住左上水十幾年 其實都經常食畢打奧🤓 不過呢幾年睇住佢地越黎越有心機搞 搞下裝修 搞下新菜式咁 都覺得老闆幾有heart👍🏻 肉眼扒三成熟應該係每次黎必點既 水準咁多年都跌過 價錢又街坊🥹完全值得推薦💯 佢哋個忌廉湯同餐包都係好高水準 唔似出面餐廳咁好水 好濃好足料既湯👍🏻平時除左黎食飯 間唔中都會同朋友落黎聚下 飲下嘢 有好多款生啤同雞尾酒 佐酒小食都有好多款 唔記得影個menu 中式西式都有 總有一款啱胃口😆 上水有間咁高質既西餐廳 過時過節都唔洗出去同人逼 🥳🥳 會繼續課金做個熟客仔😛

屋企人想試下六公館好耐 因為都算熱門。 四個人叫左大概6個菜 份量有D少 不過味道同賣相都ok既 啱啱好book左6點 可以睇到日落 個景好靚👍🏻 埋單$3000 人均600 好似稍微貴左D 不過見到好多人收工黎飲野 酒精類價錢尚算ok 應該係happy hour 時間性價比較高

放工想穩間居酒屋chill下，醒起上次經過百樂中心見到有間居家式既居酒屋，決定一試。 店裡裝潢充滿家庭氣息，正正適合放工同朋友靜靜地吹下水。 🍻Asahi & Hoegaarden 黎到居酒屋當然少不免飲酒，酒類款式有很多，梅酒清酒啤酒應有盡有。我叫左被Rose Hoegaarden，酸酸地甜甜地非常開胃。 🍣招牌魚生飯：心之魚生飯 呢個係必食！好大碗，料又足。飯中間更加用左蟹子做夾心，睇得出落足心思去設計。面頭的大甜蝦更加是畫龍點睛。價錢仲非常親民，$98便有一大碗。 🐂厚燒牛舌心 呢個我都覺得必食。出面食開既牛舌好韌好難咬得開，同埋淡茂茂。呢個唔同，出面燒得好脆，但係入面好嫩，食落有黑椒同岩鹽既味道。一流。 🐤燒雞腎 燒雞腎最怕燒得熟過頭，會變硬，呢個燒得啱啱好，夠熟夠嫩。醬汁類似燒汁，甜甜地，食串燒唔一定只係得個咸。 🍄燒大啡菇 出面好少見到有燒大啡菇食，佢地加左魷魚片，令到本身無味既菇即刻味道出嗮黎，非常有層次感。 🍖燒雞軟骨 雞軟骨炸完再燒，外脆內嫩。顏色睇得出佢地用既油非常乾淨，一點雜質都無。 🐟燒鯖魚 燒鯖魚好大條，味道夠鮮，唔落檸檬都唔會覺得膩。 食完個飯已經好飽，下次再過黎試下其他料理！

日日放工都唔知食咩好，食茶餐廳又太heavy，沙律又太dry….終於穩到一間食得健康低卡路里但係又好味既健康餐啦。 沙律黎講Pickabow選擇都算好豐富，淨係個底都有超過十款選擇。望住個餐牌十分鐘都唔知食咩好，因為樣樣都想食🤦🏻‍♀️…..環境都唔錯，堂食仲有西柚水提供，有D特別。不過今次我係外賣，下次再試西柚水😋 🥗揀左個夏威夷四重奏$110，個沙律底係彩虹，而肉類就有辣味三文魚，吞拿魚和泰式熟蝦。呢個最適合我地呢D選擇困難症人士啦，咩都有。 🥗屋企人叫左個DIY自選$88, 沙律底揀蛋黃組合，肉類就有吞拿魚同蒜辣八爪魚。如果平時中意食辣既人，想食得健康但係又唔想淡而無味，非常推薦食佢地個蒜辣八爪魚….好好味   總括黎講，非常推薦，好味又健康。💯💯

