🥳 每次行完IFC，我都鐘意黎食呢間福建菜，裝修有d似Cafe，感覺溫馨又舒適，食物有別與傳統中菜，最近以鰻魚為季節限定菜式，同樣令人驚喜！ 👍🏻 蒜蓉豆豉焗鰻魚（$188） 熱辣辣成煲上，鑊氣十足！鰻魚肥美肉厚，口感細軟有彈性，每啖都品嚐到濃郁既蒜蓉豆豉味，令人回味無窮！ 🔥 椒鹽酥炸鰻魚（$168） 炸粉薄脆，椒鹽味好香，食落唔油膩！ 👍🏻 鮮果荔枝蝦球（$138） 賣相真係好似一粒荔枝，外皮超級酥脆，內裡鮮味彈牙，配上新鮮無花果同波蘿，非常開胃好食！ 👍🏻 高麗菜花肉炆飯（$118） 軟淋入味嘅五花肉，加埋蝦米、花生各種配料，口感好豐富，飯粒好香好食！ 🐠 鹹香酥炸黃花魚（$48） 細細份，但炸得10分酥脆！ 👍🏻 姬松茸竹笙排骨湯（$58） 燉湯係必點之一，足料冇味精，鮮甜又滋潤，每次嚟都要飲一碗呀！ 🌸 洛神花茶凍（$38） 食完香口嘢，最好就來個甜品下下火，香甜Q彈，好滿足！

🤩 係IFC行街，開心Shopping 完，梗係要食埋飯啦！見到呢間福建菜餐廳，裝修日系文青feel ，都幾有特色！價錢仲好大眾化，款式多樣樣都好吸引呀！ 👍🏻 薑蔥炒蟶子（$128） 蟶子炒得好有鑊氣，口感鮮甜爽脆，而且係季節限定，千祈唔好錯過啦！ 👍🏻 廈門沙茶麵（$138） 湯底好濃厚，少少辣好惹味，加埋豐富嘅海鮮配料，麵質彈牙好好味呀！ 👍🏻 福建鮮海蠣泗粉（$138） 有大量新鮮蠔仔，湯頭超鮮甜，泗粉口感爽滑Q彈，但係比薯粉更掛汁，令人一試難忘！ 👍🏻 姬松茸竹笙排骨湯（$58） 燉湯好足料，飲落完全冇味精，鮮甜又滋潤，真心推介！ 🐟 一品黃花魚海鮮匯（$198） 黃花魚肉好嫩滑，不過味道清淡左少少！ 🍧 洛神花茶凍（$38） 冰涼爽滑，味道酸甜解膩，夏天食一流呀！ 🌸 綠豆餅（$38） 口感軟綿微暖，作為飯後甜品都唔錯！

人生第一次寫食評，比大家參考下，我食lunch 一點坐低，等野食等足45分鐘，先黎到一碟刺身，最基本的三文魚都唔新鮮，蝦係好大隻但都無乜蝦味～其餘野更加不值一食，壽司仲衰過爭鮮，一夾就散開，又難食！串燒全部乾爭爭，得牛舌好少少，最重要等咁耐d串燒都係凍冰冰，你話即燒等耐d都無咁嬲！炸物方面也不討好，質感好硬～最期待既榴連波～入面d蓉溝淡左，糖味重過榴連味，燒波蘿賣相好，但入口忍唔住吐返出來，又酸又唔新鮮！等左兩個鐘先話無羊架～無鯖魚～無牛油栗米，成間野最好食竟然係一碟炒菜～夠味有獲氣～,款式本身已經少，上野超慢，質素差！失望失望！

😋 每格一排就想泰國菜，自上次試過荃灣分店念念不忘，所以今晚黎左尖沙咀分店，好鐘意呢度既環境氣氛，可以舒舒服服傾下計！ 🦐 泰式生蝦刺身（$98） 生蝦新鮮爽彈，好抵食！ 🐷 泰式豬頸肉（$98） 豬頸肉好彈牙，點埋泰式酸辣汁好好味！ 👍🏻 冬陰功大頭蝦意粉（$158） 鐘意冬陰功既你一定要試試，醬汁非常濃郁惹味，意粉好有彈性，酸酸辣辣十分過癮！ 🐔 紅咖哩烤雞（$188） 烤雞色澤金黃，外皮非常焦脆，而保持雞肉嫩滑多汁，底下仲好多配菜薯仔，紅咖哩甜甜地充滿椰汁香味！

😋 我同朋友都好鐘意食海鮮，又係附近放工，所以揀左呢間居酒屋食磯燒海鮮。餐廳怖置得好有日本Feel，啱晒聚會食飯！ 🦀 蟹味噌甲羅燒 ($68) 店員會先將蟹肉、蟹膏、蟹子、鵪鶉蛋等材料混合，燒熱後香噴噴，入口蟹味咸鮮濃郁呀！ 👍🏻 活貝盛盒 ($428) 分別4款海鮮：生蠔、活鮑魚、帆立貝、大蜆 鮑魚勁生猛，上枱時仲郁郁下，全程都職員幫手燒，火喉控制得啱啱好，簡單用海鹽調味，全部都好好食，鮮味十足！ 🌟 食完海鮮再點左其他野食，味道都唔錯。好鐘意呢度既海鮮沙律，非常酸甜開胃，好大份抵食；香蒜牛舌亦係必點之一，質感軟綿柔滑，油脂感係口中溶化開！ ✨海鮮沙律（$88） ✨香蒜牛舌（$98） ✨松葉蟹海膽斧飯（$238） ✨青蘋果乳酸（$68） ✨菠蘿燒酎（$68）

