高級意大利菜餐廳尖沙咀重開 擁無敵海景 即席炮製經典芝士黑松露意粉+抵食3道菜午餐
2020-10-12

望住無遮擋嘅維港海景食飯chill out一下,心情都特別容易放鬆。尖沙咀最近又有間「新」嘅海景餐廳開業啦,主打多款意大利菜。括住係「新」,因為佢以前係開喺灣仔,仲有成十年歷史喇。

 三道菜午餐(連甜品)

餐廳登陸尖沙咀後,繼續由本地意法料理名廚Chef Ken(劉銘佳)主理,揉合意大利同法國嘅食材同烹調元素,餐牌上換上6成左右嘅新菜,不論係擺碟賣相,定係配搭嘅味道都帶有驚喜。講到抵食嘅就一定係set lunch喇,兩道菜同三道菜嘅午餐,分別係$328同$398,包埋甜品喎。

前菜推介Balik三文魚伴椰菜花慕斯及溫泉蛋,同北海道帶子薄片配鵝肝。前者口感軟滑,啖啖椰菜花蓉,嗶開仲會有鮮橙色嘅流心蛋漿湧出。

主菜有多款選擇,例如帶子意粉、豬手意大利飯、澳洲南瓜及炸生蠔意大利飯等。其中南瓜意大利飯粒粒沾滿清甜嘅南瓜汁,炸生蠔嘅炸粉薄薄一層,脆口得嚟仲可以食到蠔肉嘅鮮爽。

 每日都唔同款嘅是日甜品

雖然叫set就抵食啲,但係啲單點菜式都幾吸引下。特別係呢道油香墨魚汁脆片配海膽,成隻船仔咁,一望就睇得出用咗多款食材,包括:牛油果蓉啦、海膽啦、蕃茄仔啦,睇唔出但食得出嘅仲有微酸嘅柚子汁,同埋陣陣豬肉嘅油脂香、建議可以喺中間切開一半嚟食,卜卜脆嘅脆片連埋咁多種料夾埋一齊,鮮鹹甜酸味都有,口感夠晒豐富。

另一款賣相煞食嘅係螯蝦意粉,原隻螯蝦咁砌返喺隻碟度,但查實Chef Ken用咗三種唔同嘅方法嚟到處理呢隻深海螯蝦呀:鋪面嘅係鮮爽嘅生蝦肉薄片刺身、近尾嘅位置則香烤過,肉質爽甜帶微焦、另外就係用咗螯蝦嚟熬汁再煨煮啲意粉,所以每啖都係鮮味。

介紹咗幾款新菜,但相信一眾粉絲最關心、最掛住嘅,都係佢哋嘅經典招牌:巴馬臣芝士配黑松露意粉!師傅會喺客人面前示範成個烹煮過程,將炒熟咗嘅意粉再倒落原個巴馬臣芝士上面再翻炒,望住師傅毫不吝嗇咁刮完一層又一層嘅芝士,令到每條意粉都沾滿晒熱溶嘅芝士,夠晒creamy,芝士味極香濃,絕對係愈邪惡愈興奮。加錢嘅話更可享受埋即場刨製黑松露片!

 Cocktails


 無敵維港景

Palco Ristorante
地址:尖沙咀廣東道3-27號海港城海運大廈4樓403-404號舖

文:Kar
相、片:Tom Li

關鍵字
尖沙咀
意大利菜
甜品
海景
海鮮
新店直擊
走在最前線,為大家搜羅及報道有關新開餐廳的資訊。
餐廳資料
本月熱門
【隨時更新】零食速報 每周新款零食、酒品點評
5天前
九龍城$388 大閘蟹+台式小吃放題 任食多膏大閘蟹、肥美蚵仔滷肉飯
2020-10-27
優雅小聚 11月下午茶推介
2020-11-03
【訂座感謝祭】 快閃$20餐飲券第八彈 激抵燒烤優惠
2020-11-06
Wine & Dine 2020預告 免費網上學品酒 精選品酒套裝率先睇
5天前