朋友入伙兩週年，買個cake賀佢獨立生活兩週年🥰 見A1新出咗個*期間限定*嘅<<脆脆朱古批>>($60) 好似好吸引💁🏻‍♀️ 佢話佢嘅外皮係灑滿可可粉嘅脆卜卜朱古力皮🤔 Ummmmm…係嘅! 有好多可可粉嘅~ 不過唔係成個面頭都脆卜卜😅 只係灑咗d chocolate chips 嘅Brownie🍫 入面的確有流心朱古力醬，不過流心效果唔明顯~ 唔好諗住係心太軟咁樣🙃 厚厚嘅麻糬，煙韌感係有… 不過零拉扯感，所以都談不上有拉絲🤣 甜而不膩係令我幾有驚喜嘅! 本身以為可能會好甜🙃 朱古力控可以一試! 但唔使俾太大期望! 煙韌控唔好試🤫你會失望🤭

夜媽媽11點見到呢間甜品舖仲係燈火鼎盛~ 已經行咗好幾條街見到啲甜品舖都閂晒門… 唯有硬住頭皮同大家一齊入去坐吓~ . 勁憎杏仁味嘅我，見到menu表示超驚喜! 原來有好多唔同口味嘅甜品🤩 好彩同檯朋友唔抗拒，我點咗<<貓山王榴槤爽冰>>($59)🤤 上面個波波係榴槤肉，又軟又滑，好似食緊雪糕咁~ 入口即化! 下面嘅榴槤冰榴槤味超濃! 真材實料👍🏻 每一啖都超enjoy😋

女人街開咗間樓高兩層，以白色做主題，行波希米亞風嘅cafe😍 除咗適合打卡之外，我叫嘅三樣嘢食都好好食😀 💁🏻‍♀️<<蟹肉明太籽流心西班牙蛋餅>>($98) 蛋餅面頭吱咗橙黃色嘅明太子沙律醬~ 味道帶少少微辣鹹香，為整個蟹肉蛋餅嘅味道提鮮😀 切開啲蛋汁就流晒出嚟，嗅覺同味覺都有蛋香味，視覺效果亦一流📸 💁🏻‍♂️<<GRIND SIZE BREAKFAST>>($148) Size 勁大⚠️擺滿一整碟⚠️ 分別有香腸、煙肉、煙三文魚、蕃茄、茄汁豆、大啡菇、薯餅、炒滑蛋、巴馬火腿、沙律菜、多士，仲有半個牛油果‼️ 平時有多士就冇薯餅，有薯餅就冇多士… 有煙三文魚就冇parma ham, 有ham 就冇煙肉… 而家乜都有！ 就知佢幾大堆頭🤭 而且每一樣食材嘅份量都唔少，樣樣味道亦都煮得恰好😋 呢個價位直頭係抵呀🥳 💁🏻<<不是飲品·凍檸茶>>($78) 係我今年食過最好食嘅心太軟🏆 佢嘅心太軟焗到啱啱好，外脆內軟兼流心🤎 流出嚟嘅並唔係普通朱古力漿!!! 佢係黑茶!!!!! 唔怪得佢流出嚟嘅「熔岩」有一點點黑色！係茶葉碎啊~~ 所以茶味極濃!!! 食極都唔腬😛 旁邊嘅波波並唔係雪糕，係檸檬茶味嘅雪芭！ 堅做到兩者冰火交融嘅效果👏🏻👏🏻👏🏻 味道酸酸甜甜好清新!!! 呢個配搭好perfect🫱🏻‍🫲🏼 係世一甜品☝🏻

人氣爆燈嘅<<日本宇治抹茶蜜瓜包>>價值$18一個~ 包面幾脆，不過口感似好多糖粒… 淨係食個皮都覺得好甜🤦🏻‍♀️ 好彩入面嘅抹茶餡夠濃，甘澀味中和咗包面嘅甜度…不過overall嚟講都偏膩🙅🏻‍♀️ 無論當佢係早餐定係下午茶都唔容易handle😅 鹹嘅<<海苔蒜香奶酪包>>仲貴仲唔掂! 要$20一個之餘… 叮熱番十秒，蒜油出晒嚟😰 油到我唔可以用手拎… 包體入面仲有成pat蒜蓉😱 我係重口味人士都接受唔到咁勁😓 食多兩啖就棄咗🤫 完全唔明點解咁多人鍾意食😑

