同好朋友慶祝生日，就揀左呢間bookmark左好耐嘅海鮮餐！ - 八款海鮮大咖 $328/1 現場見到真係好震撼嫁！四人份量真係好多好多，四個女仔根本就食唔哂，我覺得加多兩個女仔都仲得。 入面有：蟹、蝦、扇貝、聖子王、鮑魚、蜆、貴妃蚌、魷魚筒 底仲有四款配料，我地就揀生菜、金菇、豆卜、土豆粉（跟本就係烏冬，好似比佢呃左） 海鮮都幾新鮮，全部都大大隻又彈牙，啲蟹仲要有好多蟹膏同行朋友唔食得辣，我地叫左蒜蓉汁，都好惹味！ 佢依家做緊優惠，叫佢個八款海鮮大咖可以任食串燒，串燒有兩款，一款就一碗麻辣汁侵住上，另一款就真係燒嘅。 我地兩款都有試，都好好食，佢個麻辣汁認真做得唔錯但我地掛住食唔記得左影相朋友話佢覺得串燒仲好食過海鮮😂我諗係因為麻辣汁太出色 總結：呢間野嘅海鮮串燒其實都幾好食，但係份量實在太多喇，我覺得所有海鮮都同一個味有小小dry，同埋食得多會有啲樓。但無疑真係好吸睛震撼，影相呃like一流，都值得去食一次！

呢間野其實我食過好多次，亦推薦過俾好多朋友食，個個都讚好，每隔一段時間就會掛住佢啲卷物，就會想返嚟食。今晚就帶左個女友人泥食。 - 煙花 $95 大推 卷物入面係辣三文魚餡，上面鋪滿辣吞拿魚碎再加一啲薯片碎。 好好食！用料新鮮，呢個配搭出奇地超好食。大推 - 金龍卷 $88 呢個係幾乎每次泥古今我都會叫嘅一個卷物，佢入邊係炸蝦加芝士，上面鋪左三文魚再加啲沙律醬。配搭好好食 今次試咗煙花之後改變左我對金龍卷嘅排名，依家第一名係煙花，第二名係金龍卷。佢太多卷物根本就食唔晒，下次要再試吓其他先得 - 牛肉壽喜燒 $138 大推 初頭對呢個冇抱好大期望，賣相一般，但佢牛肉出奇非常之滑又有牛肉味，壽喜燒過湯汁做得啱啱好唔會太甜，湯底亦非常多配料，有豆腐、？菠菜、白菜、芋絲、蛋。淨係食呢個都食到我哋兩個好飽 雖然佢價錢唔平，但佢比返靚嘅牛肉你，又咁多配料，我覺得值得食，大家可以一試下佢！ - 吉列廣島蠔 $52 呢個就正正常常冇特別，純粹係我個人好鍾意食蠔所以先叫。 - 牛舌串燒 佢其實一串有三塊 ，我唔記得咗影就食所以你哋睇得兩境。嘩！我未食過咁un嘅牛舌！史上最un嘅牛舌！仲要呢兩串野唔平，完全係揼心口，完全唔需要試大家！ - 柚子酒 $5x/杯 本身係想叫梅酒，但係冇貨我哋就轉左飲柚子酒，嘩！啲柚子味淡到呢，我幾乎飲唔出係柚子，酒味又淡，冰佔左佔杯7成，當然咩都飲唔出。嘥晒我啲錢 總結：呢間野啲創意卷物真係又有創意又特別又好食，真心推介大家嚟食佢嘅卷物！其實佢其他嘢食質素都唔錯，偶爾可能有一樣半樣會唔係太好食，咁就睇你好冇彩喇但我都係仍然會繼續返嚟食同推薦大家嚟食！

早兩日突然好想鋸扒，男朋友話佢知到有間舊式扒房就帶左我去食。一入餐廳真係好懷舊嘅，睇得出呢間野應該真係好多年歷史，牆上有好多名人泥過食嘅相，但認真我其實覺得佢舊得過份左小小，比我感覺有小小污糟殘舊。 - 鐵板黑西冷扒 $170 諗住都成$170蚊，應該會好好食啦，點知...完全係中伏！牛肉完全冇牛味不突止，仲要好淋好淋，淋到離哂大普個隻，食落個感覺就係用左好多鬆肉粉而唔係塊扒靚個隻，一個字 差！ - 鐵板鑊仔牛柳 $140 救命🆘真係一山還有一山低...當你以爲上面塊扒都淋到差到冇得再差時候，呢個真係太差啲再淋啲，我可以形容佢係淋到霉 我同男朋友完全食唔落，兩份都食唔到一半就冇食落去喇，唉，好失望 佢每份扒都跟兩個大薯仔鐵板上，我地嫌佢阻住鋸扒，將佢搬開左 - 法式焗田螺 $55（跟餐） 正正常常，冇特別 反而成餐飯最好食係呢兩個餐包，佢熱辣辣咁上，側邊焗到脆嘅，旋風式比我地食哂。 總結：好失望好失望，唔推薦大家泥

