武漢肺炎情況嚴峻，香港又再一次遇上仿如SARS嘅危機，喺人人自危、人心惶惶嘅時候，有一班好勇敢，企喺前線，以守護香港人為己任嘅醫護人員默默抗疫！為咗感謝佢哋嘅無私同付出，有好多良心餐廳加入「全城同步支援醫護人員」行動，免費請佢哋食飯！
用心做拉麵 和拉麵
圖﹕呢間拉麵店格局同日本嘅一樣，簡單得嚟又有啲溫馨~為咗更專心做拉麵，拉麵店只提供3款拉麵（仲有多款小食）﹕豚骨原味拉麵、辛辣拉麵同味噌拉麵。豚骨原味拉麵嘅湯底香噴噴，再附上兩塊肥瘦均匀嘅叉燒、半隻溏心蛋，大滿足！
醫護優惠：凡出示醫護證的醫護人員，可免費用膳
有「良知」cafe Return Coffee 362
圖﹕最近太大壓力，想relax下嘅話，不妨嚟呢間cafe chill下啦！佢哋提供全日早餐、牛油果煙三文魚竹炭多士、芝士牛肉竹炭漢堡等，吸睛得嚟又好食！必嗌佢哋嘅「良知」芝麻燕麥奶，黑白分明，個名改得相當貼切！
醫護優惠：平日每日3pm後，凡出示醫護證的醫護人員，均可免費獲贈精選意粉一客及咖啡一杯。(只限平日及堂食)
元朗新式茶記 亞玉冰室
圖﹕呢間冰室環境寬敞，牆上掛滿色彩繽紛嘅霓虹燈，打卡一流！食物富有香港人嘅味道，菜式選擇多，特別推介「卜卜蜆茄湯烏冬」，大大粒嘅蜆，配上有真．蕃茄嘅蕃茄湯，非常開胃~仲設有甜品部，經過都可以買個砵仔糕、糯米糍添！
醫護優惠：凡出示醫護證的醫護人員，可免費用膳
足料喇沙外賣 榮少喇沙
圖﹕返工太晏太攰，可以選擇嚟呢間餐廳嗌個喇沙外賣呀（餐廳有少量座位）！一如其名，呢間餐廳主打喇沙，有唔同嘅配菜可以揀，例如魚蛋魚片、肥牛肉、五花豬肉等。喇沙湯底足料，聞落去勁香椰奶味，再帶啲微辣，冬天食夠醒胃！
醫護優惠：凡出示醫護證的醫護人員，可免費用膳
台式茶飲 花斑茶社
圖﹕除咗食嘢，又點少得飲嘢呢？呢間台式茶飲店就請醫護人員飲嘢啦！有水果冰茶、鮮奶茶、黑糖珍珠鮮奶等，選擇相當多！「黑糖珍珠烏龍奶茶」就最受歡迎，淡淡嘅烏龍茶香，帶啲苦澀，又有微甜嘅焦糖味，飲落相當有層次！
醫護優惠：即日至2月7號，凡出示醫護證的醫護人員，可免費獲贈飲料
香港良心餐廳仲有以下呢幾間，每一間都好值得我哋去支持！
香港島：
水門泰式海南雞飯專門店、新景園咖哩小廚、和記餐廳
九龍：
水門泰式海南雞飯專門店、青花亭、1仔冰室、花果山、泰風佳味海南雞、基隆茶餐廳、籽樂廚房、新記芝士麵、Amitie Kitchen、甜記餃子
新界：
水門泰式海南雞飯專門店、光榮冰室、漢堡佬、西麵、有得餃、魚一壽司、彩虹小食串燒專門店、醋頭家、鼎天茶室、1523 釗級廚房、泰Yummy、蕃茄濃湯專門店、聚福樓、秋香、全記點心專門店、Aroma Dessert Cafe、茶半香初、Relax Coffee、咖啡賞館、小廚美食、新記冰室
按此 查看更多支持抗疫餐廳名單
文﹕Kiko
編：Kar