不過我哋今次冇食到酸菜魚～ Focus番喺平時必食嘅上海菜items! 試試佢有冇水準🙌🏻 <<嫩雞煨麵>>($52)好好味🐔 係一碗想一再encore 嘅湯麵❤️ 除咗麵條軟腍掛汁之外，雞絲幼嫩易咬！ 湯頭好鮮甜，因為有好多菜粒同蘑菇粒😋 <<炸銀絲卷>>($28)就冇乜特別~ 如果可以再做得更外脆內軟就更驚艷🙃 <<手拍青瓜>>($28)味道唔錯~ 微酸少辣多麻，重點冇遮咗青瓜嘅爽甜! 不過嫌佢太大嚿🤔 切角面唔多，令到佢唔夠入味🙃 <<酸辣萵笋絲>>($28)太酸，完全係我unexpected 嘅味道👉🏻👈🏻 主觀地覺得難食🤷🏻‍♀️ 食咗兩啖就棄咗🤫 <<招牌罐湯小籠包>>($40) 話佢「罐湯」就over咗喇🤭 不過皮薄肉滑就做得到嘅~ 加適量嘅湯汁，鮮甜味美😋 <<雞絲粉皮>>係Standard 嘅質素!! 好食嘅😌 不過$42咁細碟就唔多化算😗 . 整體嚟講都唔錯~~ 以全條街得佢獨市做川滬菜… 絕對可以一試👌🏻

一進店就覺得好舒服嘅感覺❤️檯與檯之間好有空間感👍🏻

裝修行小清新路線，窗邊仲可以睇到維港景色，係放工relax & 假日約埋三五知己短聚嘅好地方🙌🏻
佢仲有好cute嘅音樂做background music~~~

晚市時段有接近十個套餐選擇，跟餐仲有湯同飲品添😋

我最鍾意食ADB，見佢個<<Ohayo至尊焗龍蝦全日早餐>>都只係$228~
完全冇考慮嘅空間!!!
結果佢真係冇令我失望，賣相仲好有驚喜😍
除咗有煙肉、芝士腸、半隻芝士焗龍蝦、焗茄汁豆、沙律菜、粟米粒、迷你牛角酥、炒滑蛋、薯條、parma ham、燒番茄，超級豐富之外~~

半隻芝士焗龍蝦有成隻手賞咁大🦞
啖啖肉仲要成隻都係膏😍😍😍
不得了👏🏻👏🏻👏🏻👏🏻👏🏻

<<至尊Ohayo安格斯牛肉漢堡包>>($158)
賣相好好，安格斯牛肉嘅肉質口感好好~
麵包好鬆軟，色面有隻溫泉蛋😳
拮穿佢就見到蛋黃一湧而下…非常治癒🥰
估唔到仲有好多炸到金黃色嘅薯條，性價比高💯

佢仲有好多好吸引嘅甜品同埋飲品~
不過以上兩款main都份量好大!!!👍🏻
下次有機會再試其他❤️

本身覺得佢嘅<<特濃豆乳雞烏龍麵>>($89)幾好食幾有驚喜🙂 因為佢嘅豆乳湯好濃，好重豆乳味💯 雞卷嘅肉質仲要嫩滑唔嚡唔韌👍🏻 烏冬超滑~ 成件事清得嚟會想追食追飲佢個湯嘅感覺😋 附送嘅三款小食：中華沙律、紫薯、嶡餅，都冇乜特別🙃 追加嘅<<酥炸地瓜條>>($42)都係一般，嫌佢有幾條炸到過咗火添😅 如果可以提供酸梅粉可以有助解膩～ . 令我唔想encore佢嘅原因係💁🏻‍♀️ 我哋唔係叫<<原條蒲燒鰻魚飯>>但佢俾咗我哋… 呢個係全個menu最貴嘅item! 價值$149- 佢氹我哋話好食，仲話最多計番我哋本身叫嘅<<魯肉飯>>價錢👉🏻$69👈🏻 . Alright…咁我哋唯有接受佢呢個offer 啦！ 我哋都唔想浪費食物… 但最後佢都係收番我哋鰻魚飯嘅價錢… 我就有種覺得佢焗我食貴嘢嘅感覺囉🤷🏻‍♀️

