上野鐵板燒專門店

營業中

休息中

相信在大家印象之中，日本菜中的鐵板燒雖然色香味俱全，但往往動輒都要千多元一位，所以大都是望門輕歎而比較少享用，有時並不是負擔不起價錢，而是覺得用上這個價格其實已經可以吃得到兩至三頓豐富的晚餐，感覺上較為化算；但如果跟你說只要付出三百多元一位的代價就可品嚐到鐵板燒，那可能又是另一回事了。前陣子筆者就造訪了一間隱藏於旺角通菜街內的日式鐵板燒專門店，由於位於牌檔後面，所以門面不太顯眼，但其優勝之處在於貼地的定價，大部份二人前套餐有齊海鮮肉類都只是六百多元，實在有夠吸引，所以不需考慮已決定入內一試究竟。店內佔地不算太大，設有2張鐵板燒吧枱及幾張普通卡座，裝潢以黑白深淺對比色系為主調，雖不算氣派堂皇但不失整潔舒適，坐在吧枱位置零距離欣賞著師傅的烹煮技藝，大飽眼福，是鐵板燒藝術也！筆者點選了中位價格的$698 鐵板大蝦套餐，有齊沙律、刺身、海鮮、牛扒、主食和甜品十道菜，覆蓋頗為全面。當晚為筆者烹調的是一位年輕美女廚師，不要小看大廚年紀輕輕，其實甚具功架；但在表演開始前，店員先端上來木魚絲蟹子沙律、雙色刺身和活蜆雜菇麵豉湯。木魚絲蟹子沙律，沙律菜和粟米上放了海量的蟹子、日式沙律醬和木魚絲，入口清爽鹹

好耐無食過鐵板燒，朋友話旺角西洋菜街有間幾大件夾抵食帶我去，食之前已經幾期待我地要咗呢個餐，呢個價錢睇返啲食材都幾值，不過都要食埋再落結論前菜係沙律，幾清新後面兩個醬，左邊洋蔥汁，右邊燒肉汁雙色剌身，我地有甜蝦同赤貝兩樣都好新鮮，蝦肉鮮甜結實，赤貝都好脆同鮮味唔腥廚房準備好所有食材會放晒出嚟俾客人睇，無花無假師傅話虎蝦係沙巴嚟，全世界最鮮😂 咁就真係要好好品嚐牛油同植物油煎香龍脷柳，件魚好大片煎完好香好脆，入面仲係軟熟唔老好香牛油味但又唔會覺得好膩好滯，好好食好多肉呀，期待師傅手起刀落好快完成開邊，啲膏煎到好香好彈牙，師傅果然無講大話蝦味好濃，肉質彈到好似龍蝦咁蝦頭同蝦膏都好香安格斯牛扒雖然有7-8成熟，但肉仍然有好多肉汁而且唔韌，唔錯食咗咁多大魚大肉食返啲菜平衡返下冬菇同翠肉瓜片都好腍，有少少牛油味，好香口師傅將飯壓開，務求令飯粒炒得更均勻，食落粒粒分明，正好香嘅炒飯，已經8成飽了🤤最後仲有個甜品雞蛋布甸作結整體而言非常抵食三個魚同肉類無得彈，材料好而且煮得好尤其龍脷柳，睇到師傅好有耐性去煎香剌身好新鮮，好喜出望外服務態度好好，不斷有人添茶師傅都問咗幾次啲嘢啱唔啱食，好貼心而且見佢地

同朋友係旺角行完街，講起之前一齊去旅行係日本食鐵板燒，傾得興起想食下，search下見到呢間人地話唔太貴又好食，即刻就行過嚟試下。我地見到有大蝦個個餐兩個人都只係$658，就叫咗呢個。首先嚟個沙津，係木魚絲蟹子沙津，好開胃呀。跟住就嚟咗個麵豉湯。之後就嚟咗個雙色刺身，有甜蝦同赤貝，好鮮甜，唔錯。職員拎一陣會煎既食材俾我地睇下先，見到塊扒同大大隻虎蝦已經好期待！香草龍脷柳，師傅係我地面前整，燒得好冧，味道好香，小小咸，幾鐘意呢個口味。重頭戲嚟啦，隻蝦超大隻，師傅話好出面好少有呢啲老虎大蝦。師傅放上嚟枱面個陣已經好香，個蝦肉勁大舊勁厚實，再加啲調味料更加香，超好味！第三個重頭戲，美國安格斯肉眼扒，又係好香，燒得好均勻，啲肉又係好冧好好食。食咗咁多肉，好彩有返啲菜平衡返，個大菇都好好食。最後食埋個飯就真係飽晒，呢個係煙肉黃金炒飯，好香口呀！最後有個甜品，呢個係雞蛋布甸，仲加咗練奶係面，好香好好食。

鐡板燒-一種起源於日本的飲食文化，把不同的食材於鐡板上烤熟，並以開放式的廚房讓客人一邊用餐，一邊觀賞到廚師整個烹調過程，是非一般的享受。自從於數月前到訪神戶，品嚐到沒有預期好的神戶牛後，一直有點遺憾，今晚有機會與大食好友來到這裡，素聞此處的鐡板燒質素不錯，我亦帶著期待的心情來訪。餐廳一眼看盡，一邊是卡座，一邊是與開放式廚房連接的吧枱；如人不多，我倒建議坐於吧枱上，藉以欣賞廚師烹調食物的技藝，我們二人當然亦毫不猶豫地要求坐於其上。是晚有兩位廚師坐鎮於店內，而餐廳幾乎滿席，看來兩對手是疲於奔命了。廚師各人都佔用一邊鐡板，鐡板附近都放有不同的調味料，油，醬汁等，方便他們煮食之用。餐牌上有幾款套餐選擇，大部份是二人前，也有些是四人前，選哪款套餐便按各人偏好的食物而定；如不夠，店方亦提供散件的食物可點，自由度大。我們商議過後，決定點鐡板大蝦套餐($608)。點餐後，內部的廚房會預備食材，店員會從廚窗把食材拿給廚師烹調。因等候需時，先來活蜆雜菇麵豉湯和木魚絲蟹子沙律墊墊肚子。相比起平日喝到的麵豉湯，這碗味道不會太鹹，但我還是不太習慣喝太重味道的湯，故只喝兩口淺嚐；沙律亦算新鮮爽脆，沒有太特別之處。