FAB Kitchen

營業中

休息中

原來億利工業中心都幾多嘢食😆今次去咗一間幾有feel嘅西餐廳唔知大家有冇發現 史努比好多時去食西餐都系同爸爸👨🏻一齊🤣唔好問點解 純粹史努比鍾意😂好啦唔講咁多廢話 我哋入正題~👍🏿餐包 $0餐包系一間西餐廳比人嘅第一印象好影響之後嘅食慾 所以史努比從來唔會輕視呢樣嘢🤭應該系穀物麵包 有烘熱先上枱👍🏿仲好細心咁喺中間界咗一刀 等你可以好輕易咁將牛油夾入去🥰不過實不相瞞史努比食餐包一向都唔夾牛油😂麵包最外面微微脆口 質感比較厚實 雖然就唔系好鬆軟嗰種但帶啲濕潤 都唔會話硬掘掘咁🤪食到好明顯嘅麥香 而且有一粒粒嘅穀麥嘅口感另外仲有啲提子提 帶出一絲絲香甜令麥包唔會好dry 唔錯嘅~😆味道: 7.5/10👍🏿南瓜湯配煙肉泡沫 $68賣相好精緻🥰表面注入泡沫 應該系想好似拉麵湯底咁令佢味道更濃郁🤔(呢個史努比估計架姐!南瓜湯非常順滑 有別於平時飲開好多南瓜蓉嘅佢似乎已經將南瓜嘅甜味extract晒出嚟所以飲落味道濃郁 而且更加creamy順喉🥰撈勻奶泡之後忌廉同南瓜味互相映襯又唔會搶過對方👍🏿另外仲落咗啲bacon碎除咗為佢增添口感之如 仲令成個湯更加香~確實系幾好飲嘅🥰味道: 8.5/10性價

難得放假放平日，就試吓去工廈搵野食。因為去開D2 place，就搵左荔枝角。FAB既comments唔錯，而且價錢都好合理，就決定去試下。我哋係Openrice book枱，去到唔洗等就直接入坐。平日食，但12:30就已經坐爆晒。環境光猛衛生，職員好有禮貌。餐牌就係set lunch嚟，我哋冇特登問佢lunch有冇散叫，我諗通常都係食set。lunch set包咗湯/沙律、主菜、甜品、飲品。飲品本身包咗expresso/Americano/regular coffee/奶茶/檸茶/檸水/茶，如果想轉其他特色咖啡或特飲，可以補錢，大概$5-15。首先，叫完野食就會上餐包，佢係olive餐包，可以點檯面上面嘅醋同橄欖油，個包熱辣辣，外脆內軟，好好食。我哋今日嘅是日餐湯係南瓜湯，南瓜味夠重，好creamy。蟹肉沙律好醬調得啱啱好，蟹肉都好食 冇雪味。到個main course，墨汁帶子risotto，帶子用牛油煎香咗，墨汁加埋橄欖油好好食，係個飯腍咗少少，可能就返香港人口味。豬扒個汁好好食，配菜都好有心機，不過今日塊豬扒有d太瘦，所以有少少硬。甜品雖然份量少，但係真係好好食，芝士味重但唔會太

幾年前食過一次呢間隱世私房西餐廳，覺得佢哋嘅食物質素唔錯，今次再次到訪，美味依然😋 呢間《FAB Kitchen》位於荔枝角嘅工廈，唔係睇Openrice或者朋友帶路都好難會知道有呢間餐廳。裝修簡約企理，坐得舒服，食西餐飲杯酒同朋友仔談天說地就最適合不過。呢度嘅Set Dinner Menu有得揀3 course $358 / 4 course $408 / 5 course $458，算係平民價Fine Dining😋星期一晚市人客數量都多，仲有兩檯係慶祝生日，如果想嚟試吓都係book一book位比較好😬落咗Order之後店員随即奉上熱辣辣餐包，個餐包外脆內軟，用意大利醋+橄欖油沾點餐包嚟食，好好味😋============ヽ(○´∀`)ﾉ♪是日餐湯 $78每日不同嘅廚師精選餐湯，今日嘅係南瓜湯😋巴拿馬芝士薄片 配薯蓉湯 $78⭐️推薦🫶🏻 見到呢個湯好特別，芝士控必選😍濃郁香滑嘅薯蓉湯，配巴拿馬芝士薄片，邪惡美味🤤義大利巴馬火腿配蜜瓜 $78份量多，Parma Ham油脂充足，配蜜瓜一流，仲有好多沙律菜伴碟，如果沙律菜加返少少沙律醋會更好。泰式軟殼蟹配牛油果 $108⭐️推薦🫶🏻 軟殼

