【特約分享】銅鑼灣食飯送無上限消費券+$1,000禮品

最近出街食飯真係特別抵,因為好多商場都推出超多優惠!特別係銅鑼灣美食地標TOWER 535 同 CUBUS 仲直接送埋消費券+禮品。最吸引係消費券可以累積使用,唔會每次食飯只可用一張,儲埋幾張一次過用都得!禮品價值仲份份至少價值HK$1,000 𠻹,禮品咁貴價確實少見~即睇點樣賺晒咁多優惠啦!


優惠一 : 無使用上限消費券 越食越抵

TOWER 535 同 CUBUS 都送出無使用上限嘅消費券。食得越多,可以換領/使用嘅消費券越多!消費券分別有HK$50、HK$100 同HK$200三種, 可以喺唔同商戶使用。

換領日期:2020年6月22至7月26日
換領地點:TOWER 535 顧客服務中心 或 CUBUS 顧客服務中心
換領方法:於銅鑼灣Tower 535 或 CUBUS 內指定食府及商戶,即日消費滿HK$500(以折實價計算),可憑當日電子付款發票(接受合拼收據) 換領總值HK$200 消費券。 (每日最多可憑HK$2,000 消費發票,換領總值HK$800 消費券)


優惠二 : HK$1,000 精美禮品!

除咗消費券,仲要記住即日消費滿HK$3,500 或以上,可即時額外換取價值HK$1,000 或以上精美禮品乙份㗎。講完咁多著數,就入正題睇吓TOWER 535 同 CUBUS 有咩好食啦~


《消費券使用方法》
HK$50 消費券
.凡於指定商戶惠顧滿HK$100 可使用1張;滿HK$200 可使用2張,如此類推。

HK$100 消費券
.凡於指定商戶惠顧滿HK$100 可使用1張;滿HK$200 可使用2張,如此類推。

HK$200 消費券
.凡於指定商戶惠顧滿HK$800 可使用1張;滿HK$1600 可使用2張,如此類推。

消費券有效期: 2020年6月22至8月31日,逾期作廢。


TOWER 535 爽食日韓料理 椰青波波

呢度有多間日本料理,由廚師發辦至放題都有,同場仲有韓式炸雞、泰國菜、特式咖啡、地道黯然銷魂飯,選擇種類超多,一班朋友約食飯就最啱喇。


立鮨 抵價食高質壽司
TOWER 535銅鑼灣謝斐道535號地下G03鋪

「立鮨」門口超吸睛,簡約木飾同悠和燈光令成個用餐氣氛都好舒服。立食壽司店一向主打快食、平價、高質,言下之意即係唔使等好耐位,就用到抵價食高質壽司啦!所以立食壽司一向受知音人歡迎,立食雖然唔會坐低同朋友慢慢傾,但反而令你更專注喺食物上,更享受到師傅製作嘅每件壽司。

「立鮨」仲有廚師發辦套餐,有師傅親揀當日10款新鮮壽司,另可追加三文魚刺身同雪葩,或以HK$98加配海膽迷你丼。

廚師發辦10件,可追加HK$98 海膽迷你丼。
海膽迷你丼,海膽超軟綿甘甜。

療癒西班牙菜 Appendix Coffee & Bar
TOWER 535銅鑼灣謝斐道535號3樓301鋪

咖啡吧由療癒綠色配流線形點綴,單講環境已令人相當放鬆。店家主打西班牙菜,但出色咖啡同悠閒環境,絕對稱得上好啱Hea 嘅Café,自己一個嚟睇書飲咖啡抑或同朋友食飯都得。

呢度嘅海鮮意大利飯有足料海鮮,飯粒飽滿,青口、大蝦都好肥美。同時推薦香烤蜜糖原隻春雞配烤蔬菜,春雞偏大隻但肉質夠嫩。

流線形設計令人放鬆。
海鮮意大利飯好豐富。

Gosango五感六覺 JPOT
TOWER 535銅鑼灣謝斐道535號地下G05a鋪及1樓

「Gosango五感六覺」分別由「J POT」火鍋概念店、「SENSU」酒吧同燒肉專門店「和牛蕃」3間特色餐廳組合而成。相信大家對「J POT」都唔陌生,因為係由周董都現身支持嘅火鍋店呀!接近3,000 呎超大火鍋店以音樂為主題,除咗大播周董嘅歌,仲有爵士鼓造型鍋具、琴鍵造型座位好特別。

