錯,值得一試。壽司再黎今日既重頭戲壽司啦。估唔到佢件件都咁有份量,size好似比平時食開既大件,而且好足料!甜蝦係我至愛,平時叫甜蝦,好多都係比d蝦毛仔你,呢到比普通既貴小小小小,但隻蝦係大大大大好多。食入口係大滿足的感覺!三文魚籽軍艦,雖然唔係咩特別既壽司食材,但三文魚籽粒粒都好飽滿,每咬一口都係脆卜卜的,兩件我都自私食哂!另外叫左個火炙三件壽司,分別係油金魚、章紅魚同海鱺,朋友仔話後兩者比較少見,所以佢就自己點左一個私食。雖然火炙左,但都食得出食材係新鮮的,但又唔會好腥,火炙完反而更帶得出個魚香。另外睇個MENU見到好多丼飯,見到D圖都覺得好吸引流哂口水,見到格離檯叫左,份量超足,下次一定要再黎試!! 繼續閱讀
(以上食評乃用戶個人意見 , 並不代表OpenRice之觀點。)
等級4 2020-05-31
274 瀏覽
連續第 4 日的悠長假期,繼續暴飲暴食,還有 2 日。老媽的生日盛宴,埋單 $2800 好意頭。食頭圍不是太多食客,舖面有點窄,檯櫈都較細件,肥少少都坐得非常不舒服。再次忘記不可以一次過點菜,出餐亂七八糟沒排序。第一道菜上丼飯清掉已經半飽,緊隨串燒壽司刺身再串燒刺身!搞到比平時食少好多。有機會再幫襯記住記住記住要分開落單,先前菜、刺身、壽司跟住丼飯,最後燒物、炸物。我食日本料理必定續款點菜,依次序小食、頭盤、刺身、壽司,食完一輪刺身及冷盤,中間飲碗熱湯暖暖胃。到下半場熱燻、鍋物、炸物、串燒,最後就粥粉麵飯。餐廳一次過出晒所有,見張檯都知道無可能放得到啦,激死我﹗到中途我要立即喊停,暫不要再上菜,無位放搞到迫迫夾夾、頂手頂腳極度討厭﹗如細心及有妥善管理的餐廳會替我安排上菜速度及次序啊。上菜雜亂無章,見到都頭痛,冷靜冷靜,不要上火!首先衝線係兩碗丼飯,第二名炸軟殼蟹,各款串燒一一抵步,接住刺身同壽司牽著手出現,最後白子斯斯然地到來!還未夠喉,加多幾串雞珍先。舩坂深山菊大吟釀,唯一一支細清酒,全家只有我飲酒的呢!色香味優質,獨尋醉兩支細唔少得。純米吟釀,鞋鞋不幼滑,酒味淡而不香醇,有放棄的衝動。花陽浴純米大吟釀,薄身口感,酒香而不夠醇,餘韻有少少辣。豪快海膽盛,酸蘿蔔爽爽消滯,韓國芝麻葉即紫蘇葉,捲飯捲海膽或用紫菜捲,各具特色,別有番風味。珍珠米十分飽滿嚥韌肥嘟嘟!鵪鶉蛋三色海膽撈飯,添點山葵豉油提味絕頂!少少飯多多肉,鮮甜濕潤沒半點腥嗅,滋味無窮無得彈!朋友收到風我正在嘆緊至尊海膽丼飯,要求速遞兩碗海膽丼飯大便當,好啦好啦!都要等我食埋先啊。究極甲羅盛,松葉蟹蓋、松葉蟹腳、蟹肉、蟹拑、蟹膏麵豉、蟹子、鵪鶉蛋、蔥花、鮮山葵蓉,百花齊放!蟹腳直接入口一啖一條,嫩嫩柔軟,蟹汁微滲鮮甜。蟹拑實淨爽彈,蟹味濃郁。除蟹腳蟹拑直接處理外,將其他食材融合成完全體。