聽朋友講話荔枝角有好多好食既餐廳，佢仲介紹左哩間隱藏喺荔枝角工廈入面嘅西餐廳，咁我就即刻book定位去試一試。我地平日去食，都座無虛席，相信食物質素有一定保證。3-Course Set Dinner Menu⭐️餐包意式香草餐包上檯既時候係熱辣辣的，口感外脆內軟，蘸埋橄欖油同埋意大利黑醋一齊食，酸酸地夠哂開胃。Soup 餐湯⭐️巴拿馬芝士薄片配薯蓉湯哩個湯係將薯仔打至綿密既薯蓉，入面仲加左牛奶去打，口感好滑嫩細緻，飲落充滿濃濃既薯仔同埋牛奶既香味，面頭仲有一片燒脆左既巴拿馬芝士，兩樣夾埋一齊非常之夾。First Course 頭盤⭐️地中海香草番茄乾凍批呢道菜係一道好清新既開胃菜，食落口感似番茄啫喱，味道酸酸地，好特別。⭐️牛油粟米泡沫配加拿大海膽女孩見到一定心心眼既一道菜，因為佢係用一個玻璃首飾盒做擺盤的，睇落賣相十分精緻，一打開入面見到最愛既海膽，仲有爆谷、粟米、泡沫，海膽好鮮甜，加埋香甜既粟米、香脆既爆谷，同埋玉米味既泡沫一齊食，口感味道好有層次、好特別！Second Course⭐️意式雞肉捲配花雕汁雞捲肉質好嫩滑，一啲都唔柴口，將意式雞捲融合中式既花雕酒，原來可以咁夾。Entrees

近排工業大廈嘅餐廳越開越多，今次揀咗間西餐廳試吓，餐廳以白色為格調，座位舒服，食物亦非常高質，我哋今次揀左3-course set dinner。餐包麵包加入咗香草，焗至表面少少脆，咬落去鬆軟，可以加埋少少橄欖油同埋意大利醋食。Soup - 尼斯特濃海鮮湯特濃海鮮湯融合左法國與義大利既風格，海鮮味非常濃郁，香氣十足，濃味中帶有味道層次感，完全冇腥味，非常高質。First course - 彩虹茄配紅桑子.韓式辣醬啫喱用咗玻璃裝飾盒裝住鮮紅色嘅啫喱，彩虹茄做點綴，色彩繽紛。啫喱酸酸地，紅桑子味濃，入口後滲出輕微辣味，食完好開胃。Second course - 法式火腿醬凍批將淡粉紅色肉質既火腿加上啫喱做成凍批，不但保留肉質鮮甜，而且口感柔軟甜潤。Second course - 冰島龍蝦 帶子 他他爽口龍蝦同埋鮮甜帶子做成他他，非常有鮮味，可以加埋伴碟上酸酸地蘋果汁，增加層次感。Entrees - 味噌比目魚配日本原木菇鰹魚湯比目魚用左味噌醃製，肉質細嫩細膩，下面加左滑溜豆腐同埋鰹魚湯，鰹魚湯濃郁有鮮味，同豆腐好夾。Entrees - 澳洲牛柳配芥末、松露、皺葉甘藍捲 澳洲牛柳肉質柔嫩，中

