🖤 喺旺角轉角位既black coffee。冇顯眼嘅店舖名，但係成間黑色嘅玻璃設計反而都幾吸睛，感覺幾型格😎 🖤 炸口水雞塊配自家製醬汁 $88 呢個前菜嘅雞塊比我想像中大！仲有沙律伴碟🥗 炸粉薄身，剛剛炸起好夠熱度。 叫得口水雞，食落梗係有啲辣🌶️ 鹽味夠辣仲有辣醬可以點！ 🖤 自家製煙燻豬腩配黑啤意大利飯 $138 一上枱已經聞到黑啤嘅味道😍 豬腩肉經過煙燻，亦都煎得好香。最鍾意係上面放咗啲青蘋果🍏，同濃味既意大利飯一齊食好夾👍🏼 🖤 手打牛肉 及 原隻大蘑菇漢堡配薯條$138 貫徹black coffee 呢個名，漢堡都用上竹炭麵包，黑色型格😎 竹炭麵包都烘到外脆內軟😉 加上牛肉同埋大蘑菇都好多汁！非常滿足😙 店員仲好貼心問我哋需唔需要先將漢堡分半。預先將漢堡切好咁我哋兩個人分開嚟食就唔使自己切到亂哂~ 🖤 焙茶麻糬窩夫配焦糖雪糕 $74 呢度嘅甜品同樣好出色！亦都有好多款式揀，搞到我眼花撩亂🥹 最後揀咗麻糬窩夫，因為唔係度度都有得食！窩夫就成日都有，但係我都真係幾鍾意加咗麻糬嘅窩夫😍 咬落口完全冇失望！因為粒粒窩夫都有滿滿嘅麻糬，咬落口煙煙韌韌，口感十足！🤩 焙茶味亦都食得出，配上冰凍嘅焦糖雪糕食都夾到。好食！👍🏼

🖤 呢間樓上餐廳都幾高私隱度，因為去到門口仲要撳鐘先開鎖入得😆 入到去燈光昏暗，黑色為主調，幾有情調。樓底都算高，坐落都幾舒服☺️ 🖤 飲品同埋食物Menu都比想像中多選擇👍🏼 🖤 人氣醬爆魷魚 🦑 $88 份量唔算多，但係整得又幾好食😝 魷魚質感彈牙，醬汁惹味，令人一條食完接一條，作為小食滿分😋 🖤 加拿大海膽意粉 🍝 $198 平時好驚啲海膽有浸怪味，好彩呢度嘅海膽都好鮮甜😊 意粉醬汁好Creamy，每條意粉都掛到汁👍🏼 🖤 西班牙黑毛豬配招牌蘋果燒汁 $208 黑毛豬好好食🐖 肥瘦得宜，咬落有油香，超香口☺️ 如果薯條可以更脆一點就好了~ 🖤 Chocolate Angel 🍫 $108 Chocolate + Baileys! 一聽呢個組合就知道係我最愛😜 飲落去兩者配合得剛剛好，好滑口，少少甜又唔會太甜👍🏼 🖤 Mango Shiso 🥭 $88 呢杯就係Mocktail，無酒精的。飲品杯造型特別，飲落芒果味濃，加上少少紫蘇葉味，凍冰冰，消暑一流。 🖤 如果想同朋友飲杯嘢, 食少少, 傾吓偈，我覺得上嚟Dark Leaf 都幾適合😊

