呢排成日喺旺角搵嘢食有啲悶，今次轉戰去大角咀🤭搵到呢間食馬拉菜嘅餐廳😍感覺幾正宗，餐廳內牆身掛上馬來西亞為主題嘅照片，裝修佈置好似身處喺當地餐室🍽️ 🤎肉骨茶 細滲 湯底非常濃郁🤩有少少藥材味，但唔係苦，反而係甜甜地😋材料好豐富，有排骨、豬手、雞腳、豆卜、油炸鬼👍🏻全部都好入味 🤎砂煲老鼠粉 第一次食呢個菜式，原來係銀針粉😆配料有肉碎、蝦米、豬油渣等等，表面打咗一隻生蛋，全部撈埋一齊食好滋味🤤 🤎泰式酸辣無骨鳳爪 味道中規中矩🙌🏻唔算太辣又唔算太酸😌鳳爪份量都幾多，質感好爽脆 🤎美祿恐龍 好邪惡嘅飲品🤣面頭有少少美祿粉點綴 🤎椰汁斑斕冰 椰汁同斑斕嘅味道平均👍🏻

住元朗都應該識呢間泰國菜餐廳🍽️喺元朗算係數一數二嘅泰國菜，以元朗物價可以食到泰國傳統風味😋餐廳內有大螢幕播放泰國pop music🎵 整個氛圍好似去咗泰國咁呀😁 🔸冬陰功湯 酸酸辣辣好開胃，入邊有菇同蝦🦐仲有唔少香料，感覺頗正宗 🔹黃咖喱燴青口 配薄餅 青口數量算多而且幾大隻，配菜有青椒、黃椒、洋蔥等等，黃咖喱做得幾出色，配薄餅一流🫓 🔸泰式炒金邊粉 擺盤幾吸睛🤩金邊粉用蛋造成嘅網包住，而且插住一串蝦肉🦐將側邊嘅韭菜、短芽菜、花生碎、辣椒粉撈埋一齊食，口感好豐富👍🏻 🔹椒鹽魔鬼魚 外皮炸得香脆但唔油膩，食落好似冇骨因為炸到連骨都可以食埋🤭魚肉仲好鮮嫩，點少少泰式辣醬好惹味🤤呢個大推💯

好耐冇食過正宗嘅墨西哥菜😋某日放工去尖沙咀搵食，見到呢間位於尖東嘅墨西哥餐廳🍽️餐廳名幾得意叫做8Five2(852)😆地方算寬敞幾適合朋友聚會傾偈飲嘢🍻😃基本上所有墨西哥出名傳統食物呢度都有提供，例如nachos, taco, burrito, quesadilla ⋯ ▪️Buffalo Chicken Nachos 雞肉墨西哥脆玉米片 份量超多👍🏻玉米片係紫色同紅色幾特別，而且入口香脆，雞肉辣辣地好惹味，配牛油果醬同芝士酸忌廉味道好夾🤤 ▪️Spicy Lamb Tacos 香辣羊肉墨西哥玉米餅 Taco皮係軟身，羊肉幾重羊騷味🤩配料有洋蔥、番茄、香料等等😊同樣都係辣辣地好滋味😋 ▪️Pulled Pork Caribbean Habanero Sauce Quesadilla 豬肉絲加勒比海醬墨西哥酥餅 酥餅焗得好香脆，入邊佈滿邪惡嘅芝士🧀加上豬肉絲，口感豐富美味👍🏻 ▪️Coffee Smoothie 淡淡嘅咖啡味，沙冰好冰涼，幾適合熱天飲 ▪️Chocolate Shake 朱古力味算幾濃郁👌🏻

