夏雪 (已結業)

朋友介紹了大圍一間主打窩夫的甜品鋪，除了甜品外，還有咖啡及熟食。我們這天假日3點前往，下層已滿座，我們被安排上層坐位。**魔鬼窩夫 (配朱古力心太軟) ($98)窩夫外層酥脆，內裡鬆軟，配上朱古力心太軟簡直一絕。心太軟切開後濃濃的朱古力醬溶入窩夫，非常邪惡，魔鬼窩夫名不虛傳！另外朱古力雪糕也非常出色。焦糖香蕉更加增添了口感層次。**Mixed Berry Smoothie ($60)雜莓冰沙質感細緻，口感清新怡人，加上豐富的雜莓果肉，讓整個味道更加豐富。夏天飲用很正！**Matcha Latte ($45)抹茶拿鐵味道非常濃郁，抹茶的味道很突出，而且不會太苦澀。總的來說，這家店的飲品和甜品都很不錯，環境亦舒適，適合幾個朋友短聚。

·呢間嘅waffle真係好好食，外脆內軟🥺💛雖然呢份嘅價錢比較貴，不過佢又有心太軟，又有朱古力雪糕，又有兩塊waffle其實都差唔多等於出面嘅兩份甜品🤣兩個人share就啱啱好～·魔鬼窩夫 $108———不專業評分💯食物指數🍴: 💛💛💛💛🤍環境指數⛱: 💛💛💛🤍🤍抵食指數🤑: 💛💛💛💛🤍推薦指數👾: 💛💛💛💛🤍———📍夏雪（大圍）大圍積富街31號益富閣地下3號舖💛罷市、店內張貼文宣———

高質黃店💛好多大張大張的文宣 仲有好大隻連豬🐽 今日店員得一個 落單整野食收錢都係一個人自己默默做魔鬼窩夫 Devil chocolate $108🍫法國朱古力心太軟 切開係流心的 超級香 超級辣嘴 好濃朱古力味 超級讚🍫比利時朱古力雪糕 冇曬😭 店員俾我地揀雪糕味 揀左雲呢拿味 同朱古力窩夫都好夾🍫朱古力窩夫 超級脆 過左十分鐘都係脆卜卜 朱古力味重 不過冇心太軟甘濃 加埋雪糕一冷一熱*香蕉朱古力窩夫 Chico banana waffle $65🍌比利時朱古力雪糕 呢個揀左伯爵茶味 揀得唔啱 同朱古力味唔夾🍌焦糖香蕉 永遠不敗的組合 脆脆地的焦糖加香蕉好食咖啡麻糬窩夫 $(忘記了 大概75呱)咖啡味都濃 同雲呢拿雪糕好夾 窩夫入面有麻糬 好煙韌 落埋威士忌糖醬 變大人口味 即時昇華左成件事 超級高質

早前嘆過「夏雪」西環店，知道大圍有分店後，決定食過翻尋味，再度幫襯！看到「夏雪」門前貼有米豬連認證，才知道它是間黃色良心店。一入門，即見店內貼有海量的反送中文宣，是間內外都黃的良心甜品店。小店有每人須點一款甜品、或每人平均消費須滿60元的最低消費要求，我們五人同行，點了301元，𣎴多也不少！魔鬼窩夫（$108）朱古力窩夫香脆，配上比利時朱古力雪糕，簡直冰火交融！心太軟同樣採用比利時餡料，味道比一般的香濃！雜莓窩夫（$60）個人而言，喜歡原味窩夫多過朱古力味；雲呢拿雪糕香滑，吃得出是高級貨！百利阿芙佳朵（$75）雪糕混了意大利咖啡的Affogato，淋上Baileys後多一分酒香，味道特別！白桃乳酸沙冰（$58）益力多味多過白桃味，酸酸甜甜，易入口！同區而言，「夏雪」的甜品價錢偏貴，但一分錢一分貨，識食一定食高質！

