揀左蟲草雞湯底同沙嗲湯底 湯底幾好味 幾足料 都真係有蟲草同雞 有好幾款特色餃子 例如：黑松露蝦蟹餃、芝士紫菜蝦蟹餃etc 手打豬肉丸唔錯 牛肉方面 只有滑牛 冇肥牛 鐘意牛 但唔鐘意肥既朋友應該覺得唔錯 有豬頸肉食 都幾好 要改善既地方係...食材唔太新鮮 食物啲款真係比較少 飲品款式都唔多 雪糕...更加唔洗揀 7折左 每人都要258🤑算係咁啦 但應該唔會有下次🤭 因為真係mama地 食完冇乜滿足感 最重要既係食材真係唔新鮮 好似放左好耐咁 又冇乜得揀

呢間素食勁 中日菜式都有 第一次食素三文魚 口感雖然同真嘅魚唔同 但口感都幾有趣 彈牙之餘 味道都似三文魚🍣視覺上都唔錯嫁 睇落好似一塊未解凍既三文魚咁🤪未食過嘅朋友我覺得值得一試👍🏻 至於雞絲粉皮呢 雞絲視覺上都真係好似 但食落真係完全唔似 味道都冇乜🤷🏼‍♀️粉皮太厚 如果可以薄啲 再加返青瓜 咁會好啲 因為成碟野就真係雞絲+粉皮+醬 同我地平時食既 有啲出入 感覺太單調乏味🙇🏼‍♀️ 服務同環境都ok既 但因為餐廳係有提供免費糖水如果可以主動問下客人要唔要上糖水就更好啦 因為朋友最後問係咪有糖水 只係換來一句：冇晒啦！ 唔係咩大事 但就...有小小失望咁囉！

自選丼 至少要揀三款 揀左帶子 辣味三文魚 刺身蝦 食材都新鮮 食落幾好 有湯又有野飲 價錢正常啦 但勝在openrice bk位有88折 不過服務實在有點差 黑晒面咁 心諗 我得罪你呀？ 環境方面 普通 有啲嘈 同埋冇乜日本餐廳既感覺

1. 紫薯窩夫+豆腐雪糕 窩夫中間有紫薯蓉 紫薯味又甜又香濃 窩夫外脆內軟 好正😋😋 如果個人鐘意再甜啲 可以淋埋楓糖🍁 加上豆腐雪糕好清新 食落唔會覺得膩 仲有兩粒原粒紫薯 配合蜜糖😋 至於蜜瓜 食左咁多次 都係咁清甜 成份甜品令人感覺好豐富好滿足👍🏻👍🏻 . 2.伯爵茶窩夫+咖啡窩夫+咖啡雪糕 兩款窩夫茶味同咖啡味都好香濃 幾有特色 唔會只有蛋香味咁單調 雪糕咖啡味好濃郁 仲加入左碎碎 令雪糕口感更有層次 水果就用左菠蘿 但菠蘿上有一層薄薄既焦糖 燒熱左嘅菠蘿 甜味同香味都更特出👍🏻👍🏻 . 環境方面少少文青feel 同朋友一齊傾計食甜品係正既 員工都係年青人 都幾friendly

1. 慢煮檸檬春雞 第一啖就試配菜 已經好好食 翠玉瓜唔會切得太薄同過熟 食落有口感又juicy👍🏻 薯仔唔會太生 而且煎得好香口😋 到主菜—慢煮春雞 皮脆 但唔會焦👍🏻 雞肉好嫩滑 而且超juicy 內裡有半個檸檬🍋Very Fresh . 2. 蕃茄蜆海鮮意大利飯 呢個好食好食好食😋 好少對意大利飯評價咁高 但呢個真係唔錯👍🏻 海鮮都大隻 而且新鮮爽口 最鐘意隻蜆 好大隻 鮮甜又juicy🤤🤤 個飯有少少辣 但又唔會蓋過番茄味 好夾海鮮🦐🦑 真係好好味❤️❤️❤️ . 3. 鵝肝牛肉漢堡 第一次食到牛肉漢堡既牛肉唔會覺得老 仲幾滑 但又唔係生👍🏻 鵝肝好嫩滑 鐘意鵝肝嘅朋友應該覺得唔錯 漢堡唔止有薯條 也有沙律 薯條係粗薯條 好食😋 . 4. 小食—紫菜薯條 粗薯本身已經好好食 紫菜令薯條的味覺再高一個層次 再加埋黑松露醬... 一個字：正！

一間越泰餐廳，變左屋邨茶餐廳。 食物質素一般般，牛肉炒出前一丁，一丁太硬，牛肉太淋。另外仲叫左越式豬頸肉撈檬，豬頸肉係唔錯，但個撈汁真係好酸！自問都食得幾酸，但以撈汁來講，真係over左。食物份量方面都ok，唔會特別多/特別少，正常啦！ 至於餐廳方面，衞生一般般，啲枱唔太乾淨，點餐要等幾分鐘先有人回應，但當時成間餐廳只有幾個客。侍應方面，唔洗期望太多，都係點餐慢少少都西面果啲🤓 整理來講，就還好啦！但質素就真係只係屋邨茶餐廳咁囉。

1. 豬扒🐷 份豬扒係唔錯 夠厚夠juicy 但個汁真係無乜特色 無辦法比人一種「眼前一亮」既感覺 2. 牛扒🐮 唔知係咪特登呢⋯ 有一條「只有肥沒有牛」既肥膏 好坦白講 我唔識欣賞 其實世上又有幾多人識得欣賞呢種肥？ 除去呢條肥膏 其實塊扒真係唔大又唔厚 食唔飽喎大佬！ 3. 野菌意大利飯 不過不失咁啦 冇乜特別 只能說真係好普通🤷🏼‍♀️ 普通到唔識形容 4. Fish & chips 啲魚有陣雪味！ 食材誠實話你知🙃 5. 飲品🍑 最不值一試既 一定係飲品 一杯蜜桃茶 一杯荔枝茶 一試 哇！我飲緊咩？😦 只有甜味同茶味 蜜桃呢？荔枝呢？