住咗大埔咁多年，知道呢間私房菜都開咗一段時間，始終係高價，所以都諗咗好耐先嚟試！


餐廳嘅設計好得意，玻璃隨時可以變磨砂/透明面！即使係身處鬧市，都私隱度極高，方便得嚟又食得自在！



✨泡沬龍蝦湯 $118
朋友大讚呢個龍蝦湯，因為個龍蝦味好濃，而且又唔會過杰身，如果個湯太杰身嘅話就人會好影響之後嘅胃口。而我就鍾意佢個花畫得好靚～
✨巴馬臣芝士黑松露薯條 $128
黑松露同巴那臣芝士落得都好掌握得好好，唔會其中一種太多而蓋過咗另一種味，可以拎到中間個平衡點！而且始終都係法國餐，可以慢慢食，所以叫一個小食都唔過份！
✨Rose $128
超級靚呀！有個巨大嘅波波係上面，搞到我哋掛住影~
✨Mojito $88
呢個朋友就話普普通通，正常發揮
✨烤焗紐西蘭羊架 $368
今次都係穩陣哋叫咗7成熟，首先外觀都好靚，擺盤都有心思，羊架唔會太熟，而且有我至愛嘅mint sauce，而且羊架本身都唔會太多過脂肪，所以食落都啖啖肉！
✨慢煮西班牙黑毛豬鞍．焦糖蘋果 $258
朋友呢個豬就幾有驚喜，豬鞍好入味，肉質唔鞋，推介！

總結嚟講，都係值得試嘅！

同朋友都好鍾意食辣，前排趁仲有晚市堂食時去了這間米芝蓮級的川菜食，果種與別不同嘅辣，真係有d一食難忘嘅感覺😋😋 店員服務好好，好用心serve 同介紹野食～先說自己最欣賞的菜式～ 脆皮鮮辣乳鴿真係要戴手套攞起來食先夠過癮，鮮辣味原來係近年創出的，用新鮮的指天椒浸泡水浸過後再調味，一食落去脆香外皮即有極辣🌶️嘅味道，配上口感幾好嘅肉，會越食越過癮 油牛肝菌乾扁四季豆都比其他地方的特別，一上跌已聞到好香，食落去去惹味牛肝菌配豆香味，估唔到四季豆都可以咁特別。 廿五年黑醋蟹肉酸辣湯非常有層次感，飲落去係刺激嘅辣香，然後就有點酸酸的醋味中和一下。最surprise係入面超多鮮拆蟹肉，還有海參 😋感覺到他們於材料上都好用心講究。 芝麻香蔥麻辣口水雞都幾出色，係食落去慢慢滲出川香味，而且有好辣蒜香味，配上肉質有水準嘅雞肉，辣中帶甜 井巷子片皮鴨都係必點菜式之一，脆皮好香煙葷味，肉質口感好。而配菜也有驚喜，水果超fresh超甜！特別係金奇異果，真係無expect咁入軟甜。 剁椒花膠海鱸魚撈飯用上英國深海鱸魚，魚肉係超嫩，食落去有油脂香，好有水準。另外餐廳的自泡剁椒撈飯，辣得好過癮。 冰鎮茅台鵝掌係非常入味的酒香，食落去啖啖酒香 ，係幾好嘅冷盤 的確係幾難忘嘅一次食辣體驗，下個月開返晚市要再去😍

去上海街打完卡後覺得有d餓，見有幾間餐廳，就搵了間幾大幾舒服的去醫肚～ 他們lunch係有好多lunch set選擇，有pizza、牛角酥、pasta等等⋯如果多d人來，可以點到好豐富的食物🤩 不過都係決定食light d的，點了個自家製龍蝦沙律牛角酥·薯格·雜果沙律。 呢個牛角酥一上碟已覺得好吸引😍竟然有魚子醬，感覺好精緻。入面都好多小龍蝦，配上沙律醬好香口。薯格都好脆，會食唔停口 聽到隔離枱話食到好滿足，其實我都係～！

