作為屯門人, 最近而又最多不同野食的地方可算是元朗了. 
這天沿著B仔的大渠來到了嘉兵衛. 小小的日式風格門面, 當走近看其餐牌, 即有店員推開趟門出來招呼你.
因為深色玻璃的緣故, 在店外不容易望到入面. 但就貼左幾張雜誌介紹此店的內頁.
由日本人夫婦主理, 主打家庭風日式料理, 不像市面多數的主攻刺身sushi的食客.  

兩小口的晚餐就此定了. 
推開趙門, 有20個座位, 如果坐滿人可能會迫D, 不過呢日時間尚早, 只有2位食客. 反之kitchen有2位cook, 外場除了疑似老闆娘, 還有2位waitress. 所以我地一坐底, 即彷彿得到熱烈款待及 水各一杯.

涼住冷氣睇其menu, 實在選擇不多, 但有定食, 麵及小食. 可惜冇圖片的關係, 我地諗左一陣, 一人揀左一款小食. 呢個時間服務員拎左滿是食物相片的板子出來, 續一介紹. 其實一早有圖片係menu方面多了. 不知道是否為了增加和食客間的互動而咁做. 而的確, 有人介紹, 揀食咩又係快D GE.首先是小食, 點了厚切牛舌燒:
幾十蚊, 遠看得2片,  真係有D失望, 因為牛吞仍本人至愛之一, 2個人咪得一人一片??
一食, 滿足了! 其實這牛舌切得勁厚, 如果薄切咪多幾片LO? 所以得呢2片, 都OK啦! 
味道方面是惹味的咸, 很是適中, 點埋旁邊的汁, 很帶蔥香.
口感方面冇得頂, 因為我試過幾次厚切的都非常"林滋滋", 實在不太喜歡. 但這一份非常彈牙有咬口. 超正!!  芝麻雞亦: 一碟4隻亦, 全部單骨上, 所以有8件, 一眼看去會錯覺有好多隻. 不過單骨較容易進食, 所以幾好. 而滿滿的芝麻香外,亦加添了脆脆的口感. 唯一是雞亦太入味, 對我來說,多嚐兩件即感到咸左DD. 
我男友即覺得好好味道! 哈松葉蟹湯泡飯: 看上去整碗都是湯似的. 男友說清清甜甜, 飯也剛好的口感, 不會泡到淋唒. 而當中的松葉蟹腳, 男友原以為一定會蟹柳而已, 誰知食到真蟹腳的軟骨, 讓他很是驚喜. 我嚐了一口,的確味道不錯, 清淡健康的感覺.我點了的是定食, 所以先有MISO SOUP, 很多配料在當中, 讓我想起在日本吃懷石料理時的味道, 一樣, 喝多了也不會口喝, 才是正品!!定食還配有3個side, 有南瓜蓉沙律, 份量少少, 很是美味, 甜甜的, 還有蛋醬. 正!其2是炸帶子, 可以作為小食點選, 而作為side就有一粒咁多啦! 但都非常脆口, 內裡帶子還是很水潤的, 沒有炸到乾淨淨, 好味!
其3是芽菜波菜拌, 味道也不錯, 相片滿8張,所以冇張睇啦!而我的Main是味噌豚肉飯, 這味噌較重味, 拌著飯食剛好, 單吃豚肉就會覺得好DD咸. 豚肉軟身. 個人喜歡食豬的belly, 所以整片肉口感上對我來說不夠大滿足啦. 但一定要說的是以上點的所有食物, 所以全清的, 第一次食街食野, 冇勉強, 碟碟清, 不用強迫自己不做大哂鬼! 因為真的很好吃!進餐過程不停為你加茶, 同收碟, 不會滿枱野. 最後點了個紫薯雪糕作結. 就像真的在吃紫薯, 但多了creamy細滑的口感. 原來男友好飽, 話只試一啖, 最後食得仲快過我, 得番4分1個陣先話:我夠了, 你食埋佢啦! ....真的笑死我.

