上年嚟過呢度食自助餐，佢哋啲海鮮真心唔錯，今年屋企人生日，所以揀返呢度同佢哋慶祝 ✨升級即席烹調週末自助晚餐 成人$740/位 小童$370/位 自助晚餐6:00pm開始，5:45pm就可以入場。凍海鮮阿拉斯加鱈場蟹腳🦀仲有波士頓龍蝦、越南海蝦等等，蟹腳鮮甜，龍蝦厚肉爽口🫶🏻 熟食區推介大家食鮑汁煮花膠、鮑魚同鵝掌，非常入味，除左中菜仲有燒羊脾、焗青口等等嘅西式料理 最重要係要留意佢地嘅highlight item🌟大約6:30pm廚房會出焗牛油果🥑，另外仲有兩次響鐘，聽到鐘聲就要即刻衝去排隊。第一次大約7點pm，會有火焰芝士焗龍蝦🦞，龍蝦鋪滿芝士，燒得好香😍 大約7:30pm就會有第二次打鐘，今次就係戶外炭燒斧頭牛扒🥩，廚師即燒，充滿炭烤香氣，配上芝士汁，肉質軟腍😆 甜品都有品唔少款，布甸麵包、抹茶忌廉蛋糕、牛油蛋糕、haagen daz雪糕、即製鯛魚紅豆燒同Pancake。推薦大家試佢地嘅法式千層酥，酥皮薄脆香甜，中間夾住吉士醬，忍唔住食多咗幾件😋 係大學站行過黎都係3分鐘左右路程，非常方便，隔離就係中大，食飯前黎行下都唔錯，環境寫意

荃灣呢個類似food court嘅一門町市場都開咗大半年以上，今次第一次入嚟食嘢。餐廳門口有幾隻熊仔毛公仔，本來以為係一個打卡好地方，但原來唔多掂，難怪呢邊咁靜⋯ 🌾香煎美國西冷·意式烤雜菜·香草焗薯仔$138 揀5成，出到黎接近well done😂切開真係呆左，但因為lunch時間緊湊，亦都冇特別再要求換，薯菜只有迷你薯仔、茄子、翠玉瓜、雞脾菇同蕃茄仔各一件，少得可憐🥹 🌾焗黃金酥皮三文魚·紫心薯蓉·香草牛油汁$108 賣相ok，味道平平，酥皮亦太油，三文魚好乾身，冇乜汁 🌾櫻花蝦醬大蝦意大利粉$88 大蝦用上急凍蝦，櫻花蝦微微焦香，醬汁較稀，味道淡 🌾餐湯 🌾Latte +$20 咖啡size好細，拉花亦冇誠意，偏苦 呢個質素完全唔值呢個價錢，打番個8折就差唔多，價錢相近嘅西餐係荃灣有更加多好選擇，而且個場靜到店員都係到發白日夢，叫極都係呆企😓食完簡直浪費quota & 錢

行過見佢地嘅二人餐好抵食，二百頭有兩個主食、一個沙律、三個小食同兩杯飲品，咁就俾佢地吸左入黎😆 ✨人氣二人套餐$228 ▪️叻沙香茅豬扒湯河粉 湯汁濃香椰奶味，唔太辣，有豬扒、蝦仁、豆卜、雞蛋等係入面，材料豐富。豬扒沾粉炸過，河粉較為吸湯，建議食快啲 ▪️招牌火車頭湯河粉 配料都擺得好滿，有齊牛腩、肥牛同牛丸，湯底幾重味，如果有埋辣椒同檸檬汁會更好 ▪️青木瓜沙律 沙律比想像中大碟，味道偏酸，辣味唔重，清新開胃 ▪️小食 小食可以揀三款，每款都有三件，我就揀左蒜香雞翼、河內芋頭海鮮春卷同泰式酸辣鳳爪，鳳爪較辣，雞翼調味較淡，勝在夠香口 ▪️越式蔗蝦+$30 外層香脆脹卜卜，蝦膠爽彈，啖啖肉嘅口感😋 ▪️鹹檸檬七喜 ▪️牛油果奶昔+$20 見呢個平時唔係好多地方有，味道香甜，口感幼滑，推薦一試🌟 開頭見得一個女店員做晒樓面、出餐同廚師，覺得佢都好辛苦。雖然返得深圳多，但間唔中都要支持吓本地嘅小店🫶🏻唔係佢地就好快消失，呢到嘅價錢都算親民，唔洗300已經食得好豐富