唔使出去尖沙咀韓國街😆元朗都有傳統韓國美食，呢間外賣店由一位韓國媽媽主理👩🏻‍🍳真係夠晒正宗👍🏻而且價錢絕對大眾化😍食物選擇眾多大部份韓式食品都有，例如拌飯、炸雞、炒年糕、炒粉絲、豆腐湯、紫菜飯卷⋯ 🥡吞拿魚紫菜飯卷 食韓國嘢其中必叫嘅食物之一😋飯比例唔算好多，但餡料就好飽滿🤩有醃青瓜、醃蘿蔔、鮮蘿蔔同蛋 🥡韓式炒粉絲 份量好多都幾足料👍🏻配料有冬菇、雲耳、菠菜、蘿蔔絲👌🏻雖然係素食，但調味足夠有陣陣麻油香味 🥡海鮮嫩豆腐湯 豆腐好滑滑，海鮮份量都唔少有墨魚仔、八爪魚、蜆😍另外仲有少量金菇同翠玉瓜，飲落辣辣地好惹味🤤 🥡辣豬肉拌飯 炒豬肉唔算好辣，配菜有蘿蔔絲、翠玉瓜、紫菜等等，重點係有一隻半熟荷包蛋🤭蛋漿撈埋飯同配料一齊食味道好夾🥹 除咗套餐或者散叫外賣🥡另外仲有到會，適合多人聚會🥳開party叫到會又多一個選擇🫶🏻

放工去佐敦搵發掘新美食🤩見到呢間新裝修嘅日本餐廳，價錢屬於中等👌🏻小店地方唔算大，但算坐得舒服👍🏻牆壁有幾幅相撲手掛畫做裝飾，另外仲有幅係波浪加哥斯拉🤣小店提供嘅食物種類算多，有壽司、刺身、串燒，亦有唔少熟食😋當然唔少得啤酒同清酒🍻🍶 🏮蒜頭漬 醃咗嘅蒜頭🧄食落冇生蒜嗰種氣味🤣小小濃味送酒一流 🏮特選壽司盛 - 霜 有八件壽司😍包括三文魚、油甘魚、赤身、魷魚、海膽、穴子、甜蝦、灸燒左口魚😋每款都好新鮮，味道唔錯幾平均👍🏻而且有部份係飛機貨😊 🏮霜月卷 上菜時非常吸睛😍見到卷物佈滿海量嘅拖羅蓉🤤上面有海膽同三文魚子，一啖有三種口感，好滿足呀😚超級推介呢款卷物💯 🏮明太子玉子燒 明太子醬鹹鹹地加上甜玉子好惹味🥳 🏮蒜蓉牛油蘆筍炒帶子 帶子大大粒，超級有誠意🤩蘆筍充滿牛油同蒜蓉香味🥰滋味爆燈👍🏻

平時lunch經過呢間餐廳都唔少人排隊🤔睇吓個餐牌原來價錢都幾抵食，lunch $55已經食到泰國嘢😆終於搵咗日同朋友去食吓😋 🧡炒金邊粉 每次去泰國餐廳食嘢，必叫金邊粉🤩呢間份量都好多，炒得比較乾身，味道濃淡適中，加入少少青檸汁幾開胃😋配料有少量海鮮、豆腐乾、芽菜等等，幾十蚊嚟講算係超抵食 💛泰式鐵板蠔仔蛋 份量又係好多😍蠔仔數量唔會吝嗇🤣點少少泰式辣醬一齊食🌶️超級惹味呀🤤 🧡生蝦刺身 生蝦幾新鮮，蝦肉爽口彈牙，酸辣醬唔算太辣，唔食得辣嘅朋友都容易接受😃 💛燒豬頸肉 豬頸肉肥瘦適中，正常燒豬頸肉調味😊入口有少少乾不過肉質唔柴👌🏻 🧡泰式奶茶 唔算好死甜🧋茶味、奶味、甜味嘅味道都平均

新年假期食得太多肥膩嘢🫣又打邊爐、又煎蘿蔔糕、又燒肉等等🥹加上夜瞓，皮膚終於一發不可收拾爆瘡，而且又肥咗🫠其實出街食嘢都可以有健康選擇，例如最近大熱嘅夏威夷美食Poke🐟 🐠自選風味碗雙拼 吞拿魚+三文魚 揀咗壽司飯+沙律菜🥗配料有雞蛋絲、蟹籽、枝豆仁、三文魚籽，醬料選擇山葵乳酪醬😋 🐠自選風味碗單拼 三文魚 揀咗珍珠糙米飯+沙律菜，配料有青瓜、蕃茄、蟹籽，醬汁同樣選擇山葵乳酪醬👍🏻 呢間應該係我食過幾間poke之中最大碗，性價比最高🤩首先個base有幾種選擇，想健康嘅可以全部沙律，想飽肚嘅可以全部飯。好似我呢啲三心兩意嘅就梗係一半飯一半沙律🤣 味道方面，三文魚比吞拿魚肥美，想試吓幾種可以選擇雙拼😆配料都有多達19種選擇🥳醬汁亦都有6種可以另上/走計😃總之可以隨着自己喜好、健康狀況而選擇唔同嘅配料同醬汁😇想食得清淡啲又滋味可以選擇呢間😉😚

