好耐冇飛日本，掛住日本燒肉，所以揀咗「牛匠石燒」止吓思鄉之情🇯🇵 店員都好貼心，見到我哋着大褸，馬上遞上圍裙。 最初根據店員推介，叫咗二月精選- 英國極黑牛肋骨小排$198, 有大概180gram 趁未開始燒，叫咗明太子玉子燒$48，意想不到好味！ 鹽燒大頭虎蝦$126，可能因為怕石爐唔多大火，虎蝦上碟嘅時候已經燒好，味道剛好👍🏽 壓軸係鹿兒島A4和牛肉眼$288, 燒兩下就食得，好林好好食！同之前個極黑牛肋骨小排比，呢個完勝🥇

早排屈得太耐，要出去放放風🥹 好想去室外坐下chill下，即刻諗起The Monterey Place~ 去咗澳南海岸食Chili Lime, 特登坐出面，不過超多蚊，咬到全手臂都係😓😓 呢度啲薄餅有好多款揀，試過幾款都幾出色，今次揀咗個青咖喱雞配蒜蓉味薄餅，香得嚟唔太辣，啱哂唔食得辣嘅我🤗 有好多汁，所以要encore多份薄餅🤭 蟹肉粟米餅係我必叫嘅小食！ 配埋杯泰式奶茶就真係wonderful! 🧋 沿着海岸行吓，欣賞沿海嘅景色，寫意~ 🌿🌴

今日相約朋友去試《就是偏偏喜歡你》💕門口開始已經充滿打卡位，鍾意姜濤嘅朋友真係不得了！ 一入到餐廳感覺好夢幻，啱哂粉紅色少女心嘅朋友💗預訂咗鳥籠位置，周圍都係花花🌸 相機影唔停～ 得到店長悉心介紹，我哋揀咗個大蝦龍蝦汁米意粉，明太子雞翼，黑松露薯條~ 食物嚟到嘅時候，店長主動幫我哋影相，又教我哋擺唔同嘅pose 🙆🏼‍♀️🧏🏼‍♀️好細心，影相仲好靚添！ 無諗過打卡Cafe嘅食物質素居然咁唔錯🥰 聽講餐廳間中會改吓內部佈置，咁第時可以再黎打卡！ 最後店員仲分享咗呢張卡仔俾我哋，感謝客人支持之餘，仲介紹餐廳創辦嘅理念👍🏽

朋友推介大坑呢間手工意粉小店，決定提前兩星期訂枱一試！12:30餐廳先開門， 不過12:15舖頭門外已經排咗一條小隊，令我更加期待🥹 今次被安排坐靠窗嘅位置，坐低之後，店員嚟到我哋座位面前，同我哋講解餐牌同today’s special，好有禮貌，已經加咗印象分✅ 點左一個signature 海膽魚子意粉(Sea Urchin pasta) 同澳洲和牛面頰肉扁面(Stewed Wagyu Cheek Tagligatelle) 海膽同意粉嘅份量分配得啱啱好，上面嗰幾粒魚子有少少畫龍點睛嘅效果😋 一切落舊和牛面面頰肉就知道好冧，同個汁係絕配啊！ 兩款手工意粉都好煙韌彈牙，chewy嘅程度剛剛好！兩款意粉食落口嘅感覺截然不同，感受到廚師製作嘅用心！ 鍾意甜品嘅我又點可以缺少甜品！再叫咗個tiramisu作finale😋

早前聽到Ushio登陸香港，提供鹿兒島新村農場直送「新村和牛」🤤，適逢social distancing 措施放寛，急不及待訂枱！


餐廳位於中環威靈頓街，泊車喺IFC再行上去都好方便~ 大門裝修華而不實，行上幾級樓梯，就見到Ushio的日籍主廚切割和牛，能夠坐在Bar枱上望住主廚烹調，別有風味😍 後來知道背後雲海設計由胡桃木製成，真係好有心思~




第一次黎，心大心細咩都想試，所以點咗tasting menu，不過餐廳都有「和Wa. omakase」套餐 ($1,388)同 「悅Etsu. omakase」套餐 ($988)。食完今餐之後，推薦牛魔王們可以直上食「和」套餐！