呢間三月尾係圓方開業嘅西班牙菜，裝修以紅綠及橡木傢俬營造出西班牙風情嘅氛圍，甚具特色。餐廳旁邊就係溜冰場，非常適合一家大細娛樂後聚餐 ▪️西班牙白毛豬火腿配鮮番茄醬多士🥓$88 以酸種麵包做底，口感煙韌，配上西班牙火腿，味道鹹香 ▪️焗吞拿魚釀茄子🍆$88 微焦芝士半熔係茄子上面，加上濃郁蕃茄醬，邪惡😚 ▪️西班牙腸炒野菌🍄‍🟫$88 野菌同腸都炒得好香，另配上烘烤至金黃色嘅多士夾住一齊食，滋味十足 ▪️白毛豬肉西班牙薄餅🍕$138 表面嘅Ham味道較重，配上火箭菜同手製薄餅底，香口惹味 ▪️西班牙大蝦牛柳燉飯🦐$338 燉飯配料豐富😍排滿藍青口、大蝦同牛柳。青口鮮甜，大蝦焗至金黃，蝦肉爽口。牛柳大約5成熟，口感軟腍。燉飯帶海鮮鮮味，飯粒軟糯 ▪️巴斯克芝士蛋糕🧀$78 芝士蛋糕口感軟滑，仲有少少流心效果，雲呢拿味濃厚 ▪️Sangria🍇$68 帶葡萄嘅酸甜感，亦都有少量果肉喺入面，味道清爽 ▪️El Te Dulce🍹$56 以桃同哈密瓜作基調，飲落有兒時啫喱糖嘅味道😲果汁感較重

好耐冇食過日本嘅天婦羅丼飯，炸野就最吸引我😋行完荃灣廣場搵下附近有咩食，就發現呢間金子半之助～ 🌀江戶前天丼$138 淨係佢個外型都好igable，呢度嘅天婦羅時間控制得好好，食完唔會覺得油膩同厚重，外層金黃酥脆。入面有炸穴子（星鰻）、炸蝦、小柱魷魚天婦羅餅、莢豌豆、紫菜同溫泉蛋。穴子夠晒大條，肉質爽口，外脆內軟。小柱魷魚，切成格仔紋，軟腍 🌀迷你天丼&雞丸稻庭烏冬$138 一次過滿足晒想食飯同烏冬嘅願望🤣湯底較清，雞丸食得出係自家製，口感彈牙。迷你天丼有天婦羅蝦、菇菌、南瓜、紫菜、豌豆同溫泉蛋，特別一讚溫泉蛋炸得恰到好處，有脆脆嘅外層之餘入面仲要流心👍🏻另外店員會俾蔥、鰹魚絲等自由加 🌀伯爵茶布丁伴雲呢拿雪糕$42 估唔到佢個伯爵茶味好濃，而且非常彈滑，甜得黎又唔會覺得heavy 枱上面已經有無限黑豆茶refill😌，食完野飲番杯仲有消脂嘅作用，配上酸蘿蔔同酸薑食更加醒胃解膩

朋友鍾意食素食，荃灣大部分素食都食過，係紗廠搵到間素食主打法國菜，幾特別，所以黎支持下🙌🏻 餐廳走外國舊式西餐廳風格，播住一啲經典音樂🎶，幾悠閒寫意😌 🤎Set Lunch 3 Course $188/ 2 Course $158 ▪️尼斯沙律🥗 沙律份量好大，食完都飽左一半🙈用上純植物吞拿魚、蛋、薯仔、串茄等等嘅材料，材料豐富 ▪️經典核桃沙律 核桃沙律配上洋蔥、西芹、黑醋汁等，酸酸甜甜，清新開胃 ▪️卡蘇萊砂鍋 🍲+$30 呢一款係法式嘅地道風味菜，主要以白豆製成，煮至口感綿密，另有素香腸同素油封鴨髀，口感真係好似食緊肉一樣，但又唔會有油膩同飽滯感 ▪️洛林鹹批🥧 我地成枱都覺得呢個最好食😋同樣係法式鄉土料理。牛油撻皮鬆脆，主要係蛋奶餡料，有蘑菇、素火腿、素煙肉等全素食，味道不錯 ▪️多菲內焗薯千層🥔 全份都係焗薯為主，口感軟綿，帶奶油香 ▪️普羅旺斯釀蕃茄🍅 蕃茄製作有心思，將素腸、洋蔥、西芹、飯等炒過再釀入蕃茄入面，然後烤焗，賣相吸引 ▪️法式焦糖燉蛋🍮 燉蛋好質感較水狀，可能我地趕時間走，感覺未燉夠時間🤔表面焦糖夠脆 ▪️經典檸檬撻🍋 檸檬味夠清香，甜度剛好，口感軟滑 Lunch時間黎得我地一枱，包左場🤣🤣覺得佢地整野食幾有心機，而且素法國菜係香港都好少見，覺得佢地值得被更多人留意

餐廳以黑膠唱片做主題，同時又不失時尚型格嘅感覺。入到嚟就覺得好relax，浪漫嘅氛圍配上復古音樂，令人非常之enjoy😌 ▪️美式香烤豬肋骨$318 豬助骨表面鋪上滿滿芝麻，表面脆卜卜，豬肋骨醃得好入味，肉質軟嫩，輕輕一切已經骨肉分離 ▪️Impossible素肉粟米片$118 粟米片加上拉絲芝士、肉醬同橄欖焗成，粟米片微焦香脆，未食都知正！粟米餐廳用上素肉製作肉醬，唔會覺得咁heavy，食多幾塊都冇罪惡感。另配上牛油果醬同酸忌廉醬，我同朋友都一致認為加牛油果醬最好食🤤 ▪️炙烤雜錦香腸拼盤$148 拼盤有台式豬肉腸、糯米腸同韓國雜肉腸，台式豬肉腸豬肉脂肪較飽滿，帶甜味。韓國腸有兩款，其中一款帶辣味。糯米腸口感Q彈，幾特別。另配德國酸椰菜，邊食腸邊食佢比較開胃 ▪️深海紅蟹肉明太子卡邦尼扁意粉$218 意粉醬汁creamy，蟹肉滿滿，帶鮮味。明太子醬輕輕辣味，意粉硬度適中 ▪️法式伯爵茶香朱古力$98 朱古力味道好濃，唔會太甜，帶一陣淡淡嘅茶葉味，上面兩粒棉花糖用火槍燒過，微脆 用餐時間個半鐘，如果可以慢慢坐耐啲就好，環境一流😳😳