既然咁好食, 下次再黎啦!! ^^
 

是日下午茶, search了一下公司附近的cafe, 找到了它!
店位有心不難找, 可惜不是當眼位, 生客路過內進幾會不大. 
店面雖小, 但店外其實可加枱安坐. 當天入內, 有2位ladies 己坐了這window位.
但其實坐在bar枱位也是很不錯的, 因為可清潔睇到店員如何為你準備飲食.
清潔程度也一目了然. 我點了一份cake set: 自選cake加一杯美式咖啡.
我加錢點了小的hot mocha.
mocha沒有很厚厚的一層泡於面, 但是一絕的是咖啡口感非常細滑, 像是那奶泡和咖啡間整杯完美混合. 而mocha的朱古力部分是用粉開的, 所以也一早溶入咖啡之中, 份量剛好, 不用加糖什麼的, 也不用刻意攪拌以飲用. 所以其拉花飲到底都仍然係度. 

cake方面我點了伯爵慕絲:
伯爵茶味主要來自餅底可見綠色的部份, 十分香濃, 且沒有因為慕絲之變軟, 保持餅干的脆口感.
至於慕絲部份, 有薄荷綠色, 清新可人. 我想不好甜食者會比較喜歡. 原因是此部份其實清淡的沒什麼味道.
同fork一下切到底, 配搭著餅底進食, 味道洽好. 少點甜, 我也不會縑其淡, 倒是自我感覺健康D. 哈哈.
可是慕絲部分的口感在我是可以更好的, 其口感是不太像慕絲的, 比較挺身, 感覺比較像"椰汁糕"那裡狀態. 滑是有的, 如果可以軟一點, 就更好了. 
期間, 店員更為主動給你一杯清水. 問你要不要印花卡. 服務不過於熱情, 親切有禮, 感覺舒服. take away的人也不少. 下次再去. 正!!

屯門Vcity的甜牙牙新開了些時日, 這天約埋好朋友一齊嚐鮮!
在晚餐時間, 未多人的時候到, 不用等就有位了, 又一人一杯小水主動奉上.
留意繁忙時間可能會冇, 但相信問下, 店員一定會俾水你的.
坐下看看店面, 在隔壁的starbuck 很是相襯的裝潢風格, 如人舒服的感覺, 不過由於放了很多枱, 人多時有少少迫在所難免.點了的有雪山cream brulee:
那草莓勁酸; 雪山是打起蛋白, 無限甜, 完全無法進食, 配著酸死人的草莓, 勉強的吃了兩口; 底下的是cream brulee, 和平常見到的一樣, 仍然有烤焦糖面, 可能因為咁, 加上雪山, 甜到要不能一起進食. 但cream brulee平身口感是滑的. 不錯. 可惜一點蛋味都沒有, 不知是否太甜, 影響味覺!

但它的賣相的確頂瓜瓜, 雪山非常企身, 烤過的表面得宜, 不會過燶或不夠色. 食得後來, 雪山亦沒有崩塌. 如果係我面前點著個火就真的高級餐廳效果了!一籃子雪糕:
全部之中最OK的. 可能因為主要都是雪糕, 多款味道, 有朱古力, 雲尼拿, 抹茶, 芒果及荔枝, 色彩繽紛.
但配搭的水果始終係酸.酸.酸!!!!!!!tiramisu banana:
我想食的是tiramisu. 但它比較像是tiramisu味的sauce, 過軟的形態 (像溶緊半的tiramisu) 跟本是waffle的陪襯. 最後是切開waffle點tiramisu sauce咁的食用方法, 失望. 而waffle是原味的. 亦即蛋味, 但是味道不重, 配上tiramisu後, 幾乎冇味道. 而口感非常脆口. 不像一般吃到的waffle內層會軟軟的那種! chestnut pancake:
一讚chestnut味道適中, 不會過甜, 而且香氣迫人. 一上枱就吸引了眾人的嗅覺. 重點是份量之大, 令人"WOW"一聲. 與一般市面食到的不同, 因為一般Size 是像M記熱香飯的大小. 這裡幾乎是一個1磅海綿蛋糕的大小. pancake 面放了almond片為裝飾, 當然地也豐富了原先只有軟的口感! 多人share之選.mango boat:
香蕉船的芒果版, 賣相吸引, 但芒果都係酸, 真沒話說了.

如果不是如此, 我想這裡的甜口品大多很不錯. 特別是在於在MENU中見到的附圖和實際的成品是一樣的.
所以圖片不是僅供參考. 如此誠意, 絕對一讚. 喜歡相機先食得各位絕不失望.
但味道還是很重要的. 只能想它這次的水果不太當造啦. 下次唔好啦! ^^

難得韓風打入屯門, 當然要留意一下. 地點跟市中心, 係華都商場地下就是了. 非常方便.故此, 光顧的人亦非常之多. 好多人等下等, 反而去左隔離間小巴黎! 哈.
其實我都等左好耐, 不過事緣唔係太餓, 所以等下又何妨呢!
男友點了炸醬面, 我吃了一口, 不錯, 但醬比面多好多. 為了不浪費, 我分了點飯給男友拌著吃.
他的評語是"OK"我則點了石鍋飯, 熱熱的, 賣相也精美, 一份份分開放的材料, 方便我把不喜歡的白蘿蔔整份夾俾男友食!
中心放了蛋黃, 桌面則有介紹如何滋味進食石鍋飯的方法. 整體感覺良好. 其美味讓女生都可以自己完成這一大份的飯. 更飽! 哈哈. 下次再食過!!!! ^^