首先有和牛他他，同用上Ushio秘製醬汁嘅沙律，醒胃！




然後就到我最期待嘅和牛西冷壽喜燒！由Takazono San親自為我哋烹調，好味到難以形容☁️ 下次必定要encore~🏅




然後有兩款鹽燒牛兩款醬燒牛。廚師職員會為我哋耐心解釋每個部位，仲有張製作好精嘅卡牌介紹~




首先鹽燒上後腰脊肉(Rump)，又林又好味，入口即溶！




然後鹽燒肩三角(Kurimi)，都係重牛味，望住舊牛唔捨得食😋




第三款就係醬燒友三角(Tomosankaku)，居然仲好過肩三角，有少少雪花紋仲正！




壓軸係龜之甲(Kamenoko)，牛嘅呢個部位比較少做運動，所以肉色會較紅，稍為多啲筋，不過都係林嘅，好有牛味🥹🥹



之後有三瀨雞腿肉同鹿兒島黑豚腩肉~ 壓軸咖喱和牛飯，完全係無諗過可以做到咁林，唔知午餐有無和牛丼呢🥳



由於我食得太陶醉，已經忘記咗職員嘅詳盡介紹😅 只記得每啖牛之所以入口juicy, 肉質鮮嫩多汁，原來係主廚處理和牛時，會因應不同稀有部位，並配合自家獨門的切割，保持赤身鮮嫩的質感🥹 試過就知手切同機切嘅分別，同埋真係返唔到轉頭🥲

期待下次再試「和」omakase套餐🤟

今日去咗期待已久嘅Fennel😍 入到去環境都乾淨舒服，但枱同枱之間空間唔多，樓底較矮，所以就感覺比較噪吵。 必食推介: 小食拼盤！ 蝦餅同雞翼都非常出色，三文魚卷略為乾，個加埋個醬都唔錯！ 海鮮喇沙 朋友表示湯底味唔太濃，對於食開淡味嘅我就剛好 芒果糯米飯 可以加錢食甜品，好味！如果芒果甜啲更加好 冰凍奶茶 一直都想試！今日試到啦！好有心思嘅設計，杯好靚，飲到最後啲冰融晒，比最開頭飲嘅時候冇咁甜 整體來講都唔錯，希望可以繼續發掘山林道唔同嘅好餐廳

午餐時間同同事經過此餐廳，決定入去試一試，點知食到一肚火⋯ 我們點了三個刺身 壽司便當($95)，一客呑拿魚腩蓉飯($88)。食物味道尚可，不過不失。 埋單的時候發現總數變成$553, 嚇了一跳！原來服務員點了呑拿魚腩魚生飯($268)，而非魚腩蓉飯。 上菜的時候我們沒有特別為意來錯了。雖然端上枱的「呑拿魚飯」有一片片的呑拿魚，但也有呑拿魚蓉，所以我們沒有格外留意或詢問服務員上的餐是否正確（而根據餐廳餐牌圖片所示，呑拿魚腩魚生飯是沒有魚蓉的） 由於當時店裡有頗多客人，所以我們決定照埋單，於稍後非繁忙時間再致電餐廳了解。 接電話的正是幫我們下單的服務員，她表示當時我們「指住餐牌上呑拿魚腩魚生飯張相落單」無可能錯，亦表示服務員應該有跟我們confirm才落單. 我們回應話: 「當時我們指著呑拿魚腩蓉的圖片 ，而服務員亦沒有再confirm」也補了一句話：「大家各持己見，繼續傾都唔會有結果」，只係覺得呢餐食得唔愉快⋯ 她繼續說，上菜嘅時候服務員應該有話：「呑拿魚（魚生）飯，係邊位叫？係咪？」我們承認當時服務員有問誰叫了呑拿魚，但因為其他三人點的是壽司，所以叫呑拿魚蓉飯的一聽到「呑拿魚」便舉手示意。她說，「但你們的確食左我哋個呑拿魚魚生飯」，將整個責任推到客人身上。 我們在對話過程中從來沒有要餐廳作任何賠償，只是希望反映問題，更唔希望餐廳唔老實，故意弄錯客人的訂單，而令客人多付$180. 要否光顧此餐廳，希望大家謹慎考慮

初三赤口，所以沒有打算拜年，就和朋友到此餐廳，希望悠閒地享受午餐。 到達的時候，餐廳剛放完農曆新年假期開門，我們成為了第一批顧客。 我們點了兩個set lunch, 當中加$18叫了一個龍蝦湯，份量比平常的湯大一點，味道還可以。 我們各自點了一個黑牛和白牛飲品，配蟹肉海鮮意粉以及茄汁比目魚飯。 食物上枱的時候已發現不太熱，我們照吃，吃到一半的時候發現有幾快透明的物體，真的嚇了一跳！ 我們向店員查詢那是否沒有熟透的海鮮？店員二話不說就把我們的意粉拿到廚房，隔了數分鐘之後出來告訴我們：應該是因為我們最近換了新款的魷魚，師傅還未有掌握好，雖然沒有熟透，但是吃下去也沒有問題的。 在那時候，我們都嚇傻了，因為不知道自己究竟是否已經把沒有熟透的魷魚吃下肚，根本反應不過來。店員告訴我們可以從餐牌上選擇另外一些食物，我們對他說，已經對食物沒有信心，應該更開始擔心不知道會否腸胃炎，怎麼能夠再選擇其他食物呢？ 我們大失所望，立刻結帳離開，相信以後也不能夠再光顧此餐廳了。