秋天總是離別的季節，將移民的朋友說想吃蟹的菜式，就和她去了這間餐廳食「金秋蟹宴」，仲要openrice book有折扣優惠。 餐廳好有中國特色，值得一讚的是職員服務好外，上菜是超級快的！ 每款菜式都非常有心思，特別喜歡蟹粉小籠包和酥炸蟹皇蓋，兩款都是非常豐富！酥炸蟹皇蓋入面滿滿的蟹肉，不用拆蟹直接食最開心。小籠包好夠熱，所以一咬下去滿口的湯汁，好滋味。 雪裡藏龍賣相真係打卡一流，食落去啖啖蛋白配蝦仁肉，旁邊仲有好多鮮蝦🦐，肉質幾甜 蟹粉豆苗的豆苗的確幾嫩，而且份量多，幾抵食。另外臘味煲仔飯頗豐富，熱辣辣加上各款臘味，仲要係飯同臘味分開上，飯焦香得來不會好肥膩

Risotto嚟講呢個算係留下深刻印象，因為呀娜係好鍾意食Creamy得嚟又唔硬身嘅Risotto嘅🤣芝士脆片帶係嘅咸味又會令成個味道平衡返~ 個頭盤西班牙蒜片蝦嘅醬汁令到蝦同麵包都好惹味。望落細份不過2個人份都好飽！ 甜品壓軸！焦糖燉蛋算係高質，就算食到最後都唔會太漏 其他食物👇🏻 ✨The Oasis $148 ✨Pearl Honey $148 座位嚟講都坐得幾舒服，就算係坐高Bar枱都唔會覺得唔舒服~始終平日人唔算超多，而且裝修都好modern，特別係成間餐廳都有打造一個Oasis嘅感覺，充滿草綠同鳥類嘅元素！連個Cocktail嘅杯都係鳥型🤩惟一挑剔位係價錢寫較高，建議有優惠/慶祝嘅時候食🤭

呢間餐廳午飯時間已經多人，今次試一試佢個晚餐~ ✨推介👉🏻M5和牛肉眼 $388 鐘意食扒嘅朋友推介可以嚟試下呢間！ 叫咗牛扒5成熟，肉汁鎖喺入面🤭好耐冇食咁嫩嘅牛！ ✨推介👉🏻水牛城雞翼 $68 另外雞翼意外哋高質💁🏻‍♀️甜甜哋嘅味道好開胃 ✨西班牙火腿拼盤 $138 至於朋友就讚個火腿，份量都唔會話太細~ 呢個蒜蓉味都幾香！ 熱柚子蜜 $30 生啤 $50 至於餐廳座位比較多，但都坐得偏密，可借未有機會坐卡位，不過鋪位係商場，所以都係舒服嘅~

朋友住深水埗附近，聽講有間新嘅餐廳，所以就試下～ 餐廳細細哋都唔少座位！ 前菜嘅味道因為有加麻醬，所以酸酸地好開胃，但係亦唔會太大份，雖然係豆腐但因冷食，所以唔會太頂住個胃～ 2款壽司賣相都好靚🤩而且口感好嫩滑，三文魚同皇帝棒都因為燒過而口感重咗👍🏻 魚生丼勝價比最高！都只係$68但因為好足料，有齊魚生、蝦、吞拿魚等刺身🤩 店員介紹話如果想飲湯可以揀呢個，湯有淡淡地嘅魚同菜味，清得嚟唔會太搶其他食物嘅味道，飲之前可以先將蝦同入面嘅海帶拎起同埋食~ 呢個牛肉味本身唔算太濃，不過好在上台嘅時候好夠熱，而且安格斯牛都帶有一定脂肪，所以口感撘夠！ 最後呢個漢堡扒加芝士絕對係啖啖肉🤣🤣！極邪惡！芝士溶埋出嚟，賣相已經好吸！ 最後人均 $217！ 值得讚嘅係，食完晒啲嘢店員都冇急住趕我地走，由得我地慢慢坐同吹水！👍🏻