🧡 一開始睇個名以為主要係食上海菜同小籠包😆 點知睇真啲餐牌原來仲有川菜選擇！仲有好吸引嘅二人餐😍 二人餐好多款式揀，於是就諗住試吓😁 🧡 二人餐價錢 $318 已經包咗 冷盤, 小菜, 招牌菜, 自選干鍋, 兩碗白飯, 同埋兩杯飲品👍🏼 🧡 冷盤揀咗比較少食嘅鹽水鴨。推薦推薦！肉質結實，非常入味！😍 🧡 小菜都有八款揀，又有選擇困難症啦！ 最後揀咗京蔥爆牛肉。牛肉每一塊都均勻沾滿了醬汁，青蔥夾牛肉都好好食😋 🧡 招牌菜就揀左酸菜魚~ 另外仲見到有水煮牛蛙😳, 麻辣雞煲, 香辣小龍蝦🦞等選擇 酸菜魚都好大煲，湯底酸辣平衡得宜，魚肉鮮嫩🤩 另外仲有芽菜，萵筍, 寬粉等配菜 好夠食😁 🧡 食咗咁多仲可以有個自選干鍋！ 自選鍋底包括香辣/麻辣/孜然/蔥爆。我同🐼都唔係好食啦所以就揀咗蔥爆~ 如果揀辣嘅話仲有唔同辣度可以揀，包括BB/小/中/大/好X辣！酸菜魚我就揀咗BB辣，對我嚟講已經足夠🤣 餸菜方面有三十幾款比你揀！可以揀三款~ 我哋最後揀咗豬頸肉, 四季豆, 蟹柳。炒得好有鑊氣，調味適中，配白飯食一流！ 🧡 飲品就要咗兩杯檸水 🍋 🧡 二人餐食得好滿足！飽飽😚

❤️ 有一段時間冇嚟女人街食嘢，前幾日嚟發現咗呢間新開既日式居酒屋！地點便利，喺旺角行開街過嚟都好方便👍🏼 ❤️ 樓底都幾高，裝修精緻，坐得幾舒服😌 ❤️ 慢煮牛肉沙律 $78 食主菜之前都要食啲前菜開胃先☺️ 慢煮牛肉鹹鹹地，加埋上面嘅麻醬同沙律菜夾埋一齊食唔錯~ ❤️ 龍蝦蟹籽沙律 $88 另外仲嗌多咗呢個沙律，主要就係想食龍蝦肉同蟹籽😆 鮮味十足~ ❤️ 串燒拼盤 (6款) $188 有選擇困難症嘅可以揀呢個串燒拼盤😎 入邊有阿波尾雞軟骨，牛舌，白鱔，自家製免治雞肉棒，冬菇同黑毛豬五花腩。 免治雞肉棒配上生蛋黃可以點👍🏼 火候控制得唔錯，唔會燒得太乾。 ❤️ 帝王蟹肉炒飯 $168 用上蟹蓋做裝飾，好吸睛👀 一絲絲蟹肉同埋炒得粒粒分明嘅炒飯完美融合。每一啖都有蟹味😋 ❤️ 滑蛋吉列豬扒 吉列豬扒煎得香脆👍🏼 加埋滑蛋撈飯都好正😋

🧡 好耐冇喺香港食buffet! 上星期日同老公去左沙田凱悅酒店🏨食Dinner Buffet☺️ 酒店好近大學站，好方便👍🏼 一開始睇環境仲以為唔係好多嘢食，點知餐廳中途又會轉下菜式😋 由六點可以坐到十點！最後食到勁飽，超滿足！😆 🧡 去到首先嘅都係要食海鮮同埋刺身😎 刺身有六款🐟 三文魚, 吞拿魚, 油甘魚, 帆立貝, 赤蝦, 魷魚都有😍 今次我最欣賞係啲魷魚，因為好爽口! 海鮮方面有最吸引嘅龍蝦🦞同埋長腳蟹腳🦀 全部海鮮都好新鮮👏🏼 🧡 Weekend食嘅話會upgrade左做即席烹調週末自助晚餐。意思即係一晚會有兩輪或者三輪即席烹調🥘 屆時職員會敲鐘提醒食客😆 之後去排隊就可以食到即席烹調嘅美食！唔使驚派晒因為有大量🤣 🧡 我嗰晚有火焰芝士焗龍蝦 同 炭烤斧頭牛扒🥩 炭烤斧頭牛扒真係喺室外位置即場烤👍🏼 好有風味~ 唔同位置有機會有唔同熟度，如果有特別要求記得主動同職員講☺️ 我嗰塊就五成熟，肉質鮮嫩😍 底下有薯蓉醬配搭，好食👍🏼 🧡 食物種類真係有好多~ 等我推薦幾樣我比較鍾意☺️ ♡ 中式鮑魚，成個煲都係，好壯觀，仲好入味👍🏼 ♡ 焗牛油果 🥑 好好食！面頭有鮮蝦 + 柚子芝士醬，直程覺得第時返到屋企可以參考整返嚟食🤣 ♡ 即叫即煮意大利雲吞，擺盤好靚，睇落好似高級西餐廳出品嗰啲咁😆 加埋肉醬不錯 ♡ 除咗西式雲吞仲有港式雲吞😎 都好好食，仲可以任食響鈴同埋炸魚皮🤤 ♡ 另外燒味都有，我覺得燒腩肉皮好脆！ ♡ 涼粉，甜品有涼粉食，仲有勁多配料例如椰果等可以任加，好食！抹茶味雪糕都好濃郁😋 🧡 整體感覺都好唔錯😁 有埋折扣就仲開心！ ⭐️重點係而家網上預約做緊折扣！最平有五折！三百幾至四百幾食dinner buffet真係好抵😍