🕖時段-星期二夜晚7:30到 餐廳入面約7成滿 我朋友預早book左位 去到餐廳已留左枱✌🏻_▫️4-course dinner set $408 x2🔸傳統西瓜西班牙凍湯 通常西班牙餐廳都係蕃茄湯 來到呢度試佢個西瓜凍湯幾新鮮同開胃 味道係凍西瓜汁+橄欖油 仲有啲西瓜肉粒🍉配餐包好食🍞外脆內軟又香口 我唔洗點橄欖油/醋直接食🆗🔸羽衣甘藍配 香芹柚子醋羽衣甘藍超脆 口感似紫菜 香柚子味 因係前菜份量唔算好多 (我想食多幾塊😂😂)🔸吞拿魚他他 墨西哥辣椒西瓜汁吞拿魚切到一粒粒 配魚籽 個base西瓜汁有少少少少辣 本身覺得個菜式有點九唔撘八 但食落又幾易接受👍🏻🔸日本廣島蠔配上湯白酒啫喱蠔個味清清地 白酒啫喱用日本清酒做base 不過個味唔算好出 唔會搶focus😂🔸煙鴨胸酸梨甜醬煙鴨胸既咸同酸梨一齊食幾夾 仲幾開胃😋🔸布根地式燴牛面肉 配田園雜菜沙律 (+$48)個樣似牛扒但唔係牛扒 無記錯好似係將牛肉同筋打壓成扒型 個樣同口感都幾得意 好濃牛味 咬落口好似食緊幾層肉咁但唔韌🔸意大利式烤雞卷 莧菜 蛋黃乳酪沙巴汁餐廳介紹呢個雞卷係將雞肉打成mousse再卷來烤 但仲keep到雞肉既鮮嫩口

呢間係我哋第2次食喇 翻兜之選💕Fine dining 相對地高質 當然價錢都有返咁上下但真係好啱慶祝生日 紀念日 升職之類去食😋我哋覺得嘢食 服務 環境都好 所以都值得推介佢又周不時換menu 呢2次去都有新鮮感順帶一提 仲可以賺mee分添3 Course set dinner $348@包$35以下嘅嘢飲餐包 🙆🏿‍♀️好欣賞佢個包夠脆🍞食落去都仲熱熱哋佢枱面上仲有油同醋嚟點包但我哋都一致認為唔點已經好好食😆意大利紫椰菜湯 🙆🏿‍♀️覺得幾特別所以點咗嚟試我哋其中一個鍾意呢間餐廳嘅原因係佢無乜味精呢個椰菜湯就正正試到呢一點真係淨係飲到椰菜花味 本身都鍾意食所以覺得都幾好味👍🏿法煮蛋黃蝦沙律, 銀鱈魚馬鈴薯泡沫 🙆🏿‍♀️呢個好特別 一嚟到都要望返餐牌先確認係咩嚟最上係煙肉粒 細粒 稍為脆口 但唔影響整體口感出面係名符其實打到泡沫咁 所以加埋煙肉粒係幾夾入面係蛋黃蝦沙律🥗 真係有細細隻蛋黃喺入面小馬一口吸入🐎 再加埋啲蝦粒同沙律成個賣相、口感都好少有 可以一試👍🏿馬鈴薯絲, 玉蘭葉沙律 🙆🏿‍♀️薯仔絲好爽口再加上啲沙律醬汁 好開胃檸檬茴香, 低溫煮北海道帶子配青瓜沙沙汁 🙆🏿‍♀️單單一粒帶

平時荔枝角工廠區工作繁忙，鬧市區人多車多，今日難得疫情放寬約左好耐無見嘅朋友食午飯，就去左食西式私房菜，諗住靜少少可以傾吓偈☺️款式選擇都幾多👍🏿我地點左兩個主菜開心Share，前菜分別叫左雜菌湯🍲及薩拉米西班牙火腿片配甜茴香沙律🥗。手作燕麥餐包健康之選配上雜菌湯，而且麵包面烤得夠香金黄色。另外西班牙火腿片配上茴香沙律酸酸甜甜好開胃。第一道主菜係地中海風味紙包澳洲盲曹魚，盲曹魚🐟本身焗住吸左醬汁精華好入味，而且魚肉好滑醬汁鮮甜，再加少少檸檬汁🍋配搭，令味道更上一層樓。第二道主菜係意式米蘭炸豬扒🐷，光聽名都已經夠特別，豬扒厚切肉質滑嫩，炸身外皮鎖住肉肉，而且炸皮夠薄身剛剛好不會覺得好熱氣。😋最後還有甜品🍮Mousse 檸檬撻，面係一層厚厚軟身Mousse，下層就係檸檬cream好清甜，撻皮就較為硬身，飯口甜品大滿足😋都確實喜歡這間不一樣的西餐廳🫰🏿