自從離開中環公司之後好耐冇喺中環「搵食」😂嗰日放工要去嗰邊拎年糕，順便發掘下新美食😋呢間酒吧餐廳主打台式料理😊另外有多種特色Cocktail🍸仲有水煙，位置比較隔涉，係一間樓上舖，所以要睇清楚街道號碼去搵👌🏻 二人套餐$288 🔸四款小食 和牛臭豆腐 滷水三寶 厚切三層肉 柚香蓮藕&台南薑汁蕃茄 雖然係小食，但係四款份量都算多，每款都各有特色👍🏻比較推介係三層肉同滷水三寶，因為炆得好入味，又唔會太鹹 🔹櫻花蝦滷肉飯 輕輕用火槍燒過表面，添加一種焦香味，整穿蛋黃，令蛋漿融入飯一齊食好滋味😉滷肉份量唔少，唔會食到底下得返白飯🤣 🔸紅油麻醬乾麵 好香麻醬味道，後勁有辣味滲出，幾惹味🤤乾拌麵份量都唔少，配菜有青瓜絲，帶點清新又可以增加口感😌 🔹串燒拼盤 醬燒雞軟骨 醬燒小章魚 醬燒雞翼 秘製醬燒汁超級惹味，食落有種鵝肝嘅香味🤔(應該冇加鵝肝，純粹個人感覺) 推介雞翼，問過負責人原來首先用滷水醃過，再加上蜜糖同秘製醬汁去焗，淨係心機已經攞爆分👍🏻 📣而家仲做緊以下優惠📣 ☑️每日2-9pm happy hour draught beer 英國生啤買一送一，大概$40就有一杯🍻 ☑️每日2-6pm 滷肉飯$20一碗🍚

平時去元朗食嘢，多數都係Yoho mall或者又新街附近😆好少去教育路頭嗰邊搵食，見到呢間以海南雞做招牌菜嘅小店，價錢都係街坊價，一於放工去試吓👍🏻 🐣無骨海南雞配黃薑飯 海南雞肉質同皮好嫩滑🤩小店有提供蔥油或秘製酸汁，個人覺得酸汁比較開胃😋黃薑飯加上少少雞油，淨係食啖飯都好夠味 🐣無骨鹽水加積鴨配黃薑飯 鴨肉嘅肉質都係好滑，調味適中唔會太鹹😇同樣加上酸汁都好夾😚 🐣香茅豬扒 入口幾重香茅味，豬扒肉質唔會太柴，近骨位置比較肥美，味道中規中矩 🐣紫菜湯 附送 老闆話用雞殼熬製而成，加上雞肉碎同紫菜，絕無味精，真材實料😃感覺有住家湯嘅味道

放工同朋友搵嘢食😋行到西洋菜南街呢邊真係好多小店餐廳，見到呢間特別多人，七點左右已經滿座，而且價錢好親民所以去試吓👍🏻 💛河內生熟牛肉湯河粉 $66 牛肉片份量都幾多，湯底夠熱，就算影完相過咗陣都仲令到牛肉變熟🤣湯頭唔錯，有牛肉香味😊 🧡順化蕃茄蟹肉扎肉湯檬 $66 蕃茄味好濃郁🤩加上肉碎、蟹肉、芽菜，每啖檬粉都好掛湯，同埋食到配料🤤扎肉味道中規中矩 💛越式豬頸肉 $32 豬頸肉肥瘦適中，食落肉質唔會太肥，唔會太柴，味道屬於正常😉 🧡椰汁三色冰 $30 椰汁味都幾重😌底部有三種顏色類似啫喱，甜甜地煙煙韌韌幾有嚼口 💛鮮芒果西米露 $30 似係放喺杯嘅糖水😆有好多西米，而且芒果好鮮甜唔酸😝