海港城嘅出名泰菜，估唔到除咗食景之外，嘢食質素真係有返咁上下😛🤩 當然首先係比環境吸引咗，確實都好jeng!! 望住你個日落食飯，心情都靈犀靚🥰入邊都係行一個粉紅色同埋度假風格啱晒女仔💕 每台都會有呢個蝦片做前菜脆卜卜🦐 黃薑雞肉沙嗲$98 有d花生味嘅嗰種沙嗲，唔使另外點醬都已經好惹味！ 紅咖喱牛肋骨$188 泰國嘢又點少得咖喱🤩！ 佢未必算好地道，但係好好食！ 係少少香辣但係重咖喱嘅味道啱晒我呢啲唔係好食得辣嘅人🤓而且咖喱又奶滑，牛肋骨都好大件，好好咬口，一定要另外再加配薄餅點汁！ 泰式豬肉炒河粉$118 河粉炒到金黃色，個汁調得好好，豬肉嫩滑，再加埋少少配料，鑊氣十足🔥 見到呢度嘅甜品都好特別！ 叫咗呢個皇家泰茶雪糕提拉米蘇$118🧡 本來以為係同平時嘅提拉米蘇差唔多🤔結果原來完全唔同！真係泰式風味🤣仲要啱晒我呢啲最鍾意泰國奶茶嘅人！附近仲要有配料你自己落落去，全部都好好味，珍珠同埋泰奶啫喱好有咬口，雪糕淡淡嘅泰奶味又唔會太甜😋望落好大個，不過食吓食吓就唔係好覺😛超級推介！海港城嚟講有景有味道呢個價錢CP值高😋

附近除咗啲連鎖燒肉店之外，好耐都冇新野，今日就嚟試吓正宗韓式BBQ🐮
佢有唔同嘅Set嘅，咁我哋嗌咗個中間嘅set c$499，適合兩至三個人

一上盤都好多嘢，有調味牛肋骨，牛五花，烤五花腩，烤豬頸肉🐮🐷仲有芝士啦，腸仔茄子芽菜泡菜同埋雪耳🤣份量其實都好多～咁可以慢慢燒啦，有手套鉸剪輔助🤓如果燒到咁上下都可以換過一個新盤～
牛味鮮嫩，尤其係呢個牛肋骨，調味調得好好😌豬頸肉亦都好爽口，食得出來貨不錯
另外可以根據個人口味點呢個燒肉汁醬油或者鹽，不過我覺得淨係食都已經夠牛味😋
另外試咗佢呢度另一款特色菜，就係醬油韓國蟹🦀$68，經佢哋社交平台訂座就可以享用呢個優惠價😎因為其實都full嘅平日，所以訂咗先都係好！

第一次食呢個醬油蟹，就係需要將蟹肉蟹膏拎出嚟撈埋喺個飯度，蟹味好重先鮮甜甜，再加上紫菜蛋飯，好特別嘅口感😋

門面已經有一個打卡位 🌸🌼 入到去餐廳都好闊落，主要都係有啲花草做為主題～ 尤其係呢棵櫻花樹特別吸引到女仔既目光🤩 魚子醬流心蛋$78 🐣 流心蛋本身好滑，仲要加上鹹鹹地嘅魚子醬有雙重嘅口感！ 紹興酒糟醉雞$88 清香嘅酒香，配上滑嫩嘅雞肉，啖啖肉得來但係有啲甘香，好開胃😋 火腿津白 $148 火腿津白唔係第一次食，不過佢呢個火腿做法零舍特別，係要夾埋娃娃菜一齊食，甜甜厚厚感覺有啲似唔乾身既肉塊🤣 新式嘅京川菜，當然都要試吓啲辣嘢！ 宮爆雞丁$138 🔥 朋友冇咁食得辣，叫咗小辣，但係都食得出好惹味炒得好有鑊氣！覺得都係必試嘅一碟菜！ 小籠包$98 其實都多上海菜式，小籠包比想像中出色！😳畢竟本身唔係專食上海菜～鮮嫩多汁！記得要趁熱食🙈 炸雪糕$98 雪糕好大塊，有三個味可以揀就揀咗朱古力味，多重口感，又脆又凍，幾得2😝 另外都想讚吓呢度嘅Service ，侍應有一路留意我哋飲完啲茶會主動過嚟幫我哋加👍🏻 下次同多啲朋友嚟會再試吓佢招牌北京填鴨！坐得舒服得來味道中上服務又好🤭嘅京川菜

