【特約分享】「衛食全城」一掃QR Code 即睇餐廳衛生情況

疫情下出街食飯，想搵間符合衛生標準嘅餐廳食得安心可以點做？唔通要喺門口偷望？定抑或直接行入廚房睇煮食環境？「衛食全城」呢個活動就幫我哋集合多間符合衛生標準嘅餐廳，透過定期進行衛生檢查，並標示檢查結果為合格、良好或優質，將衛生情況具體化，唔使再自己估估吓喇。

只要Scan 餐廳門口QR Code或直接進入「衛食全城」活動網址，一眼睇晒餐廳嘅第三方衛生認證、衛生驗證過程同衛生措施等。除咗透過全球規模最大嘅驗證公司之一Intertek 實地檢測同化驗食品外，亦透過區塊鏈驗證系統為餐廳作第三者驗證，方便食客追溯餐廳符合其他衛生標準嘅真實性，咁就食得更安全喇。

Kuro Shabu 調控溫度貯存日本空運和牛
而家已經有多間餐廳參與「衛食全城」，當中主打shabu shabu 嘅Kuro Shabu 就係其中之一。去到門口已經可以Scan QR Code 得知衛生措施，覺得夠乾淨衛生先入去食都得！咁疫情下Kuro Shabu 又做咗咩衛生措施呢？最基本員工返工時一定會體溫檢查同消毒雙手，並要更換公司配發嘅合格口罩，同時每日3次用日本食品級清潔劑清潔食具，處理食材時亦要佩戴手套等。

喺餐廳門口Scan QR Code 即可登入「衛食全城」中嘅餐廳頁面，了解衛生情況。

「衛食全城」透過驗證公司Intertek，確認Kuro Shabu 用日本食品級清潔劑。

處理食材工具都好重要㗎，牛肉切割機都會定時清潔。

員工要戴一次性手套處理食材。

調控溫度貯存日本空運和牛，確保食材新鮮。

店家坦言「衛食全城」令香港好多食肆更盡力提升整體衛生環境，為食客盡一份心意，當中主打一人一鍋日式Shabu Shabu嘅Kuro Shabu就係其中之一。Kuro Shabu 一直主打一人一鍋加上特設防飛沫隔板，就算疫情下都可以安心打邊爐。

Kuro Shabu 有咩食？
Kuro Shabu座落中上環交界嘅荷里活道，近文武廟，無論文青或上班一族，加上一班好有Lifestyle嘅潮人，都好鍾意過嚟呢頭chill吓。

呢間隱世餐廳有好多識食之人撐場，名人明星、公司高層、老闆們好鍾意呢度會所級舒適環境！而全香港只有呢度先可以食齊獨家由日本鹿兒島藤嶺牧場進口嘅黑毛和牛、黑豚肉、黑薩摩雞Shabu Shabu，真正「farm to table」體驗！

「黑毛和牛A4 Premium Set」嘅和牛入口即融。

「黑毛和牛 A4 Standard Set 」有3款唔同和牛部位，油脂分佈均勻，特別有口感。

每個和牛Set 都配埋蔬菜盤、飯或烏冬、昆布高湯同日本直送醬汁，份量好足！

HAKU 懷石料理維持高級衛生標準
日本菜不乏刺身壽司，食客更關注食材環境安全。HAKU係一間現代創意懷石料理嘅西日式餐廳，亦為咗食客安心而參加「衛食全城」。店家明言作為高級日本菜料理店，一直有好高嘅衛生水平標準，但無人實地檢測提出證明，食客可能無從得知。

透過今次計劃，Intertek 實地檢查衛生環境批出認證，食客上網就可以知道HAKU 嘅清潔標準。廚房餐枱會定時消毒外，客人每用完一次刀叉會立即更換，結帳離開後即抹枱消毒。店家本身遵從懷石料理傳統，甫入座會奉上熱毛巾，疫情之下以消毒濕紙巾代替，希望從細微入手照顧食客健康。

Intertek 團隊會監控餐廳雪櫃溫度，確認食材貯存安全。

計劃提供清楚指引予員工確保衛生，令大家確切睇得到衛生程度，員工清潔起嚟更有動力。

呢度係以廚師發辦形式用餐，師傅少不免同客人交流，所以員工口罩會定時更換及每小時徹底洗手；吧枱座位間隔更闊，餐枱位則有防飛沫隔板，確保整個用餐過程安全。

而家吧枱位置坐得更闊落。

員工定期用天然「樹脂」成分嘅日本食用級清潔劑潔淨廚具。

新城知訊台前執行節目總監林柏希(William) 現為HAKU 企業傳訊總監，細心講解餐廳衛生措施。

HAKU 有咩食？
懷石料理出名精緻，HAKU 嘅料理亦不例外。主要由6道或11道菜菜單選擇，食材每日由日本送到，確保新鮮安全，而且經常以時令食材設計新菜式，每次嚟都有驚喜。最近就有滿滿仙氣嘅「新派3點盛」，將時令秋刀魚、日本蝦、吞拿魚入饌，醬汁輕酸突出魚鮮，個人最鍾意新鮮秋刀魚魚味濃又有咬口。