呢度所有湯底都係自家熬製,真材實料。想喺夏天食得清爽啲可揀日式昆布湯;想進補亦推薦滋補花膠雞湯。必點五款時令海鮮拼盤,全部每日新鮮運到;牛控必食精選三款日山A5和牛拼盤,入口即融化出油香。

爵士鼓造型鍋具一定要影低。
海鮮每日新鮮運到。

Gosango五感六覺 SENSU
TOWER 535銅鑼灣謝斐道535號地下G05a鋪及1樓

呢度有一般刺身、壽司外,仲有特別嘅手毬壽司。呢款壽司係源於富有藝妓文化嘅日本京都,因為藝妓要保持妝容整潔,所以當地店家特別將壽司挰成球形,形狀可愛,亦好啱女生同小朋友食。

魚材由日本直送香港,相當新鮮。
獨特手毬壽司好可愛。

Gosango五感六覺 和牛蕃
TOWER 535銅鑼灣謝斐道535號地下G05a鋪及1樓

今次介紹嘅就係「和牛蕃」,氣氛時尚舒適,好啱閏蜜、情侶慢慢食慢慢傾。

「和牛蕃」一向出名食靚牛,所以晚市嘅日山A5和牛放題一直大受歡迎!當中名物燒肉每日都有限定和牛部位。燒肉以外,特別推薦真正用和牛製作嘅和牛漢堡。

日山A5和牛放題每日都會精選唔同靚位。
和牛漢堡好高質。

BHC 韓式炸雞
TOWER 535銅鑼灣謝斐道535號地庫B03鋪

「BHC」主打健康葵花籽油炸雞,大部分食材都由韓國空運到港,炸雞即叫即炸。主打BBU Linkle 芝士炸雞灑上大量芝士粉,芝士控一定鍾意;另外Macho-King 醬油炸雞,外層同樣炸得極香脆。

同場仲有芝士薯條、韓國豬肋骨燉湯、健康沙律Cobb Salad ,沙律除咗有新鮮沙律菜,仲有近年大熱嘅Superfood 牛油果。

份量足料,亦有划算套餐選擇。
芝士炸雞味道好香濃。

敏華冰廳 黯然銷魂飯
TOWER 535銅鑼灣謝斐道535號地下G02 鋪

「敏華冰廳」除咗有地道奶茶、蛋撻,仲有佢哋最特色嘅黯然銷魂飯。戳開最上層嘅煎蛋,令蛋黃流到叉燒同白飯之間,加埋特選豉油相當開胃佐飯。

講到地道,不得不提每間冰室必有嘅常餐,最突出嘅係炒蛋滑身有蛋汁,沙嗲牛肉麵亦重沙嗲香,牛肉煮得腍身。

「敏華冰廳」保持到港式味道。
黯然銷魂飯幾時食都好開胃。

小曼谷泰國美食站 泰國味道
TOWER 535銅鑼灣謝斐道535號地庫B02鋪

「小曼谷泰國美食站」門口嘅一大架火車頭一直都係大家嘅打卡熱點。呢度主打正宗泰菜,必試泰式鮮蝦炒金邊粉,一貫泰式煮法味道清新微酸,加咗芽菜、青檸汁同花生,配埋Q彈金邊粉口感煙韌又爽口。

呢度仲有辣度恰好嘅泰皇咖喱炒青口,配埋可以輕鬆食到椰肉嘅椰青波波解辣啱啱好。

菜式份量足,飯後亦可點叫泰式甜品。
芒果沙冰、椰青波波都好解渴。

CUBUS大滿足日本丼飯 熱辣辣鐵板鵝肝
識喺銅鑼灣搵好嘢食嘅話,一定去過CUBUS。呢度嘅餐廳都行高質路線,而且環境坐得寬敞舒服,有多間日本料理、鐵板燒、私房菜等揀。


玄鮨 米芝蓮推介
CUBUS銅鑼灣開平道1號7樓

曾連續數年獲得《米芝蓮指南香港澳門》推介嘅「玄鮨」主打廚師發辦,魚材固然新鮮,並貫徹日本職人精神,每碟菜式都非常精緻,視覺味覺都係一種享受。

特上魚生飯可以一次過食到多款時令魚生。如果鍾意拖羅、海膽嘅話就可以揀三色丼,拖羅蓉極多。另有刺身拼盤用上多種顏色小花點綴,每件刺身都好厚切。

每碟菜式都好精緻。
特上魚生飯集合多款時令魚材。

鮨金和食料理 一次食多款和牛 
CUBUS銅鑼灣開平道1號12樓

呢度以木色、金色為主調,環境高級舒服。有多款廚師發辦套餐選擇,今次試嘅係茶梅套餐,6款上盛和牛—A5鹿兒島西冷、A4肉眼蓋等並排上枱,更加突顥每片和牛嘅雪花肉質。單點就有什錦魚生飯,飯上鋪滿多款魚生。