🌹 生活可以簡單，但節日約會儀式感是不能或缺的。呢間法式浪漫主題餐廳，一踏入門口，就有許願噴水池，好多水晶燈同格仔地磚，感覺好華麗雅緻，邊位公主會唔心動呢！ 🐷 西班牙黑毛豬胺架（$248） 黑毛豬胺柔軟粉嫩，肉感豐厚充滿油脂香味，加上特製醬汁，一口下去滋味無窮。 🌸 燒三文魚香草忌廉手工介指意粉（$168） 燒三文魚外皮香脆，魚肉唔會過熟，手工介指意粉口感非常彈牙，一試愛上！ 🫐🍓🥭🥞 自家制藍莓醬士多啤梨班戟（$88） 芒果熱情果合桃班戟（$88） 班戟賣相精美，非常鬆軟好味，兩款都各有千秋！

👩‍❤️‍💋‍👩 晚餐過後特別想食甜品，幸運地揾到呢間pancakes主題餐廳，環境寬敞舒適，以田園風格設計，令人好放鬆寫意，啱晒打卡拍照！ 👣🍫 石板街班戟（$118） Pancake同一般嘅質感有少少唔同，更有彈性同咬口，中間夾住吉士醬同鮮奶油，味道甜而不膩，並帶有一絲咸味，食完真係好滿足呀！ 🍧 鮮果乳酪疏乎厘班戟巴菲（$98） 雪糕底下鋪滿新鮮生果，仲有多粒迷你班戟，口感輕盈順滑，層次非常豐富！

📸⛱️ 平時放假鐘意去行下文創市集，最近係PMQ元創方發現一間新開既泰國餐廳。佢門口掛住一個巨型吊鐘，充滿異國色彩。入面裝修有多個主題坐位，仲有半露天吧台，好啱影相打卡！ 👍🏻 餐廳由泰國大廚主理，食物感覺好正宗高質。我試左幾款都好好味，特別係炭燒和牛串碳烤味十足，配埋酸辣汁好開胃；另外，香辣炸蒜爆虎蝦亦非常推介，鹹香惹味，蝦肉超級爽彈。 以下係菜單推介： 🥢 炭燒和牛串配東北酸辣汁（$178） 香辣炸蒜爆虎蝦（$238） 斑蘭葉香茅蒸原條紅鯛魚（$298） 芒果糯米飯（$98） 🍹 Tom Yum Di Lith（$98） Mongo and Passionfruit Slushie（$69）

🥳 今次同寶寶約會好開心，梗係要食好啲，生蠔？和牛定蟹？最好一次過滿足所有願望啦！ 🔥 呢間主打頂級任食，今次任食日本鱈場蟹腳，講緊係大到手臂咁長，真係物超所值，成個餐有11道菜，日本生蠔、日本A5和牛、蟹粉炒年糕、炭燒串燒，仲有任飲生啤、Sake、薑茶同汽水！ 🦀 日本鹿兒島A5和牛火鍋＋任食鱈場蟹宴 120分鐘半放題 ✨20:30前入座 $738/位 ✨21:30後入座 $688/位 無限追加項目 (任食) 🦀日本鱈場蟹腳 巨型大隻得誇張，有手臂咁長，用鉸剪輕輕剪開就食得，啖啖肉極Juicy，任食真係好Crazy！ 🌟日式磯煮原隻凍鮑魚 厚肉飽滿，入口香甜彈牙，好正呀！ 🦪 日本三式牡蠣刺身 配上三款唔同調味，分別係鱘魚子海膽醬、三文魚子拖羅魚蓉、原味香蔥辣蘿蔔蓉，由淡至濃食起，非常肥美Creamy！ 🥘蟹粉蟹肉炒年糕 金黃蟹粉啖啖甘香，年糕煙韌好味！ 🍲Shabu Shabu 🥘鹿兒島A5黑毛和牛 (每位120g) 🥬雜菜盛盒 A5和牛油花肥美誘人，入口鮮嫩多汁，非常滿足。 🍱炭燒串燒拼盤 即燒即食，火喉十足水準好高！ 🍙炭燒蟹黃醬蟹肉飯糰 表皮焦香吸引，非一般嘅飯團！

🌴 尖東海旁新開既越泰Fusion菜，裝修非常有格調，充滿東南亞風情，仲有室外用餐區，氣氛夠晒Chill，好啱同朋友嚟飲兩杯！ 😆👍🏻 本身抱住打卡嘅心態黎食野，卻意外地有驚喜！菜式嘅選擇創新又豐富，野食價錢合理，份量都多，而且味道好有質素！酸甜辣嘅口味我都試晒，每樣我都好鍾意，下次又可以帶多啲朋友嚟再試啦！ ✨烤鮮鴨配酸甜椰子醬（$168） ✨菠蘿海鮮炒飯（$138） ✨泰式青木瓜鮮蝦沙律（$108） ✨泰式甜酸腰果炒雞肉（$138） 🍹Mongo Mojito($88)