蟹肉、蟹膏麵豉、蟹子、鵪鶉蛋,蔥花只有老爸食,鮮山葵蓉只有我食,大家用自己獨特方法消滅掉。我不是飯桶,淺嚐一小碗已十分足夠,黏黏嚥嚥肥美珍珠米,甘香蟹膏麵豉,蟹子咸鮮脆口,蟹汁帶著鮮味蟹汁,蛋液牽引平衡各種食材和諧共處!唐揚原隻軟殼蟹,炸得有少許油膩感,脆漿鬆化不硬掘掘已值得一讚。屬中碼的軟殼蟹,薄身帶膏酥香鬆化沒過份的咸,落幾滴鮮青檸汁更清新。雞皮串燒,少見的長條形狀,印象中係雞背皮嗎?香脆兼備,焦香搭豐盛鳳脂,香甜回甘。汁燒厚切牛舌,大大舊一口牛,爽爽彈牙極有嚼勁,鹽香牛甜爆汁不羶。燒脆肉瓜,清爽清甜。燒日本甜番薯,綿粉皮香甜到漏。日本生蠔,蔥花醬油吊吊味,海水咸味高,蠔身爽滑。牡丹蝦刺身,真牡丹蝦新鮮度爆燈,黏爽彈甜,蝦膏甘香無限。油甘魚刺身,油潤滑滑,魚脂香甜讚不絕口。間八刺身,貌似油甘魚但更肥美更油潤更鮮甜。三文魚腩刺身,平凡鮮甜不夠肥。活赤貝刺身,活劏爽脆黏滑,貝甜味出眾。珍寶帆立貝壽司,優質肥美綿滑厚厚帶子。拖羅壽司,幼嫩激甜魚脂,滑溜溜油份高,堅係大舊飯,其實一指已非常足夠,比例太多了!肉多飯少二比一最滿足。壽司飯跟珍珠米一模一樣圓潤大粒,個人覺得用瘦長米粒會更舒服更合適。醋漬白子,季節限定鱈魚精囊,冰涼脆滑,少少腥少少甜,神秘的反差味道,酸醋幫助不少。雞肝串燒,切得細細,燒完更乾,口感味道大打折扣。鹽燒雞心,食冰鮮雞心的我不可能滿足!乾乾韌韌不彈沒鮮味。鹽燒雞頸肉,罕見的食材,雞味濃厚,趙落一絲絲少許肉汁。蒲燒鰻魚帆立貝盛,有兩塊黃禁禁酸蘿蔔?還是鯑靈魚子?原來係玉子呢。巨形帆立貝佔據大半個飯碗,仲被燒鰻魚重重包圍!厚厚帶子嫩嫩內臟彈彈掛著甜豉油躺在白飯塞進嘴仔,打得精彩絕倫拍手叫好。丼飯暖笠笠不像壽司飯低低於室溫。瘦瘦薄身魚脂欠奉,鬆軟滑肥美不足,搭著軟飯嘆還算不過不失。鰻魚串燒,唔記得已點鰻魚丼再點蒲燒鰻魚。餐牌寫住串燒點知成條上既?一鳴創作醬炸雞,雞甜滴汁滑滑,鬆化炸粉香口,唧點鮮檸汁更醒神。汁燒帆立貝,跟丼飯內既帆立貝同出一轍不相伯仲,只係內臟被抽掉及添加燒烤焦香味。芝士明太子玉子燒,我幻想芝士及明太子都會釀入玉子燒,原來明太子鋪係表面,只釀入芝士。心底裡有點抗拒,因有多次的不開心經歷,遇上的都係極老鞋鞋翻叮蛋皮!驚喜竟然鮮煮,誠意爆燈不得不讚!嫩滑香甜熱烘烘,咸香芝士黏黏味濃,明太子陣陣辛辣亦帶鮮,配搭神奇美味。蟹棒壽司,壽司飯有點冷而且質素比以前差,乾硬不是乾爽不是嚥韌飽滿,甜醋味完全感受不到。幸好蟹棒軟綿多汁,魚肉味加蛋黃醬完美。蝦仔蟹膏麵豉軍艦,微微鮮蝦味爽爽蝦仔配濃郁咸鮮黏黏蟹膏麵豉,回味再回味。拖羅刺身,魚脂不正常溶到濕淋淋,差點想滴出黎,用快速解凍?用微波爐解凍?間八刺身,發現紫蘇葉的神奇!獨特的香氣搭任可一款刺身都提鮮提味,更加引人入勝!