M3 Italian (已結業)

今日放工同豬先生去大圍食飯，行過衣間西餐廳見到十蚊一隻生蠔，二話不說即刻沖左入去食。生蠔優惠之前星期一至四先有，衣排每日都做緊衣個優惠！一坐低即刻叫左半打生蠔🍽 雖然係10蚊隻，但隻隻肥美，一D都冇縮水！海水味適中唔會太濃太鹹，肉質鮮甜，入口好滑，好creamy,配埋檸檬汁，令鮮味更加突出，話咁快掃晒半打，見到廚房係咁出生蠔，唔係冇原因！尼到食西餐，身為牛扒控既我地又點可以唔叫牛扒呢～ 叫左份10oz肉眼扒，份量好岩2人share, 牛扒既質素好好，非常有牛肉味，而且很林，配上黑椒汁好惹味。今次塊牛扒叫左五成熟，煎得好好，外面冇濃味，入面岩岩好。配菜就有薯條，露荀同蒜頭，薯條份最岩岩好，男士們食都夠飽。蒜頭焗得非常香口，外層好脆，以蒜頭尼配牛扒減低左油膩道，食完一d都唔會覺得好濟～另一款主食我地揀左香辣大蝦炒意粉,用辣椒，蒜頭作調味炒既意粉，好惹味同開胃。衣個意粉既辣度好岩鐘意食辣既朋友，但食唔到辣既就要留意啦～意粉好幼好有彈性，分量亦都十足，硬度控制得好好，偏硬，係豬師奶鐘意既質感～成碟意粉有好多隻大蝦，絕對唔係得面頭一兩隻，大蝦食落好爽口，配菜有蕃茄仔同蘆筍，份量都唔少，襯埋d香料

真係好鍾意嚟大圍嘅M3食飯，每一次都好有驚喜！今次，同兩個朋友一齊嚟，朋友都好驚訝話竟然可以$10蚊一隻蠔！佢哋都好質疑會唔會好細隻同唔好味，結果上咗第一round，佢哋都話嘩! 好新鮮，好好味啊！ $10一隻真係抵到爛！最後呢我哋就叫多咗兩round。另外我都有推介佢哋食白汁青口，之前都試過白汁青口， 水準都係保持住咁好！香濃嘅白汁伴鮮甜嘅青口肉，食完記住留返低啲白汁！因為仲可以配返意大利飯，如果M3可以叫白飯就好啦，我覺得啲白汁可以就咁撈白飯食，食幾碗飯都得啊！今次試咗青口外都有食到花甲，花格嘅質素都非常之好，配上九層塔，有少少酒味，清甜嘅湯底就令花甲鮮味更出，本人非常鍾意。另外叫咗芝士pizza，用料非常充足，有唔同嘅芝士，鹹香，奶香，口感，都做得好平均， Pizza嘅批底好趣口。我覺得係香港來講，呢度嘅Pizza算數一數二我食過最鍾意！真係非常之出色，呢個薄脆底真係一試難忘㗎 ！甜品叫咗心太軟，朱古力味都好濃郁配上雲呢拿雪糕，真係絕配呀！呢度食飯，可以叫主食加錢升級做套餐，套餐佢會跟一個餐湯同甜品，我覺得真係十分之抵食，餐湯我叫咗鮮帶子龍蝦湯，呢個龍蝦湯真係不得了！香濃無比！真

7月14日星期日晚，好姊妹食番我們食慰勞婚，因為要就小朋友，所以揀番沙田區的食店！M3本身已食過河畔果間，今次再試埋大圍呢間！大圍呢間地方比較闊落，可以放到bb車，同埋有high chair提供。頭盤叫左一打生蠔，168蚊半打。法國產，新鮮，鮮甜，一d苦味都冇，唔太咸，加檸檬汁就已經足夠。柚子海鮮沙律，90-100蚊，菜同海鮮都好新鮮，味道清爽。墨西哥辣雞翼，雞翼有d似芝麻雞翼，但佢辣辣地，再配埋墨西哥蕃茄醬，好味！龍蝦汁意粉配龍蝦尾，龍蝦汁味燶，意粉偏硬，但份量十足，抵食好味！黑松露意大利飯配香煎鵝肝，味道香濃好味，鵝肝油流落飯中更香！柏馬臣火腿pizza，薄脆好味，火腿配蜜桃，甜甜地又咸咸地，配埋芝士prefect match！呢種pizza，屬於勁薄果種，食完都唔會覺得漏。肉眼扒，5成熟，不過不失，有牛味又唔靭，質素唔錯！今餐多謝姊妹萬歲！價錢合理又唔會太破費，同埋食物環境質素十分高cp！區內高質之選！

食過幾次大圍M3的午餐，也試過它的下午茶，感覺不錯，為了貪方便及近，就訂這間慶祝父親節，叫了一份Martin Oyster(6隻$168)，清理得唔係咁好，有殼碎伴食🤦‍♀️。墨西哥雞翼($68唔夠辣，但香脆好食的)。西冷牛($258，叫五成，但Over cook，有點韌，伴碟的焗蒜，也未焗出香味，較生。/焗淋了軟了的蒜頭，才會更香)。比目魚($198，唔夠滑，有點腥)。寶雲酥羊架($258，一樣控制唔到熟度，一樣Over cook及好韌)。三個主食都另加$78轉做餐，可在湯、飲品、甜品中，三選二。我們叫了一個龍蝦湯(很濃，好好味)，兩個叫甜品，分別是梳乎厘(很香，好味)，蘋果肉桂卷配意大利雪糕(蘋果酸甜適中，有點像平時在甜品店吃的蘋果金寶的餡，肉桂味也很香)。餐飲分別是兩杯凍檸茶(正常)，一杯凍咖啡(咖啡也很香)。三個人埋單連加一 $1302，平均每位$434，多謝亞女。😂《總括:這兒午餐的牛，抵食及好食過晚市的，這頓晚市最精彩的只是雞翼及甜品，也許是我不好彩吧！如果問我晚上會否再來?我會說:試過便好了!寶雲酥羊架及伴碟的焗蒜頭，還是葵芳"X臺"做得較精彩。》