之前都有聽過呢間舖頭喺長沙灣嘅分店，不過每逢下午都好full，所以今日出開尖沙咀就嚟同朋友試吓！ 因為係星期一嘅下午6點，所以冇乜人，不過慢慢啲食客都填滿左間餐廳！ ✨味道特盛九品料理二人份 $358
事關我哋兩個女仔真係諗黎諗去都唔知食咩好，所以就揀咗呢個二人份嘅料理，就可以一次過滿足晒我哋九個願望啦😆 攤開曬就知道份量都好夠！ 最鍾意嘅有以下呢幾款👇🏻 螢光魷魚： 味道好濃偏鹹，不過好少咁食，又覺得幾新鮮，同埋份量細細地啱啱好，如果唔係又會濃味得滯～ 左口魚裙邊： 烤得好香身！ 芥末八爪魚： 雖然我自己唔係太鍾意食芥末，但係作為九格入邊嘅其中一格，有一樣辣辣地又刺激嘅味道又幾夾 三文魚子飯：其實9格入面都有成三個細飯，所以都唔需要擔心唔夠飽。而3個飯我最鍾意係呢個，因為三文魚子嘅鮮味亦都好香，另外飯中間嘅似係蝦，食落軟綿綿 ✨網池刺身（半條） $128
食開好嘢嘅朋友都話呢度嘅池魚夠晒新鮮，而我自己就好少食魚嘅刺身，不過佢配埋嘅汁提鮮咗成個刺身 ✨鹽燒厚切特上牛舌 $78 其實我哋都好夠飽，不過朋友話想試埋個牛舌，而牛舌除咗口感好夠之外，燒出嚟亦都好香

餐廳位置都唔多，店員都算足夠，空間上都坐得梳落 最尾揀咗呢個$268嘅大鮑魚海鮮蒸氣鍋餐 仲可以加錢升級任食 好足料嘅湯，材料有蟲草瘦肉、龍眼肉等等 海鮮盤～超級豐盛！🤣🤣 重頭戲鮑魚嚟講算係幾有咬口，唔會太老身～ 店員呀姨keep住同我哋吹水，同埋成個蒸嘅步驟店員都幫我哋做埋，我2個坐係到等食🤣🤣 花甲都幾鮮甜！而且裡面無食到沙！ 作為減肥人士，最鍾意就係見到蔬菜😍 好大個八寶飯！如果係糯米飯底就更加香好多！最尾成個飯有2/3都拎咗返屋企🤣🤣 最尾仲有個甜品盤～ 其實成個餐份量真係超多！好彩已經講明食唔到太多嘢幫我地減咗啲嘢食，呢個價錢都真係物超所值！

周未嘅晚上成條街嘅人流都唔太多，餐廳座位疏落都坐得舒服 係極權之下，呢間都係少數仲有係店外貼黃店相關內容，仲有係地鋪👍🏻 ✨洋甘菊密糖茶  檸檬 $41 ✨士多啤尼奶昔 $51 奶昔好好飲😍仲要冇冰，岩曬打卡！洋甘菊比想像中大壺，如果甜度再減低少少會好啲 ✨門西淋牛豬VS蝦兵蟹將（牛） $379 龍蝦好大隻！長過一隻成人嘅手掌😎另外意粉原本有加番茄醬喺裏面，所以食落去酸酸地都幾開胃！ 而牛扒就因為男朋友唔習慣食太生叫左7成熟，所以比較唔係岩太嫩身，下次回叫返5成會好啲！ 兩個人食嘅話建議可以同我哋一樣揀意粉，咁樣會飽肚啲。 ✨燒醋鯖魚 $48 男朋友大讚呢店餸，話個燒醋味同鯖魚好夾咁話！