四重火焰盛,三文魚、帶子、左口魚裙邊、蟹棒、蛋黃。炙過左口魚裙邊最突出顯眼,出色非凡!魚脂半溶油潤立立令帶焦香!搭上山葵、豉油、蛋黃撈飯,五星級享受!帶子蟹棒也不甘示弱,烤過使得鮮甜味更濃,配埋撈飯拍爛手掌不停消滅!三文魚就較為遜色,厚身表層微熟魚味濃。赤蝦刺身,超乎想像巨形赤蝦比牡丹蝦大最少兩倍,不過味道有天淵之別。雖然黏爽甜不及牡丹蝦,不過色香味俱全高質。八爪魚刺身,咸鮮爽脆後嚥韌。墨魚刺身,黏黏帶脆,鮮味溫柔。北寄貝刺身,軟腍味淡。三文魚子軍艦,見餐牌寫三文魚籽,籽從米部,米部為植物種子不用作生物,親子親子,唔會親籽親籽。大量圓碌碌晶凝通透橙色寶石閃閃發光,整件啪入在嘴中連環爆破!霹靂啪喇過癮悅耳。濃濃汁液充滿咸鮮跟白飯紫菜夾得天衣無縫,凱程的三文魚子。土佐豆腐,三種配搭三種顏色靚靚,蔥花、木魚絲、櫻花蝦,其實不太食到分別,因油炸感野蠻強烈。外殼脆到到甩皮,最好一啖過入口,但太熱呢!硬豆腐有酸味,突然聯想到炸嗅豆腐,可能配豆瓣醬會更好味。一鳴炒雜菜,熱辣辣飄著煙送到,聞到氣味我已心知不妙!洋蔥、芽菜、冬菇、木耳、椰菜及木魚絲所炒成,洒上木魚粉裝飾。洋蔥味霸道,盡力地試食,還是要棄權投降,真的吃不了!秋葵串燒,黏液的口感始終使我有點卻步,硬食兩條已非常足夠,爽脆爽脆。汁燒雞翼,醃到裡面白肉已程現少許淡紅色,醃味濃濁陰沉,皮都燒得香脆,整體唔難食。鹽燒鯖魚,非常特別的肉質,結實帶爽噴出魚汁!皮脆肉香,沾埋果醋更顯風味。鹽燒雞尾,明白雞油澎湃要花長時間燒到收乾,要耐心等候,終於壓軸登場!完完全全感到食緊雞油,豬油渣的味道與質感,極度油膩!配白飯或湯麵會較舒服。跟我係北海道札幌食既知床雞籮友差天共地,完全不能相提並論!當時入口彈滑多汁,雞甜味濃厚,鳳脂油潤,還以為食緊雞髀肉啊! 繼續閱讀
(以上食評乃用戶個人意見 , 並不代表OpenRice之觀點。)
等級3 2020-07-29
18 瀏覽
同男朋友一直pinmark左呢間日本菜好耐,難得日頭要去大埔一轉當然把握機會即刻去試試佢既丼飯😚店鋪間隔唔算好大,但係小木屋既感覺夠晒和風xd同男朋友坐係Bar檯欣賞師傅的刀工夠晒溫馨😌餐牌圖文並茂,未落單見到d畫已經食指蠢蠢欲動🤤男朋友係海膽怪毫無疑問要左個豪快海膽盛,鍾意食火炙既我就叫左個四重火焰盛!一上檯就可以見到滿滿既海膽鋪係飯上面睇到男朋友心心眼😍三款既海膽全部都好新鮮,連一向唔係好食海膽既我都覺得好鮮甜y一d都唔腥🤩撈埋鵪鶉蛋蛋黃用紫菜包住一齊食,味道濃郁滿足🤤食到一半怕膩既時候就食片酸蘿蔔,正😎食左個咁邪惡既丼飯之後食呢個四重火焰盛即刻覺得好refresh😂蟹棒、帶子、左口魚邊、三文魚全部都大件新鮮,尤其左口魚邊同三文魚經火炙之後逼晒d油脂香出黎🤤而且醋飯比例啱啱好,一口魚生一口白飯,好快又ko成碗飯🐽其實餐牌裏面都有好多串燒好似好吸引,奈何我地食完海膽盛實在係太飽已經叫唔落😂總括而言,呢到既丼飯確實係名不虛傳非常新鮮,希望有機會經過大埔再黎試佢既串燒😜 繼續閱讀
