之前食過寶琳嘅Coffee Art，覺得唔錯。今次試吓觀塘分店。星期六日都有Lunch set最平＄72就食到意粉＋熱飲＋綠茶多士/沙律🥗，真係好抵食，所以午市都好快坐滿。

💜蒜香蜆肉意粉 $78 🌕🌕🌕🌗/5
蜆肉都多，意粉夾埋炸蒜，味道夠哂惹味，但份量唔夠男士食。綠茶多士都充滿綠茶味，多士整得好脆身。

💜溫泉蛋煙肉白菌意粉 $72 🌕🌕🌕🌕/5
溫泉蛋做得幾出色，有蛋香流心嘅蛋黃同白汁好creamy，同意粉好夾，煙肉同菇都算多，整體都好味😋

🍴整體食評：
✅CP值都高，沒有加一服務費
✅推薦溫泉蛋煙肉白菌意粉
❌份量不夠男士食用
💰人均消費：$80

一班朋友想BBQ又想打邊爐？小朋友才做選擇！大美督TLC BBQ 滿足晒你😉 💜呢度個場真係要力推，超大嘅燒烤枱，唔使自己揸住燒烤叉咁攰，最正係中間位置仲可以打邊爐，食下公仔麵、烏冬、芝士撈麵⋯ 💜燒烤場有職員幫大家加炭，起爐，超方便。 💜食物款式亦都超多選擇，淨係雞翼都已經有六款不同味道可以揀，仲有各式扒類、蔬菜、丸類，嘢食真係數都數唔哂，食到勁飽~ 💜好多BBQ場都限定飲品數量，如果不夠就要自費，依度係有飲水機同埋汽水機，可以無限添加，款式仲好多😍 💜呢度仲好岩一家大細帶埋小朋友黎添，燒烤場旁邊有小攤檔，可以俾人玩下遊戲，撈下金魚，仲有得DIY Pizza, 自己整嘅Pizza特別好食😙有得玩又有得食，玩足全日都得👍🏻 🥢整體評價： ✅CP值超高 ✅地方大，乾淨企理 ✅有得食有得玩 ✅食物款式超多 ✅食到勁滿足

假期去大尾督玩，一於到訪呢間人氣Cafe。Cafe以水泥簡單設計，原本二三樓配有落地大玻璃好適合影相打卡 ，仲可以望住湖景嘆住杯咖啡，可惜去到冇開二三樓，但地下都環境空間感大，舒適愜意。 如果只係為左打卡，絕對可以滿足，但如果追求飲一杯靚咖啡就會幾失望😞。 💜Iced Mocha $60 🌕🌕🌕🌕/5 呢杯算比較好飲d，朱古力味濃，但價錢都幾貴。 💜Iced latte $52 🌕🌕🌕/5 呢杯味道就比較普通，Size唔算大，價錢不值五十幾蚊。 💜Lotus Croffle@$75 🌕🌕🌕🌗/5 比想像中好食，唔算好甜，Croffle係預先整定，之後再放cream同Lotus餅乾，所以不是熱辣辣，但味道還可以😌 🍴整體食評： ✅適合打卡📸 ✅適合Chill下 ❌CP值低，打過一次卡就算 💰人均消費：$80

一場嚟到北角就試吓bookmark左嘅渣華茶冰廳，平日午市時間需要排隊，等齊人先可以入座，可見幾受街坊歡迎。座位都逼夾，上菜好快。一場嚟到梗係要試吓名物沙嗲牛肉湯麵。

💜特餐 $46包飲品
特餐有沙嗲牛肉湯通粉（可以轉麵）、煎雙蛋、牛角包🥐。我轉左沙嗲牛麵，一食真係返唔到轉頭，沙嗲汁非常惹味，食落沙嗲味濃郁，係偏向重花生味嗰種，啱晒我呢啲重口味人士，成件事真係好得。牛肉大大塊，嫩滑，個麵唔會太淋或太硬，好掛汁，呢個沙嗲牛可以排我心中前三位置，真係食過返尋味！
煎太陽蛋對我嚟講生熟剛好，可惜是牛角包係敗筆之處，因為係又凍又硬。聽聞其他午餐都唔錯，有機會再嚟。