朋友喺呢邊返工話呢邊開咗一間新嘅cafe🤔 呢度係就日式木系風格再加上型格嘅黑熊🐻 呢個黑板好吸引，等我叫佢嘅必點菜式試吓先😏 嘢食方便主菜輕食甜品同埋咖啡都有😋不過主要以咖啡同綠茶為主😳 豚肉生薑定食🐷$88 生薑有少辣，豚肉份量多，甜甜地，配上原身嘅洋蔥，適合冬天暖胃🥰配菜有合桃粒同埋麵豉湯～ 香草醬煙三文魚意粉🐟$88 香草醬好Creamy ，仲有新鮮三文魚切成花嘅形狀，每一條長通粉都沾滿咗醬汁😋 香蕉朱古力窩夫🍌🍫$88 一定要趁熱食！有外脆內鬆軟嘅感覺，朱古力唔會太甜，配埋焦糖醬同香蕉，感覺依然輕盈，夾得好好😋 士多啤梨乳酪餡蜜🍓$78 成個感覺好清新同埋refresh ~主要係有啫喱水果同埋小丸子，只雪糕會係乳酪味雪糕，成件事好清新，好適合做飯後甜品💓 黑熊芭菲🐻$88 餐廳嘅黑熊意思係咖啡☕️，軟雪糕奶滑，咖啡味唔算唔會太濃，又唔會太淡，恰到好處。另外呢個芭菲仲有咖啡凍！係我食過最出色嘅咖啡凍！配上其他配料，每一層都有驚喜✨ Cold brew$58 識飲一定飲cold brew，仲好有儀式感添，慢慢欣賞淡淡散發出嚟既咖啡香😎 斑斕拿鐵$42 第一次試咁特別嘅latte，淡淡嘅斑斕香，味道清新✨ 總括而言，覺得呢度嘅甜品同埋咖啡真係唔錯，而且俾人一種清新嘅感覺又唔會話食完覺得好Heavy😌會再嚟嘅🖤

喺旺角東就會諗到呢間滿足我鹹點甜點嘅餐廳🥰 環境闊落，坐得舒適～不過建議訂左位先會好D🤓 已經來過好幾次了～中午同夜晚都岩同朋友慢慢傾計💬另外，值得一讚侍應會好主動加水🤣 鹹點方面就叫左上面呢幾款💁🏻‍♀️ 芝士燒汁薯條$53 呢度除咗出名pancake之外，佢嘅薯條都係喂主打菜式，都有唔少客人會買外賣～有好多唔同嘅醬汁，例如燒汁芝士，黑松露等等～熱辣辣香脆嘅薯條配上惹味醬汁好邪惡啊，記住要趁熱食！😋 Maple Bacon cheese burger 🍔 $105 薯條當然要配埋漢堡包啦😏 主要係由安格斯牛肉，楓葉醬煙肉，芝士同蔬菜組成嘅漢堡包～安格斯牛肉厚身，咬落juicy，配上楓葉，像有啲甜甜地咁樣，不錯😋 Butter Milk Chicken Salad 🥗 $118 上枱嘅時候嚇親，真係好大碟🫣係四人份量🤣 蔬菜新鮮爽口，配上雞肉牛油果，撈埋個蛋，營養指數高又好味，而且份量真係好大🤣！ 嚟到當然唔可以錯過即叫即整嘅pancake啦🥰 The pantry pancake🥞 $108 厚實鬆軟嘅疏乎厘pancake配上牛油蜂蜜糖， 熱辣辣嘅時候食，咬落去有棉花糖嘅口感，淡淡的彈香，再配埋生果同忌廉就更加香滑🥰係有日本味道嘅pancake！🥹 Baileys & Cream milkshake 🥛 $55 呢個味道唔係度度都有🥹感覺似係朱古力milkshake再帶有Baileys既味道，兩隻夾得好好，價錢都比起一般milkshake平dd，唯一缺點就係太邪惡啦👿，所以我哋兩個人share一杯都已經好飽！總括而言，呢間餐廳可以滿足🐷少女幾個願望！