🚩大圍🍰夏雪-雖然貴 但又好好食好想encore嘅高質甜品店🤤❤️-🍫魔鬼窩夫$108擺盤好靚!! 即刻相機食先 甜品有兩個朱古力窩夫 上面各自有心太軟同朱古力雪糕 啖啖朱古力 夜晚食真係好魔鬼👹窩夫烤到外脆內軟 即使有雪糕係面都冇淋到 心太軟更加係畫龍點睛 好爆漿好朱古力 好食到停唔到口!!! 🤤本身窩夫加雪糕一齊食已經冰火交融 再加上心太軟 係冰火交融2.0 好好食 完全滿足到我呢個朱古力and甜品控💕-🍠紫薯窩夫 $88窩夫繼續外脆內鬆化 仲要夾左紫薯蓉!! 如果唔夠甜 仲提供左蜜糖俾客人自行添加 豆腐口味嘅雪糕有豆香又清新 配上紫薯窩夫 又一個滿足味蕾嘅配搭💕 唯一唔明係點解配哈蜜瓜😂-🍵抹茶特盛 $108絕對係日式和風感覺 蕨餅白玉丸子煙韌軟糯 仲有香甜嘅紅豆蓉 同抹茶真係最佳配搭!! 重點係個抹茶心太軟 超級流心!!! 茶味濃而帶甘香 非抹茶控但都覺得呢個超讚!!!🤤❤️-真係好好食 貴 但同朋友share 感覺食咗好多樣又抵番 雖然唔多去大圍 但有機會好想再試下佢其他產品!! 紫薯心太軟同埋伯爵窩夫🤤🤤-🚩舔舔脷：8.5/10🚩價錢💰：7/10🚩回頭度：8/10

食飽飯喺大圍四圍行，附近起碼有三間甜品店，行咗一個圈決定食呢一間夏雪。係門口睇下個餐牌先，睇嚟睇去都無價錢嘅，即刻企係門口上Openrice睇下先，睇完發覺係貴貴地嘅，不過嘢食又真係幾靚幾精緻，就決定試下喇坐低睇到個介紹夏雪嘅牌，原來呢間甜品店係由4個年青人係2014年一手一腳創辦，佢地仲係2016年開到間分店，睇到佢地勵志嘅故事，即刻覺得比貴少少都值得2個人去食，叫咗一個魔鬼窩夫，窩夫有兩個，一人一個啱啱好，窩夫係脆嘅，亦有好濃嘅朱古力味。一個窩夫上面配咗個心太軟，朱古力流心流落去窩夫到，暖笠笠好食。另一邊廂，比利時雪榚味道夠濃，應該唔係一般維記雪榚卦，配上窩夫試盡冷熱口感。呢到最好嘅地方，係有水供應，比你食完一堆甜嘢嘅時間可以清一清個口，好多甜品店都懶得做呢個步驟

上次黎既時候太夜，食唔倒窩夫，今次特登再黎試下。我地點左個「魔鬼窩夫」share。窩夫外脆內軟，一邊窩夫配朱古力雪糕，朱古力醬同香蕉，另一邊窩夫配朱古力心太軟。一冷一熱感覺幾特別。不枉我特登再嚟食，呢度啲甜品幾特別，下次再黎想試吓伯爵茶窩夫。

.夏日熱辣辣，今次去食waffle，waffle控必睇同分享。.去大圍食夏雪，佢位於積富街，大部分美食都係果條街，唔難搵嘅。店內牆身有啲sketches同posters，簡單得黎又幾舒服。.依間甜品舖有好多口味，例如綠茶、紫薯、朱古力、雜莓、黑芝麻、伯爵...重有好多飲品。今次食依個魔鬼窩夫其實夠兩個人一齊食。擺得靚之餘，waffle算係厚身，唔會太軟太硬，而且朱古力味都幾夠。心太軟濃厚嘅朱古力，為成個甜品起左加乘嘅作用！真係perfect match！另外心太軟夠晒流心，一用叉吉落去入面嘅漿就流晒出黎，仲有雪糕都好軟滑。下次會再去食。

今日母親節，夜晚約咗媽咪食飯，難得放假，梗係瞓到自然醒，眼見已經過咗食晏時候，咁喬老友約我出嚟下午茶，佢係沙田友，於是就約左係大圍站等，心諗會帶我食乜嘢呢行左唔使十分鐘，就見到呢間名字叫「夏雪」嘅鋪頭，第一個感覺好清新，白白嘅磚牆加上半開放式嘅設計，方便客人外賣食物呢個時候店內人客也不少，看似是常客，感覺很不錯細看牆上的立體特色是「窩夫」，好啱心水啊魔鬼窩夫⭐️⭐️⭐️⭐️先來一個魔鬼窩夫，一凍一熱，香蕉朱古力窩夫，一邊係心太軟，另一邊係比利時朱古力雪糕，真係極度邪惡，啱晒我呢隻魔鬼，睇住啲朱古力醬流出來嘅時候，跟住沾滿了整個窩夫嘅格格，視覺味覺全滿足煙三文魚忌廉芝士醬窩夫伴沙律⭐️⭐️⭐️咸咸地嘅煙三文魚，甜甜地嘅窩夫，加上沙律嘅黑醋酸酸地，好得意Mocha⭐️⭐️⭐️⭐️出名八卦的我，見到佢有條樓梯，於是就上去睇吓，原來樓上仲有好多舒適嘅座位，我個人覺得條樓梯都好靚，見到好多客人都係度影相竹炭黑芝麻窩夫⭐️⭐️⭐️⭐️黑芝麻餡料香氣撲鼻，配上椰子雪芭，好match，側邊仲有啲紅豆白玉，滿足極了如果你喜歡食甜品，特別係窩夫，無論你外賣，一個人，抑或三五知己，絕對係最佳嘅選擇，朋友真係冇介紹錯，今天真的「夏雪❄️」了

