香港人一向創意多多，嚟緊端午節，除咗早前同大家介紹過一系列嘅豪華鮑魚糉外，今年仲多咗好多健康素糭！當然傳統口味都好有market啦！話晒糉子節都係一年一次啫！
純素新豬肉糭 Green Common
Green Common一向推廣綠色飲食，今年推出全新「五香新豬肉藜麥糭」，採用「Omnipork新豬肉」，以大豆、冬菇、豌豆等製造出豬肉嘅味道同口感，不含膽固醇，飽和脂肪含量比真豬肉少86%添~糯米入面再加入咗紅藜麥，增加口感得嚟又夠高纖！
羊肚菌新豬肉糭 帝京餅店
呢隻素糭同樣採用咗「Omnipork新豬肉」，同埋純植物成分嘅食材，啱晒素食人士！仲加入咗羊肚菌同金栗，濃郁嘅羊肚菌香，配上甜甜嘅金栗，味道更有層次！
銀杏果蓮子素糭 奇華餅家
全素嘅「銀杏果蓮子素糭」，糯米中混入「super food」嘅紅藜麥、有機燕麥米，再加入可以養心安神嘅蓮子同養顏降脂嘅銀杏，功效十足，仲好有口感添！
冬蟲草黑豚腩糭 香宮
呢隻雖然唔係素糭，但就相當養生。選用珍貴嘅冬蟲草，同西班牙天然黑豚豬腩肉，同樣健康。
西米紫薯糭 大記攦粉糕點專門店 
潮流愛紫薯，當然糭都唔例外啦！糭入面包住大大嚿紫薯餡，甜而不膩，再加入粒粒西米，就更加有口感啦！
餐飲券: 81折【大記攦粉】西米紫薯糭 (二個)
嘉湖鮮肉糭 海記大閘蟹專門店
長枕頭形嘅嘉湖糭，用新鮮豬肉，再加入大大粒嘅鹹蛋黃，用料唔花巧，但反而更食到糭原本嘅味道。
餐飲券: 64折【上海三陽泰】嘉湖鮮肉糭二個
全黃鹹肉糭 海記大閘蟹專門店
至於鍾情傳統嘅朋友仔，呢間老字號嘅全黃鹹肉糭，包住大大隻鹹蛋黃，糯米香中又有濃郁嘅鹹香，而家早啲買定仲有著數添。
餐飲券: 63折「香港製造」【海記】全黃咸肉糭
文﹕Kiko
編：Kar