同好友誤打誤撞搵到呢間中東菜餐廳，我會話佢好似啲西式酒吧咁 ，但賣嘅野食就偏向中東菜。 環境認真唔錯，一行入去有小小高級浪漫feel，可能我地早嘅關係，入得一兩枱客人，我哋見近窗口落地玻璃嘅餐枱冇人，就叫侍應安排我哋坐嗰張枱。 - BEEF NACHOS $138 同行朋友都好鐘意食nachos，一見到就話要嗌，佢有分兩種，一種係vegetarian另一種就beef嘅，我地就叫左beef嘅。 碟野一泥我地係 哇～～好大碟 佢上面鋪滿左芝士肉碎同辣青椒，佢仲跟左三款唔同嘅醬，分別係辣番茄碎醬、牛油果醬、酸忌廉醬。有冇見到啲芝士拉絲 OMG~~我地四個女仔不斷食不斷食，完全係放肆地食，好味 - BBQ CHICKEN WINGS $98 $98蚊有六隻雞翼，其實小貴，但佢雞翼做得非常之出色， BBQ醬完全入晒味，而且佢焗得好脆，超級惹味，同行朋友個個都讚好食，大推！ - KOFTA $115 餐牌上面寫嘅係用新鮮羊肉造成嘅羊肉丸，我哋上網一查先知原來呢一味係中東菜一個好著名嘅菜式。適逢朋友想食羊，所以我哋就叫咗呢個菜。 um...俾我感覺就好似係漢堡肉丸似IKEA meat ball個隻，但係佢又做得唔夠滑，識落係鞋鞋地嘅肉質，不過我本身自己唔係好鍾意羊肉嗰陣羶味，所以我略嫌佢羶左啲。 側邊佢仲配左一個薄荷乳酪汁，羊肉丸配上呢個乳酪汁當堂冇咁漏亦冇咁羶。 - DJAJ MAHSHI $158 中文翻譯我會叫佢做中東烤雞香草飯。不過當我地食過之後我哋就會叫佢做焗雞扒飯。佢完全就係大家樂嗰隻焗豬扒飯，但係變咗雞扒，仲要佢冇大家樂嗰隻茄汁醬做得咁好味，又冇咁多汁，雞又小，er....大家可以唔洗試。 總結：如果大家悶悶地想試吓新菜式又想搵一間有少少浪漫情調嘅餐廳，我都會建議大家嚟食嘅，佢食物其實都唔錯，環境又唔錯，食物唔太貴，可以一戰。

今日突然好想好想食酸菜魚但又唔想返大陸 就比我搵到呢間位於銅鑼灣嘅酸菜魚 - 酸菜桂花魚 $268 我同朋友兩個女仔唔大食淨係叫左一份酸菜魚 好彩冇貪心叫其他 好大碟呀2-3個人食絕對冇問題 入面有魚、酸菜、闊粉、金菇、？魚片（我都唔肯定咩泥 初頭睇以為係豆腐） 我同朋友兩個最後係食唔哂 味道呢就唔及大陸嘅好食嫁喇 但都8-9成似 返唔到大陸可以泥呢道食 止一止隱 - 麻圓 $38 大推！ 佢呢粒就好似煎堆嘅皮 入面係麻薯 再入面仲有紅豆涵 即叫即炸 熱辣辣脆卜卜咁上泥 好正 鐘意煙煙unun嘅你一定要食 食到好飽都每人食哂三粒落肚 我覺得呢個仲好食過酸菜魚🤣🤣🤣🤣 依家做緊85折優惠 仲抵食左 總結：唔得閒返大陸食 呢道都係一個好唔錯嘅選擇 價錢又唔貴 絕對可以止一止條酸菜魚隱

黑糖風氣直卷香港，手搖飲品開到成行成市。係銅鑼灣係行幾步就有一間，真係總有一間係你身邊😂 今日就試左呢間 珍煮丹 正正因為黑糖店越開越多，大家都分散去唔同嘅店，我由比錢到攞到杯野飲只需要5分鐘。👏🏻 - 黑糖珍珠鮮奶 $30 大家有見到佢個虎紋做得好靚嗎？珍珠超級有黑糖味，好好味 但個人感覺佢比老虎堂更重黑糖味，但奶嘅濃度就唔及老虎堂，所以就好睇你鍾意係厚身啲嘅奶味丫，定係鍾意黑糖味重啲喇。 我就覺得各有各好

放工早早約左男朋友，見天色唔好，落住毛毛雨，就早啲食飯。我地大約平日6點9到餐廳，一個人都冇，侍應好因勤👍🏻 其實呢間餐廳我地第二次泥，對上一次都成兩年前，食過咩都唔記得了，只記得感覺好唔錯🤔 我地兩個唔太餓，叫左兩個餸一個魯肉飯 - 干扁四季豆 $75 OMG！呢個好好食！餐廳加左好多蝦乾仔入去炒，係圖入面都見到有好多蝦乾仔，調味好好，又炒得好乾身，男朋友用啲肉碎蝦乾食左一大碗飯！大推 - 三杯雞 $118 其實我條唎好炸😂我食唔出三杯雞入面佢落左啲咩香料，只知好個啲葉好香，炒到成個餸都係個隻葉香，調味好好食！ 雞嘅份量好多，我估計都有8-10件左右，我同男朋友都密密食，雞就普通雪藏雞，冇特別。 而且佢係用瓦煲上，食到最後都仲係好熱 - 魯肉飯 $25 um...呢個飯相對上面個兩個菜就比較遜色，味道正正常常冇咩特別，，魯肉份量略嫌唔夠多，下次應該唔會叫了。 總結：呢間餐廳啲小菜都好好食，雖然都唔平，但我會再返泥食。