飯後一行十二人想找甜品店繼續吹上網一找隔壁就有這家評價不錯的店事不宜遲馬上決定不用等立即獲安排樓上座位店內寬敞明亮有點小清新樓底都夠高不會感覺狹窄怎知一看餐牌就有一點嚇倒了在門外就看中的幾樣餐點都索價近百元(好啦是我衰想點那幾款特盛)而且餐牌上註明每人都要點一樣或是人均消費60元那又不能兩人分享一款108元的多點一款又太貴太多，怎麼辦呢？！？！後來問了一下其實大概人均60元就可以那我可立即點我的綠茶。特盛一上枱就覺得太值得了擺盤漂亮得以為自己身處日本了108元可以吃什麼呢？綠茶心太軟:抹茶味濃而甘香而甜蜜心很爆漿抹茶蕨餅。團子。啫喱：各自有不同層次的口感抹茶味很真實，濃度得宜熱香餅：口感鬆軟令我想起叮噹的銅鑼燒附上煮得又鬆又綿密的紅豆以及一小瓶香濃糖漿還有回甘的抹茶雪糕除了好吃都不知道要怎麼形容了還貼心附上熱綠茶可邊吃邊解膩所以呢價錢是有點小貴可是想到其實吃了兩份甜品的份量又覺得很可以了這道是跟大夥朋友分享的一樣是外型夢幻美得很窩夫是真的夾著紫薯蓉窩夫脆而鬆化不飽滯紫薯蓉香滑甜甜蜜蜜還有蜜糖可自行添加不過個人認為不加已很好了小紫薯也蜜漬過不馬虎雪糕是豆腐口味的豆味濃郁清香惟一可挑剔的只

今次同喺比利時讀書嘅表姨甥黎大圍食個甜品。原來喺比利時基本上係冇齋食甜品嘅糖水舖，如果你要食甜品，就只可以去正式嘅餐廳食成set嘅dinner, 到最後先可以order甜品，而且仲好貴，所以變相係少左機會食。我表姨甥佢近一年來番過黎3幾次，不過都冇食過夏雪，今次特登帶佢黎食下。我地差唔多10點先入座，不過今晚唔係好多人，一入到去就有位。表姨甥一見到個menu就兩眼發光，樣樣都想試，不過佢最後都係揀左佢最鍾意嘅朱古力：魔鬼窩夫。叫完都要等15分鐘先到架，傾住計等就岩晒。一黎到，大家都驚嘆左一下，因為擺得真係好靚，賣相好吸引。而最重要唔係得個靚字，個心太軟勁爆漿，而且唔會太甜，食到唔停得口！個窩夫都好鬆化，配埋朱古力雪糕一齊食，一啲都唔腬，真係好正呀！我個表姨甥雖然食得多比利時朱古力，但都表示非常欣賞呢份魔鬼窩夫，佢仲差啲想用脷lam埋隻碟！呢間值得再試！

有個好朋友係教院住hall, 每次出嚟見面都多數係揀大圍或者沙田，一黎食野選擇多，二黎對我地兩個黎講都唔算遠。今日我哋兩個食完之後，心血來潮想食甜品，醒起之前有朋友介紹呢度有間專食窩夫嘅甜品店，一於過黎試下。喺大圍火車站行過嚟，只係需要5分鐘左右，非常方便。門面裝飾吸引，店舖細細，有少少文青嘅感覺，十分休閑、舒適呢度窩夫種類有好多，最經典嘅係朱古力味，又有呢排好興嘅紫薯味、芝麻味、伯爵茶味等等，如果多啲朋友一齊黎就好了，咁就可以一口氣試晒咁多種味我哋揀咗個竹炭芝麻窩夫同埋魔鬼窩夫，即叫即做，所以要等耐少少，但正所謂慢工出細貨，上枱嘅時候，真係非常吸晴，同Menu入面嘅相一樣，沒有半點偏差，都係咁精緻第一樣嘅係呢個竹炭黑芝麻窩夫，配有黑芝麻醬、椰子雪糕，芝麻香濃得來一啲都唔苦，甜度適中，加埋椰子雪糕一齊食，估唔到咁夾啊，$68性價比超高，一定要試啊而重頭戲係魔鬼窩夫，因為除咗雪糕、窩夫之外，佢仲有個心太軟，超級邪惡啊，不過難得見好朋友，一次半次唔理啦，豁出去先至夠開心，朱古力雪糕食得出係靚野，朱古力味濃郁，有可可味，唔係得個甜字，而心太軟，流心是必須的，果然冇令我失望，$108，絕對食得