非常Fusion既一間餐廳🤤 午餐係韓式 下午茶係西式 晚餐係中式 非常佩服老闆既創意👍🏻 試試佢地既午餐先 望完餐牌覺得性價比好高 午餐$58-$88 包一杯野飲 野飲半自助非常唔錯🍻可以自己出去出面斟😆 🍝芝士部隊鍋辛拉麵 呢個真係100%推薦 💯💯💯 足料大份夠開胃 食完下一次絕對會回頭 🍚雜扒鐵扒飯 上餐比個份量嚇親 實在太大份😅 推薦呢個腸仔 絕對不是茶餐廳既普通廚師腸🌭 薯條亦都非常新鮮🍟 #粉嶺美食 #飯飯包掂

有coupon係手，所以豪豪地食個肉眼扒😍 原本叫三成熟 職員落錯單 變7成熟 同侍應講 佢地都即刻幫我地換 態度一級棒 塊扒不過不失 不過配菜份量就真係少左D😅 舊蒜頭都好味既 不過就食完唔係好夠飽 如果男士應該要叫多份小食先得 大蝦帶子飯 個帶子同隻蝦真係好新鮮！又大舊！ 應該唔係冰凍蝦同海鮮 食落去完全無雪過既感覺 個飯有d特別 介乎熟與唔熟之間 可能呢隻米既特色係咁 都幾好食 仲有跟兩杯餐飲 咖啡都唔錯 好香 朋友叫左杯生啤 最後扣曬coupon埋單$467 環境唔錯 下次試埋下午茶

突然興致來潮入長洲行下順便食海鮮～ 長洲碼頭附近好多餐廳 隨意選擇一間 點知咁高質 嚇親😅 下次去長洲就mark實呢間餐廳了 收費合理 份量足 唯一缺點係台唔係好夠 所以下次去要早D訂枱 好彩我地係早入座！ 一入黑 見到好多長洲街坊都會幫襯

經常在大埔覓食 無意中路過大埔舊墟直街.... 鋪面裝修好寫意 非常適合收工嘆返杯啤酒 二話不說便就座 happy hour啤酒價錢好實惠 平均45-60一杯 可以慢慢享受happy hour飲完啤酒肚餓啦 入主題... 叫左份肉眼扒 好大份 肉質都幾juicy 唔錯 配菜係薯條 德國腸拼盤 總共有五款味道既腸 配菜跟埋德國酸菜 可以解一解膩 呢個大蜆係必推！未試過係西餐廳食過咁新鮮既蜆！

本身對越南菜其實麻麻，今日無冇胃口所以就近穩間米線食。係附近返工大半年，日日經過門口見到好多人排隊，但始終無入去。（本人不喜歡試新嘢） 殊不知！發現超好味同埋價錢好美麗！ 我叫做左個招牌面，火車頭。餸同米線都十分豐富，完全大滿足。仲有豆芽同越南香茅，全部倒曬落去，味覺層次好豐富。 同事叫做個生牛肉檬粉，d牛肉都好好味，頂級肥牛既味道。 呢個酸辣鳳爪，開胃一流，跟餐都係加12蚊，抵啦。 嘢飲就正常，不過不失。不過見到菜單有得加20蚊可以換滴漏咖啡，聽日決定再去食！ 好鍾意個豆芽，浸落湯底度食健康又美味，唔知可唔可以加多兜呢？

等位區域有提供凳比客人坐，幾貼心。 同男朋友去當然就叫個二人套餐啦。套餐選擇都幾多，有冷麵又有薯條，仲有沙律啱我地呢d長期話減肥既女仔。 重點當然係炸雞啦！套餐可以叫一份雙拼炸雞，我地就叫左原味同辣味。因為之前係韓國食過炸雞，所以一路想心思思係香港穩間味道一樣既炸雞，終於被我搵到啦。外脆內嫩，超好味，分量好足，兩個人根本食唔曬。我覺得呢個應該系四人既分量。 呢個芝士薯條都係重點推薦，超好味。shake shake薯條愛好者必試，芝士粉好似唔洗錢咁落左超多... 呢個凱撒沙律就正正常常，勝在份量夠足！ 呢個泡菜蟹柳豬肉烏冬係我地另外再加既，都好好味，我覺得廚房師傅應該系韓國人，全部味道都十分正宗。 餐飲方面我地叫左橙味燒酒同啤酒，分別+25同+10，杯橙味燒酒我一個人飲唔曬，咁有良心既餐廳好難得。