與朋友們到IFC 吃飯

不屑銀座梅林要人一個鐘交枱

走到同層的和歌山見有枱可以慢慢坐傾下計於是幫襯

睇左餐牌先知主打係RAMEN 同烏冬

其實價錢都唔平，叫左個豬軟骨RAMEN 都要＄120 一碗

不過收得呢個價錢佢賣相算係咁，大大隻碗俾你， 都幾浮誇

個豬軟骨係成條上既，好滿足， 湯底叫左豬軟骨湯底， 所以好夾， 好味其餘小食餃子普通， 比較細隻

串燒鰻魚啖啖肉

雜綿天婦羅都幾好味

最後送既炸蠔亦好鮮味

整體唔錯， 又可以慢慢坐， 唔趕客， 斟茶既反應幾快

未致於好似其他食家講到咁差

與新加坡友人談及香港的肉骨茶質素很參差

友人介紹我去試試大坑的“肉骨皇”

剛巧團購又有優惠， 當然沒有理由專誠到大坑一試

到達餐廳時雖巳晚上九點，但仍全場滿座，眼見有幾枱都係食緊肉骨茶一人餐，可見團購威力不可忽視

九點二十分左右被安排入座， 因為很肚餓， 即時點了團購的肉骨茶餐，再另加了炒蘿白糕及咖啡

先上枱係肉骨茶餐，藥材香味算濃，湯底夠味，肉也很好吃，但稍嫌肉的顏色可以再深，亦可以再入味多點，今晚吃的像是帶點藥味的白灼肉跟餐的油飯好吃， 而薏米水就普通

然後是炒蘿白糕， 不要看照片好像很多， 事實上一碟只有四件，兩個人食先岩岩好， 不過蘿白味很重，辣度適中

好味！最後是咖啡骨，賣相只是一般， 但吃落那陣咖啡味卻很精采，有陣陣咖啡BUN 的香味， 實而不華絕對可以再嘗的餐廳！

幫襯一間餐廳，唔係淨係享受食物同埋餐廳環境
仲要睇埋你既服務態度
呢間餐廳無得攞籌，硬係要顧客係佢門口打蛇餅咁排條人龍出黎做勢，fine
我唔鍾意排，o個日walk in 見到無人排隊，心諗不如試試
去到門口個staff 巳經唔好態度話要排隊，但我明明見到入面有位
好啦，我排，諗住等一陣就安排入座
點知一等再等，由本身無人排得我同朋友，最後成條人龍廿幾人都未輪到我地
問個staff 點解咁耐都唔俾人入，佢話唔好意思，未有位
佢要安排訂座既都ok，但唔駛30分鐘都唔放一個人入去
同自己鬥氣， 排龍頭無理由咁走左去，終於有得入去食
先先係安排左一個幾唔舒服既座位，冷氣超大and 風口吹住，凍到人想走，問staff 安排換位又無乜人理
打開menu，其實食一個海南雞飯加埋一點解要一舊水，個炒貴刁又係。。。。 呢個定價係咪有返咁既質素呢， 即管試下
最後個雞又無乜鮮雞味，個飯就更加唔好提，唔香既
個貴刁好少少，但都唔值o個個售價
坦白講，排咁耐都係想食餐好既， 點知。。。。。。。

我情願去返x國人海南龜度食

行經旺角記得openrice 呢期有間台式鋪頭幾hot
於是專登走去黑布街一試
都排左大約20分鐘
order 左牛肉面／紅糟肉／花枝羹
可能係肚餓既關係，o的野食都上得幾慢
牛肉係就夠大碗，不過湯底一入口巳經唔夠熱，而湯底似係加左唔少味精
紅糟肉同menu display 既都相差幾遠，每舊都切得好細，menu 明明係大大舊，唔知係咪d 頭尾既碎拎黎整
花枝羹order 左一段時間先話無，轉另一款又話無。。。所以放棄熱食
食完熱野，入戲肉食冰苔目，其實係米苔目加冰再加唔同既配料（每款約六蚊）
我揀左芋圓同地瓜圓，因為台灣既實在太好味，香港一直都未見有得食
一上枱，個冰苔目其實係一舊舊大冰加米苔目墊底，個既既程度係連刨冰都不如，只係碎冰。。。唯一係芋圓同地瓜圓都唔錯， 幾q， 但唔可以齋叫， 一定要跟冰苔目底
好想去台灣食人地o個d正宗牛肉面同埋芋圓甜品

上一個街口都仲係冷清清
轉左入黎小甜谷個街口即刻人頭湧湧
o係銅鑼灣食完飯
想試新既甜品shop 所以行去大坑試下小甜谷
order 左兩樣野
北海道甘粟牛奶露豆付花 + 楊枝甘露
前者等於一個凍既粟子糊淋上豆付花咁, 個甘粟露都幾香
後者就麻麻地, 唔知係咪叫左少甜, 個楊枝甘露唔夠味咁

