【訂座感謝祭】 快閃$20餐飲券第六彈 激抵麻辣優惠
2020-10-22

今時今日嘅香港,樣樣嘢都貴,連麵包都要成$10個,拎住$20可以食到啲乜?

只要你夠快手,$20,分分鐘就可以食到自選麻辣香鍋又或者酸菜魚套餐喇!OpenRice由9月21日起,一連8個禮拜舉行訂座感謝祭,有一連串訂座優惠兼抽獎,總之多訂就多獎啦。嚟到第六個禮拜嘅$20快閃優惠,係步入秋冬最啱食嘅麻辣菜式!買$20快閃優惠仲可以獲得3次抽獎機會(詳情按此),頭獎係最新型號Macbook Pro,仲有125份獎等你攞!

即刻睇下有邊幾間餐廳提供激抵優惠,mark實心水、約定朋友飯局時間,10月26日秒搶$20餐飲券啦!

油麻地 廚十三老壇酸菜魚


$20快閃優惠:廚十三老壇酸菜魚套餐 $218

店如其名主打正宗酸菜魚,而且有「酸菜比魚好食」嘅說法!原來因為酸菜係選用優質嘅小葉芥菜入罎醃製,經過365日嘅發酵,所以夠酸爽入味、爽脆解膩。當然魚肉都好重要,採用成都新鮮鱸魚,即日劏及起骨,食落啖啖肉特別爽。而家用$20就可以食到招牌廚十三老壇酸菜魚啦!

尖沙咀 小魚兒


$20快閃優惠:烤江團魚(鮮九葉花椒BB豆花/老壇酸菜豆花)$338

供應多款四川麻辣菜式及烤魚,烤魚口味配搭有驚喜,當中仲會加入滑捋捋嘅豆花。而且喺保持傳統川菜風味嘅同時,將辣油份量減半,令大家可以食得更無罪惡感。烤魚亦有四款魚選擇,而今次就揀咗肉質肥美,油分較重嘅江團魚。兩款口味都可以揀小辣、中辣後者大辣,老壇酸菜豆花仲可以揀唔辣呀。

將軍澳 鱻味館


$20快閃優惠:鱻味酸菜魚 $218

主打四川菜,多款菜式盡顯川菜味型較多,富於變化嘅特色,例如鱻味酸菜魚,魚肉鮮嫩無腥味,味道香辣帶酸而唔嗆,扁薯粉煙韌入味,做到麻、辣、酸、香。而且分量十足,把握今次機會就可以用$20食到呢道招牌菜啦!

旺角、紅磡 十二味功夫


$20快閃優惠:麻辣香鍋(自選3款葷菜+2款素菜)$234

呢間摩登中菜館主打嚟自重慶嘅麻辣香鍋,用秘製香油加上十二種成都直接運港嘅香料乾炒而成,包括八角、桂皮、草果、丁香、香葉、香茅、草籽、香果、青花椒、紅花椒、辣椒、豆蔻,味道麻香鮮辣。而且可以從多款配料中選擇,今次優惠套餐就包括三款葷菜同兩款素菜,兩個人食分量啱啱好。

香港仔、大角咀 十三少酸菜魚


$20快閃優惠:十三少酸菜魚 $218

裝修簡約環境舒適嘅新派川菜館,睇店名就知主打酸菜魚,選用新鮮鱸魚,混合正宗老罈酸菜同潮汕酸菜製作,特別之處係會加入啤酒提鮮,令魚肉更加鮮滑!而且特別按香港人口味調整,盡量減少用油又保留酸辣風味,同時又唔會蓋過魚肉鮮味,味道豐富。



記得星期一朝早10點正就開搶喇!
訂座感謝祭 詳情 (按此)



關鍵字
訂座感謝祭
訂座
優惠
麻辣
開飯專題
開飯仔為你提供各類型最新飲食情報及優惠,全面照顧你的飲食喜好。
餐廳資料
更多
收起
本月熱門
【隨時更新】零食速報 每周新款零食、酒品點評
5天前
九龍城$388 大閘蟹+台式小吃放題 任食多膏大閘蟹、肥美蚵仔滷肉飯
2020-10-27
優雅小聚 11月下午茶推介
2020-11-03
【訂座感謝祭】 快閃$20餐飲券第八彈 激抵燒烤優惠
2020-11-06
Wine & Dine 2020預告 免費網上學品酒 精選品酒套裝率先睇
5天前