講到葵廣，除咗係美食天堂外，茶飲店都開到成行成市，最近又有一間加入戰團！呢間我是珍奶狗主打多元化，無論係酸奶、珍珠、芋圓、芝士奶蓋、鮮果茶都有得你飲，最重要係全部都真材實料，咁先可以突圍而出～

夏日限定榴槤酸奶

榴槤控注意！榴槤同酸奶呢個配搭真係夠晒新鮮感，酸奶加入滿滿榴槤肉，飲嗰陣有濃濃榴槤香～負責人話佢地會跟據時令推出唔同嘅鮮果酸奶。

牛油果波霸厚鮮奶

一杯用上半個牛油果，上層奶蓋同樣加入牛油果，下層就係黑糖珍珠。牛油果係唔少人眼中健康食物，而且營養豐富，可以解除一吓罪惡感～

芝芝Oreo奶茶

飲芝士奶蓋最重要係咩？當然係要多芝士啦！呢度嘅芝士奶蓋做得特別厚身，而且芝士味香濃，加埋Oreo口感再豐富啲啦。

滿杯燒鮮草

鐘意飽肚感可以試試呢杯滿杯燒鮮草，一杯有齊有鮮草、小芋圓、珍珠、花生、黑糖晶凍同紅豆，而且款款都好足料，飲完真係會飽晒。

紫薯芋圓鮮牛乳/芋泥芋圓鮮牛乳

紫薯將日本紫薯蒸熟再壓成泥，日本紫薯味會濃啲香啲甜啲，另外仲有芋泥選擇。加上手作芋圓，每粒都煙煙韌韌～

我是珍奶狗

地址: 葵芳葵富路7號葵涌廣場2樓2016號舖

文：Yanica

相、片：Tom Li