上網做足資料蒐集，發現了原來排隊入座平均需要等三四個小時，所以一早做足心理準備。
星期五，5:45到達， 入座號碼去到26，等了約90分鐘就可以入座。
這間餐廳最特別的地方就是所有食物都可以DIY，從而根據個人的口味調整。例如炒麵我比較喜歡硬身和少醬汁，唔識煮嘅話可以睇枱頭嗰張貓紙。

前菜安排A4宮崎黑毛和牛牛肋肉，品質好，入口飽滿，牛味濃郁，有好滿足嘅感覺，每面燒十幾秒就可以。

肉類什錦炒麵
服務員放低左啲材料之後好快咁講咗一次煮法，講完之後我都唔知佢講乜⋯不過炒麵啫，冇難度。
煮法好簡單，將所有肉類同蔬菜炒到七成熟後起獲炒麵，麵要一邊落水一邊炒，炒到啲麵適合自己嘅口感之後（當然係一路炒一路試食）就將所有野放埋一齊兜亂。最後就係落調味。整個過程好攰好緊張，我已經分唔出係我炒得好食定係佢啲材料新鮮⋯肉類什錦炒麵材料


軟芝士厚燒班戟
材料送到上枱時非常香，但係整完之後芝士味就唔係好出。本身想整星形，但係落鐵板之後5秒鐘便發覺根本係冇可能。軟芝士厚燒班戟材料


道頓堀雜錦。
表面上好似好複雜，但係跟住枱面張貓紙做其實都好容易，重點係反轉，一不小心隨時整爛呀！ 道頓堀雜錦材料

揸車去到元朗，剛好見到咪錶有位，於是就停底睇找找附近有什麼吃。由於得45分鐘食晏晝， 目標係簡簡單單搵個平平地又唔洗同人迫嘅地方食餐飯。

好快咁行左一次條街，發現食個晏晝平均都要三四十元，感覺呢間鋪頭裝修比較舒服燈光光猛又不用等位，於是便決定坐下試一試。

隨便找個空位坐下，服務員馬上放下餐牌。餐牌食品主要是漢堡包和意粉，我選擇了8號的板燒雞胸及黑豚豬肉腸配薯條，可以另外多加＄10配餐湯。不用5分鐘就準備好食物。分量蠻不錯！薯條是粗身，炸得好香口，但係好鹹。雞扒乾乾地，份量比較少。沙律幾好食，洋蔥同菜都好爽口，沙律醬適中。不過40幾蚊都冇乜特別期待。合格有特。

情人節當日預約了8時。由於情人節嘅關係，成功預訂後餐廳馬上會E-MAIL一張guarantee form比您，要求您2日內確定當晚的餐單並留下credit card資料，假如那天no show就扣全數。其實都幾唔開心，明明一心一意想食呢間餐廳，點解做到好像我會no show? 但係里間餐廳想食好耐，而且情人節嘅價錢又唔係太離地，唯有求其寫點野落去。

我們早了5分鐘到達，服務員說要稍等一會，於是禮貌地安排了旁邊的位置讓我們等待。這餐廳分為兩層，餐廳佈置舒適，燈光柔和，每檯相隔得宜，外國人比較多。

情人節套餐的選擇也不錯:

頭盤

Oyster with caviar and champagne mignonette

本身唔係好肥美，不過連汁一齊食非常開胃，感覺良好。

Cornish crab, BBQ tomato, basil, tomato vinaigrette

Roasted French quail, pancetta, crispy quail egg, barley, BBQ corn and quail vinaigrette

出色!外脆內不榎，每一啖都好滑，而且瑣主少少肉汁。

主菜

Roasted venison loin, red cabbage, Jerusalem artichoke, blackberries with juniper sauce

上菜那一刻還莫名奇妙點解有鴨胸，睇番menu原來係鹿肉。第一次食，有點像牛仔肉。

Turbot with langoustine, morels, asparagus and baby peas

可能方魚本身不太有味，不過個汁令這道菜更加出色。

甜品

Chocolate tart with crème fraîche ice cream

香濃嘅朱古力tart幫呢個晚餐劃上一個原整句號。

Restaurant week又到了

VIP Priority Booking看到有Mercedes Me 參予，便馬上鎖定了. 比較一下餐廳a la carte的menu，單點一道甜品要>100元，單點一個主菜也要300之上，而Restaurant week 晚餐只需要HKD398便包括頭盤主菜和甜品，性價比當堂高了。

餐廳燈光昏暗並分為兩個區，從門口入內的第一個區主要係長排的吧枱和長方形的高枱為主，感覺係casual 的 social dining area，行入小小就見到好多4人台和卡位。

安排座位後, 不久Waitress便放上了Restaurant week的menu。是次MENU有日本、秘魯、西班牙和法國菜式選擇。精彩!

頭盤挑選了Veal Carpaccio 和Prawn Ceviche

日式頭盤品質都幾好，冇喳。配上wasabi連mizuna 一起食層次更分明，嚼感十足，日式風味更濃。

秘魯頭盤味道唔係太濃郁（可能係唔小心掉轉左兩個頭盤嚟食😁）特別嘅係有啲celeric 係蝦上面帶出輕輕嘅西芹味。美中不足係隻蝦唔口。

主菜挑選了Spanish Rice 和 Slow Cooked Chicken Thigh

難得有一人份量的Spanish Rice! 個飯用Carabinero 蝦做主打，隻蝦有蒜香，肉質爽甜，墨汁飯啱啱好。

至於隻法式慢煮雞，外國人整雞永遠都係咁，脆皮同啲肉中間鎖住啲汁囉。不過個粟米汁都幾好食。

甜品有3款。我們挑選了Coffee Sponge 和Ginger Sorbet。不過不失。

雖然每一張台有相當嘅距離，但係啲店員不庭係我身邊行離行去，搞到我好唔自在。建議有得揀，座入啲比較好。

總括而言，食物係有水準嘅。但餐廳位於中環心臟及洒店價錢，所以我對這晚餐的期望好高。經過這一次之後，我覺得試一次就可以了。

朋友強烈推介，今日特登走去試食。大約＄300一位，日式放題來講價錢都算正正常常啦。6:30去到唔使排隊直接有位坐。食物選擇唔算特別多，以為選擇少應該味道唔錯點知⋯⋯

任食生蠔，生蠔嘅季節竟每隻蠔都係發育不良，仲要入邊有未溶解嘅冰粒同埋殼碎⋯

芝士焗生蠔，一入口啲沙律醬酸嘅，仲要沙律醬啲未仲濃過芝士。

軟殼蟹手卷，手卷嘅飯差少少遮住咗啲軟殼蟹，不過唔緊要，味道正常已經好難得。

各式刺身，一放低俾你嘅感覺係好似求求期期咁放落去完全冇美感。以為味道應該唔差，完全唔明點解所有刺身都係冰味，冇口感⋯

海膽壽司，點解啲海膽係苦嘅⋯

牛舌同燒菠蘿，終於有樣嘢係正常

簡單來講，惡劣，恐怖⋯