今日大佬打完波未食飯，所以陪他吃一點飽肚的甜品。第一時間就想起夏雪的窩夫！一直都很想試，但無奈地晚餐吃太飽都沒有空間可以容納窩夫。*魔鬼窩夫（$108）魔鬼窩夫是兩件朱古力味的窩夫；一件上面放了心太軟；心太軟非常流心，焗的時間剛剛好；窩夫內脆內軟，心太軟有粟米片做toppings，增添口感；一件上面放了一球朱古力雪糕和香蕉片；朱古力雪糕尚算味濃。士多啤梨雕得很美，但有點酸。*抹茶特盛（$108）抹茶特盛基本上日式甜品要有的原材料都有。有pancake、心太軟、綠茶雪糕、紅豆、白玉、蕨餅、抹茶啫哩；Pancake鬆軟，不會太甜；心太軟又是超流心，中間的流心餡很濃茶味，味道都偏甜；綠茶雪糕不過不失；紅豆白玉最佳拍檔；蕨餅、白玉煙韌；抹茶啫哩很柔軟。貼心地附上抹茶一杯，可解解膩，唯抹茶只是普通。黑糖蜜可淋上蕨餅食*竹炭黑芝麻窩夫（$68）竹炭黑芝麻窩夫反而更有驚喜！比起朱古力味窩夫，竹炭黑芝麻窩夫的味香很多；而且會咬到一粒粒的芝麻粒。配上椰子雪糕，味道更清新；黑芝麻醬味道很濃、很香！可愛地配上紅豆白玉。

在柔和的陽光照耀下，周末更為愜意，尤其與朋友來一個甜滋滋的甜品約會，蜜意滿瀉。我和朋挺愛夏雪的甜品，不論視覺，抑或是味覺都是享受。這裡的抹茶特盛水準依然，自家制綠茶心太軟非常有層次，鬆脆的心太軟蛋糕內裡蘊藏的抹茶流心，每一口都可以吃得到濃厚抹茶味。那甘香的抹茶流心，讓人在吃這心太軟時，完全不會感覺得膩。鬆餅鬆軟無比，散發淡淡的蛋香，伴上綿密的紅豆，甜香的抹茶雪糕吃，相當滋味。亮亮綠綠的抹茶啫喱如綠寶石般亮麗，彈性十足，甘甜可口。抹茶蕨餅吃起來軟嫩軟嫩的，本身也富抹茶的味美，再沾上黑糖漿，別有一番風味，喝一口抹茶，身心舒暢。另一重頭戲就是魔鬼窩夫，真的太好吃了。用匙羹切下去，那朱古力岩漿緩緩流出，熱熱的朱古力岩漿加上扎實的心太軟蛋糕。最後再配上濃厚的比利時朱古力雪糕，把窩夫，心太軟，雪糕全部一起放入口中，又冰又熱的口感，真是絕配。我們都忍不住一下就吃個精光，意猶未盡，好想再多吃一份。白桃乳酸貨真價實以白桃與乳酸打成，一口吸起來，喝得到白桃酸酸甜甜，再嚐一口甜香的雪糕，心情格外愉快，值得一喝。紫薯牛奶喝起來很不錯，甜甜的味道帶有紫薯的香味，加上絲滑細膩的牛奶交疊在一起，顏色漂亮，真的捨不得

來到大圍出名嘅夏雪食甜品，極度邪惡，試左返唔到轉頭！紫薯牛乳雪糕系自家製牛乳雪糕，好軟滑，入口即融。淋上香噴噴的紫薯汁，配搭無得彈！魔鬼窩夫一次過滿足你４個願望！心太軟外脆內軟，切開後，朱古力迫不及待好似岩漿甘湧出來，流落Ｄ窩夫到，回想起個畫面都舔舔舌！窩夫配朱古力雪糕又係人生一大享受，凍凍地嘅朱古力同熱辣辣的窩夫一起食，一熱一凍係口中相撞，正！皇家伯爵窩夫，最特別係伯爵茶味的窩夫，外脆內軟，入口有淡淡嘅茶味，好特別！最後，來一杯蜂蜜茉莉牛奶，牛奶加蜂蜜的甜度掌握得剛剛好，不會太甜或太淡，飲落口仲有淡淡茉莉花香味，為呢餐甜品大餐畫上完美句號！