午餐亦有壽司及迷你牛肉稻庭烏冬, 食完6件壽司後可以食碗烏冬暖胃,好舒暢。

牛控一定鍾意嘅茶梅套餐,可食到多款和牛。
午餐嘅壽司都好高質,魚生厚切新鮮。

鍋処雪舟 和牛壽喜燒 
CUBUS銅鑼灣開平道1號6樓

CUBUS 中有2間「雪舟」分別喺6樓同8樓,一間食日式鍋物;一間食鐵板燒。想食日式鍋物可以去6樓「鍋処雪舟」,店內掛上一個個木燈罩透出悠和燈光,座位旁有落地玻璃,靚景靚環境好適合同朋友慢慢邊傾邊食。

2人前精選鍋晚膳有前菜、野菜拼盤,並有A3 日本產黑毛和牛、A5 日本產黑毛和牛同日本豚肉揀。食前要先將洋蔥、大蔥等炒香,再燒香牛肉、鋪上蔬菜倒入湯,食落特別香口健康。

A5 日本產黑毛和牛燒出和牛油香。
最後會鋪上滿滿蔬菜倒入湯。

鐵板燒雪舟 矜貴日本食材 
CUBUS銅鑼灣開平道1號8樓

CUBUS 8樓嘅「鐵板燒雪舟」可以食到多款矜貴日本食材,如日本飛騨牛、毛蟹、北海道活鱈場蟹同活日本鮑等。鐵板燒可以享受整個用餐過程,望住師傅即場燒煮各種食材特別好味!

除咗必食鐵板牛柳、鐵板鵝肝外,呢度嘅海鮮都值得一試。特別係加咗牛油燒香嘅帶子,師傅燒好帶子後仲會放入菇類、銀杏再煮。

鐵板鵝肝上碟好精緻。
帶子超新鮮。

滝壽司 特色日本料理
CUBUS銅鑼灣開平道1號15樓

駐場師傅有豐富日本料理經驗,主理廚師發辦就有好大發揮空間,根據唔同食客喜好設計各款料理。所用食材都係日本空運到港,唔同季節會更新菜色,引入各種時令魚材入饌。

除咗壽司、刺身外,呢度亦有自家構思嘅多款料理,相當有心思。

推薦坐吧枱可以近距離睇煮製過程,係一種視覺享受。
師傅會自家構思各款料理,唔係度度都食到。

Chez Moi 浪漫法國餐
CUBUS銅鑼灣開平道1號11樓

喺CUBUS 除咗有多間日本料理揀,仲有間精緻法國菜。全店用柔和木色同白色為主調,好啱約會或慶祝特別日子。

鴨髀係法國經典菜式之一,呢度嘅法國鴨髀焗得香脆,皮連肉一口咬開即滲出鴨油香㗎!仲有法菜必食香煎鵝肝同樣做到外脆內嫩,並配上解膩嘅清甜蘋果蓉。呢度仲有牛扒、芝士拼盤、甜品等。

落地玻璃,環境雅致。
法國鴨髀焗得香脆。

月下酌 矜貴中菜
CUBUS銅鑼灣開平道1號28樓

「月下酌」喺CUBUS 28樓同天台,室內有大落地玻璃,以雲石、玫瑰金等點綴餐枱餐具,係走新派高雅嘅中菜館。資深大廚團隊以矜貴食材煮製各款中菜,有櫻花蝦瑤柱蛋白炒飯黑醋黑豚里脊佛跳牆等。

中式甜品輕甜滋補,女仔一定要食,如椰皇燕窩燉蛋白桂花燉雪梨等。店內有玻璃樓梯上露天酒吧,飯後Chill 吓都得。

佛跳牆用料超矜貴。
桂花燉雪梨好滋潤,女仔一定要食。

TOWER 535
即去搵食:https://bit.ly/31hWAjx
地址:銅鑼灣謝斐道535號

CUBUS
即去搵食:https://bit.ly/2NxSmw4
地址:銅鑼灣開平道1號

*消費券及禮品款式均以隨機方式派發,名額有限,先到先得。

* 資料由客戶提供