聽人講個奶凍好味, 下次再試

慕名而來諗住一嘗自助的yogurt shop
都唔係既, 所有工序最後都係店員負責
揀左兩款味道, 芒果同荔枝
偏軟身, 好易溶咁, 夏天o係條街度食死硬
toppings 揀左oreo/ 南瓜子/ 芒果粒/ 合桃碎
南瓜子最有咬口, 中和返太軟身既yogurt
店員服務老實說一般
可能未必會專登走過去食, 都離開銅鑼灣中心地帶頗遠

硬係要同澳奶比較就無咩謂
一間係港島區， 一間係九龍區
一向鍾意食常餐類既野食
今晚試左佢地既招牌常餐
服務都算ok 快
order 完唔駛半分鐘巳經上左多士／火腿／炒蛋
多士普通熱，但夠厚同鬆軟，多d牛油會好d
炒蛋可以再生d， 我覺得熟左少少
火腿唔識分
牛肉通真係似以前細個冰室食既style
最後杯凍奶茶係幾好夠茶味，不過下次要少甜先得
好係好在o的伙計唔算好趕客， 唔會話食完野就好似趕住收你o的餐具咁， 俾眼神你叫你埋單過主
絕對幫襯得過！

第一次試呢間burger
見到餐牌大大個飽都幾吸引
不過唔算太肚餓， 所以order 左the matiz 加regular 薯條加凍latte
首先黎既係凍latte
朋友話唔好飲
跟住等左都一段時間就黎the matiz burger， size 細得驚人
以原價＄68 一定覺得俾人搵笨， 七折左都要成＄50。。。。
塊漢堡唔厚不在話下， 味道普通， 係個汁可以
唔明點解要等＞10分鐘先整好
食完個飽， 碟薯條都未黎， 問返落order 個waiter， 好似如夢初醒咁
跟住有個似係高級d 既職員黎， 話5分鐘後有， 點知又等左10分鐘
薯條味道又係一般貨色， 唔特別
免費都係咁話
雖然埋單唔算貴，七折既時候試下無妨， 試過下次唔食都無後悔
burger 我都係首選burgeroom
p.s. 最恐怖既係食食下既時候， 商場既職員推左架類似裝垃圾既車咁既野出黎由我張枱後面推到商場既另一邊
第一次係大型商場見到咁既事
發生咩事呢。。。。 如果入面裝緊一袋袋垃圾。。。。。 well。。。

星期日晚O係尖沙咀區搵野食
行行下行左去昔日既UPDATE MALL
因為本人嗜食有湯底既食物
所以揀左試食呢間自家烏冬
可能時間巳經係九點幾既關係, 唔駛等位
被安排坐係走廊直入既一個死位
點解話死位呢, 因為外面做緊野既職員不但睇唔到顧客
更加唔會留心坐呢區既食客有無異動
加杯水拎D 餐具都要叫餐慒先有反應
睇睇餐牌
沙律得兩款, 唔算好吸引
烏冬款式唔算多選擇, 尤其烏冬作CORE 之後, 所謂小食只係將烏冬配料散叫
想消費多少少都好難
由於只係兩個人又夜既關係, 都唔算叫左好多野食
1) 燒玉子
搵笨既, 平就平啦, 但唔好質劣, 加埋去開拉面鋪食既玉子都係熱既
冷凍既燒玉子食唔到O個份蛋味
2) 吉列豬扒烏冬
個烏冬個碗就好大, 份量就好少, 湯底相等於清湯, 無乜味, 我要加七味粉黎食先有味
塊豬扒薄得黎, 肥膏又多架喎, 何解呢?
3) 虎蝦天婦羅鳥冬
烏冬同之另一個一樣, 唔重覆, 舊虎蝦天婦羅真係粉多得滯
另配既茄子/冬菇/蕃薯天婦亦不見得出色
枉等左十五分鐘先送上一碗唔好味既鳥冬, 多謝哂!

埋單就最快, 叫完埋單唔駛十秒張單就送到

唯一可以讚既係地方坐得算舒服, 唔算太迫狹
但食野就免啦

平時諗唔到食咩都鍾意食茶餐
一黎可以LIGHT D
二黎有ALL DAY BREAKFAST 感覺
今晚放工行左陣尖咀
唔係太肚餓既關係, 又要去佐敦搭車
於是選擇呢度
最鍾意係個厚多士 平日茶餐廳D 多士薄得滯同埋唔鬆, 得個脆字
呢度牛油味加鬆脆感覺係一流
其次個太陽蛋都好好味
叉燒通就普通, 食唔出有咩物別, 但唔難食
凍檸茶就真係好飲, 少甜都唔澀
好滿足
相用GF1 影既, 好靚