呢間餐廳嘅裝修有一種以霓虹燈為主，有一種工業風加上迷幻嘅感覺🤣 座位闊落，晏少少見到幾多人一齊喺度聚會～ 基本上所有嘅食物嘢飲都包括左CBD🤪當然，如果唔想加入嘅話都可以提早同佢哋講～咁我就一場嚟到試下CBD美食🤩CBD聽就聽得多真係未食過🧐 大麻二酚小食拼盤$148 大大盤，有雞翼，洋蔥圈同埋炸蝦餅😋 洋蔥圈🧅做到外脆內軟，入邊仲有啲洋蔥汁，趁熱食會更加好食😋 水牛成雞翼外皮好脆身，肉質滑嫩，兩個醬汁都好夾～ 炸蝦餅金黃充滿蝦香～建議點泰式辣醬，就更加惹味😌 美式BBQ醬燒豬肋骨🐷$268 原條豬肋骨，條條分明都幾易切，開心位係d肉量算多，而且燒得好香，一上碟就聞到香味😋個人認為唔點茄汁都已經OK～而且仲有薯條同沙律菜做伴碟🍟 韓式甜辣炸雞🍗$78 小食炸雞粒～唔係好重辣味，甜甜辣辣，啱晒我呢啲唔係好食得辣又想惹味一下既人😜 蜜桃乳酪冰沙🍑$58 幾啱女仔飲，唔會太甜，淡淡的蜜桃香加上乳酪，沙冰都好幼滑～ 另外仲見到場內都有賣其他CBD嘅產品，而且價格都比出邊平🤩而且平日一至四仲有15%off ～咁今次嘅初體驗係，確實冇特別食到有啲咩味道🤔我個朋友同我都覺得好似個人放鬆咗，之後好似眼瞓左，返到屋企都瞓咗一個好覺😴而且食物質素亦都唔錯，值得一試！

其實我都比較少食天婦羅，不過朋友話好想試吓呢一間，記得之前都好多人排隊🤣 今日early dinner🤓安排左都幾闊落嘅一個卡位，服務員都好熱心介紹，加分😝 有一啲開胃小食-牛蒡漬物和醃蘿蔔，同埋醬汁～ 仲有呢個我最鍾意食嘅嘢椰菜，加咗柚子醋，新鮮爽口😆我哋叫咗兩個定食～ 軟殼蟹丼🦀 (連麵豉湯) $178 見到實物都真係有dd震驚㗎🤩 因為真係好！大！碗😂 分別有軟殼蟹🦀，皇帝菜(後面綠色嗰啲)，櫻花蝦🦐，茄子🍆，南瓜🎃，仲有溫泉蛋🐣～ 佢個軟殻蟹份量真係十足，炸得恰到好處～另外炸溫泉蛋我都係第一次食就，感覺好特別🥰 天幕御膳套餐$168 呢個套餐最特別就係有三種食法💁🏻‍♀️ 我都俾呢樣嘢吸引咗😍 第一種食飯就係沾上呢個蘿蔔蓉和薑蓉的醬汁☺️因為炸漿薄，呢個醬汁更加帶出炸物既鮮味🤓 第二種食法就係將炸物放係飯度，再淋上天丼醬汁😋我自己最鍾意都係呢個食法，加咗醬汁好似比較香口🤣 另外想讚一讚佢既蝦，真係可以做到外脆以內係彈牙🥰 最後一個食法，就係放上鰹魚湯再加上芥末同埋紫菜😝 口感都係幾得意嘅～有淡淡的茶香～會係我第二鍾意❤️不過其實三種食法都唔錯！所以我幾推介大家買呢個套餐有得玩有得食💁🏻‍♀️