日本過江龍拉麵店真係長開長有，呢間過江龍係APM開左都一段時間，今日終於同朋友試左。 呢間最出名的係沾麵而唔係拉麵，但本人好怕食沾麵，所以最後我都係叫返拉麵，朋友就叫沾麵。 - 黑神山豚角拉麵 $75 呢個拉麵賣相就一般，但個湯係好香嘅蒜油味，食落又唔會好油好肥，湯底好味！ 至於個肉就好似東玻肉咁，一層肥膏一層豬肉，好諗好好味，超邪惡 但佢粒溫泉蛋就完全唔合格喇！咬開個蛋黃都熟哂，根本就係變左烚蛋 - 赤神山叉燒沾麵 $79 呢個係朋友叫嘅，朋友話ok唔錯～ 唔記得左個飲品叫咩名，一個係巨鋒一個係菠蘿，正正常常啦，冇特別。 總結：個拉麵係好食嘅，價錢相對出面冇咁貴，如果大家行開APM，想食拉麵都可以去食下。

呢間cafe之前朋友向我極力推薦，話佢嘅奶蓋水果茶龍蝦包全部都好好食，一直bookmark左好耐，今日出開旺角，就同男朋友一齊泥試吓啦！ - 蟹肉龍蝦漢堡包 配薯角 $158 OMG！龍蝦包一上來已經超級無敵吸晴，蟹肉同埋龍蝦嘅份量超級多，眼見都見到佢爆曬啲蟹肉出嚟，到真正食落去嗰陣入邊都係塞左滿滿嘅龍蝦，龍蝦好新鮮好鮮甜，包入邊再配左佢哋嘅沙律醬汁同埋牛油，超級好食！大推！ 佢一個包斬開兩份，每一份都有一整隻龍蝦鉗，一啲都唔孤寒，抵讚！ 另外佢配嘅薯角超級好食！薯角食得出係即炸嘅，熱辣辣咁上嚟，炸得好香口，而且佢調味調得好好，佢落咗少少嘅辣粉，所以其實唔使點茄汁都好夠味！我同男朋友都食唔停口 - 香煎紐西蘭肉眼扒 絲苗香飯 $108 呢個就係佢嘅午市套餐嚟嘅，初頭諗住$100嘅牛扒冇抱好大嘅期望，點知一鋸落去嗰下就已經知道係正野。牛扒厚度好夠先，又夠諗，油份好足，牛肉味又好重，好好食！ $100咁嘅質數去邊搵！大推 - 火龍果四季春 跟餐+$12 呢個係男朋友揀嘅，味就好唔錯，有驚喜火龍果味好重，係沙冰嘅性質，甜度岩岩好，夏天飲好清涼解渴 總結：今日叫嘅三樣野全部都好好食，雖然佢價錢唔平，三樣野加埋都要成$300 ，但係食物質素絕對對得起佢個價錢，性價比高！好推介大家泥試吓！

放工約左同事一齊去食個飯傾下計，同事推薦呢間係南華會嘅酒吧，話佢嘅酒同野食都好得，咁就一於去呢道啦！ - Pepperoni, Sausage, Mushroom, Tomatoes & Olives$135 好搞笑😂佢個菜名就係佢地材料😂👍🏻所以唔洗多講，大家都知佢有咩材料啦😂佢餅底係好薄身個隻餅底，上面舖滿材料，配上蕃茄醬汁，好好食！ 值得一提係佢個pizza唔係用平時個隻切法，佢將pizza切到細細塊咁，做到好似係一口pizza咁，一邊傾計一邊飲酒，一邊仲一口pizza，唔經唔覺個pizza就食哂，食得好開心！大推 - Macaroni & Cheese $120 OMG!呢個超邪惡超好味 經佢焗過嘅芝士好香，完全做到拉絲嘅效果，醬汁好creamy，再配埋煙肉一齊食，簡直就係無敵！ 大大推 好想講嘅係，係呢道每枱都會比花生你，而且係無限refill，更重要係佢呢道係可以比你隨手扔花生落地！可以咁樣無拘無束咁扔花生落地，我咁大個女都係第一次，同行嘅同事全部都食得好開心！ 其實我地將幾個每人都有飲到唔同嘅酒同mocktail，但冇影到相就唔介紹喇。 總結：價錢雖然佢唔太平，但真心真係食得好開心，飲得好開心，傾得好盡興！我同同事都不約而同話要一齊再返泥食過！超級推薦大家泥！