引爆味蕾辣上癮推介!
2019-11-05
天氣開始回暖,有時熱辣辣容易令人無胃口,咁就需要食啲辣野醒一醒胃啦!香港嘅辣野款式已經唔只局限在於川菜同麻辣火鍋,市面仲有唔少精緻優雅嘅菜式,讓大家齊齊迷上個種猶如電流竄遍全身嘅舒暢感,今期嘅「大廚招牌菜」就帶大家一齊吃香喝辣!


喜記避風塘炒辣蟹 (銅鑼灣)      
曾獲法國藍帶美食大獎及各地飲食界殊榮嘅「喜記」係地道避風塘炒蟹嘅始祖!於上世紀六十年以招牌菜「喜記避風塘炒辣蟹」聞名,店內環境古色古香,乾淨整潔,難怪多年嚟都大受本地食客、國內外遊客歡迎啦!仲發揚咗唔少避風塘美食,成功吸引不少城中名人慕名到訪,有「名人飯堂」嘅美譽! 依家新開咗分店係利舞台廣場附近!

喜記避風塘炒辣蟹
喜記只選用上斤重3A級嘅越南大肉蟹,炒制時先將蟹分成十一份,以歐洲進口食油秘制蟹油走油,鎖住蟹嘅鮮味,再以自家秘制香料、蒜蓉同辣椒一齊炒香,令蟹肉格外冶味!未見蟹嘅蹤影,已經先聞到撲鼻嘅香味,讓人食指大動!連配製嘅蒜茸、蔥頭、姜茸都美味香濃,據說有唔少食客都會打包回府用來餸公仔麵! 炒制嘅辣蟹,有微辣、小辣、中辣、大辣、巨辣之分,初嘗者可以先試少辣呀!

醉鮑魚
天氣熱最啱食冷盤! 喜記選用大大隻本地新鮮七孔鮑魚,用上香槽鹵、花雕酒、魚露等浸製。難怪濃郁又鮮美,仲有淡淡嘅海鮮味!絕對係上品嘅之伴酒小吃同前菜!

椒鹽瀨尿蝦
鎮店菜式之一,店内特選用啖啖肉、斤両十足嘅巨型馬來西亞瀨尿蝦,隻隻肥美生猛,肉厚甜鮮,蝦身可以比筷子仲要長! 瀨尿蝦以椒鹽高溫乾炒,鎖住肉汁,鮮嫩無比,再加上椒鹽香濃惹味嘅配搭,簡直一絕! 師傅仲好細心咁係蝦背上先預先為食容先剪開蝦殼,方便食客剝下蝦殼,完全顛覆小編以前對瀨尿蝦嘅負面看法!

口水雞

一道非常開胃嘅前菜,集麻辣鮮香嫩爽於一身,微酸帶麻辣香嘅辣汁香氣四溢,配埋青瓜食好夾!係川式涼菜中非常經典嘅一款!

福建粉絲煲
粉絲煲用料實在,上枱時香味撲鼻,用上大量靚蝦干、北菇,甘香十足! 粉絲吸收晒配料嘅香味同精華,又辣又惹味,小編真係食不停口呀! 


川府宴(銅鑼灣)   
川府宴走新派川菜路綫,香而唔過辣,比一般嘅川菜溫和,甚至精細別緻! 除了川菜小炒外,亦有火鍋! 店內以紅與黑為主色調,裝飾帶點雅緻中國風,以巨大四川面譜作點綴, 燈光柔和,別富巴蜀文化神秘詭異嘅氣氛,地方闊落,桌同桌之間距離感足夠,配上有格調嘅梳化櫈, 坐得相當舒服! 係川菜入門嘅好選擇!

麻辣牛肉乾
香港少有嘅四川經典菜式,精隨在於用上鹿兒島一口牛肉,味道鮮甜有麻香,顏色紅亮油潤,入口酥香嫩滑,香氣十足,非常適合做開胃前菜同餸酒小食!  

