今日行入肯德基TEA, 居然有個意外驚喜。
話說上年又係過年時節, 朋友一家來香港玩, 我盡地主之誼陪去迪迪尼, 小朋友除了玩, 就係食, 難得金叵蘿情有獨鍾熱狗檔裡一種有趣小食, 一日內食了3 次。話有趣, 係因為這款小食有個脆批底, 味道十足PIZZA, 但切成長條形, 上面鋪的亦非莎樂美腸而係成條熱狗腸, 仲用竹籤串住, 即燒即賣, 夠熱夠脆, 小朋友自己手執一串似食串燒, 邊行邊食好開心, 我們大人都跟著吃了兩串。
點知朋友一家聖誕再去迪迪尼, 小朋友返來向我投訴小食店已無賣上次的串燒 HOT DOG, 表情好失望, 但我也愛莫能助。
又點知…今日行入肯德基, 居然見他們推出的新茶餐就係這款令小朋友念念不忘的 HOT DOG…啊, 唔係, 原來係叫 PIZZA DOG 才對, 「狗」別重逢, 當然自己先來一客, 不忘即刻影張相 whatsapp 俾小朋友爹地邀功, 下次他再帶寶貝女來香港, 叔叔識路帶你去食串燒HOT DOG 啦!
仲有最後一點驚喜係, 隱約記得在迪迪尼買要廿幾三十蚊一串, 現在茶餐價20蚊仲包杯汽水, SIZE 不變, OK 喎。

門口有位,裏面都有位,佐敦區多遊客,經常見到東南亞,或其他人食泰國野,生蝦,拼盆都ok,有春卷雞翼魚餅蝦餅.鹽燒魚,配d汁都好正.今次藍妹啤去得快,唔夠凍,唯有轉飲泰象啤,飲唔慣但都ok.明爐烏頭幾多肉食,有磨始同肉碎,香草,d汁都幾甜,另外有一碗汁另上.

有湯飯,有粥,有炒粉麵,油器,湯飯就一般,試過叫鮮雞件,但來到的全部是雞翼尖,雞頸,無乜肉,牛肉魚腩還可以.
都係鍾意食生滾粥多d,當然有時會叫艇仔粥或皮蛋瘦,而魚腩粥就食得多d,有即叫即蒸腸粉,鮮牛肉,粟米,鮑魚,滑雞粥都有.
今次食魚腩粥同鮮蝦腸,簡單一餐味道都ok.

中小型茶餐廳仔,有自選兩'食送'三'食送'飯食,不過我多數食常餐,沙嗲牛肉,雞扒,餐肉,豬扒,叉燒,腸仔,可選一款或雙拼,雙拼要加錢,最鍾意都係沙嗲牛肉配出前一丁,接近十件幾惹味的牛肉,又有原味一丁.
另外就係配牛油多士不烘底,加一份火腿炒蛋.
連埋凍飲$37.

見個點菜紙話係招牌豬骨煲,諗住不會差得去邊,但就有點失望,就係竟然個鍋裏面係無豬軟骨,全部都係無肉又無乜筋的豬骨,而且湯味普通,豬骨味爭少少,唯有叫佢加胡椒先有番d味.
咁個煲內都有紅籮白,白籮白同粟米,其他就叫了白鱔片,手切肥牛,貢九,墨魚丸同牛筋,手切肥牛就差少少,幾薄牛味又爭d,白鱔片同脆鯇腩呢d魚類就ok,無雪味.
下次不會再食這個豬骨煲,又或者唔去呢間,當然或者可以試下其他湯底,可能好少少.

比較鍾意食呢間靚煲皇的豬骨煲,其實都有幾種分,澳門豬骨煲,胡椒豬骨煲,日式麻辣豬骨煲,花膠海蔘豬骨煲同海鮮豬骨煲,不過始終like胡椒豬骨煲多d,可能啖湯好飲d,又唔太鹹太辣,適中味道.

其他就叫了田雞,幾新鮮,因為仲郁緊,手切肥牛有牛味,其他就魚類為主,脆脘魚腩,白鱔片,呢兩樣都唔重雪藏味,而個豬骨煲裏面都有好多料,豬筒骨,豬軟骨,紅籮白,白籮白,粟米,同個湯好match.另外都有叫菜類.

有湯飯,普通皮蛋瘦,艇仔,不過都係生滾粥最好味,魚腩,鮮牛肉,豬腰豬潤
其他就有稯,炒粉麵,腸粉,腸粉係即蒸,例如鮮蝦腸,牛肉腸之類
湯飯可以叫牛肉,蕃茄,粉腸,豆卜,生根,皮蛋,鹹蛋
最鍾意都係生滾牛肉魚腩粥.

遲來了的食評...
呢間係火鍋店,不過無打邊爐,可能小菜的幾吸引.
有個雞煲,類似啫啫雞煲嗰種,幾惹菋幾香.都幾足料但價錢不算平.
其他小菜就食了單骨雞翼,豬頸肉配肉鬆,蒜香骨,炒介蘭,豉椒炒鵝腸,另外叫了幾支啤酒.

比較多湯底款式揀,比較特別係牛雜煲,幾香的牛腩汁味,之前都食過,今次叫蕃茄牛柳粒鍋,一樣都幾香,不過牛柳粒比較細,口感爭少少.個湯都幾好飲.
其餘叫了雜菜,鮮蝦雲吞,貢丸,手切肥牛,但肥牛唔夠靚唔夠肥,牛味亦不重,有點不抵食,最重要係隔離枱嗰碟牛肉靚過我哋嗰碟.
石碑酒都幾抵飲,餐前有叫生蝦,同三文魚刺身,都幾鮮味.
星期六都幾多人,現場幾熱鬧,不過上菜都快,又無乜漏單.

任食,限時大約兩個半鐘,今次6:00-8:30,但大概7:30至7點9就會叫人埋單,但有禮貌,亦會講聲可以繼續任叫,到了8:10左右就話last call.咁都合理.
好多種類食物,冷,熱,濕,炒,炸都有,刺身船,有三文魚,立魚,北奇貝,甜蝦,象拔蚝,帶子等,熱野就有麵豉湯,烏冬,蟹粥,日式炒飯,其他就有羊晏,安格斯牛柳粒,天婦籮,出野都算快,98%order的食物都有來,漏單情況不嚴重.整體d野都幾好食.
但亦有不足,例如麵豉湯的蜆仲有好多沙,麵豉湯唔夠熱,烏冬個湯都不夠熱,尤其這兩個都不是冷盤.刺身幾新鮮,但三文魚不夠肥美,魚腩位亦少.海膽都好正,但紫菜較少囉.鹽燒牛柳粒都生生地.