喺日本創下一個月賣50萬個記錄嘅蘋果批嚟到香港啦！銅鑼灣店同樣都係喺舖頭現場烤焗，酥皮用北海道牛油揉製成144層，裡面係青森蘋果粒同現打吉士醬，甜而不膩。
 

RAPL係日本BAKE Inc.旗下人氣品牌，16年3月喺東京開設首店，香港第一間分店就位於銅鑼灣SOGO。暫時只有蘋果批一個產品，全部都係現烤！144層嘅酥皮同2cm方粒嘅青森蘋果粒會先焗一次，注入現打新鮮吉士醬後最再焗一次，令酥皮金黃香脆。
 

現烤吉士蘋果批（$42/件，$160/盒4件）

酥皮輕盈酥脆富牛油香，然後一咬就會食到新鮮柔滑嘅吉士醬包住清甜Juicy嘅蘋果粒，口感層次豐富。吉士醬嘅牛奶香同蘋果嘅清甜味道平衡，甜而不膩。
 

建議大家買完即刻食，最感受得到新鮮同酥脆口感。拎返Ofiice或者屋企嘅話就可以用微波爐加熱10-20秒，或者用焗爐再烘烤一次。如果唔可以即日食，就記得擺喺雪櫃，最遲第二日要食啦。
 

每一個蘋果批都表現出品牌嘅三大原則：精選嘅原材料、細緻嘅工序、最新鮮嘅狀態。而專門店遲啲仲會供應埋雪糕，各位甜魔可以期待一下！
 

RAPL
地址：銅鑼灣軒尼詩道555號崇光百貨B2樓14D號舖

文、相、片：Cathy