支持小店!6間漢堡外賣小店集合
2020-07-30

鍾意食burger嘅朋友其實唔係淨係得連鎖快餐店選擇,香港地其實都有好多優質嘅漢堡店。今次介紹7間主做外賣嘅漢堡小店畀大家,等大家喺疫情期間食得放心之餘,仲可以幫助各間小店渡過「疫」境。


自家手打漢堡扒 Checkit Burger

圖: 餐廳facebook

大埔新開嘅漢堡新力軍!店面裝潢成一架鮮黃小型巴士咁,好吸睛。所有漢堡都即叫即製,必試招牌安格斯漢堡,漢堡扒100%以黑安格斯牛肉手打而成,煎到兩面香脆仍能保留肉汁,牛味香濃,加埋秘製醬汁、兩塊車打芝士、蕃茄片、爽脆嘅綠珊瑚生菜及焦糖洋蔥,一啖咬真係好滿足~另一招牌菠蘿芝士蝦堡同樣高質,素食人士都可以揀呢個黑豆大啡菇漢堡。


清新檸檬魚堡 The Basic

圖: HConeezi1217

元朗人氣漢堡小店,除咗漢堡外仲有意粉及小食。如果覺得burger好易膩嘅朋友,可以試吓呢間店嘅清新檸檬魚堡,魚肉外脆內嫩,加上生菜絲、 沙律醬同檸檬汁,成件事即刻好fresh~另外跟餐除咗有飲品,仲可以小食三選一,推薦呢個煙肉洋蔥餅,將洋蔥絲及煙肉炸起,外層好酥脆,內裡爽脆香甜,十分惹味。


鵝肝漢堡 Masam

圖: 餐廳facebook

介紹完元朗嘅人氣小店,可以睇埋同區呢間新開嘅漢堡~主打西日式burger,漢堡扒選用原塊牛肩肉,脂肪比例較少。除咗經典一樣有好多自創口味漢堡,如鵝肝漢堡,鵝肝入口即溶,充滿香氣,配埋漢堡扒食真係好邪惡!另外同樣吸引有呢款金龍炒蛋堡,加入原隻炸虎蝦,蝦肉彈牙爽口。


牛魔王至愛 鬍鬚仔

圖: tommy1212

青衣街坊至愛嘅漢堡店,而且啱晒牛魔王,因為佢淨係牛嘅漢堡都有五個選擇,包括經典牛堡、至尊牛堡、芝士控必食嘅四式芝士牛堡、香辣惹味嘅韓式泡菜牛堡及餡料好豐富嘅加勒比海牛堡。麵包軟熟帶牛油香,加錢仲可以upgrade做安格斯漢堡扒,一定更滋味!而且小店開至凌晨一點,夜晚心血來潮想食個burger絕對無問題。


港島區平靚正 C+ Burger

圖: super yummykk_genki

港島區CP值高嘅漢堡店,小店鄰近大學,呢半年因為停課生意都受唔少影響。餐廳同樣主打自家製手打美國牛肉,經典特濃芝士漢堡好juicy,最特別係用上熱溶芝士,微微溶化好正!鍾意黑松露就不可錯過呢個黑松露芝士漢堡,加上滿滿黑松露醬,一啲都無手軟。另外仲有脆卜卜嘅原隻軟殼蟹漢堡!


$21黑椒牛肉漢堡 添福小食

圖: FoodieTongTong

美食達人應該對深水埗呢間港式小食唔陌生,供應幾款漢堡,價錢全部都非常親民。以手打黑椒牛肉漢堡而出名,醃製牛肉時保持低溫去處理,可以保住肉味同肉汁,而且只係賣$21個,好抵玩!






文: Yanica

關鍵字
漢堡
小店
集合
開飯專題
開飯仔為你提供各類型最新飲食情報及優惠,全面照顧你的飲食喜好。
餐廳資料
更多
收起
本月熱門
【隨時更新】零食速報 每周新款零食、酒品點評
2020-09-11
全城抗炎!屋企都嘆到三層架下午茶 Tea Set外送/外賣自取推介
5天前
悠閒時光 9月份下午茶推介
2020-09-02
【9月生日優惠】最低至半價!生日平食放題.韓式炸雞
2020-09-02
Stephy新開茶飲店 台灣回流 期間限定 聯乘Snoopy推棉花糖朱古力特飲
2020-09-11