同同事開咗個WhatsApp個食辣小組 方便我哋呢啲食辣上癮嘅人😅 可以起碼每個月一大班人食一次辣🌶 今次我哋去咗銅鑼灣一間川菜 巢私廚 見咁多好評 就一於試吓佢係咪真係咁好味 前菜叫咗個白玉葡萄🍇 佢其實係紅酒浸冬瓜 酸酸甜甜真係有少少葡萄味嘅開胃 加上佢個造型好精緻，影相放IG就Perfect！ 另外叫咗個牛肚 佢個味就唔錯嘅 不過一啲都唔辣😪😪 值得一讚嘅係佢有面底 麵條煙煙銀銀，好impressive👍🏻👍🏻👍🏻 另外叫咗酸菜魚🐟 佢有幾種唔同嘅湯底，我哋揀咗白湯 因為睇幅圖感覺上冇咁油膩🤭 個湯底不過不失 不過啲魚就有細骨囉 唔可以好暢快感成舊食😐 仲有都係果句 - 完全唔夠辣！ 仲叫咗個水煮牛肉🐮 雖然個面好多辣椒但係都係唔夠辣 同埋佢同出邊嗰啲水煮牛肉唔同🤔 個水煮汁唔係一層油係上面嗰種🤔 個人來講都係鍾意傳統果隻水煮汁😬 仲叫咗辣子雞，干鍋炒菜，泡椒蓮藕筍，鴨血。 反而覺得全晚最出色最辣嘅係泡椒蓮藕筍🙈🙈🙈 口感非常之爽脆！食到停唔到口！ 用嚟送啤酒簡直係一流🌶🌶🌶👍🏻 其實佢菜式嘅選擇係超級多嘅 下次如果有機會再嚟，會問下佢可唔可以選擇辣度😅🌶 我會形容佢係譚仔嘅10小辣等級😅😅😅

好慶幸我身邊有一班志同道合都好鍾意打邊爐嘅朋友。👭👬 每次出嚟gathering諗唔到食乜，都總有人提議去打邊爐。😆 近年來興起養生火鍋，打邊爐都要打得健康！🥰 所以我哋今次就揀咗大笪地最出名嘅花膠雞湯底💓💓 個煲入邊有好多舊花膠，舊舊都幾大舊，己有份量！絕對唔係Hea啲客既🤤 雞湯湯底好濃郁，feel到佢煲咗好耐🤪 我哋都飲完一碗又一碗，停唔到咀！ 每人起碼飲咗三四碗😅 飲完之後，叫侍應行過嚟加湯😌 之後就真正開始打邊爐啦！ 叫咗手打墨魚滑，幾碟肉同埋一啲餃。 質素都幾好唔錯😚😚 手打墨魚滑好有𡁻口👍🏻👍🏻 價錢相宜份量都幾足👌🏻 當晚侍應推介新鮮鮑魚☺️ 我哋全部都係好鍾意食海鮮嘅人所以就決定試吓！ 好彩有叫到咋😆因為真係好好鮮味！ 又夠大隻又夠新鮮！ 落咗大概5分鐘就食得👌🏻 可能因為真係新鮮所以肉質好彈牙💓好想encore多一碟，不過都係留返個肚食其他嘢啦🤪 總括嚟講，大笪地係好食嘅😍 如果你想一班人好開心咁樣打邊爐，食吓好嘢傾吓計吹下水👭 就建議你預早book定因為都好full😌 最後埋單一人$400左右，食到超級飽！ *不過唔建議嗌魚皮😒😒因為原來佢係一包現成魚皮即係超級市場可以買到嗰啲。。。😑😑😑

一路都聽好多朋友講話四姐川菜係全香港最好食嘅辣野私房菜 仲話灣仔嗰間係好食過銅鑼灣添 所以今日就佢定同朋友你試吓係咪真係名不虛傳 由銅鑼灣地鐵站行過嚟有少少遠。。。 都要成10分鐘。 不過見係為咗食好嘢冇所謂啦！ 呢度嘅收費係人頭收費$340一位免加一 好處就係就算兩個人黎都可以試到好多唔同嘅菜式 頭盤揀咗招牌四川涼麵同埋夫妻肺片 涼麵真係超級好味😋叫咗小辣係惹味既！ 夫妻肺片就正正常常啦 熱盤揀咗川味椒鹽蝦🍤🍤🍤 呢個真係驚喜！啱啱炸起熱辣辣脆卜卜 食到停唔到咀！好好好好好好好好味 仲有嗌咗酸菜魚 份量超級大有成二十幾三十舊魚 一啲都唔油膩，個湯仲可以飲添！超級推介！ 泡椒鴨血亦都係推介之選 每舊鴨血個size都一樣，一口可以食得晒味道一流！ 用嚟送啤酒真係冇得頂 最後佢仲送咗一碟油麥菜，清炒嘅！ 用黎解下辣，真係幾唔錯！平衡返個口嘅味蕾 總括來講真係覺得姐姐係好值得推介嘅一間餐廳價錢小貴但係質素一流一分錢一分貨呀嘛！唔錯唔？😼😼😼 鍾意食辣野嘅你千祈唔好錯過 下次要搵多啲朋友，可以試多啲菜式！好想試吓佢嘅毛血旺同埋水煮牛😍😍😍諗起都流晒口水！ 真係要約定朋友下個星期或者下個禮拜再嚟幫襯🤤👍🏻👍🏻👍🏻