🍴整體評價：
✅特餐CP值高
✅沙嗲牛食過返尋味
💰人均消費$50
❌牛角包係凍嘅

✨太子米芝蓮推介小菜✨
樓下有大大個招牌好易認，平日晚市都好旺，多卡位，坐入面會比較嘈。雖然係食小炒，但裝修係酒樓格局，都有海鮮食。碟碟都份量大。

💜拔絲鳳梨咕嚕肉 $88 （🌕🌕🌕🌕🌕/5）
非常大碟足料嘅咕嚕肉，菠蘿好新鮮，醬汁甜酸度剛剛好好開胃，外皮都好鬆脆，唔會炸到好厚粉。

💜蜜椒薯角牛柳粒 $168 （🌕🌕🌕🌕🌕/5）
牛柳粒好香口好淋又juice，但唔會好鹹。薯角外皮脆甜，好綿密，勁入味。份量係我食過嘅小菜店嚟講最多，食極都食唔完。

💜 鐵板原條茄子 $98 （🌕🌕🌕🌕/5）
茄子用鐵板上，jar jar聲，勁吸晴。最欣賞個燒汁加埋洋蔥🧅，撈飯一流。有兩大條茄子，釀左鹹魚香嘅肉係入面，味道及口感層次豐富。

💜手拍青瓜海蜇 $58 （🌕🌕🌕🌗/5）
餐牌上寫住青瓜海蜇，但上枱唔見有青瓜，問左原來沒有青瓜。可以改第二樣，但想食海蜇，所以冇改到。

🍴整體評價：
✅CP值極高，餸菜份量大
✅服務態度好
✅地點方便
✅適合一家人👨‍👩‍👧‍👦一大班朋友👫
❌手拍青瓜海蜇要改名
💰人均消費：$200

📍容記小菜王 (太子)
太子太子道西123號地舖

一直bookmark左好耐都未試，終於有機會去九龍灣，可以一試呢間嘅麵包店🥯燈光問題，我其實係買左日本宇治抹茶蜜瓜包同湯種台灣大甲芋泥貝果。 💜日本宇治抹茶蜜瓜$18（🌕🌕🌕🌕🌗/5） 唔係即刻食，第二日用焗爐整返熱做早餐。入口有好香濃抹茶味，而且唔算好甜，味道上夾得岩岩好。面層有曲奇皮，中間仲有抹茶奶酥令口感更豐富。下次會試吓伯爵茶蜜瓜包。 💜湯種台灣大甲芋泥貝果$16 （🌕🌕🌕🌕🌕/5） Bagel上輕灑了紫薯粉點綴，咬下去口感煙韌，芋泥餡分量足，芋泥約佔bagel一半，比例剛好，自然的芋頭味香氣四溢，唔會太甜，很好吃😋 🍴整體評價 ✅麵包款式選擇多 ✅味道好

✨太子首創芝士🧀雞煲✨ Openrice火鍋店得獎🏆熱店，地鐵站一出就係，位置十分方便。無時限雞煲，適合一大班朋友👫相聚。座位寛闊，可以慢慢食。 💜黃金芝士雞煲 $268（大）🌕🌕🌕🌕/5 入面有五種不同芝士，芝士份量滿滿，非常適合芝士控。濃郁的芝士醬汁，口感豐富而且味道十分美味。雞肉的鮮嫩和芝士的濃郁相互融合，創新得嚟又出色。 💜火焰麻辣雞煲 $258（大）🌕🌕🌕🌕/5 唔鍾意食芝士嘅推介揀呢款，麻辣十足，食得過癮，可以自選辣度。配料豐富有：辣椒乾、洋蔥、中芹、芫茜，但洋蔥🧅太多，出水以致雞煲味道變淡。雞肉嫩滑，如果多返啲就更好。食哂啲雞之後，就可以加湯打邊爐。 💜手切霜降牛頸脊 $368（大） 🌕🌕🌕🌕🌕/5 牛頸脊超正，肉質鮮嫩且充滿油花，但唔好肥膩，每一口都帶來濃郁的牛肉香氣，讓人回味無窮，牛肉控嘅大愛。 🍴整體評價 ✅多款鍋類選擇 ✅食材新鮮，多款選擇 ✅無時限，可以慢慢坐 ✅服務態度好 ✅適合一大班人 ❌雞件可以多啲 💰人均消費：$300 📍米走雞 (太子藍馬之城) (旺角) @runningchicken_hk 旺角彌敦道761號太子藍馬之城2樓 #芝士雞煲 #太子美食推介 #雞煲火鍋 #米走雞

