以前睇電視，聽老一輩講做廚房學師會畀人蝦，早到遲走又要負責洗碗，到底係咪真？等旺角一間西餐廳嘅大廚Herman同大家拆解下餐廳廚房工嘅迷思啦。

Herman喺加拿大出世，細細個就過咗嚟香港，現職Sky726嘅大廚，入行大約20年。Btw，Sky726搵我哋幫手招聘初級西廚，無需經驗(招聘詳情按此)！

問：所謂學師，大致上會包括咩內容？

答：其實我哋餐廳係冇學師， 所有同事一埋位已經要落手做。所有嘅junior同事都會有on-job training，由簡單嘅切菜開始。每個新同事都會有另一個資深嘅同事帶住，教佢哋處理食材。而家所有嘅餐廳都會有洗碗姐姐， 所以唔會需要洗碗呀。

問：一個新同事由咩經驗都冇，一張白紙去到可以煮一道菜畀客人， 大約需要幾耐呢？

答：睇下係咩菜啦。如果係沙律或者其他頭盤， 其實只需要2-3日；但如果係主菜嘅話就可能要一年以上喇。

問：咁大廚你自己係點入行？

答：我自己都係Part time做廚房入行，以前喺加拿大讀書要自己照顧自己。識得煮嘢食除咗搵到錢之外，仲可以令自己食得好啲。我中間都有做過其他行業嘅，但都係覺得做廚最好。

問：做廚房最開心嘅事係咩？

答：當你好用心煮好啲嘢食，見到啲客好鍾意食，呢啲感覺係一路以嚟自己最開心嘅，亦都係呢種感覺令我一直留喺呢個行業入面， 絕對係錢買唔到嘅體驗嚟。

OpenRice餐飲筍工專區，無論前線營運以至後勤部門，致力為各飲食及服務業界配對最啱你嘅工！
(詳情按此)