巴蜀水煮牛肉
正宗四川風味,精隨在於牛肉,配上又香又辣嘅湯底!牛肉完全吸收晒辣湯嘅湯汁,食落又辣又有牛味 ,正呀!

大大粒辣子雞
用上雞髀肉切到細細粒,炒至金黃香脆,啖啖肉,食落外酥內嫩,又有麻香!食嘅時候就好似係辣椒乾入面尋寶咁,好玩又好食!

酸菜龍躉 
店內選用30斤以上嘅大龍躉,龍躉皮勁厚,魚湯鮮甜中帶啲酸辣,仲有好豐富嘅骨膠原,啱晒唔食辣嘅朋友仔同貪靚嘅女士!魚片嫩滑鮮味,配上酸菜一起吃好夾!底下嘅紅薯粉吸收晒酸菜魚湯嘅精華,彈牙滑溜有辣勁!

藤皇麻香雞
雞肉肉質鮮嫩味美,用上四川新鮮花椒及乾花椒炒製,食落只麻不辣,加上香口芝麻、雲耳同蒿筍片食,麻香十足!


渝味曉宇重慶老火鍋 (尖沙咀/銅鑼灣/灣仔/西環)       
2014年經《舌尖上的中國2》報道後竄紅嘅重慶老火鍋店,裝潢簡潔舒適,全店設約五六十個座位,曾榮登重慶商報重慶火鍋50強殊榮,提供重慶有名骕乙九宮格麻辣大紅鍋,亦提供鴛鴦鍋選擇,午市時間設有火鍋同重慶口味麵食, 火鍋更供應到凌晨十二點,自問食得辣嘅你快啲嚟挑戰吓啦!  

九宮格⿇辣⼤紅鍋
鍋底用上上等嘅青海⽜油、郫縣⾖瓣、貴州⽣薑、⼭東⼤蒜等⾹料炒製,⽽⿇辣湯頭⽤上等重慶朝天紅辣椒、茂汶⼤紅袍同⾦陽青花椒等,經40分鐘不斷炒成,難怪湯頭⾟⾹⿇辣並重!

美國安格斯優質肥⽜
油花分佈均勻,⾁質肥嫩不鬆散,入口牛香十足! 

稻⽥⽑肚 

⽑肚即⽜胃,係重慶⽕鍋嘅必備⾷材!取⾃新鮮本地⽜,葉瓣寬⼤ 冰鎮薄切上枱,輕輕燙⾄微曲即可⾷⽤,口感爽脆,正呀!

鮮鵝腸
精選肥瘦相間嘅新鮮鵝腸,汆燙10秒即可享受脆嫩嚼口! 

鴨⾎ 
鴨血滑嫩吸汁,係重慶⽕鍋嘅絕配,下鍋煮⼤約3分鐘會吸飽晒湯汁,惹味非常,⼊口鮮美爽滑!  

心動不如行動!有興趣就快啲約埋三五知己去嘆下美食啦!快啲bookmark定啦!

*以上圖片只供參考,所有食品以實物為準. 食品供應因餐廳而異
關鍵字
避風塘炒蟹
麻辣火鍋
川菜
辣椒
中國風
牛肉
水煮
辣子雞
重慶火鍋
開飯專題
開飯仔為你提供各類型最新飲食情報及優惠,全面照顧你的飲食喜好。
餐廳資料
更多
收起
本月熱門
【隨時更新】最後倒數!即將結業的老字號及人氣小店
2020-07-21
【隨時更新】零食速報 每周新款零食、酒品點評
2020-07-31
全城抗炎!屋企都嘆到三層架下午茶 Tea Set外送/外賣自取推介
1天前
全城抗炎!北角酒店最新應變 自助餐都有得外賣?
2020-07-17
全城抗炎!送上門懶人煮食包及套餐大合集2.0 花膠燉湯/火鍋/鐵板燒
2020-07-30