堂食晚市重開，預早上網book定位，食一個fine dining慶祝一下🥳FAB Kitchen 位於荔枝角工廠大廈，距離地鐵站1-2分鐘路程，非常方便。門面設計型格，室內燈光昏暗，配上桌面的蠟燭，格調浪漫，是約會不錯選擇。餐廳晚餐提供Set Dinner，由於不太肚餓，我選擇了三道菜。菜式設計頗為特別，無論食物種類及煮飯，都很有特色。侍應亦非常細心地詢問我們有沒有食物敏感❤️First Course可選湯或冷盤，另外亦附上香脆熱燙的餐包🥖。Second Course 亦有不同冷盤的選擇，賣相非常精緻。至於主菜，比目魚肉🐟質軟滑，牛油味🧈豐富。千層脆薯🥔有驚喜，香脆可口。另外一道主菜是鴨胸， 鴨胸皮煎得鬆脆，油香十足，旁邊的藍莓醬清新，中和了肥膩感。套餐亦附送每人一杯茶或咖啡，為晚飯畫上完美的句號。🥰FAB Kitchen食物質素和賣相都非常不錯，服務細心，上菜時間剛剛好，有條理。三道菜的Fine Dining 每人不用$400，抵食!

這一次已經是第二次光顧Fab Kitchen，雖然在工廈裏面，但環境很舒適，服務很好。今天下著濛濛細雨，我和家姐坐在餐廳裏吃了一頓豐富午餐，順便避雨🌧，當然點配了近期我最喜愛的Dirty。餐包🍞好鬆脆前菜薩拉米西班牙火腿片配甜茴香沙律，少少鹹好惹味。希臘山羊芝士 中東米配雜菜沙律，芝士🧀味道好濃好突出。主菜地中海風味 紙包澳洲盲鰽魚$178，醬汁酸酸地，魚柳🐟香滑無雪味。意式米蘭炸豬扒$168，他他汁酸酸地，有少許胡椒香味，豬扒算滑，份量適中。餐飲點了美果洋甘菊茶和Dirty coffee☕（+$5）

那日同事生日，訂座了荔枝角少有的高級西餐廳午膳，能在lunch time度過悠閑時刻確實奢侈。餐廳面積雖不算大，但設計開陽，座位與座位之間寬敞，行動自如，不會聽到鄰座談天內容，午餐時間人流不多仍未滿座，所以環境寧靜，不過略嫌牆壁泛黑殘舊，牆壆發現食物碎屑。午市套餐共有七款選擇，當中包括意大利飯、意粉、雞、牛、豬扒，選擇不算多但種類齊全 ，套餐附上湯或前菜及甜品。麵包外脆內軟，沒有特別增加任何食材味道，沾上所提供之黑醋及橄欖油增添味道與順滑感。羽衣甘藍沒有撈上其他菜類的沙律確實大膽，因為羽衣甘藍既擁有乾硬葉質，其咀嚼情度高外，又味道清淡，但此羽衣甘藍撈上橄欖油，每塊葉鋪上一層薄薄油份，增加潤滑口感，油份剛好包裹著脆葉而不覺油膩，連碗內也沒有殘餘一滴油，意外地海鹽灑於羽衣甘藍上提升葉鮮味，為脆而有嚼勁的羽衣甘藍口感合理化，有如品嘗脆紫菜零食般。蘋果片新鮮但略嫌爽脆度不足，與提子乾帶出輕盈效果。共3片巴馬火腿，配以橄欖、杏脯、沙律菜及黑醋，火腿軟腍略帶微鹹香，橄欖鹹進一步令火腿提味，黑醋與沙律菜有助減低膩感，杏脯甜味不太突出，加上火腿亦不算鹹，所以在味道上作用不大。蕃茄醬汁有明顯蕃茄蓉與粒十