🤎 每次講起任食打邊爐就會諗起牛大人! 已經同friends食過幾次，今次同媽咪去食！ 🤎 牛大人分咗三個Grade: 分別係 “精選嫩牛”，”美國特級安格斯”，”澳洲極上和牛”。唔同時段去價錢會有唔同，同埋小童會平啲。以正價價錢嚟講就分別係 $248, $288, $328。全部都係食120分鐘！ 🤎 今次同媽咪嚟食就食好啲☺️ 食$328既”澳洲極上和牛”套餐！每人仲會贈送兩粒澳洲M9和牛牛丸兩粒🤤 又真係好好食😂 🤎 湯底有10款可以揀。因為媽咪唔食辣所以就揀咗台灣鳳梨雞鍋☺️ 除咗雞肉之外，湯底仲用咗鳳梨同埋苦瓜熬製，不過其實飲落鳳梨味唔算太重🤔 但係都幾清甜😊 🤎 醬料，配菜，丸都係自己出去攞~ 推薦大家食芋頭貢丸！以前喺某超市買過都好貴😂 但係都真係好好食！另外都有好多唔同流心丸😍 🤎 之後肉類，小食，同埋啲飲品就喺網站嗰度落單！選擇都有好多，有啲熟食都可以嗌，例如魚香皮蛋豆腐。我自己仲嗌咗即炸午餐肉😂 因為太耐冇食😎 送菜速度非常之快😆 而且完全冇漏單，值得一讚👍🏼 🤎 嗌得最貴嗰個餐梗係要食靚肉🤓 食咗幾款肉我覺得最好食都係澳洲和牛M5牛肩卷！超重牛味，同埋咬落去油脂肉類分佈平均，牛味同油香一次過滿足到😚 我都嗌咗幾盒食😂😂 🤎 沙白都好新鮮。亦推薦大家叫台灣鯛魚片，冇骨，又滑！但係記得錄嘅時候要用個殼裝住，如果唔係會淥到散晒🤣 🤎 蔬菜方面推薦皇帝菜，另外仲可以喺網站度叫水蓮！好少食嘅菜，不過好爽好好食☺️ 🤎 飲品就可以去飲品櫃攞，網站都會有特別飲品可以嗌👍🏼 我哋攞咗支白桃烏龍同洛神花茶，之後仲飲咗支可樂🤣 🤎 最後會有甜品紙，每人可以叫一個甜品。雪糕有Movenpick同Haagen Dazs 揀。另外仲可以揀仙草凍。我哋嗌咗一個雪糕一個仙草凍~ 仙草凍都好豐富好大，啲珍珠幾彈牙幾好食😆 🤎總括嚟講，我覺得牛大人真係效率好快，抵食又好食😆 推薦推薦😍👍🏼👍🏼

