以前見到屋子係好多人排隊 遇上防疫措施剛新效 見時間尚早，店內唔算多人 所以決定提早係屋子食晚餐 叫左一個吉列豚扒丼同埋七味雞唐揚丼 吉列豚扒丼 前菜醃蘿蔔，酸酸地幾開胃 豬扒有一定厚度，炸粉適中，口感鬆脆，唔算油膩，但有少少炸過龍，未夠軟熟 有2款醬汁分別是沙律醬同埋豬扒醬 我個人鍾食沙律醬多D，豬扒醬係偏咸同稠 飯就一般冇咩特別 七味雞唐揚丼 上菜時好明顯見到仲出緊煙 食落比起豬扒更驚喜 肉質鮮嫩，咬落去仲肉汁流出黎 皮薄但能鎖住肉汁 但只有4舊，如果有更多會更加完美 價錢都係60幾蚊 加上環境其實幾舒服，唔係見門口有人等緊，都真係想坐耐D 整體黎講CP值不錯的

打算食下炸雞 11款口味158 好似都ok咁 咁咪去試下 點知原來係伏既 一開始寫完一張後 2個人黎左8隻雞（寫明4隻1人） 叫左 初雪炸雞（芝士粉，但芝士味唔濃） 白郡主炸雞（忌廉芝士汁） 大蔥炸雞（原味加幾條蔥） 招牌炸雞 （芝士醬） 咖哩炸雞（咖喱粉好香） 都係算熱既 打算想話番單既時候 等成30分鐘都冇第2輪 大佬又話限時90分鐘 我食得8隻雞就冇第2轉 不如散叫仲抵啦 散叫8隻雞都70幾蚊咋 所以大家唔好再俾佢放題呃到啦 散叫可能係既好食既 放題真係不可一不可再

九龍灣食個午餐 平均都50起 這間位於九龍灣工業區的車仔麵 依然做到1麵3餸都係40蚊內有找 真係買少見少 我叫左雞翼腸仔同貢丸 全部都有2件 新既車仔麵同樣價錢可能只得一件 係平均消費50以上的九龍灣 有碗咁平既車仔麵實在一流 但其實呢間最好食唔係車仔麵 以係煎釀三寶 12點幾炸第一轉 放飯時間1點幾已經淋左唔好食 4點幾會新炸一轉 果轉新鮮程度超好食 公司舉辦下午茶既時候 買左百幾件 都會被同事們 一窩蜂搶哂 10蚊5件 價錢本身已經超哂班 仲要釀好多魚肉 接近1比1咁 簡直冇得嘆 種類都有唔少 青椒魚蛋紅腸茄子豆腐 仲有炸雲吞炸餃子 4點幾可以買到既話係最正 可以食晏果陣預訂數量 咁下午茶道有熱辣辣既煎釀三寶可以食到

咁岩去果一日 原來係舊鋪最後一日， 之後就準備搬新鋪了 所以食評係新地址呢道寫 支持一下小店 因為去既時候仲早 所以唔駛等位就有得食 點左一個招牌手撕雞札肉椰汁酸湯湯檬 同3＋2撈檬，同埋2款雞翼 招牌手撕雞札肉椰汁酸湯湯檬 果湯味道好正 濃郁既椰子味 雖然話係酸湯 原本以為會唔會好似冬陰功咁 但原來唔會既 佢都係椰子湯既清甜居多 手撕雞同札肉都份量好多 甚至比圖片還要多 3＋2撈檬（掛住食唔記得左影相） 份量足夠 有札肉，烤豬肉，牛肉，手撕雞，豬肉絲 配埋魚露一流 金蒜脆雞翼 上菜時仲出緊煙 新鮮熱辣襯熱食 一咬肉汁咇哂出黎 差d淥親條脷 但性價比唔算太高 跟餐都要加29蚊 但只係2隻 有d貴 蒜香牛油雞翼 味道冇前一個咁濃郁 略為普通 都係一樣跟餐加29蚊 所以唔係好抵

