幸屋

營業中

休息中

香港最近因爲肺炎，士氣低落就緊係要食好西，平時大家夢遊會經過既呢間拉麵店既食物質素高，員工又好好服務態度，食完可以開心返～茶包可自行決定濃度，等食時見到有外國人熟門熟路買外賣，呢度麵既硬度粗幼、湯既濃度，同落唔落蔥都可以自選，一定岩口味！赤武士拉麵$83紅當當既熱辣辣拉麵每人食慾大增，溏心蛋亦好正，叉燒整得好入味🤤辣度亦可以自選！限定王$93沾麵，湯既濃度岩好，事關我好驚咸到口渴既湯底，佢俾埋檸檬擠落去增添鮮味！帶子同芝士好夾，仲有少少黑蒜油醬，成個組合好掂👍🏻小食就有和風餃子同芝麻手羽，餃子煎得好靚，上面仲鋪左沙律醬用木魚碎，好似大板燒咁好惹味👍🏻🤤

星期五 happy friday!!! 放工後去左灣仔拍拖， 沿著灣仔利東街一直往金鐘走，發現一間隱世日式拉麵小店店內裝潢主要是4人檯，和旁邊的高檯，感覺很不錯 ！入座後，店員很快便提供水和茶包（是煎茶！） 經過一輪商議後，我們決定了點：胡麻王 （$78）加飲品和小食-炸雞 （+$20）。另外，還點了限定王（$93）黑松露蜆沾麵。首先是炸雞，因為是加餐小食，因此份量較少（畢竟加$20就有小食和飲品）但炸雞很很很好食！熱啦啦的，雞不會太干 十分juicy! 而且外皮不會太厚 😋胡麻王 （$78）很重的芝麻香味，湯底不會太鹹，拉麵附流心蛋一隻 （很多餐廳只有半隻流心蛋） 味道不錯 限定王（$93） 黑松露蜆沾麵共有三隻蜆，每隻都很鮮甜、大隻 豚肉上有一大pat黑松露醬！ 我把黑松露醬加入沾麵湯之內 沾麵湯很鮮味，味道很濃 ，對於我這個黑松露控來說，是十分十分棒的 這沾麵缺點是湯不夠杰身，感覺有點像拉麵湯底而已，而且有點偏鹹整體這家小店是有驚喜的，喜歡拉麵的朋友不妨到來試試

一個寒冷的晚上，完成了一整天的活動，於灣仔的橫街窄巷中，吃一碗幸屋拉麵。樓面姐姐非常好客，給了我們一杯熱水及煎茶包，飲了一啖熱茶，整個人馬上䁔起來。先來一個小食，要了汁煮牛脷。牛脷是日式炆煮，非常腍滑不硬，味道不會太濃太鹹，清新香濃。選了最基本的金武士($78)，即博多系豬骨湯。配料的叉燒併豚角，非常出色，肉脂充足，鬆化肉滑，醃料味美。湯底濃度剛好，麵條可硬一點點更好。醬油蛋入味，徧甜。我則點了限定王，今天是鰻魚沾麵。鰻魚燒得香脆，肉質彈牙。麵條沾上了濃魚湯，味道立即吸進麵條之中。店家還提供我最愛的 Suntory Premium Melt's，很想飲，但今日有點病，要等下次來的時候再試。

落超級大雨嘅一日，只想快快趣趣食完個lunch即刻走人。一入到嚟，細細哋但有啲日式小餐店嘅感覺！限定王 ($93)今日係黑松露沾麵，又幾得意喎！整體賣相不錯，好豐富。一手將所有黑松露醬撈入湯，味道唔會太搶；最開心係有幾粒蜆，入面冇沙而且肉厚，幾滿意！豚角煮冇想像中咁肥，反而肉多過肥膏，肉質食落鬆軟，喜出望外！蝦武士 ($83)湯底好濃郁好杰，蝦味比想像中濃，再連埋啲櫻花蝦一齊食，夠晒蝦！糖心蛋好入味，蛋黃有少少流心，正！叉燒肥瘦適中，不過得一塊，唔夠喉！拉麵偏幼身，但掛湯能力不俗！自家製餃子 ($30)有4隻餃子，雖然煎到有冰花效果不過燶咗啲；但食落餃皮薄，入面好juicy，餡好有咬口感而且醃得啱啱好唔會過鹹炸雞 ($38)件雞非常乾身，一啲都唔覺得好油膩，肉厚好滿足，不過就鹹咗啲，係咪醃得重手咗？！呢度樓底超高，加上廚房喺盡頭，完全冇油煙味！

身在灣仔工作，飲食方面絕無難度。最近留意到在利東街附近新開了一間日式拉麵店，紅噹噹的燈籠掛在門前，非常觸目，躍躍欲試。餐牌上有幾款不同的拉麵選擇 ，抱著好奇心的關係，蝴蝶結姐姐選了期間限定的限定王。這裏的湯底有不同濃淡度選擇，姐姐選擇了正常的口味。神秘拉麵上到枱面，原來是沾麵來也，店員教我先將拉麵撈勻，然後沾湯去食，拉麵的材料非常豐富，有腩肉、叉燒、筍、木耳等等。而湯底則見到很多櫻花蝦，將拉麵沾湯去食，充滿濃郁的櫻花蝦香味，正中我口味，不會過分濃郁又或者太淡，而麵條的口感亦剛剛好。據店員說是人手打的，口感煙韌。而同事點了一個燒鰻魚丼，姐姐覺得鰻魚丼重點是那個鰻魚醬汁，淋在鰻魚表面那色澤讓人更有食慾，鰻魚有手掌那麼大，肉質豐厚，配飯食每一啖也覺得非常之滿足。還有大家亦點了一個軟殼蟹沙律及串燒套餐，軟殼蟹炸得很鬆化，沙律幾清新醒胃，而且爽甜的。串燒套餐入面則包括了雞肉串燒、燒牛舌、燒鯖魚，火候控制得剛好，平均都是二十蚊左右串，都算幾抵食。店舖雖然細細地，但食物做得幾講究有心是向來日本人做事的要求來也