呢度啱晒朋友聚會，地方夠大，乾淨企理 仲好可愛咁以柴犬做主題，早啲嚟嘅話，可以坐到分開一格格卡位，夠晒私隱度👍🏻 套餐方便主要兩個價錢，當然貴啲嘅話用了就多啲同靚少少🤏首先上咗雞煲，需要自己炒一炒🤣 雖然唔係好食得辣，但係都feel到佢嘅麻香惹味😝每人仲送一粒鮑魚添😆 五色刺身，顏色鮮艷，會根據當日情況提供五款刺身🥳 聖子到海鮮拼盤，都真係大大盤😍 之後就會收走雞煲，然後可以選擇你想要嘅湯底，或者鴛鴦湯底～套餐入邊仲包括牛小排，西班牙黑豚肉 五寶丸，紫菜響鈴，生根，即炸魚皮，三色餃，菜籃😍 色澤都好靚㗎，又簿身 我覺得牛肉會比起豬肉吸引，但係呢度嘅豬肉亦都唔係嗰啲普通豬肉，味道食得出有唔同 最後仲有一碗燉奶作為甜品🍮

朋友帶我嚟呢度食～排咗一陣隊🤔 裏面裝修簡潔，坐位都闊落既～～ 餐湯同蒜蓉包 蒜蓉包幾香脆 加上新鮮蕃茄，酸酸甜甜開胃😌 加咗錢要兩個鵝肝多士～好肥美同油脂感既滑身☺️ 叫咗西班牙風乾火腿薄餅 一定要趁熱食!咬落香脆，而且芝士味好濃而且可以拉絲😍 燒春雞配薯菜🐣 你個燒春雞真係有驚喜！🤩 一上檯已經好香，而且好多出邊嘅燒春雞都冇咩味，但係佢係入味既😍 外皮燒得金黃香口(而家諗返都好想食😋) 肉質滑嫩仲有熱辣辣既肉汁🤩 唯一缺點就係比較難切開🤣附近啲蔬菜都燒得香，係惹味嘅菜🤣 伯爵茶奶涷伴雪糕🥰 首先望落去已經好qq，伯爵味好濃，配埋我鍾意食嘅雪糕同焦糖，會encore 既甜品～ 整體來講，性價比高，不過應該要等一等位😝 另外嗌咗兩個冰沙～fresh 下～

朋友係附近做野，帶我上來食飯～ 入到來環境簡約舒服，靜靜地，幾岩傾計🎶 比較吸引既會係佢既set dinner 同埋加錢可以享有既優惠，好似星期一至三加$38就可以有芝士焗龍蝦一份(半邊)🦞 呢個價錢已經包埋前菜甜品，而且可以選擇嘅都係主菜類😆但係由於我哋三人行～所以就選擇咗單點🧐不過其實都係帶返set嘅嘢食甘制🤣 餐前小食 提子餐包同麵包條☺️ 值得一提係係黑松露牛油夠香滑🧈 德式香腸拼盤🐽$118 總共有三款香腸， 另外配菜薯蓉都好軟身同充滿薯香🥔 炭燒安格斯西冷牛扒(10oz) $338 🐮 Size都可以～叫左medium煮得岩岩好，而且炭燒令表皮口感香脆一點😋 另外有薯仔同埋少少蔬菜做伴碟～ 肉質嫩滑，配上有咬口既表皮，再加上燒汁同芥末，好味🥰意大利辣肉腸薄餅🍕$118 係薄身既pizza來，餅底好脆身，食落無咁heavy，上面：主要有番茄醬，芝士同辣肉腸🐣