💙 生記飯店始創於 1976 年，主打傳統粵菜，至今已經營業咗48年了。其中仲有13年獲得米芝蓮推薦。近排喬遷左到灣仔駱克道新店，決定和朋友黎一試究竟😋 💙 新店都保留咗傳統嘅感覺，一入到門口就見到大大光猛嘅招牌，後面就係一整牌嘅米芝蓮推薦展示。地方光猛，如果有私人聚會亦都可以以間起私人空間。 💙 平日時間都好多人等位食飯，建議如果想你食嘅人首先訂定定位，便可勉強等待之苦😊 💙 難得嚟到呢度一定要食一啲平時比較食要食嘅菜。 所以第一度已經決定咗嗌上湯枸杞浸厚切猪膶 $188 呢個係生記招牌菜之一。嚟到都俾佢啲豬潤嚇親，因為好耐冇見過咁肥厚嘅豬潤啦！平時見開嗰啲都係好薄同埋乾柴咁。真係好似好耐冇見過豬膶大過塊雞胸肉🤣 咬落去口感仲不得了！竟然係彈牙然後中間有啲半熟嘅感覺！第一次食豬潤係呢種感覺😳 原來食材選用左本地農場供應的新鮮黃沙豬膶。烹調時先煮至八成半熟，然後餘下上枱前再用枸杞熱湯灼至僅熟。唔怪得豬膶口感咁鮮嫩！另外菜色仲配上辣豉油。鍾意食豬潤嘅朋友必點！👍🏼 💙 招牌生拆泥鯭肉丸粥 (四人份) $188 用傳統瓦煲上，熱度保持得很好😊 泥鯭去皮拆骨，唔擔心會食到魚骨。除咗泥鯭仲有肉丸。泥鯭粥口感綿密細膩，同泥鯭的海魚鹹鮮味完美結合😙 更開心嘅係竟然配埋油炸鬼!!🥹😍 💙 家傳手磨生煎蓮藕餅 (八件) $128 用上傳統手法，蓮藕用上人手剁碎，蓮藕餅 外皮煎金黃爽脆，咬落啖啖蓮藕香。 💙 椒鹽鮮魷 $168 椒鹽鮮魷最緊要就係外皮唔好淋，呢個鮮魷外皮炸至金黃酥脆，入邊鮮魷咬落都好爽👍🏼 💙 另外值得一讚係服務都唔錯，同埋感覺到侍應好似都喺度做咗好耐嗰種人情味😁

❤️ Suage係來自北海道嘅湯咖喱，辣度都可以自己選擇~ 份量仲好多! ❤️ 今次其實已經係第二次食啦😆 喺朗豪坊4樓一上電梯就見到，位置好開陽，坐得都算舒服👍🏼 ❤️ 除咗主菜，餐廳都有小食嗌😁 今次就試埋啲小食☺️ ♡ 唐揚BB池魚 $38 雖然話係BB魚，但係其實都唔係真係好細條🤣 都食到啖啖肉，仲可以連埋骨一齊食，點上沙律醬很滋味👍🏼 ♡ 蔥香烤牛舌 $38 呢度嘅牛舌係薄片，附上檸檬，咬落口感爽口~ ♡ 海苔天婦羅魷魚 🦑 $28 天婦羅粉入邊加咗海苔粉，厚道適中，魷魚咬落去爽口唔會韌👍🏼 作為餐前小食很不錯😋 ❤️ 柚子雞髀湯咖喱 $88 ♡ 每款湯咖喱都可以揀拼拉麵, 烏冬, 或者飯。🐼就揀咗飯。另外辣度可以揀1 BB辣-20地獄辣 or 99無語辣。 ♡ 我哋揀咗原味無辣同BB辣🤣 BB辣基本上都冇乜辣味，下次挑戰辣啲先！ ♡ 枱面仲放咗圖片指引，講點樣將飯同湯咖喱一齊食先最好食😚 ♡ 湯咖喱隻雞髀好大隻，好多肉！肉嫩，但柚子味不算太重。仲有半熟蛋，蔬菜等配菜，一定夠飽👍🏼 ❤️ Jumbo豚漢堡蕃茄蝦湯咖喱 $108 ♡ 另外我就揀咗香港限定嘅蕃茄蝦湯咖喱口味！湯底既蕃茄同埋蝦味都食得出，兩者都幾夾。 ♡ 豚漢堡係將豚肉搓成漢堡，在塗上炸粉炸香~ 自己研究咗兩種唔同食法。一種就係浸落湯入邊吸收湯嘅精華。另一種就可以直接食口感會比較香脆😝 ♡ 伴菜有半熟蛋, 茄子, 南瓜, 蕃茄, 蓮藕, 西蘭花🥦，真係食到我超飽🙈 ❤️ 巨峰乳酸梳打 $26 叫埋杯乳酸梳打飲好夾，仲附上兩粒藍莓