「新派3點盛」好有仙氣。

呢道龍蝦好似分子料理般夠玩味，將白粟米變成泡沫；日本豉油變成「魚籽」，龍蝦味濃郁又有多重口感。

日本人入秋一定食嘅姬松茸，先炭燒再用焗爐烤香，配埋東星斑引味一絕。最估唔到係醬汁偏向忌廉味，有種西日Fusion 感覺幾有新鮮感。

J-Pot 免費轉「一人一鍋」食得安全
疫情下打邊爐亦令不少人卻步，若將「大班人一鍋」變成「一人一鍋」就安全得多喇。J-Pot 因應疫情推出免費轉一人一鍋，可以安心同朋友一齊Enjoy 打邊爐樂趣。而且牛肉、雞肉同豬肉火鍋都可以揀一個人嘅火鍋份量，湯中嘅招牌米飯吸盡食材精華一定要留肚食。

作為火鍋店，J-Pot 坦言做足所有衛生措施，除咗基本量度體溫、戴口罩、保持食客用餐社交距離外，亦特別安排員工培訓，避免新鮮食材放於室溫腐壞，並用消毒機處理餐具等。但食客未必睇到員工背後為清潔安全努力，所以今次透過第3方Intertek 驗證餐廳所有衛生程序，同時培養員工於日後都繼續遵守衛生標準。

員工定期清潔餐具，確保乾淨衛生。

Intertek 亦會深入餐廳廚房，確保食材、廚具安全。

並會抽取樣本，評估食材達到品質安全。

J-Pot 有咩食？
J-Pot 係周董朋友開設，所以成個餐廳環境都以周杰倫同音樂為主題，主打多款創新湯底，全都經過長時間真材實料熬製，並無添加味精。特別係大受女生歡迎嘅養顏美容「皇牌滋補花膠雞湯」，開動前一定要先飲一碗。心思思咩都想食吓嘅話，推薦大份量「招牌手工拼盤」同「牛魔王拼盤」。

(左) 「皇牌滋補花膠雞湯」、(右) 「招牌手工拼盤」。

一次過食到日本和牛、澳洲和牛同美國牛肉。

紅花會獨立空間VIP房食得更安全
主打川菜x粵菜嘅紅花會同樣重視衛生，並認為疫情下保持徹底安全清潔係餐廳責任。所以由踏入大堂開始就做足防疫措施，升降機大堂已有專人提醒填寫健康申報表同量度體溫，確保進入大廈範圍嘅所有客人都健康。

大堂開始已做足防疫措施。

大堂放有健康申報表、體溫量度設施同酒精搓手液。

紅花會設於2樓，經過大堂要搭升降機先去到餐廳，無論大堂地板、升降機按鈕都有專人定期消毒。最貼心嘅係，餐廳將清潔衛生同處理食物嘅員工分成兩條Team，避免員工有交叉傳染嘅機會。

專人定時消毒升降機按鈕。

店家開店至今嘅座位設計並無改變，但意外地有利於防疫。因為座位設計寬敞、椅背特高、每張枱亦有足夠距離，食客食飯時就更安心。如果想喺更私人空間用餐，呢度亦有4間VIP房供預訂，平時VIP房設最低消費，因為疫情下唔鼓勵太多食客聚首一室，所以亦將最低消費調低，可以話係抵咗㗎！

餐廳座位寬敞，椅背特高有利保持安全社交距離。

疫情下VIP房最低消費調低，可以向店家查詢，聚餐更有私人空間。

紅花會有咩食？
呢度主打川粵菜，當然必要一試「招牌辣子雞」，佐酒一流！大廚用上新鮮雞，並反傳統切成更細嘅雞粒，令辣子雞食落更脆口乾身。辣得快亦有餘韻，無論係雞粒定配料都炒得乾身，唔會覺得油膩，飯前當佐酒小食傾吓計、開吓胃就啱喇。

行政總廚入行20年，不時依據時令食材設計新菜式。

大廚拿手小菜仲有呢道酸菜魚，可揀桂花魚或沙巴，原條魚新鮮即劏，辣得嚟亦唔會掩蓋魚味。用上嘅酸菜亦有別於坊間嘅鹹酸菜，改用偏甜酸菜食落味道更順滑唔嗆。最底則有寬薯粉更掛汁，食薯粉時亦食到魚湯汁。

睇咗咁多間參加「衛食全城」嘅餐廳，其實仲有好多餐廳嚟梗會陸續加入，等大家上網就Check 到邊啲餐廳已獲得第三方衛生認證，由環境、廚房、食材貯存等多方面都符合衛生標準，疫情下都可以更放心同三五知己相聚啦。