今次係母親節既Special menu，因為母親大人唔想太破費，所以我揀左呢間平啲又熱門既fine dining，不過希望太大，落差有啲大... 唔計用料，食材搭配同賣相都重要，賣相合格，但味道太普通，節日呢個價位，食普通西餐有好多選擇，不過想試fine dining又唔想太貴，可以平時嚟，平日menu感覺好啲環境黑黑地，有啲壁畫，整體唔夠grand～ 食物上既次序唔係跟menu，會一係無野食嚟，一係一齊嚟，加上差唔多無講解菜式，呢個需要改善一下，兩樣野都係fine dining既要素～ 不過請staff幫手影相，同埋介紹送既有氣桃🍑醋嗰陣係ok既～ 跟住講下野食：(5😍 係滿分，🤩係半分）餐包 🍞(好味指數：😍😍😍🤩)有3款，幾香同軟熟，圓形嗰個仲有啲煙韌，其他既分別有莓乾🍓，同果仁，一種酸酸甜甜，另一款脆脆地幾香口，不過可以熱啲，另外有牛油🧈、意大利🇮🇹黑醋同橄欖油任供選擇Canapé: 南非鮑魚千層酥皮批 🦪🥧 (好味指數：😍😍😍🤩)酥皮香脆鬆化，幾重牛油🧈香味，層次可以多啲～ 餡用原隻鮑魚，鮮味兼幾彈牙，加埋菇🍄粒有咬口，不過鮑魚放喺批上面會靚啲，裡面可以加雞肉蓉🐥 或者另外將

趁著週末假期，就來到荔枝角工廈的FAB Kitchen細味fine dining 晚餐，給一周平淡乏味的生活來一點儀式感，真正的享受一餐。餐廳面積雖不大，不過裝修簡約優雅，帶來溫暖樸實的氛圍。今次就點了兩個三道菜晚餐 $338。點菜後，侍應就會奉上烘得暖暖的餐包拌以橄欖油及黑醋。是日精選餐湯是日餐湯為南瓜湯，湯頭質感夠creamy。攪拌表面的忌廉而令湯身變得厚稠，入口香滑又滿有甘甜的南瓜味。班尼迪蛋配蘆筍, 法式荷蘭醬水波蛋煮得外熟內生，吹彈可破，蛋黃仍是處於流質狀態。一刀切開蛋黃如熔岩般緩緩流出，與滑順的荷蘭醬融為一體。迷你鮑魚配西班牙馬鈴薯蛋餅, 番茄醬賣相精緻，一口大小的蛋餅煎成金黃，每一口裹滿濃郁蛋香。迷你鮑魚口感緊緻，封存海中鮮味，為這道前菜賦予多重層次感。日本油甘魚配香茅油, 三文魚籽油甘魚肉身晶瑩剔透，鮮爽味道讓人胃口大開。三文魚籽色澤鮮艷亮麗，粒粒脆感瞬間在嘴裡爆開鹹鮮滋味。主菜擺盤姿態優雅，烤焗脆皮牛柳卷需另加 $48。烤豬腹柳卷配千層酥圈, 車厘子汁單是賣相已不禁令人食指大動，酥皮乾爽鬆化，酸酸甜甜的車厘子汁正好可以中和肉食的膩感。烤豬腹柳卷外皮薄脆，內裡肉質軟嫩，

平日來在吃午餐，訂了枱中午12點大廈很容易找，地鐵站附近，近D2 1期出升降機便清晰看見指示，所以不過去錯剛剛好準時到，但未開門，等了一分鐘便可以進入店內比想像中大，店員帶我們到另一間房就座，不是正門的那一間午餐價格我覺得是中價路線，不過環境是不我想像中那樣好，當然始終都是工廈。不過2百幾一個套餐，可以找更好。一百頭在這裏吃，都可以接受。餐包鬆軟，不可refill，雖然不是熱的，但可以接受磨菇湯一般，不是很香磨菇味的那一種，但可以接受澳洲M5和牛肉眼扒 （午餐價$238），7成熟，是我喜歡的無血水，但不會太熟的。不過，2百幾元，可以找更好環境的地方吃。西班牙黑毛豬肉眼 （午餐價 $178），熟得剛剛好，但不是煎得很香芝士蛋糕甜品，但食左一啖先記得影😅一般水平有多種花茶不用額外加錢可供選擇，雖然是茶包。品牌是Mighty Leaf。總結：食物質素不是差，但以這個價錢，可以有更好選擇。加上員工服務一般，語氣很冷淡，不是這個價錢的水平。食物份量以女性來說是吃不飽，男性應該很快便感到肚餓。(另收加一服務費)