係元朗食完晚飯, 食埋甜品是當然的. 除左B仔涼粉呢D例牌, 當然要發掘下其他好野!
行行下見到呢間Dessert Gallery裝潢簡潔舒服, 自然要入內坐坐.最搞笑係所在大廈有維修, 一枝棚直插其店門中間, 都真係幾慘幾無奈. 真係肥D側半身都入唔到! 哈!
一坐底, 店員即熱情招待, 清水奉上, 簡介招牌甜品. 當然, 可能店入員工仲多過客人先咁啦!係介紹下點了其招牌"暴力。溫柔" 溫柔的是白色那雪糕, 暴力是那給你一個槌子破開的朱古力球.
朱古力球其實用fork都可以整開, 所以用槌的各位細細力好啦! 這意念是特別的, 但是內裡乾坤的味道真是很一般. 或者應該說獨立的味道是不錯的, 朱古力本身又不會太甜, 但內部配搭一起的不是很MATCH. 大致上不太記得當中有什麼, 只記得size 都是小巧的, 但又有D好硬,大方粒型的Brownie係入面. 不是個人喜歡的口感. 兩個人share 都不能食完...反而芒果奶凍名子普通, 但外觀同樣精美, 如樹枝般的是開心果味百力枝, 很特別. 奶凍亦都好滑.
是不錯的選擇! 
總括服務很不錯, 也會主動為你添水, 又會問你"好唔好食呀??".
但"暴力。溫柔"可能是招牌, 所以味道唔岩食就真係有D失望. 或者下次可以試食其他~

韓松園在元朗早已路過多次, 皆因其就在一個露天停車處旁. 但就因為太多人等, 冇一次食過.
記得對上一次只時晚上7點到就已經人山人海, 等呀等, 等了半小時, 仲有十幾張係前面等, 同行又有老人, 所以就中途放棄. 想想如此小店, 也太火了吧? 下次一定要嚐到!

終於這天6點令就去到, 店剛開, 人不多, 店員也似乎仍在準備中, 所以不用等, 已經可入席了.
店面雖小, 可一點空間不剩, 很是迫 (留意店內冇TOILET, 如有需要, 及早解決, 店內一入入, 已經冇人會理你拎左TOILEY KEY, 又甚至係話你知條KEY係FOR方邊個TOILET......最終男友又好折返, 忍到食完去其他TOILET...慘!!)兩個人點了一湯一飯一餸來SHARE, 很足夠了. 先到的是一餸: 鐵板牛肉. 很多ONION 及肉.
至於味道還好, 沒有鐵板牛肉的香氣, 牛味也不重, 但很多油, 所以最後都沒有食哂 (最底的到最後都泡在油似的, 早知在鐵板還熱之時, 番一番....肉是勉強完成, 但吸了油的ONION就太太勉強了. ><)再來的是人參雞湯, 人參味不重, 很好入口, 雞肉是全隻的, 所以單吃雞就很飽了.
可惜是湯的份量不多, 我個人想要飲個湯多過食隻雞. 哈 最後來了STONE RICE. 滿滿的菜於面, 賣相和我想像的不大一樣. 以為配料會像全盒般一堆堆分開, 整整齊齊的上來. 失望. 在石還熱的時候攪拌, 還好! 菜下的配料還是齊全的, 只是滿滿的菜有點難攪拌. 各位攪的時候可能要溫柔一點, 不然菜會跌出來. 
總括來說, 感覺有點像家庭式小店, 人手亦不多, 沒有熱情招待, 忙碌之間, 經常上錯枱, 或是擺低左都唔知係自己的, 還是隔離的. 但咁多人等的同時, 佢地不像茶餐廳可能見你食完就要你走, 大可安心用自己的正常速度進食. 見門口滿滿是人, 也不會有客人賴死唔走GE. 
故食品還可以, 閒聊就不宜, 家庭式小店的親切感還是可以吸引好多人一試的, 何況現時韓風之盛!
大家多多包容. 

再到番茄, 雖然已經過了情人節, 但還有情人節套單. 我們見價格OK, 便點了. 先來胡麻沙拉一份, 很長長的青瓜絲. 是切面機切的嗎? 圓圓長條似面條. 味道OK, 加上本人喜歡吃生青瓜, 正!小食拼, 份量不多, 但有我喜歡的車厘茄! 清甜剛平衡了旁邊油炸的WINGS & CHIPS.男友點了番茄螺絲粉, 賣相相對普通, 可能因為只有腸蛋於面吧! 螺絲粉稍硬, 味道剛好!再試龍脷柳, 已經沒有第一次吃的好味了. 失望. 不過味道是不過不失的.點品可以加錢要心太軟, 而餐裡包括的是CHEESE CAKE或CHOCO BANANA.
cheese cake很一般, 不知道是自家制還是買回到的, 都硬了.
choco banana則暖烘烘的, 不錯試!!

