今晚同朋友8:30嚟到呢家一直都想試好耐嘅京都壽喜燒，嗌咗佢哋嘅銀閣套餐，首先侍應會將所有食材都準備上你張枱度，然後再用牛油熱鍋，再加部份蔬菜炒香，但係炒嘅過程之中唔知係咪個侍應唔太熟手定點樣，將啲油彈到落我朋友個手度，理所當然佢講咗句sorry就算，完全冇叫其他人攞紙巾過嚟又或者濕紙巾，呢方面真係有啲愕然，話晒都高級餐廳，咁都算咁我哋開始食，食物方面有和牛豚肉，呢啲都中規中矩，不過唔知點解和牛會有筋，豚肉亦都冇咩味道，總括而言兩碟肉都係靠沾兩碟唔同嘅醬去攞味，真係仲衰過去食某啲放題既肉，煮到咁上下水乾，咁叫個侍應加湯，原來佢哋只會加清水，再一次震驚我，食到後尾嗰兩三轉個湯完全係冇咩味，根本就係清水鍋，我比幾舊水食你嘅清水鍋 而且服務方面同價錢都不成正比，完全感受唔到係高級餐廳，一般日本餐廳正常都會嗌歡迎口號，不過呢一間完全唔會，好似去食茶餐廳咁，不過呢啲都係小事，最大嘅問題係啲侍應完全當你透明，叫咗某個女侍應加水，到後尾佢完全係冇咗件事，到我哋食完之後又見到佢咁諗住叫佢埋單啦，佢聽完我哋叫埋單之後又消失咗，我真係當堂得啖笑 如果你哋想享受高質嘅壽喜燒又或者想食得開心呢間真係唔使諗慳返啲錢吧啦

喺紅磡見到有間台灣牛肉麵就衝入去試一試，一坐低有個姐姐過嚟落單，一時又國語一時又粵語，為免佢聽唔清楚，我哋已經重新咗幾次要3號同4號嘅面，連個名都講埋俾佢聽，點知去到最後都係上錯枱，咁唯有叫另外一個侍應定唔知老闆娘處理，佢望一望張單話冇錯，我話係要3號同4號，大佬你張單鬼畫符咁樣我實睇得明寫咩，之後佢同我講呢單嘢唔係佢跟開，算我都費事嘈，費事換個碗之後加料！我其實唔係好明點解落錯單唔幫個客換返？咁慳成本。 啲牛肉麵啲湯死鹹 啲台灣麵煮到好似糊仔咁，真係食到一半埋單走人

夜麻麻冇咩餐廳開，見到龍城冰室就入咗去 抱着茶餐廳都冇咩服務嘅精神，諗住求其食少少就走，估唔到比我預期低估咗佢，啲員工個個都唔精神，西口西面，我特別喺收銀位姐姐仔，好似我欠佢錢咁 落單快都冇用，單都落錯