這間位於新城市的台式餐廳 早有聽閒過係好食的 但見擺設左一大塊布寫上牛肉麵 因為友人唔食牛的關係 所以一直沒有特別留意 直至最近在沙田搵野食 係疫情嚴重下都冇得去旅行 所以想搵一些台式餐廳懷念一下台式味道 細看餐牌才發現 原來除左牛肉麵之外 竟然有滷肉飯 平時好多台式餐廳都係肉燥飯多 滷肉飯真係好少見 因為真係愛滷肉多過牛肉 所以即使呢間係以牛肉麵為主打都冇問題 我地最後都係揀滷肉飯 鹽酥雞排滷肉飯 一上菜雙眼直頭發光 你可以睇到上面係有幾多滷肉 絕對足料 味道亦都夠入味 雞排新鮮熱辣又多汁 都係滷肉飯，不過係配豬排 飯同雞排係一樣 豬排都新鮮熱辣 但比起雞排會覺得咸左d 蒜泥白肉 果陣蒜味好遠道聞到 如果好似我咁唔係好食得辣既話 依食果陣記得掃咁d蒜泥 如果唔係超辣 估唔到主打牛肉麵既餐廳 原來隱藏在咁好食既滷肉飯 即使唔食牛既人都可以感受到果份台灣味道

平時經過朗豪坊， 總是見到排隊排到上一層， 今日難得6點幾就去到， 見冇咩人終於可以試下 我們2人都叫左個All Star 丼 All star 丼有齊所有既炸物 有虎蝦、鯛魚、軟殼蟹、魷魚、洋蔥、雞、茄子、南瓜、四季豆、溫泉蛋 一開始上左盤椰菜絲沙律配柚子汁 柚子係按自己需求決定落多少 店員話沙律可以再加 但唔加都已經好大份 講番果丼部分 虎蝦好大隻，炸漿適 鯛魚第一次食炸，口感麻麻 軟殼蟹鬆脆好食 魷魚同炸粉唔係好夾 洋蔥，炸洋蔥好難出事 雞肉，有驚喜亦都好食 茄子裹上炸漿後唔會好淋 南瓜普通 四季豆原來做天婦羅幾好食 溫泉蛋外熱內流心送飯一流 唔好見果碗咁大，其實得一半深 飯唔係好多，但食哂成個其實都會好飽 因為本身鍾意有汁撈飯，佢既汁就唔多。 跟餐的麵豉湯好好飲， 唔係平時用湯磚沖水咁死咸 係有麵豉香但又唔會好渴喉。 食完之後整體感覺係好飽 但其實油左d，果個油益味好重

係openrice搵到呢間餐廳 但地點其實有夠難搵 跟據地址圍住幢大廈兜左個圈先知， 因為入口唔係正面 係警署同麥記中間果面先係入口 番茄紅菜頭湯 意外發現原來都係一種唔錯既配搭 因為配左紅菜頭之後 湯有番茄味但唔會好酸 因為中和左 反而有點甜甜地既味道 普通法包，就咁食有d乾 但用黎點湯就冇咩問題 香草燒法式紐西蘭羊仔架 一般餐廳都是2塊羊架 呢度有3塊 感覺cp值都幾高 雖然冇問要幾成熟 7成熟剛剛好 易切又唔會過火 因為有鹽同胡椒調味 唔點燒汁會更加好食 燒汁會搶左羊架既味道 佢唔會話好大陣羊騷味 如果都係膽心有騷味可以試下配埋薄荷醬 燒雞扒拼烤菇 雞扒普通但依然鎖住肉汁 菇反而好食d 即使烤完之後都仲Juicy 因為驚唔夠食 所以叫多左個椒鹽薯條 上碟果陣真係俾佢嚇親 雖然40幾蚊 但勁大兜 熱辣辣炸起好好食 薯條係實心有薯仔肉 唔係只得粉同皮既薯條