仲記得我剛剛返到香港的第一餐就是吃euro gogo. 當時覺得定價好貴. 在香港好一陣時間了, 又覺得其實3-40蚊有樣野食都算咁上下了. 作為西餐廳, 食物當然不能與外國相比. 但是食物都是熱上就大加分了.眾多餐點之中, 每次必點的是忌廉朱古力, 賣相和味道比很多中上價西餐廳都來得好. 最喜歡先吃掉那些CREAM.記得一次點的時候, 我把面上的Cream都差不多給吃盡的時間, 分享了一口給男友, 男友吃驚的說, 朱古力是酸的. OH! 我想飲品看去好像沒了一大半, 這才發現說朱古力的部分是酸的, 也不好意思換!
男友怕別人會飲到, 就話俾店員知道他們的牛奶可能變了, 請檢查一下小心別再用到. 而我們繼續食物的時候, 竟然店員主動換上一杯全新的忌廉朱古力. OH! 又有Cream可以吃了. SO SWEET!!意粉的分量是適中的, 兩人SHARE剛好飽肚! 

屯市這舖位的店是換多少家了? 而這一家定是當中最好吃的.清見底的MISU SOUP, 是比不上日本的, 但起碼不是愈飲愈口渴的那種. 是跟餐搭配的.這天我們叫了兩份SET, 而都是由一份PASTA加脆批而成的. 一份連飲料都只是100頭的價錢.重點是是好味同飽. 而兩款批雖則用料不大, 大小若好方包, 但有如拿破崙的鬆脆, 很是正中下懷.PASTA方面,我點的是紫蘇葉蝦, 個人是喜歡的. 隔離枱小情侶亦有點, 不過我就聽到佢地不太喜歡.
其實紫蘇的味道有點淡苦, 這種草青味應是見仁見智之選. 總之不要浪費食物啦!另一份是海鮮的PASTA, 少少辣, 是保本之選~ 想試紫蘇, 之驚的話, 就點多個肯定喜歡的SHARE黎食啦!
這裡是PASTA都是不錯之選YO!! 

是日路經旺角,未決定晚飯如何解決之際, 看到了此店. 裝潢新淨,燈火通明, 本就惹我好感. 何況未食過, 又更想幫襯一下. 入內後, 店面長型, 不大, 枱與枱的空間可以說有點迫. 不要緊.因為時間才6時許, 人不太多. 哈哈

看看MENU, 選擇頗多. 但有DINNER SET. 包1杯飲品, 主食及小食各1. 我點了生牛肉粉, 未有影相, 皆因同其他食家一點, 其生牛肉確是頗多, 但都一層層疊著, 食的時間要一片片抽多, 浸一浸湯先食, 越式風味也不重, 加上碗口不大, 感覺東西堆著多, 賣相普通就不影了. 記得曾經在外國吃過很好吃的, 是碗口闊一點, 粉麵量少一點, 湯大大碗, 整株九層塔浮在湯上, 一碗熱燙燙上來, 生牛片平均放著, 要盡快熱吃的狀態...那才叫正....香港那裡有呢???而我跟點的小食是蝦卷, 本想要春卷, 但賣哂. 幸而此蝦不俗. 很是脆口, 但現實份量是非常之咁細, 像是裝NUTS的那種碟仔, 很是不夠喉. 如果大份D, 我指D蝦可以大隻D就好LU, 咁先食到肉GA嘛!反之另一跟餐的通菜非常咁大碗, 仲有上湯浸住, 味道OK, 食多D菜都係好GE~ 但個湯就冇飲到啦!飲品加了錢要了紅豆奶茶~ 正~ 加左幾多就唔多記得了!全餐最正係另外點的此生牛肉片. 生牛肉片是我在澳洲開始愛上的, 但在香港好吃的還沒吃到過! 肉質軟滑, 而且份量不少. 可惜它的伴汁是可口開胃的辣, 而偏偏我不太能吃辣>< 不要緊, 多飲兩啖紅豆奶茶配著剛好! 諗起都想再食!!都全餐都快要用完之際, 大頭蝦到了. 如其他食評所述, 蝦頭真的很大, 整只都很脆口. 可惜在幾乎飽肚之際才上來, 和飢腸轆轆之時真的感受大不同.