好彩我有book定位 20:00已經坐咗九成滿~ 慢我哋一部lift嘅客人都要等位了… 人氣果然係好高~ 樓上舖都咁多人識🦾 梗係大家知道廚師係泰國人🤭 味道夠正宗👍🏻 網紅菜式有四款，包括 💁🏻‍♀️火焰燒雞 💁🏻‍♂️咖喱三重奏(配蒜茸包粒) 💁🏻‍♀️泰式甜酸魚 💁🏻‍♂️火山排骨 男朋友唔食魚又唔食辣🤦🏻‍♂️ 所以叫<<火焰燒雞>>($208)就啱佢食又可以滿足我打卡😛 佢首先原隻雞咁拮住上 (冇咗個🐔頭) 然後店員倒完助燃液體之後一開火~~~ Wow😍 都差唔多燒成一分鐘任你影~~ 店員收走入廚房切件再上菜就食得😊 雞肉嫩滑柔軟好好食!!! 雞皮剛剛燒完，所以keep到係脆口嘅👍🏻 加埋佢自家製秘製酸甜汁，好好味🥰🥰🥰 送飯一流🙌🏻 食泰國菜一定要叫<<菠蘿海鮮炒飯>>($108) 原個菠蘿盛載住就快滿瀉嘅飯同肉鬆，已經令人眼前一亮🤩 入面仲有好多蝦、青口仔同魷魚🦐🦑 而且點解個飯底咁香~~ 佢仲加咗好多臘腸粒同提子乾添!!! 加埋肉鬆、甜到咇汁嘅菠蘿肉、腰果，口感有多重嘅層次! 食到你飽飽又滿足🤰🏻 記住要叫埋菜呀!! 均衡飲食🥬 我就最鍾意食<<蒜蓉椰菜苗>>($98) 因為通常都係食泰國菜先會有😋 四款菜之中都係佢最貴㗎🙃 食泰國菜一定要食咖喱~ 男朋友唔食得辣，所以叫咗辣度最低嘅<<青咖喱牛>>($108)🐮 以為佢加入咗大量蔬菜就會冇乜肉😏 點知食極都有！食到底都有！ 而且牛肉肉質嫩滑😋 咖喱汁好濃，配薄餅一流💚 怕辣都可以叫杯<<龍眼冰>>($36)解辣解膩🍹 仲要有半杯都係新鮮龍眼肉!! 唔怪得咁濃味啦 清涼解渴，純天然嘅冰凍<<椰青>>都係一個選擇($52) 識食一定係要留肚食<<芒果糯米飯>>($88)🤤 海量嘅椰漿俾得好慷慨👏🏻👏🏻 味道微鹹令到成件事食落冇咁甜冇咁腬! 糯米飯黏度好高👍🏻入口軟糯🤍 就算已經食到好飽…煙韌控都表示無法抗拒😌😌 芒果一食就知係泰國芒果🥭 一啖入魂，好似置身喺Thailand咁呀~~ Sawadeeka🙏

個店員又話個<<Chocolate Hazelnut Doughnut>>($38)唔甜… 但係我同媽咪都覺得超甜囉🫣 我諗一個donut 3-4個人happy share都得~ 本身面頭啲朱古力已經唔惹小~ 入面嘅hazelnut醬先係打大佬🫣 多到我要撥走啲😮‍💨 老喇老喇👵🏻食唔到咁甜🤖 不過我欣賞佢整體口感好鬆軟👍🏻 而且入面嘅hazelnut cream 好幼滑~ 食兩三啖係覺得好食嘅🤪

今個星期去觀塘上training~ 梗係唔會放過食鳳鳴石磨腸粉嘅機會啦!! 不過我唔記得咗😮‍💨唔好叫佢嘅餐⚠️ 佢哋嘅魚蛋/燒賣都唔好食!!! 浪費quota🌚 叫餐係有steps嘅~ 趕時間嘅朋友可以諗定晒先! 如果唔係有排揀🤭 . Step1️⃣選擇白米/紅米/黑米 💁🏻‍♀️我就推介紅米腸粉 因為佢比傳統石磨白米腸粉滑~ 重點係佢✅低脂✅高纖 ⚠️適合瘦身人士⚠️ Step2️⃣選擇口味 <<雞蛋豬肉腸>>(套餐$36/單點$23)係my favourite🥇🏆 因為有雞蛋嘅腸粉多咗份蛋香😋 . 腸粉口感唔算特別好滑~ 可能因為多皺紋😂但算係入口即滑🙃 . Step3️⃣選擇配料 包括：芝麻、炸蒜、麻油、芫茜、辣椒油、麻香油、胡麻醬 如果你以上皆OK💁🏻‍♀️高度建議全部都要! 會香好多!!! 如果驚辣~ 唔要辣椒油都要番個麻香油呀🦾🦾 嗰種麻痺嘅快感會令你一試難忘❤️‍🔥 Step4️⃣選擇小食 就係燒賣/魚蛋~ Ummmm…no comment🤷🏻‍♀️兩樣都唔好食! . Step5️⃣選擇飲品 有得揀💁🏻‍♀️竹蓆茅根、自家製豆漿、羅漢果茶 👆🏻不過呢啲我都唔飲嘅😂 好彩仲有得揀紅棗桂圓茶…不過我嫌佢甜得滯😮‍💨 . 下次都係就咁單點算喇🤫 食晒都已經飽到唔使食lunch👍🏻