一家人食飯，係尖沙咀唔知食咩好 醒起好耐之前去isquare睇戲果陣 有間新開既台灣菜 一入門口就見到 有一種味道叫快樂既掛牆燈飾 呢一句深深印在腦海中 4個人所以叫左個2人餐 加2個餸同2埋1個麵 其實2人餐都唔少野食 如果好細食既話其實分分鐘夠4人食添 先上頭盤 花雕鮑魚 同 怪味雞 食落口有花雕味有但唔會搶過鮑魚既鮮味 怪味雞類似於鹽酥雞 淋係上面既醬酸酸甜甜特別開胃 滷水拼盤 叫果陣冇特別睇餐牌 諗住食台灣野 點都要叫番個滷水 黎到之後先有d後悔 因為有人唔食牛 但拼盤有牛腱同牛筋 除左雙牛之外 還有蛋，豆腐，鴨舌 比起其他台灣餐廳既拼盤 可以話係與眾不同 滷得入味但唔會過咸 份量好大份 海蝦柚子蘋果醋伴沙律 海蝦大隻鮮甜 柚子清新 但唔係好食到蘋果醋 反以伴碟既千島醬仲好食 二人餐的永和鮮蚵豆腐 清甜，但蚵仔有點腥 清酒海鮮湯麵 另外點的 海鮮好多 4人食每人都分到一大碗 但麻麻地用清酒黎煮面 唔算難食但唔習慣 鳳梨黑醋排骨 超好食，強烈推薦 酸甜適中，肉多骨少 每舊都充分吸收果醬汁 食完一舊陣一舊停唔到口 好快就清左 二人餐既海蝦炒飯 海蝦炸得剛好 份量終於似番2人份量 跟餐既萬巒豬手 炆得好腍 但個人認為咸左d 加上前面其實都食左好多野 飽飽地 會有d膩 櫻花蝦爆炒包心菜 最後先上到 其實已經好飽 唔係好食到 家人話有辣同埋咸左少少 其實二人餐仲有個甜品 係芋圓因為太吸引 熱辣辣既芋圓點上花生碎及黑糖 味道一流 芋圓係番薯，芝麻，紅豆味 一口氣就食完唔記得左影相

以前成日都見要排隊 難得收早終於可以去試一試 因為時間尚早，餐廳未有太多人 採用沒玻璃設計 店面欄杆位 有少少東南亞感覺 良心企業支持香港 喇沙湯面配手撕雞（摻摻麵底） 湯頭濃郁惹味，辣道都夠刺激 摻摻其實即係油面加米粉 配料方面都幾多 有蛋，魚片，豆卜，芽菜 豬骨雞湯麵配手撕雞 同喇沙差唔多配料 但多左2粒貢丸 唔食辣既人士可以叫呢個 湯底豬骨香味但唔會覺得咸 單骨雞翼 因為即叫即炸 新鮮熱辣炸起銷住肉汁 愛好雞翼的我 超鍾意食 配番泰式辣醬 味道更昇華 油益味還好 美中不足反而係有陣雪味 埋單計數2人大約260蚊 人均130 算係沙田區好食既晚餐之一 麵既份量都好足夠

Team Lunch 老細想搵個地方可以輕鬆下傾下計，咁岩天氣又唔係好凍， 露天都坐得幾舒服。 叫左個精選午餐，普普通通咁 椰菜花忌廉湯 忌廉味係有，飲到底先有淡淡的椰菜花味 菲力牛柳（medium rare) 味道一般，醬汁略嫌蓋左牛肉既味 但因為餐具把刀係普通刀，完全唔好切 同事就算肉眼扒同豬柳都係比較難切 價錢188，仲未計加一 以午餐黎計係中上價位 可惜cp值不算高 環境係靚既 老細又可以食煙 如果普通午餐，可能揀其他西餐會比較划算 或者happy hour飲杯野就推薦下黎