仲叫牛駅嘅時候已經想黎試下，原來而家改咗叫牛站，打邊爐依舊係我嘅至愛😎放題乜都有唔使揀，想食咩就夾咩，啱晒啲有選擇困難症嘅朋友😆 ▪️美國SRF極黑和牛片餐120分鐘 $298 湯底我就揀咗椰子雞湯🥥，主要係一入到嚟已經聞到人哋個鍋勁香，好重椰子味。湯底呈奶白，而且好足料，除左厚切椰肉仲有成半隻雞喺入面 我食嘅呢嗰餐就有美國SRF和牛，切得偏大塊，肥瘦適中。海鮮方面有大蝦🦐、帆立貝、花膠、沙白等 自助區真係我暫時食過咁多間放題火鍋入面最多嘢揀嘅一間，丸類款式部份係出面少見，例如係企鵝丸、日式花花、福袋等，比較有特色 另外仲有幾款放題炸物，例如鹽酥雞、芝麻雞翼、炸雲吞，淨係嚟呢度已經可以滿足晒😋😋特別一讚佢哋嘅炸乳鴿都係任食‼️又脆又嫩，大推🌟 飲品方面，除咗汽水果汁呢啲，又有清酒、梅酒。日本啤酒有Asahi、Sapporo、Nippon Chu-Hi😍😍成本都唔平，係到飲酒都抵🤓另外推介佢哋嘅鴨屎香檸檬冷泡茶，完全追上而家鴨屎香檸檬茶熱潮🤩唔甜而且味道清新解膩 雪糕雪條🍦款式亦都好多，雪糕有貨size嘅Haagen dazs，有我最鍾意嘅綠茶味🤭除咗有唔同品牌嘅雪條，仲有自助雪糕機、爆谷機、軟糖任夾 放題120分鐘好足夠，唔使食到趕住走，一食完店員就即刻幫手收碟，好有效率👍🏻overall黎講性價比好高，好多款式

尖沙咀最近開左間專食鰻魚飯嘅日式小店，睇到人介紹巨型鰻魚勁吸引🤩即刻bookmark約埋朋友黎試 ▪️沙羅鰻蛇丼$198 最出名而又好啱打卡嘅一定係呢個mega size嘅鰻魚飯，原條上碟，勁吸引😚鰻魚燒得好靚，魚肉軟嫩，調味剛好，鰻魚汁唔會太甜。丼飯上面仲有一件玉子，鰻魚份量多到夠兩個女仔食，留起3分1份量嘅飯，仲可以問店員拎昆布高湯，加入紫菜、芝麻成茶漬飯 ▪️生燒鰻魚丼（白燒）$188 生燒鰻魚可以揀白燒或者汁燒，魚皮燒得好香脆，肉質結實彈牙，另加$18套餐有溫泉蛋、鹹菜、鰻魚肝白貝湯同玄米茶 整體質素幾高👍🏻👍🏻係比較溫馨嘅小店，晚飯時間都唔少人排隊，建議早啲黎攞位

見到荃灣竟然有火鍋放題第二位半價‼️牛魔王點可以錯過，又出動食火鍋放題😆 平日晚飯時間黎都坐無虛席～建議預早book定 🔅Lv3 90分鐘澳洲和牛放題🐮 星期一至四$318/ 星期五六日及公眾假期$338 見佢做緊優惠所以揀個中價套餐，買一送一同八折差唔多，圍起2百幾蚊位，呢個價有澳洲和牛都算唔錯👍🏻 澳洲和牛紋理清晰，牛肉味都算濃，而且入口滑溜。除左澳洲和牛，仲可以揀澳洲黑安格斯同極上牛舌 海鮮方面有大扇貝、紐西蘭青口、大魷魚🦑、大蝦🦐等等，隻隻啲肉都好飽滿，食落新鮮，扇貝仲痴住好多膏🤩其中推介大魷魚，非常爽口 出面仲有自助區可以拎唔同種類嘅火鍋配料，除左丸類蔬菜等等，擺放整齊乾淨。另外仲有其他炸物同熟食order，有炸雞翼、榴蓮炸彈、章魚燒、燒鰻魚等 甜品推薦大家要試下tiramisu大福，軟綿綿嘅一個小球，入面包住tiramisu忌廉，唔會太甜。另外仲有mega雪條任食😚滿足 全場啤酒🍻都係任飲～仲有多款自家製茶，清香解膩