(以上食評乃用戶個人意見 , 並不代表OpenRice之觀點。)
等級3 2020-07-28
15 瀏覽
星期5晚放工後😌,同女朋友2人去到位於大埔的一鳴井食堂。首先講下個環境,店鋪裝修得有D似日本既深夜食堂。以日本餐廳黎講,都幾有心機。食物方面,我地叫左一個北海道五品盛井飯。價錢就唔平,都要$178,不過就勝在海鮮都幾足料😆,好多刺身都有。三文魚,蝦,海膽都有,味道就見仁見智啦,只可以話呢個價位黎講都算唔錯既。另外都叫左個甜蝦刺身,大大隻,唔似得D放題店好似蝦米咁細隻。不過食落就唔算好鮮甜。🤔總結而言,位於新界區的日本店,價錢就少少貴啦,但係味道都仲可以既。 繼續閱讀
(以上食評乃用戶個人意見 , 並不代表OpenRice之觀點。)
媽媽說了很久想吃日本餐廳,今天適逢有空,突然靈光一閃近近地便帶了她來這間日本餐廳。本來沒有太大期望只是貪方便就腳嘗試一下附近的日式餐廳,一推開門令我喜出望外的是裝修格局絕不簡陋,簡約的線條勾劃出濃濃的日本風味,恍如置身日式居酒屋一樣。食物方面更是令人滿意,首先如果以散計來說的話,價錢絕對物超所值,而且食材方面也非常新鮮,我開始後悔自己怎能錯過這間如此高CP的小型日式餐廳呢? 火炙三文魚脂壽司($20)不知道是因為肚餓還是食材是三文魚脂的關係,總之表層微微焦香再配合滿口三文魚油的感覺實在太棒了, $20就能吃到這樣的烹調和三文魚脂實在夫復何求?燒汁油甘魚($42)這個烹調真的剛剛到位,既微微燒焦,魚香又能鎖住在口感十足的油甘魚上,實在非常美味👍🏻一鳴海鮮湯烏冬($108)+ 牡丹蝦+赤蝦+甜蝦+五款野菜天婦羅足料海鮮作濃濃的湯底,再配合彈牙的烏冬,一吸滿口也是海鮮味,令人停不了口。而且另外配上一碟牡丹蝦+赤蝦+甜蝦,款款都極度新鮮,吃得我滿口蝦jam 。若你還嫌不夠,其實還有野菜天婦羅,只是$108的價錢就能享受到這麼多不同的口味,極抵👍🏻蟹膏甜蝦軍艦($42)香濃的蟹膏配合甜蝦的鮮甜味,個人建議最好整個軍艦放進口,便能享受到兩種極上鮮味帶來的衝擊。火炙牛肉壽司($42)鮮嫩的和牛配上表層的薑蔥,和牛香氣四溢!蒲燒鰻魚帆立貝盛($128)首先份量10分足料,中間大大粒帆立具,口感十足而且非常鮮甜。蒲燒鰻魚充滿著濃濃的鰻魚香,再加上微微的焦香和鰻魚汁,令人欲罷不能!🤤白飯方面餐廳全使用了優質的珍珠米,故此雖然已經9成飽了但還是不自覺地把整個飯吃光。 繼續閱讀
(以上食評乃用戶個人意見 , 並不代表OpenRice之觀點。)