💙 第二次黎到啟德AIRSIDE☺️ 今次就同朋友一齊食中菜！去到門口已經覺得裝修好靚😍 係高級現代感x園林既感覺🌳 座位都好闊落，坐得舒適。 💙 餐前小食係有點紅棗味既合桃，又幾好食~ 開完茶之後都會用蠟燭熱住個酒壼，所以啲茶都可以 keep住熱👍🏼 💙 鵝肝流心脆球 $108 嵐月既特別小食！外層酥脆，內裏軟糯，入面有鵝肝醬，作為小食真不錯！第一次食呢個小食，值得試下☺️ 💙 香煎花膠扒伴三色藜麥 $298 健康之選😎 花膠扒夠厚，入口滑溜，骨膠原滿滿。三色藜麥包含咗西蘭花, 椰菜花, 紫椰菜花, 同藜麥。 💙 嵐月西班牙黑豚叉燒 $298 呢個叉燒好食窩！肉質軟嫩之餘有我最鍾意既燶邊🤤 隔離仲有一串提子乾，甜甜地用黎配叉燒👍🏼 💙 野山竹笙浸烏筍 $168 想嗌個菜食，好少食烏筍，所以嗌左呢個。覺得無嗌錯，因為切成絲既烏筍加上高湯，咬落爽口，好好食😋 仲有吸滿高湯精華的竹笙同杞子👍🏼 💙 皇帝蟹脆米泡飯 $238 泡飯份量比想像中大！都夠三個人食😳 蟹肉份量都不少🦀 ，另外都有勝瓜等配料。 最開心係有脆米，可以根據自己喜好加落去湯飯！脆米增加咗口感，令到泡飯更加惹味😝 💙 石獅黑麻糕 $68 震揗揗既黑麻糕係石獅子造型，超可愛！打卡一流😎 食落有咬到粒粒黑芝麻，味道都濃。前面有餅乾碎伴碟☺️ 💙 餐廳整體感覺都唔錯，覺得可以再同朋友或者屋企人嚟食😊

🖤 前幾日同🐼一齊去食鐵板燒。晚飯套餐最平$588又幾抵~ 🖤 首先係沙律🥗 有煙三文魚，上面仲放咗格陵蘭魚子醬。伴碟放咗粒龍珠果😊 調味就用上柚子黑醋，幾開胃。 🖤 鐵板海鮮兩品，有四款海鮮可以揀。我同🐼咁啱夾埋有四款，於是嗌咗各一，咩都可以試吓☺️ 🖤 第一樣係鮑魚，聽師傅講用清油浸一個禮拜，所以咬落去唔會韌。上邊加咗啲秘製蒜蓉醬，令到味道更加惹味。 🖤 刺身級北海道帶子，下邊用咗意大利黃瓜。上面亦都擺上咗啲魚子醬☺️ 帶子食落嘅鮮甜👍🏼 🖤 另外仲有東星斑，同扇貝~ 🖤 全部海鮮伴碟都加左蝶豆花海鹽泡沫，家樂海鮮一齊食可增加鮮味同鹹味。 🖤 肉類一品可以揀豬或者雞，咁我哋又係揀咗各一😊 豬扒用上宮城豬扒，配上特濃蒜香牛油醬🧈 雞扒就用上秋田雞扒，配上秘製辣醬汁😚 🖤 海鮮炒飯飯粒粒粒分明，上面仲加咗隻蝦🦐 🖤 最後甜品係香芋雪糕同埋柚子雪葩。幾特別嘅係上邊加咗啲紅豆沙爆珠，咬爆之後入邊有啲紅豆蓉😁 🖤 我哋仲嗌咗兩杯麒麟啤酒🍻 盡一盡興☺️