西灣河後巷蛋包飯華記士多之前執左，好失望。知道佢重開，一於去朝聖，而家搬咗地鋪，環境比起後巷乾淨咗好多。星期六12:00去到坐滿哂人，幸好唔洗排隊。留意沒有做晚市。 餐牌暫時比較單一，午市只做兩樣嘢，咖喱蛋包飯同滷肉蛋飯，但係兩樣嘢都夠做，全世界都淨係叫咖喱蛋包飯。 💜咖喱蛋包飯（加芝士）（包嘢飲）$47+$5 🌕🌕🌕🌕🌕/5 咖喱保持返之前嘅水準，日式咖喱味道偏甜唔辣，濃稠適中，大量滑蛋完全覆蓋飯面，嫩滑多汁，芝士係片裝個種，鋪係蛋同飯之間，微微芝士鹹香，食落味道冇咁單調，飯底係雞肉醬油炒飯，粒粒分明。雞肉大舊切成條狀，算幾足料，肉質鮮嫩，價錢當然唔及之前後巷鋪咁平，以$47咖喱蛋包飯嚟講，份量合理，包埋嘢飲凍飲加$3，今時今日都幾難係香港搵到。 🍴整體評價： ✅CP值高 ✅味道保持水準 ✅西灣河人嘅集體回憶

呢間泰國餐廳🇹🇭嘅價格以係奧海城來講算抵食，價錢比出面泰菜平，但絕對真材實料，由泰國人主理，侍應都係泰國人，服務態度非常好。餐廳有分室內同露天座位，露天都好Chill下。兩個人叫咗一餸一菜一飯，食到勁飽好滿足。 💜鮮菠蘿海鮮炒飯 $98 （🌕🌕🌕🌕🌕/5） 勁足料有蝦、魷魚、青口、鮮菠蘿，用料新鮮，配料仲有肉鬆、腰果、提子乾、臘肉，多種材料夾埋口感豐富，而且份量超多，CP值極高。 💜泰式黃咖喱薯仔雞 $88（配泰式薄餅 $45）（🌕🌕🌕🌕🌕/5） 黃咖哩香味濃郁，椰香同香料味幾出，帶小辣。雞肉同配菜足料，雞肉肉質鮮嫩，薯仔同洋蔥等配菜都入好味，叫左一份泰式薄餅配咖喱，薄餅香脆同埋有8小塊，薄餅索滿咖哩汁超好味😋 💜泰式炒通菜 $72 （🌕🌕🌕🌕/5） 炒得好有鑊氣，但唔會太腍，炒得爽脆剛剛好。小辣得黎好香口，夠哂惹味。 🍴整體評價： ✅性價比高 ✅高質泰菜 ✅服務態度好 ✅適合情侶👩‍❤️‍👨閨密👯‍♀️大伙兒👨‍👩‍👧‍👦 💰人均消費：$150

一直都想試吓台式火鍋，今次終於試到。差唔多晚飯時間，未夠六點，仲有下午茶就狗衝試吓幸福鍋，CP值超高，$98一個鍋，比晚市平$20，仲包一杯飲品。其實一個鍋都夠兩個人食，加$10配埋滷肉飯同一個小食，非常滿足。 💜台式香濃沙茶鍋 $98 （🌕🌕🌕🌕🌕/5） 雖然係下午茶餐，但絕對冇偷工減料，裏面有勁多配菜，有牛肉片（油花平均）、牛丸（爆汁）、米血糕（好特別）、沙白（新鮮）、金菇、炸支竹、鳴門卷、花枝丸（爽口彈牙）、韭菜、蕃茄、青豆角、娃娃菜、粟米。蔬菜配料好新鮮。沙茶鍋調配得剛剛好，勁惹味，粉絲索晒個汁，超正🙌🏻，淨係個湯底都夠哂味，唔使再沾沙茶醬。其實個鍋都夠兩個人食。 💜滷肉飯 $10 （🌕🌕🌕🌗/5） 滷肉飯方面，豬肉肥瘦相間，但如果滷肉少左啲，多返d汁同滷肉可以撈飯咁就好啦！ 💜慢烤雞腿蛋吐司 $40 （🌕🌕🌕🌕/5） 賣相吸引，流心蛋效果，再加一塊厚厚的雞腿扒，淨睇個賣相都已經流哂口水！大大份勁厚身，一啖入口，真係會流哂出嚟，慢煮雞腿扒相當嫩滑，但味道始終不及黑布xx。 🍴整體評價： ✅CP值高 ✅推介火鍋 ✅下午茶包飲品，大部分都不用加錢 ✅適合一家人👨‍👩‍👧‍👦情侶👩‍❤️‍👨大伙兒 ❌滷肉飯少滷肉 ❌服務一般