經過黃埔地鐵站 都見到星加坡麵包達人 呢間麵包舖款式多 有特色星加坡麵包 仲有好多甜品同自家製作既香濃咖啡和奶茶 爆漿朱古力 用焗爐整熱後 一咬落去朱古力漿流出黎😋 朱古力控必食！ 招牌108 層葡撻 葡撻皮好鬆脆，清晰見到每一層酥皮. 個皮做到好多層好薄，咬落去好鬆脆 咖椰杏仁包 包面有咖哋椰子醬同烤香杏仁 加埋加鬆軟麵包 好食. 一袋有6個 方便拎一個一個拎黎食 朱古力阿華田布甸🍮 完全係特濃朱古力加阿華田味 食落去好滑! 想試佢其他味 自家製奶茶 最驚飲啲樽裝奶茶得個甜味 茶味奶味岩岩好 唔會好甜 飲落去好順滑有茶味 有茶餐廳嘅味道 下次要買芝士撻試下先. 價錢唔貴. 又多選擇 難怪每次必定見到好多人排隊買🍞麵包 同好多分店

記得之前爆丼喺樓下Aeon個層 新店搬咗去10樓格局有啲細 只可以太約容納10幾人 同行有BB嘅關係 就問有冇BB櫈 雖然餐廳沒有提供BB凳 但都好貼心比一張凳我地 女職員好好服務 送上暖暖嘅麵豉湯 我地就叫左大感謝祭 個2個丼同爆盛燒牛丼 啲飯🍚一上枱就比中間嗰隻蛋黃吸引住😍 火焰盛丼 84 + 正價+1 有帶子，蟹柳 燒三文魚 仲有一樣魚唔知叫咩名 但係嗰個魚油好多 喺口入邊都停留咗好耐 牛刺身丼 $124 +正價+1 拖羅蓉配上蛋黃飯真係好正！😋😋 三文魚都有6-7塊 牛刺身相對上就份量比較少 爆盛燒牛丼 呢個好啱大食嘅人 燒牛肉配上燒牛汁飯 一流 牛嘅厚度唔係太薄 有口感 我地都食唔晒牛 份量十足 最後我覺得睇落去好似好細，但係食落其實都幾飽！

慶祝老公12月生日. 去左落座於中環25年既Ole Spanish. 因為係聖誕節關係. 轉左Festive menu價錢$358 per head +10% (3 Course set Lunch menu: Soup or Salad/ Main/ Dessert) 當日岩岩有公司team lunch 安排唔到窗口 就坐左比較入既位置 Appetizer有沙律薯仔、番茄肉丸以及香脆法包🥯 (飲到一半先記得影 唔好介意😂) Seafood & Lobster Bisque煮得好入味，好香濃的龍蝦味，好creamy,仲食到切碎咗的龍蝦肉，口感一流，用黎點麵包，正 Traditional Spanish seafood paella (兩人分量) 海鮮燉飯上鋪左蝦、青口，相對上比較小海鮮 但賣相超吸睛，加上檸檬 味道清新不油膩。 每一粒飯都吸左湯汁，好好食 Spanish Churros with hot chocolate 本身黎想試Tiramisu 可惜staffs 話out of stock 可能太受歡迎. 或者係我地遲左黎. 但Churro出其地好味. Churros 好軟熟加暖朱古力漿 👍 Catalan Cream 上碟時候燉蛋表面已經有焦糖。好creamy都好香蛋味 我book已經講明係慶祝生日，但staff 唔記得左. 而我地覺得又上左碟就算了. 如果要慶祝生日既朋友記得提一提staff 因為我食陣岩岩聖誕節 價錢就比之前貴左小小 雖然menu冇乜新菜式 就性價比唔高了

呢間懷舊茶餐廳 而家真係好小地方有 叫咗茄汁雞髀飯外賣 唔使8分鐘已經拎得 我記得之前食過雞髀咬落去好去juicy 今次食落去有少少乾 可能放得耐既關係 但加埋茄汁飯 係好食同絕配 完全係以前懷舊嘅味道 下次要試下焗飯先

去到九龍城一定諗到泰國野先..但係見到有間日本居酒屋.
諗住一試..等左一陣就有位.部電視播放日本節目.好似d日本男人放工後去居酒屋的感覺
坐位同格離好近.唔好咁大聲講野..比人聽到曬.見到門口貼左d報紙.介紹三文魚他他多士我唔食三文魚的..不過佢一粒粒加埋沙津同魚子.
多士又好脆.mix埋一齊好特別而且有幾好食..值得推介啊!!睇到格離食.好香.
用上珍珠米.吉列唔脆.d咖哩同係supermarket買個d咖哩差唔多好厚啊.同行我朋友唔食沙津.放在一旁幾好.又切好4份.好細心啊.
不過我覺得唔夠醬汁.
食左一件已經好"制"好普通
我要係咁加7味粉..哈哈

大致上得三文魚他他多士..好食

黎左3次..每一次都話買曬.
終於等左2個鐘食到啦. 叉燒好"林"
有好濃ge咖哩球.好好食!!豚王: 豬骨湯底好濃..
叉燒好"林"同日本無敵家ge湯底有幾分相似for食緊好熱ge拉麵個陣飲.好爽
最衰冇蛋.下次黎想試下蛋 同埋另外個2種湯底
不過我覺得d麵小得制..可能希望你+10 麵

有日本拉麵ge味道. 排一個鐘值得ge.

行完街.間野係邊.
坐係街到食..
枱得2,3張到.
好彩唔係好多人,而且d人準備走
而且有大風扇,唔係好熱.
2個人唔係食左好多..但已經好飽.
好中意食炒長壽麵，有ｄ潮式ge午餐肉炒埋一齊

下次黎要試下蠔餅先

經友人介紹.黎呢到食飯.
我地1行7個人.
叫左13樣野,

味噌煮鯖魚定食 $38 鐘意食魚ge人一定要試啊.d魚入曬味噌..正啊.
刺身 我唔鐘意食刺身,所以唔知好唔好食,甜蝦
煙三文魚蟹籽沙律 $35 沙律都好好味..唔似我地平時食個d沙律咁
什錦天婦羅 $48 平時唔係好鐘意食天婦羅 ,不過友人叫左食.炸個d野同食蝦分黎嫁.幾好食..
日式叉燒鴨胸炒烏冬 $30 好好味啊. 唔知用d咩炒.好似燒汁ge味道.
日式野菜薯餅 $30
燒八爪魚丸 $28
豚生薑燒燒定食 $38
咖哩吉列雞塊飯 $38 甜咖哩,唔係好辣..還可以
炸雞軟骨粒 ,炭燒豬頸肉 ,燒魷魚筒 ,燒鯖魚

最後而且會送甜品.大菜糕.
食到我地極飽啊.
雖然店舖細小.不過坐得都幾舒服.好有日本風味.
而且服務態度好好.價錢都中等..

成日經過中環.
望入去d pizza好似好正咁.
終於可以去食啦
入到去都幾full下..所以比較迫.
服務都幾好.

薯條.還可以啦.
意大利粉.佢d茄汁我覺得幾好食.
雞翼好好味嫁.一定要試啊
pizza可以選擇2種味.不過要加錢.

不過我男友.就覺得麻麻.

一入到去.
有日本師傅講"歡迎光臨"
有d waiter係日本人.
有d係hk people.
幾好服務.周圍d人都係日本人.
之後叫左個雞肉咖哩飯．
好香,甜甜地又好小辣
好好食啊.